ເພງ^ສັນລະເສີນ 13:1 - ພຣະຄຳພີສັກສິ

¹ ຂ້າແດ່​ພຣະເຈົ້າຢາເວ ພຣະອົງ​ຈະ​ລືມໄລ​ຂ້ານ້ອຍ ໄປ​ດົນນານ​ປານໃດ ຕະຫລອດໄປ​ບໍ? ພຣະອົງ​ຍັງ​ຈະ​ລີ້ໜ້າ​ຂອງ​ພຣະອົງ ໄປ​ຈາກ​ຂ້ານ້ອຍ​ດົນນານ​ປານໃດ?

ເພງ^ສັນລະເສີນ 13:1 Jak'a apnaqawi uñst'ayäwi

ພຣະທຳ​ໂຢບ 13:24

ເປັນຫຍັງ​ຈຶ່ງ​ເມີນໜ້າ​ໜີໄປ​ຈາກ​ຂ້ານ້ອຍ​ນໍ? ເປັນຫຍັງ​ຈຶ່ງ​ເຮັດ​ຕໍ່​ຂ້ານ້ອຍ​ດັ່ງ​ສັດຕູ​ຄູ່​ອາຄາດ.

ເພງ^ສັນລະເສີນ 10:12

ຂ້າແດ່​ພຣະເຈົ້າຢາເວ ຂໍ​ຊົງ​ລຸກຂື້ນ​ເຖີດ ຈົ່ງ​ລົງໂທດ​ຄົນຊົ່ວ​ເຫຼົ່ານັ້ນ ຂ້າແດ່​ພຣະເຈົ້າ ໂຜດ​ຄິດເຖິງ​ຜູ້​ທີ່​ທົນທຸກ​ດ້ວຍ

ເພງ^ສັນລະເສີນ 35:17

ຂ້າແດ່​ອົງພຣະ​ຜູ້​ເປັນເຈົ້າ ພຣະອົງ​ຈະ​ຫລຽວ​ເບິ່ງ​ດົນ​ປານໃດ? ທີ່​ພຣະອົງ​ຈະ​ຊ່ວຍກູ້​ເອົາ​ຊີວິດ​ຂອງ​ຂ້ານ້ອຍ ຈາກ​ຄວາມ​ໂຫດຮ້າຍ​ຂອງ​ພວກເຂົາ ຂໍ​ຊົງ​ໂຜດ​ຊ່ວຍ​ຊີວິດ​ຂອງ​ຂ້ານ້ອຍ​ຈາກ​ຝູງ​ສິງ​ໂຈມຕີ​ດ້ວຍ.

ເພງ^ສັນລະເສີນ 44:24

ເຫດໃດ​ພຣະອົງ​ຈຶ່ງ​ລີ້ໜ້າ​ຈາກ​ພວກ​ຂ້ານ້ອຍ​ນໍ? ຂໍ​ຢ່າ​ລືມໄລ​ພວກ​ທີ່​ຖືກ​ທົນທຸກ​ແລະ​ລຳບາກ.

ເພງ^ສັນລະເສີນ 6:3

ຂ້າແດ່​ພຣະເຈົ້າຢາເວ ຈິດໃຈ​ພາຍ​ໃນ​ຂອງ​ຂ້ານ້ອຍ​ກໍ​ເດືອດຮ້ອນ​ໜັກ ພຣະອົງ​ຈະ​ລໍຖ້າ​ດົນ​ປານໃດ​ຈຶ່ງ​ຈະ​ມາ​ຊ່ວຍ​ຂ້ານ້ອຍ?

ເພງ^ສັນລະເສີນ 74:1

ຂ້າແດ່​ພຣະເຈົ້າ ເຫດໃດ​ຈຶ່ງ​ປະຖິ້ມ​ຢ່າງ​ນີ້? ຈະ​ຄຽດ​ຮ້າຍ​ປະຊາຊົນ​ຂອງ​ພຣະອົງ​ສືບໄປ​ຫລືນີ້?

ເພງ^ສັນລະເສີນ 80:4

ຂ້າແດ່​ພຣະເຈົ້າຢາເວ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່ ດົນ​ປານໃດ​ທີ່​ຍັງ​ຊົງ​ໂກດຮ້າຍ ຕໍ່​ຄຳພາວັນນາ​ອະທິຖານ​ຂອງ​ປະຊາຊົນ​ພຣະອົງ​ນັ້ນ?

ເພງ^ສັນລະເສີນ 85:5

ພຣະອົງ​ຈະ​ໂກດຮ້າຍ​ຕະຫລອດໄປ​ຊັ້ນບໍ? ຄວາມ​ໂກດຮ້າຍ​ຈະ​ບໍ່​ສຸດ​ເປັນ​ຈັກເທື່ອ​ຫລືນີ້?

ເພງ^ສັນລະເສີນ 89:46

ຂ້າແດ່​ພຣະເຈົ້າຢາເວ ພຣະອົງ​ຈະ​ລີ້ໜ້າ​ໄປ​ດົນ​ປານໃດ? ຄວາມ​ໂກດຮ້າຍ​ຂອງ​ພຣະອົງ​ຈະ​ລຸກ​ໄໝ້​ໄປ​ດົນ​ປານໃດ​ອີກ?

ເພງ^ສັນລະເສີນ 90:14

ໃນ​ທຸກໆເຊົ້າ​ໂຜດ​ໃຫ້​ພວກ​ຂ້ານ້ອຍ​ເຕັມ​ໄປ ດ້ວຍ​ຄວາມຮັກ​ອັນ​ໝັ້ນຄົງ​ຂອງ​ພຣະອົງ​ດ້ວຍ ເພື່ອ​ວ່າ​ຈະ​ໄດ້​ຮ້ອງເພງ​ແລະ​ຊົມຊື່ນ​ຍິນດີ ຕະຫລອດ​ຊົ່ວຊີວິດ​ຂອງ​ພວກ​ຂ້ານ້ອຍ​ນັ້ນ.

ເອຊາຢາ 59:2

ເພາະ​ການບາບ​ຂອງ​ພວກເຈົ້າ​ເອງ ພຣະອົງ​ຈຶ່ງ​ບໍ່ໄດ້ຍິນ​ພວກເຈົ້າ​ຮ້ອງຂໍ​ໃຫ້​ຊ່ວຍເຫລືອ. ເມື່ອ​ພວກເຈົ້າ​ພະຍາຍາມ​ນະມັດສະການ​ພຣະເຈົ້າ ແມ່ນ​ການບາບ​ຂອງ​ພວກເຈົ້າ​ນັ້ນແຫລະ ທີ່​ແຍກ​ພວກເຈົ້າ​ຈາກ​ພຣະອົງ.

ເພງ^ຄໍ່າຄວນ 5:20

ເຫດໃດ​ຈຶ່ງ​ໄດ້​ປະຖິ້ມ​ພວກ​ຂ້ານ້ອຍ​ຢ່າງ​ດົນນານ? ພຣະອົງ​ຈະ​ບໍ່​ຈົດຈຳພວກ​ຂ້ານ້ອຍ​ເລີຍ​ບໍ?

ພຣະບັນຍັດສອງ 31:17

ເມື່ອ​ສິ່ງ​ນັ້ນ​ເກີດຂຶ້ນ ເຮົາ​ຈະ​ຄຽດຮ້າຍ​ພວກເຂົາ ເຮົາ​ຈະ​ປະຖິ້ມ​ພວກເຂົາ​ແລະ​ພວກເຂົາ​ຈະ​ຖືກ​ທຳລາຍ. ໄພພິບັດ​ອັນ​ຮ້າຍແຮງ​ຫລາຍ​ຢ່າງ​ຈະ​ມາ​ເຖິງ​ພວກເຂົາ ແລ້ວ​ພວກເຂົາ​ຈະ​ຮູ້​ແນ່ແທ້​ວ່າ ສິ່ງ​ເຫຼົ່ານີ້​ທີ່​ເກີດຂຶ້ນ​ກັບ​ພວກເຂົາ ກໍ​ຍ້ອນ​ວ່າ​ເຮົາ​ຄື​ພຣະເຈົ້າ​ຂອງ​ພວກເຂົາ​ບໍ່​ຢູ່​ນຳ​ພວກເຂົາ​ອີກ​ຕໍ່ໄປ.