ເພງ^ສັນລະເສີນ 13:5 - ພຣະຄຳພີສັກສິ

⁵ ຂ້ານ້ອຍ​ໄວ້ວາງໃຈ​ໃນ​ຄວາມຮັກ​ອັນໝັ້ນ​ຄົງ​ຂອງ​ພຣະອົງ ແລະ​ຊື່ນຊົມ​ຍິນດີ​ໃນ​ການ​ຊ່ວຍ​ໃຫ້​ພົ້ນ​ຂອງ​ພຣະອົງ.

ເພງ^ສັນລະເສີນ 13:5 Jak'a apnaqawi uñst'ayäwi

ເພງ^ສັນລະເສີນ 119:81

ຈິດໃຈ​ຂອງ​ຂ້ານ້ອຍ​ອິດອ່ອນ ຍ້ອນ​ຄອຍຖ້າ​ໃຫ້​ພຣະອົງ​ມາ​ຊ່ວຍເຫລືອ ຂ້ານ້ອຍ​ມອບ​ຄວາມ​ໄວ້ວາງໃຈ​ຂອງ​ຂ້ານ້ອຍ ໃນ​ຖ້ອຍຄຳ​ຂອງ​ພຣະອົງ.

ເພງ^ສັນລະເສີນ 147:11

ແຕ່​ຄວາມ​ພໍໃຈ​ຂອງ​ພຣະເຈົ້າຢາເວ​ຢູ່​ນຳ​ຜູ້​ທີ່​ຢຳເກງ​ພຣະອົງ ຄື​ຜູ້​ທີ່​ໄວ້ວາງໃຈ​ໃນ​ຄວາມຮັກ​ອັນ​ໝັ້ນຄົງ​ຂອງ​ພຣະອົງ.

ເພງ^ສັນລະເສີນ 25:2

ພຣະເຈົ້າ​ຂອງ​ຂ້ານ້ອຍ​ເອີຍ ຂ້ານ້ອຍ​ໄວ້ວາງໃຈ​ໃນ​ພຣະອົງ ຂໍ​ຊົງ​ໂຜດ​ຊ່ວຍ​ໃຫ້​ຂ້ານ້ອຍ​ພົ້ນ​ຈາກ​ຄວາມ​ພ່າຍແພ້​ອັນ​ອັບອາຍ ແລະ​ຢ່າ​ໃຫ້​ສັດຕູ​ໄດ້​ຫົວ​ເຍາະເຍີ້ຍ​ໃສ່​ຂ້ານ້ອຍ

ເພງ^ສັນລະເສີນ 32:10

ຄົນຊົ່ວ​ຕ້ອງ​ທົນທຸກ​ໜັກ ແຕ່​ຜູ້​ທີ່​ວາງໃຈ​ໃນ​ພຣະເຈົ້າຢາເວ ຄວາມຮັກ​ອັນ​ໝັ້ນຄົງ​ຂອງ​ພຣະອົງ​ຈະ​ຄຸ້ມຄອງ​ໄວ້.

ເພງ^ສັນລະເສີນ 33:18

ພຣະເຈົ້າຢາເວ​ເຝົ້າເບິ່ງ​ຜູ້​ທີ່​ເຊື່ອຟັງ​ພຣະອົງ ຄື​ຜູ້​ໄວ້ວາງໃຈ​ໃນ​ຄວາມຮັກ​ອັນ​ໝັ້ນຄົງ​ຂອງ​ພຣະອົງ​ນັ້ນ.

ເພງ^ສັນລະເສີນ 36:7

ຂ້າແດ່​ພຣະເຈົ້າ ຄວາມຮັກ​ອັນ​ໝັ້ນຄົງ​ຂອງ​ພຣະອົງ​ນັ້ນ​ກໍ​ປະເສີດ​ຍິ່ງ ມະນຸດ​ພົບພໍ້ ການ​ຄຸ້ມຄອງ​ໃຕ້​ຮົ່ມ​ປີກ​ຂອງ​ພຣະອົງ.

ເພງ^ສັນລະເສີນ 38:17

ຄວາມ​ເຈັບປວດ​ຍັງ​ລົບກວນ​ຂ້ານ້ອຍ​ຢູ່​ບໍ່​ຂາດ ຂ້ານ້ອຍ​ເກືອບ​ຈະ​ລົ້ມລົງ​ແລ້ວ.

ເພງ^ສັນລະເສີນ 51:12

ຂໍ​ຊົງ​ໂຜດ​ໃຫ້​ມີ​ຄວາມ​ຊົມຊື່ນ​ກັບ​ຄວາມພົ້ນ​ຂອງ​ພຣະອົງ ແລະ​ໂຜດ​ເຮັດ​ໃຫ້​ມີ​ໃຈ​ປະສົງ​ເຊື່ອຟັງ​ພຣະອົງ​ດ້ວຍ.

ເພງ^ສັນລະເສີນ 52:8

ແຕ່​ຂ້ານ້ອຍ​ເປັນ​ດັ່ງ​ຕົ້ນ​ໝາກກອກເທດ​ຕົ້ນ​ໜຶ່ງ ທີ່​ໃຫຍ່​ຂຶ້ນ​ຢູ່​ໃນ​ວິຫານ​ຂອງ​ພຣະເຈົ້າ ຂ້ານ້ອຍ​ໄວ້ວາງໃຈ ໃນ​ຄວາມຮັກ​ອັນ​ໝັ້ນຄົງ​ຂອງ​ພຣະເຈົ້າ​ຕະຫລອດໄປ.

ເພງ^ສັນລະເສີນ 9:14

ເພື່ອວ່າ​ຂ້ານ້ອຍ​ຈະ​ໄດ້​ກ່າວ​ຄຳ​ຍ້ອງຍໍ​ສັນລະເສີນ​ພຣະອົງ ໃນ​ປະຕູ​ທັງຫຼາຍ​ຂອງ​ລູກສາວ​ຊີໂອນ. ຂ້ານ້ອຍ​ກໍ​ຈະ​ຊົມຊື່ນ​ຍິນດີ​ຫລາຍ ເພາະ​ພຣະອົງ​ໄດ້​ຊ່ວຍ​ຂ້ານ້ອຍ​ໃຫ້​ພົ້ນໄພ​ແລ້ວ.

ເອຊາຢາ 12:2

ພຣະເຈົ້າ​ຄື​ພຣະ​ຜູ້ໂຜດຊ່ວຍ​ໃຫ້​ພົ້ນ​ຂອງ​ຂ້ານ້ອຍ ຂ້ານ້ອຍ​ຈະ​ໄວ້ວາງໃຈ​ໃນ​ພຣະອົງ ແລະ​ບໍ່​ຢ້ານ. ເພາະ​ພຣະເຈົ້າຢາເວ, ພຣະເຈົ້າຢາເວ​ຊົງ​ເປັນ​ກຳລັງ​ແລະ​ບົດເພງ​ຂອງ​ຂ້ານ້ອຍ ແລະ​ພຣະອົງ​ຊົງເປັນ​ຄວາມພົ້ນ​ຂອງ​ຂ້ານ້ອຍ​ແລ້ວ.

ຮາບາກຸກ 3:18

ແຕ່​ຂ້ານ້ອຍ​ກໍ​ຍັງ​ຈະ​ສືບຕໍ່​ຊົມຊື່ນ​ຍິນດີ​ໃນ​ພຣະເຈົ້າຢາເວ ຂ້ານ້ອຍ​ຈະ​ຕື່ນເຕັ້ນ​ຍິນດີ​ໃນ​ພຣະເຈົ້າ​ພຣະຜູ້ຊ່ວຍ​ໃຫ້ພົ້ນ​ຂອງ​ຂ້ານ້ອຍ.

ລູກາ 1:47

ແລະ ຈິດ​ວິນຍານ​ຂອງ​ຂ້ານ້ອຍ ໄດ້​ຊົມຊື່ນ​ຍິນດີ​ໃນ​ພຣະເຈົ້າ ຜູ້​ຊົງ​ໂຜດ​ໃຫ້​ຂ້ານ້ອຍ​ໄດ້​ພົ້ນ

ລູກາ 2:20

ແລ້ວ​ພວກ​ຜູ້​ລ້ຽງ​ແກະ​ກໍ​ກັບຄືນ​ໄປ ຮ້ອງເພງ​ສັນລະເສີນ​ພຣະເຈົ້າ ໃນ​ທຸກສິ່ງ​ທີ່​ຕົນ​ໄດ້ຍິນ​ແລະ​ໄດ້​ເຫັນ ເພາະ​ເຫດການ​ໄດ້​ເປັນ​ໄປ​ຕາມ​ທີ່​ເທວະດາ​ບອກ​ໄວ້​ນັ້ນ​ທຸກປະການ.

ຢູດາ 1:21

ຈົ່ງ​ຮັກສາ​ຕົວ​ໄວ້​ໃນ​ຄວາມຮັກ​ຂອງ​ພຣະເຈົ້າ ຄອຍຖ້າ​ພຣະ​ກະລຸນາ​ຂອງ​ອົງ​ພຣະເຢຊູ​ຄຣິດເຈົ້າ​ຂອງ​ພວກເຮົາ ຈົນກວ່າ​ຈະ​ໄດ້​ຊີວິດ​ນິຣັນດອນ.

1 ຊາມູເອນ 2:1

ນາງ​ຮັນນາ​ພາວັນນາ​ອະທິຖານ​ວ່າ, “ພຣະເຈົ້າຢາເວ​ເຮັດ​ໃຫ້​ຈິດໃຈ​ຂ້ານ້ອຍ ເຕັມລົ້ນ​ດ້ວຍ​ຄວາມ​ຊົມຊື່ນ​ຍິນດີ​ໃຫຍ່; ຂ້ານ້ອຍ​ດີໃຈ​ຫລາຍ ຍ້ອນ​ສິ່ງ​ທີ່​ພຣະອົງ​ໄດ້​ກະທຳ​ນັ້ນ ຂ້ານ້ອຍ​ຫົວ​ເຍາະເຍີ້ຍ​ໃສ່​ເຫຼົ່າ​ສັດຕູ ເພາະ​ພຣະອົງ​ຊ່ວຍຊູ ຈຶ່ງ​ຊື່ນຊົມ​ຍິນດີ​ລົ້ນ.