ເພງ^ສັນລະເສີນ 139:6 - ພຣະຄຳພີສັກສິ

⁶ ພຣະອົງ​ຮູ້ຈັກ​ຂ້ານ້ອຍ​ຢ່າງ​ເລິກເຊິ່ງ​ທີ່ສຸດ ເໜືອກວ່າ​ຄວາມ​ເຂົ້າໃຈ​ຂອງ​ຂ້ານ້ອຍ​ອີກ.

ເພງ^ສັນລະເສີນ 139:6 Jak'a apnaqawi uñst'ayäwi

ພຣະທຳ​ໂຢບ 26:14

ແຕ່​ສິ່ງ​ທີ່​ກ່າວ​ມາ​ນີ້ ເປັນ​ພຽງແຕ່​ກ່າວ​ເຖິງ​ອຳນາດ​ພຽງເລັກນ້ອຍ​ຂອງ​ພຣະອົງ ເປັນ​ພຽງແຕ່​ສຽງ​ຊິ່ມ​ຄ່ອຍໆ ທີ່​ພວກເຮົາ​ໄດ້ຍິນ​ເທົ່ານັ້ນ. ຖ້າດັ່ງນັ້ນ ຜູ້ໃດ​ແດ່​ທີ່​ມີ​ຄວາມ​ເຂົ້າໃຈ ເຖິງ​ຄວາມ​ຍິ່ງໃຫຍ່​ອັນ​ແທ້ຈິງ​ຂອງ​ພຣະເຈົ້າ​ໄດ້​ແດ່?”

ພຣະທຳ​ໂຢບ 42:3

ພຣະອົງ​ກ່າວ​ວ່າ, ‘ເປັນຫຍັງ​ກ້າ​ຖາມ​ເຖິງ​ພຣະ​ປັນຍາ ເພາະ​ຂ້ານ້ອຍ​ເອງ​ໂງ່ຈ້າ​ທີ່ສຸດ.’ ຂ້ານ້ອຍ​ໄດ້​ເວົ້າ​ເຖິງ​ສິ່ງ​ທີ່​ຂ້ານ້ອຍ​ບໍ່​ເຂົ້າໃຈ ເຖິງ​ສິ່ງ​ທີ່​ອັດສະຈັນ​ຍິ່ງໃຫຍ່​ທີ່​ຂ້ານ້ອຍ​ຈະ​ຮູ້​ໄດ້.

ເພງ^ສັນລະເສີນ 13:1

ຂ້າແດ່​ພຣະເຈົ້າຢາເວ ພຣະອົງ​ຈະ​ລືມໄລ​ຂ້ານ້ອຍ ໄປ​ດົນນານ​ປານໃດ ຕະຫລອດໄປ​ບໍ? ພຣະອົງ​ຍັງ​ຈະ​ລີ້ໜ້າ​ຂອງ​ພຣະອົງ ໄປ​ຈາກ​ຂ້ານ້ອຍ​ດົນນານ​ປານໃດ?

ເພງ^ສັນລະເສີນ 40:5

ຂ້າແດ່​ພຣະເຈົ້າຢາເວ ພຣະເຈົ້າ​ຂອງ​ຂ້ານ້ອຍ​ເອີຍ ພຣະອົງ​ໄດ້​ຊົງ​ກະທຳ​ຫລາຍ​ຢ່າງ​ສຳລັບ​ພວກ​ຂ້ານ້ອຍ ບໍ່ມີ​ຜູ້ໃດ​ຄື​ພຣະອົງ​ທີ່​ເຮັດ​ສິ່ງ​ອັດສະຈັນ​ໃຫ້​ໄດ້​ເຫັນ ຊຶ່ງ​ມີ​ຫລາຍ​ຢ່າງ​ຈົນ​ຂ້ານ້ອຍ​ບໍ່​ສາມາດ​ກ່າວ​ໝົດ​ເພາະ​ມີ​ຫລາຍ​ແທ້ໆ.

ສຸພາສິດ 30:18

ມີ​ຢູ່​ສີ່​ຢ່າງ​ທີ່​ຂ້ອຍ​ບໍ່​ເຂົ້າໃຈ​ແລະ​ອັດສະຈັນ​ໃຈ​ທີ່ສຸດ​ຄື:

ໂຣມ 11:33

ຄວາມ​ຮັ່ງມີ​ຂອງ​ພຣະເຈົ້າ​ກໍ​ມີ​ຢ່າງ​ລົ້ນເຫລືອ ແລະ​ພຣະ​ສະຕິປັນຍາ ທັງ​ຄວາມ​ຮອບຮູ້​ຂອງ​ພຣະອົງ​ກໍ​ແສນ​ເລີດລໍ້າ ການ​ຕັດສິນ​ຂອງ​ພຣະອົງ ກໍ​ເຫຼືອ​ທີ່​ຈະ​ເຂົ້າໃຈ​ໄດ້ ແລະ​ວິທີ​ທາງ​ຂອງ​ພຣະອົງ ກໍ​ເຫຼືອ​ວິໄສ​ທີ່​ຈະ​ຄົ້ນຄວ້າ​ໄດ້.