ເພງ^ສັນລະເສີນ 139:11 - ພຣະຄຳພີສັກສິ

¹¹ ຖ້າ​ຂ້ານ້ອຍ​ຂໍຮ້ອງ​ຄວາມມືດ​ໃຫ້​ປົກບັງ​ຂ້ານ້ອຍ ຫລື​ໃຫ້​ແສງ​ສະຫວ່າງ​ກາຍເປັນ​ຄວາມມືດ​ອ້ອມ​ຂ້ານ້ອຍ​ໄວ້,

ເພງ^ສັນລະເສີນ 139:11 Jak'a apnaqawi uñst'ayäwi

1 ກະສັດ 3:20

ໃນ​ຕອນ​ກາງຄືນ​ນັ້ນ ນາງ​ໄດ້​ລຸກ​ຂຶ້ນ​ມາ ແລະ​ອູ້ມ​ເອົາ​ລູກ​ຂອງ​ຂ້ານ້ອຍ​ອອກ​ຈາກ​ຂ້າງ​ຂອງ​ຂ້ານ້ອຍ​ເອົາ​ໄປ​ໃສ່​ບ່ອນ​ນອນ​ຂອງ​ນາງ ໃນ​ຂະນະທີ່​ຂ້ານ້ອຍ​ນອນ​ຫລັບ​ຢູ່. ແລ້ວ​ເອົາ​ລູກຊາຍ​ຂອງ​ນາງ​ທີ່​ຕາຍ​ແລ້ວ​ນັ້ນ ມາ​ວາງ​ໃສ່​ບ່ອນ​ນອນ​ຂອງ​ຂ້ານ້ອຍ.

ພຣະທຳ​ໂຢບ 12:22

ພຣະອົງ​ເຮັດ​ໃຫ້​ແສງແຈ້ງ​ສ່ອງ​ໃນ​ບ່ອນ​ມືດມົນ ແລະ​ບ່ອນ​ທີ່​ມີ​ຄວາມຕາຍ​ໄດ້​ຮັບ​ຊີວິດ.

ພຣະທຳ​ໂຢບ 34:22

ບໍ່ມີ​ຄວາມມືດ​ອັນໃດ​ທີ່​ຈະ​ມືດໜາ​ຫລາຍ ພໍ​ທີ່​ຈະ​ປິດບັງ​ຄົນ​ບາບໜາ​ຈາກ​ພຣະເຈົ້າ​ໄວ້​ໄດ້.

ເພງ^ສັນລະເສີນ 94:7

ພວກເຂົາ​ເວົ້າ​ກັນ​ວ່າ, “ພຣະເຈົ້າຢາເວ​ບໍ່​ເຫັນ​ພວກເຮົາ​ດອກ ພຣະເຈົ້າ​ແຫ່ງ​ອິດສະຣາເອນ​ບໍ່​ສົນໃຈ​ດອກ.”

ເອຊາຢາ 29:15

ເຄາະກຳ​ເປັນ​ຂອງ​ພວກເຈົ້າ​ສາ​ແລ້ວ ພວກ​ທີ່​ຊອກ​ປິດບັງ​ແຜນການ​ຂອງ​ພວກຕົນ​ໄວ້​ຈາກ​ພຣະເຈົ້າຢາເວ. ພວກເຂົາ​ເຮັດ​ຕາມ​ແຜນການ​ຂອງຕົນເອງ​ໃນ​ທີ່​ລັບລີ້ ແລະ​ຄິດ​ວ່າ​ບໍ່ມີ​ຜູ້ໃດ​ຮູ້​ເຫັນ​ພວກຕົນ​ກຳລັງ​ເຮັດ​ຢູ່.

ເຢເຣມີຢາ 23:24

ພຣະເຈົ້າຢາເວ​ໄດ້​ກ່າວ​ວ່າ, “ບໍ່ມີ​ຜູ້ໃດ​ຫລົບລີ້​ຈາກ​ສາຍຕາ​ຂອງເຮົາ​ໄປ​ໄດ້. ພວກເຈົ້າ​ບໍ່​ຮູ້​ຫລື​ວ່າ ເຮົາ​ຢູ່​ທຸກໆ​ບ່ອນ​ທັງ​ໃນ​ສະຫວັນ ແລະ​ທີ່​ແຜ່ນດິນ​ໂລກ?” ພຣະເຈົ້າຢາເວ​ກ່າວ​ດັ່ງນັ້ນແຫຼະ.