ເພງ^ສັນລະເສີນ 139:4 - ພຣະຄຳພີສັກສິ

⁴ ຂ້າແດ່​ພຣະເຈົ້າຢາເວ ແມ່ນ​ວ່າ​ກ່ອນ​ທີ່​ຂ້ານ້ອຍ​ເວົ້າ​ຄຳ​ໃດໆ​ອອກ​ມາ ພຣະອົງ​ກໍ​ຮູ້​ລ່ວງໜ້າ​ສິ່ງ​ທີ່​ຂ້ານ້ອຍ​ຈະ​ເວົ້າ​ນັ້ນ.

ເພງ^ສັນລະເສີນ 139:4 Jak'a apnaqawi uñst'ayäwi

ພຣະທຳ​ໂຢບ 38:2

“ເຈົ້າ​ຄື​ຜູ້ໃດ ທີ່​ກ້າ​ຖາມ​ເຖິງ​ສະຕິປັນຍາ​ຂອງເຮົາ ດ້ວຍ​ຄວາມໂງ່ ແລະ​ຄຳເວົ້າ​ເຫລວໄຫລ​ຂອງ​ເຈົ້າ?

ພຣະທຳ​ໂຢບ 42:3

ພຣະອົງ​ກ່າວ​ວ່າ, ‘ເປັນຫຍັງ​ກ້າ​ຖາມ​ເຖິງ​ພຣະ​ປັນຍາ ເພາະ​ຂ້ານ້ອຍ​ເອງ​ໂງ່ຈ້າ​ທີ່ສຸດ.’ ຂ້ານ້ອຍ​ໄດ້​ເວົ້າ​ເຖິງ​ສິ່ງ​ທີ່​ຂ້ານ້ອຍ​ບໍ່​ເຂົ້າໃຈ ເຖິງ​ສິ່ງ​ທີ່​ອັດສະຈັນ​ຍິ່ງໃຫຍ່​ທີ່​ຂ້ານ້ອຍ​ຈະ​ຮູ້​ໄດ້.

ເພງ^ສັນລະເສີນ 19:14

ໂຜດ​ໃຫ້​ຄຳເວົ້າ​ແລະ​ຄວາມຄິດ​ຂອງ​ຂ້ານ້ອຍ​ເປັນ​ທີ່​ພໍໃຈ​ພຣະອົງ ຂ້າແດ່​ພຣະເຈົ້າຢາເວ ອົງ​ເປັນ​ສີລາ​ຂອງ​ຂ້ານ້ອຍ​ແລະ​ເປັນ​ພຣະຜູ້ໄຖ່​ຂອງ​ຂ້ານ້ອຍ.

ເຢເຣມີຢາ 29:23

ຊາຕາກຳ​ຂອງ​ພວກເຂົາ​ເປັນ​ເຊັ່ນນີ້ ກໍ​ຍ້ອນ​ພວກເຂົາ​ໄດ້​ເຮັດ​ບາບ​ຢ່າງ​ຮ້າຍແຮງ ຄື​ພວກເຂົາ​ໄດ້​ຫລິ້ນຊູ້​ສູ່ຜົວເມຍ ແລະ​ໄດ້​ເວົ້າຕົວະ​ໃນ​ນາມ​ຂອງ​ເຮົາ ທີ່​ເຮົາ​ບໍ່ໄດ້​ສັ່ງ​ໄວ້​ແກ່​ພວກເຂົາ. ເຮົາ​ຮູ້ເຫັນ​ສິ່ງ​ທີ່​ພວກເຂົາ​ໄດ້​ເຮັດ ແລະ​ເຮົາ​ກໍ​ເປັນ​ພະຍານ​ຕໍ່ສູ້​ໃນເລື່ອງນີ້. ພຣະເຈົ້າຢາເວ​ກ່າວ​ດັ່ງນີ້ແຫລະ.”

ເຊຟານີຢາ 1:12

ໃນ​ເວລາ​ນັ້ນ ເຮົາ​ຈະ​ຖື​ໂຄມໄຟ​ອັນ​ໜຶ່ງ ເຍືອງ​ຄົ້ນຫາ​ນະຄອນ​ເຢຣູຊາເລັມ. ເຮົາ​ຈະ​ລົງໂທດ​ປະຊາຊົນ​ທີ່​ສ້າງ​ຄວາມ​ອີ່ມອົກອີ່ມໃຈ ແລະ​ເຊື່ອໝັ້ນ​ໃນ​ຕົນເອງ ຄື​ຜູ້​ທີ່​ເວົ້າ​ໃນ​ຈິດໃຈ​ວ່າ, ‘ບໍ່​ວ່າ​ຮ້າຍ​ຫລື​ດີ ພຣະເຈົ້າຢາເວ​ເຮັດ​ຫຍັງ​ບໍ່ໄດ້​ດອກ.’

ຢາໂກໂບ 1:26

ຖ້າ​ຜູ້ໃດ​ຄິດ​ວ່າ​ຕົນ​ເປັນ​ຄົນ​ມີ​ທຳມະ ແຕ່​ບໍ່ໄດ້​ຫ້າມ​ລີ້ນ​ຂອງຕົນ​ແລ້ວ ທຳມະ​ຂອງ​ຜູ້ນັ້ນ​ກໍ​ບໍ່ມີ​ປະໂຫຍດ ແລະ​ເປັນ​ການ​ຫລອກລວງ​ຕົນເອງ​ເທົ່ານັ້ນ.