ເພງ^ສັນລະເສີນ 142:3 - ພຣະຄຳພີສັກສິ

³ ເມື່ອໃດ​ຂ້ານ້ອຍ​ເກີດ​ຄວາມ​ທໍ້ຖອຍ​ໃຈ ພຣະອົງ​ກໍ​ຮູ້​ວ່າ​ຂ້ານ້ອຍ​ຄວນ​ເຮັດ​ຢ່າງ​ໃດ. ຕາມ​ຫົນທາງ​ທີ່​ຂ້ານ້ອຍ​ຍ່າງ​ທຽວ​ໄປ ສັດຕູ​ກໍ​ຫ້າງ​ແຮ້ວ​ເພື່ອ​ດັກຈັບ​ຂ້ານ້ອຍ​ໄວ້.

ເພງ^ສັນລະເສີນ 142:3 Jak'a apnaqawi uñst'ayäwi

ພຣະທຳ​ໂຢບ 23:10

ແຕ່​ພຣະເຈົ້າ​ຊົງ​ຮູ້​ທາງ​ທີ່​ຂ້ອຍ​ກ້າວ​ໄປ ເມື່ອ​ພຣະອົງ​ຊົງ​ທົດສອບ​ຂ້ອຍ​ແລ້ວ ພຣະອົງ​ຈະ​ພົບ​ວ່າ​ຂ້ອຍ​ບໍຣິສຸດ​ເໝືອນ​ຄຳ.

ເພງ^ສັນລະເສີນ 1:6

ເພາະວ່າ​ພຣະເຈົ້າຢາເວ ຊົງ​ພິທັກ​ຮັກສາ​ຄົນ​ຊອບທຳ ແຕ່​ທາງ​ຂອງ​ຄົນ​ອະທຳ​ຈະ​ຈິບຫາຍໄປ.

ເພງ^ສັນລະເສີນ 102:1

ຂ້າແດ່​ພຣະເຈົ້າຢາເວ ຂໍໂຜດ​ຟັງ​ຄຳພາວັນນາ​ອະທິຖານ​ແດ່ ໂຜດ​ຟັງ​ຄຳ​ຂໍຮ້ອງ​ໃຫ້​ຊ່ວຍເຫຼືອ​ຂອງ​ຂ້ານ້ອຍ​ດ້ວຍ.

ເພງ^ສັນລະເສີນ 102:4

ຂ້ານ້ອຍ​ຖືກ​ຕີ​ຈົນ​ລົ້ມ​ດັ່ງ​ຫຍ້າ​ທີ່​ຫ່ຽວແຫ້ງ​ໄປ ຂ້ານ້ອຍ​ບໍ່​ຢາກ​ກິນ​ຫຍັງ​ທັງ​ເຂົ້າ​ແລະ​ນໍ້າ.

ເພງ^ສັນລະເສີນ 140:5

ຄົນ​ຈອງຫອງ​ໄດ້​ຫ້າງ​ແຮ້ວ​ໃຫ້​ຂ້ານ້ອຍ​ຖືກ​ຈັບ ແລະ​ວາງ​ບ້ວງ​ດັກຈັບ​ຕາມ​ທາງ​ທີ່​ໄປ​ນັ້ນ.

ເພງ^ສັນລະເສີນ 141:9

ຂໍ​ຊົງ​ໂຜດ​ຄຸ້ມຄອງ​ຂ້ານ້ອຍ​ຈາກ​ບ້ວງແຮ້ວ​ທີ່​ຖືກ​ຫ້າງ​ໄວ້ ແລະ​ຈາກ​ຕາໜ່າງ​ທີ່​ຄົນຊົ່ວ​ຫ້າງ​ໃສ່​ຂ້ານ້ອຍ.

ເພງ^ສັນລະເສີນ 143:4

ສະນັ້ນ ຂ້ານ້ອຍ​ຈຶ່ງ​ທໍ້ຖອຍ​ໃຈ ເພາະ​ຂ້ານ້ອຍ​ຜິດຫວັງ​ເຕັມທົນ​ເສຍແລ້ວ.

ເພງ^ສັນລະເສີນ 17:3

ເມື່ອ​ພຣະອົງ​ຊົງ​ກວດເບິ່ງ​ຈິດໃຈ​ຂອງ​ຂ້ານ້ອຍ. ພຣະອົງ​ມາ​ຫາ​ຂ້ານ້ອຍ​ໃນ​ຕອນ​ກາງຄືນ; ເມື່ອ​ພຣະອົງ​ໄດ້​ກວດເບິ່ງ​ຂ້ານ້ອຍ ແລະ​ກໍ​ບໍ່​ພົບ​ຄວາມ​ປາຖະໜາ​ຊົ່ວ​ໃດໆ ຢູ່​ໃນ​ຈິດໃຈ​ຂອງ​ຂ້ານ້ອຍ.

ເພງ^ສັນລະເສີນ 22:14

ເຫື່ອແຮງ​ຂອງ​ຂ້ານ້ອຍ​ກໍ​ໄດ້​ສູນເສຍ​ໄປ ດັ່ງ​ນໍ້າ​ທີ່​ໄຫລຊະ​ໄປ​ຕາມ​ພື້ນດິນ​ນັ້ນ. ກະດູກ​ຂອງ​ຂ້ານ້ອຍ​ທຸກ​ຊີກ​ກໍ​ບໍ່​ຕິດຕໍ່ກັນ ຈິດໃຈ​ຂອງ​ຂ້ານ້ອຍ​ກໍ​ເປື່ອຍ​ໄປ​ດັ່ງ​ຂີ້ເຜິ້ງ.

ເພງ^ສັນລະເສີນ 31:4

ໂຜດ​ຮັກສາ​ຂ້ານ້ອຍ​ຈາກ​ແຮ້ວ​ທີ່​ຖືກ​ຫ້າງ​ໄວ້​ແດ່ ແລະ​ເປັນ​ທີ່​ຫລົບລີ້​ໃຫ້​ຂ້ານ້ອຍ​ແດ່ທ້ອນ.

ເພງ^ສັນລະເສີນ 56:6

ພວກເຂົາ​ລີ້​ຈຸ້ມກັນ​ຊອມເບິ່ງ​ສິ່ງ​ທີ່​ຂ້ານ້ອຍ​ກະທຳ ລໍຫາ​ໂອກາດ​ດີ​ທີ່​ຈະ​ສັງຫານ​ຂ້ານ້ອຍ​ຖິ້ມ.

ເພງ^ສັນລະເສີນ 61:2

ຂ້ານ້ອຍ​ຮ້ອງຫາ​ພຣະອົງ​ເພາະ​ຄວາມ​ໝົດຫວັງ ແລະ​ຂ້ານ້ອຍ​ກໍ​ກຳລັງ​ຢູ່​ຫ່າງໄກ​ຈາກ​ບ້ານ.

ເພງ^ສັນລະເສີນ 62:9

ມະນຸດ​ຊາດ​ລ້ວນແຕ່​ປຽບ​ດັ່ງ​ລົມຫາຍໃຈ ຜູ້ໃຫຍ່​ຫລື​ຜູ້ນ້ອຍ​ກໍຕາມ ໄຮ້​ຄ່າ​ເໝືອນກັນ. ເມື່ອ​ນຳ​ພວກເຂົາ​ມາ​ຊັ່ງ​ເບິ່ງ​ກໍ​ບໍ່ມີ​ນໍ້າໜັກ​ຫຍັງເລີຍ ພວກເຂົາ​ເບົາກວ່າ​ລົມຫາຍໃຈ​ອີກ​ຊໍ້າ.

ເພງ^ສັນລະເສີນ 77:3

ເມື່ອ​ຂ້ານ້ອຍ​ຄິດເຖິງ​ພຣະເຈົ້າ​ກໍ​ຖອນ​ຫາຍໃຈ ເມື່ອ​ຄິດ​ຕຶກຕອງ​ກໍ​ອ່ອນ​ກຳລັງ​ໃຈ​ໄປ​ດ້ວຍ.

ເຢເຣມີຢາ 18:22

ຈົ່ງ​ສົ່ງ​ຝູງ​ຄົນ​ເຂົ້າ​ມາ​ປຸ້ນ​ເຮືອນ​ຂອງ​ພວກເຂົາ ຢ່າງ​ພວກເຂົາ​ບໍ່​ຮູ້​ຕົວ; ຈົ່ງ​ເຮັດ​ໃຫ້​ພວກເຂົາ​ຮ້ອງໄຫ້​ດ້ວຍ​ຄວາມ​ຢ້ານກົວ​ແດ່ທ້ອນ. ພວກເຂົາ​ໄດ້​ຂຸດ​ຫລຸມ​ໄວ້​ດັກຈັບ​ຂ້ານ້ອຍ ແລະ​ໄດ້​ເຮັດ​ແຮ້ວ​ດັກຈັບ​ຂ້ານ້ອຍ​ຄືກັນ.

ເພງ^ຄໍ່າຄວນ 2:19

ຕະຫລອດ​ທັງ​ຄືນ​ນັ້ນ​ໃຫ້​ເຈົ້າ​ລຸກຂຶ້ນ​ມາ ລຸກ​ແລ້ວ​ລຸກອີກ ຄໍ່າຄວນ​ຫາ​ອົງພຣະ​ຜູ້​ເປັນເຈົ້າ; ຈົ່ງ​ເປີດໃຈ​ເຈົ້າ​ອອກ​ຂໍ​ໃຫ້​ເມດຕາ​ລູກ​ເຈົ້າ​ທັງຫລາຍ ຜູ້​ທີ່​ອຶດຫິວ​ຕາຍ​ຕາມ​ແຈ​ຫົນທາງ​ທຸກ​ເສັ້ນ.

ມັດທາຍ 22:15

ເມື່ອນັ້ນ ພວກ​ຟາຣີຊາຍ​ໄດ້​ໄປ​ປະຊຸມ​ປຶກສາ​ກັນ​ວາງແຜນ ເພື່ອ​ຈັບ​ຜິດ​ພຣະເຢຊູເຈົ້າ​ໃນ​ເລື່ອງໃດ​ເລື່ອງໜຶ່ງ.