ເພງ^ສັນລະເສີນ 139:12 - ພຣະຄຳພີສັກສິ

¹² ແຕ່​ຄວາມມືດ​ນັ້ນ​ກໍ​ບໍ່​ມືດ​ສຳລັບ​ພຣະອົງ ກາງຄືນ​ກໍ​ກາຍເປັນ​ແສງແຈ້ງ​ຄື​ກາງເວັນ​ໄດ້. ສຳລັບ​ພຣະອົງ​ບໍ່​ແຕກຕ່າງ​ຢ່າງໃດ ແຕ່​ທັງມືດ​ແລະ​ແຈ້ງ​ກໍ​ເປັນ​ຢ່າງ​ດຽວກັນ​ທັງສິ້ນ.

ເພງ^ສັນລະເສີນ 139:12 Jak'a apnaqawi uñst'ayäwi

ພຣະທຳ​ໂຢບ 26:6

ແດນ​ມໍຣະນາ​ກໍ​ເປີດແບ​ອອກ​ຢູ່​ຕໍ່ໜ້າ​ພຣະອົງ ບໍ່ມີ​ຜ້າ​ປົກຄຸມ​ບັງ​ຈາກ​ສາຍຕາ​ຂອງ​ພຣະເຈົ້າ.

ພຣະທຳ​ໂຢບ 34:22

ບໍ່ມີ​ຄວາມມືດ​ອັນໃດ​ທີ່​ຈະ​ມືດໜາ​ຫລາຍ ພໍ​ທີ່​ຈະ​ປິດບັງ​ຄົນ​ບາບໜາ​ຈາກ​ພຣະເຈົ້າ​ໄວ້​ໄດ້.

ອົບພະຍົບ 14:20

ລະຫວ່າງ​ຊາວ​ເອຢິບ​ແລະ​ຊາວ​ອິດສະຣາເອນ. ເສົາເມກ​ນັ້ນ​ໄດ້​ເຮັດ​ໃຫ້​ດ້ານ​ຂອງ​ຊາວ​ເອຢິບ​ມືດ ແລະ​ດ້ານ​ຂອງ​ຊາວ​ອິດສະຣາເອນ​ແຈ້ງ ເພື່ອ​ສອງ​ຝ່າຍ​ຈະ​ເຂົ້າ​ປະເຊີນ​ໜ້າ​ກັນ​ບໍ່ໄດ້. ເຫດການ​ເປັນ​ຢູ່​ເຊັ່ນນີ້​ຕະຫລອດ​ຄືນ.

ອົບພະຍົບ 20:21

ແຕ່​ປະຊາຊົນ​ຍັງ​ສືບຕໍ່​ຢືນ​ຢູ່​ຫ່າງໆ ແລະ​ມີ​ແຕ່​ໂມເຊ​ຜູ້​ດຽວ​ເທົ່ານັ້ນ ທີ່​ກ້າ​ຫຍັບ​ເຂົ້າ​ໄປ​ໃກ້​ເມກ​ອັນ​ຕຶບໜາ ບ່ອນ​ທີ່​ພຣະເຈົ້າ​ສະຖິດ​ຢູ່​ນັ້ນ.

ດານີເອນ 2:22

ພຣະອົງ​ເປີດເຜີຍ​ສິ່ງ​ເລິກລັບ​ທັງຫລາຍ ຮູ້​ທຸກຢ່າງ​ທຸກ​ແນວ​ທີ່​ຖືກ​ປິດບັງ​ໄວ້ ແມ່ນແຕ່​ສິ່ງ​ນີ້​ຖືກ​ປິດບັງ​ໄວ້​ໃນ​ທີ່ມືດ​ກໍຕາມ ແສງ​ແຈ້ງໃສ​ກໍ​ອ້ອມຮອບ​ພຣະອົງ​ໄວ້ທຸກ​ດ້ານ.

ເຮັບເຣີ 4:13

ແລະ​ໃນ​ທຸກສິ່ງ​ທີ່​ໄດ້​ຖືກ​ສ້າງ​ຂຶ້ນ​ນັ້ນ ບໍ່ມີ​ສິ່ງໃດ​ຖືກ​ບັງລັບ​ໄວ້​ຈາກ​ພຣະພັກ​ພຣະອົງ​ໄດ້ ແຕ່​ທຸກສິ່ງ​ໄດ້​ປາກົດ​ແຈ້ງ​ຕໍ່​ສາຍຕາ​ຂອງ​ພຣະອົງ ຜູ້​ທີ່​ເຮົາ​ຈະ​ຕ້ອງ​ໃຫ້​ການ​ນັ້ນ.