ເພງ^ສັນລະເສີນ 139:2 - ພຣະຄຳພີສັກສິ

² ພຣະອົງ​ຮູ້​ທຸກໆສິ່ງ​ທີ່​ຂ້ານ້ອຍ​ກະທຳ​ໄປ ເຖິງ​ວ່າ​ຢູ່​ໄກແສນໄກ ກໍ​ເຂົ້າໃຈ​ຄວາມ​ນຶກຄິດ​ຂອງ​ຂ້ານ້ອຍ​ໄດ້.

ເພງ^ສັນລະເສີນ 139:2 Jak'a apnaqawi uñst'ayäwi

ປະຖົມມະການ 16:13

ນາງ​ຮາກາ​ຈຶ່ງ​ຖາມ​ຕົນເອງ​ວ່າ, “ຂ້ອຍ​ໄດ້​ເຫັນ​ພຣະເຈົ້າ ແລະ​ມີ​ຊີວິດ​ຢູ່​ເພື່ອ​ເວົ້າ​ເຖິງ​ເລື່ອງ​ນີ້​ແທ້​ບໍ?” ດັ່ງນັ້ນ ນາງ​ຈຶ່ງ​ເອີ້ນ​ພຣະເຈົ້າຢາເວ​ຜູ້​ທີ່​ໄດ້​ກ່າວ​ແກ່​ນາງ​ວ່າ, “ພຣະເຈົ້າ​ຜູ້​ເຫັນ​ໄດ້.”

2 ກະສັດ 19:27

ແຕ່​ເຮົາ​ຮູ້ຈັກ​ທຸກຢ່າງ​ກ່ຽວກັບ​ເຈົ້າ ບໍ່​ວ່າ​ເຈົ້າ​ເຮັດ​ຫຍັງ​ຫລື​ໄປ​ໃສ ເຮົາ​ຮູ້​ວ່າ​ເຈົ້າ​ກຽດຊັງ​ເຮົາ​ຫລາຍ.

2 ກະສັດ 6:12

ນາຍ​ທະຫານ​ຄົນ​ໜຶ່ງ​ຕອບ​ຂຶ້ນ​ວ່າ, “ຂ້າແດ່​ພະຣາຊາ ບໍ່​ມີ​ໃຜດອກ. ແມ່ນ​ຜູ້ທຳນວາຍ​ເອລີຊາ​ແຫ່ງ​ອິດສະຣາເອນ ຜູ້​ໄດ້​ບອກ​ກະສັດ​ແຫ່ງ​ອິດສະຣາເອນ ເຖິງ​ຄຳເວົ້າ​ທີ່​ທ່ານ​ໄດ້​ເວົ້າ​ເປັນ​ທາງ​ສ່ວນຕົວ ແມ່ນແຕ່​ໃນ​ຫ້ອງນອນ​ຂອງທ່ານ.”

ເພງ^ສັນລະເສີນ 44:22

ແຕ່​ເພາະ​ເຫັນ​ແກ່​ພຣະອົງ​ພວກ​ຂ້ານ້ອຍ​ຈຶ່ງ​ຖືກ​ຂ້າ​ຕະຫລອດ​ມາ ພວກເຂົາ​ເຮັດ​ຕໍ່​ພວກ​ຂ້ານ້ອຍ​ຄື​ແກະ​ທີ່​ຖືກ​ນຳ​ໄປ​ຂ້າ.

ເພງ^ສັນລະເສີນ 56:8

ພຣະອົງ​ຮູ້​ວ່າ​ຂ້ານ້ອຍ​ຖືກ​ເດືອດຮ້ອນ​ສໍ່າໃດ ຈຶ່ງ​ຊົງ​ບັນຈຸ​ນໍ້າຕາ​ໃສ່​ແກ້ວ​ໄວ້. ນໍ້າຕາ​ຂອງ​ຂ້ານ້ອຍ​ໄດ້​ຖືກ ບັນທຶກ​ໄວ້​ໃນ​ປຶ້ມ​ບັນຊີ​ຂອງ​ພຣະອົງ​ແລ້ວ​ບໍ່ແມ່ນ​ຫຼື?

ເພງ^ສັນລະເສີນ 94:11

ພຣະເຈົ້າຢາເວ​ຮູ້ວ່າ​ພວກເຂົາ​ຄິດ​ຢ່າງໃດ ທັງ​ຮູ້​ເຫດຜົນ​ຂອງ​ພວກເຂົາ​ວ່າ​ບໍ່ມີ​ປະໂຫຍດ.

ສຸພາສິດ 15:3

ທຸກ​ເຫດການ​ທີ່​ເກີດຂຶ້ນ​ພຣະເຈົ້າຢາເວ​ຮູ້ເຫັນ ພຣະອົງ​ເປັນ​ຜູ້​ເຝົ້າເບິ່ງ​ທັງ​ຄົນດີ​ແລະ​ຄົນຊົ່ວ​ດ້ວຍ.

ເອຊາຢາ 37:28

ແຕ່​ເຮົາ​ຮູ້​ທຸກສິ່ງ​ກ່ຽວກັບ​ເຈົ້າ ຄື​ສິ່ງ​ທີ່​ເຈົ້າ​ເຮັດ ແລະ​ບ່ອນ​ທີ່​ເຈົ້າ​ໄປ. ເຮົາ​ຮູ້​ວ່າ​ເຈົ້າ​ໂກດແຄ້ນ​ເຮົາ​ສໍ່າໃດ.

ເອເຊກຽນ 11:5

ແລ້ວ​ພຣະວິນຍານ​ຂອງ​ພຣະເຈົ້າຢາເວ​ກໍ​ເຂົ້າ​ຄວບຄຸມ​ຂ້າພະເຈົ້າ ແລະ​ພຣະເຈົ້າຢາເວ​ໄດ້​ບອກ​ຂ້າພະເຈົ້າ ໃຫ້​ກ່າວ​ຖ້ອຍຄຳ​ນີ້​ສູ່​ປະຊາຊົນ​ຟັງ​ວ່າ: “ປະຊາຊົນ​ອິດສະຣາເອນ​ເອີຍ ເຮົາ​ຮູ້​ສິ່ງ​ທີ່​ພວກເຈົ້າ​ກຳລັງ​ເວົ້າ ແລະ​ສິ່ງ​ທີ່​ພວກເຈົ້າ​ກຳລັງ​ວາງ​ແຜນການ.

ເອເຊກຽນ 38:17

ອົງພຣະ​ຜູ້​ເປັນເຈົ້າ ພຣະເຈົ້າ​ກ່າວ​ວ່າ ເຈົ້າ​ແມ່ນ​ຜູ້​ທີ່​ເຮົາ​ໄດ້​ກ່າວ​ເຖິງ​ແຕ່​ດົນນານ​ມາ​ແລ້ວ ເມື່ອ​ເຮົາ​ໄດ້​ປະກາດ​ຜ່ານ​ທາງ​ບັນດາ​ຜູ້ຮັບໃຊ້​ຂອງເຮົາ ຄື​ຜູ້ທຳນວາຍ​ຂອງ​ອິດສະຣາເອນ ວ່າ​ໃນ​ມື້​ທີ່​ຈະ​ມາ​ເຖິງ​ນັ້ນ ເຮົາ​ຈະ​ນຳ​ຜູ້ໃດ​ຜູ້ໜຶ່ງ​ມາ​ໂຈມຕີ​ຊາດ​ອິດສະຣາເອນ.”

ມັດທາຍ 9:4

ພຣະເຢຊູເຈົ້າ​ໄດ້​ຮູ້​ຄວາມ​ຄິດ​ຂອງ​ພວກເຂົາ ພຣະອົງ​ຈຶ່ງ​ໄດ້​ກ່າວ​ວ່າ, “ເປັນຫຍັງ​ພວກເຈົ້າ​ຈຶ່ງ​ຄິດ​ບໍ່​ດີ​ເຊັ່ນ​ນີ້?

ລູກາ 9:47

ຝ່າຍ​ພຣະເຢຊູເຈົ້າ​ຮູ້​ຄວາມ​ຄິດ​ໃນ​ໃຈ​ຂອງ​ພວກເພິ່ນ. ດັ່ງນັ້ນ ພຣະອົງ​ຈຶ່ງ​ໃຫ້​ເດັກນ້ອຍ​ຄົນ​ໜຶ່ງ​ມາ​ຢືນ​ຢູ່​ໃກ້​ພຣະອົງ.

1 ໂກຣິນໂທ 4:5

ເພາະສະນັ້ນ ພວກເຈົ້າ​ຈຶ່ງ​ບໍ່ຄວນ​ຕັດສິນ​ຄົນ​ໃດ​ຄົນ​ໜຶ່ງ ກ່ອນ​ເຖິງ​ເວລາ​ທີ່​ໄດ້​ກຳນົດ​ໄວ້ ຈົນກວ່າ​ອົງພຣະ​ຜູ້​ເປັນເຈົ້າ​ສະເດັດ​ມາ​ປາກົດ ພຣະອົງ​ຈະ​ຊົງ​ເປີດເຜີຍ​ຄວາມ​ລັບ​ທີ່​ເຊື່ອງ​ໄວ້​ໃນ​ຄວາມມືດ​ນັ້ນ​ໃຫ້​ແຈ່ມແຈ້ງ ແລະ​ພຣະອົງ​ຈະ​ເປີດເຜີຍ​ຄວາມ​ນຶກຄິດ​ອັນ​ເລິກລັບ​ໃນ​ໃຈ​ມະນຸດ, ເມື່ອນັ້ນ​ແຫຼະ ແຕ່ລະຄົນ​ຈະ​ໄດ້​ຮັບ​ການ​ຍ້ອງຍໍ​ຈາກ​ພຣະເຈົ້າ ຕາມ​ທີ່​ຕົນ​ສົມຄວນ​ໄດ້​ຮັບ.

ພຣະບັນຍັດສອງ 31:21

ແລະ​ໄພພິບັດ​ອັນ​ຮ້າຍແຮງ​ຫລາຍ​ຢ່າງ​ຈະ​ມາ​ເຖິງ​ພວກເຂົາ, ແຕ່​ຄົນ​ຍັງ​ຈະ​ຮ້ອງເພງ​ນີ້​ຢູ່​ຕໍ່ໄປ ແລະ​ມັນ​ຈະ​ເປັນ​ຈຸດ​ຢືນ​ແຫ່ງ​ຄວາມຈິງ​ຕໍ່ສູ້​ພວກເຂົາ. ແມ່ນແຕ່​ເວລາ​ນີ້ ກ່ອນ​ເຮົາ​ນຳ​ພວກເຂົາ​ເຂົ້າ​ໄປ​ໃນ​ດິນແດນ​ທີ່​ເຮົາ​ໄດ້​ສັນຍາ​ວ່າ​ຈະ​ມອບ​ໃຫ້​ພວກເຂົາ ເຮົາ​ກໍ​ຮູ້​ວ່າ​ພວກເຂົາ​ກຳລັງ​ຄິດ​ຢ່າງ​ໃດ​ແລ້ວ.”