ເພງ^ສັນລະເສີນ 127:2 - ພຣະຄຳພີສັກສິ

² ມັນ​ໄຮ້ປະໂຫຍດ​ທີ່​ນອນເດິກ​ລຸກເຊົ້າ​ທຸກ​ວັນ ໂດຍ​ເຮັດ​ວຽກ​ທຳງານ​ໜັກ​ເພື່ອ​ຫາ​ລ້ຽງຊີບ ເພາະ​ຜູ້​ທີ່​ພຣະອົງ​ຊົງ​ຮັກ​ຈຶ່ງ​ຈັດ​ໃຫ້​ຕາມ​ທີ່​ຕ້ອງການ ໃນ​ຂະນະທີ່​ພັກຜ່ອນ​ຢ່າງ​ສຸກ​ສະບາຍ​ຢູ່ນັ້ນ.

ເພງ^ສັນລະເສີນ 127:2 Jak'a apnaqawi uñst'ayäwi

ພຣະທຳ​ໂຢບ 11:18

ພຣະເຈົ້າ​ຈະ​ປົກປັກ​ຮັກສາ ແລະ​ໃຫ້​ເຈົ້າ​ໄດ້​ພັກຜ່ອນ ເຈົ້າ​ຈະ​ຢູ່​ຢ່າງ​ປອດໄພ​ໄດ້ ແລະ​ເຕັມ​ໄປ​ດ້ວຍ​ຄວາມຫວັງ.

ເພງ^ສັນລະເສີນ 3:5

ຂ້ານ້ອຍ​ຢຽດ​ຕົວເນີ້ງ​ແລະ​ນອນນິ້ງ​ຫລັບ​ໄປ ທັງຄືນ​ພຣະເຈົ້າຢາເວ​ຮັກສາ​ຂ້ານ້ອຍ​ໄວ້.

ເພງ^ສັນລະເສີນ 4:8

ຂ້າແດ່​ພຣະເຈົ້າຢາເວ ເມື່ອ​ຂ້ານ້ອຍ​ນອນ​ລົງ​ກໍ​ເປັນ​ສຸກໃຈ ເພາະ​ພຣະອົງ​ໂຜດ​ຮັກສາ​ໃຫ້​ປອດໄພ​ຢ່າງດີ​ຍິ່ງ.

ເພງ^ສັນລະເສີນ 60:5

ດ້ວຍ​ຣິດທານຸພາບ​ຂອງ​ພຣະອົງ ຂໍ​ຊົງ​ໂຜດ​ຊ່ວຍ​ໃຫ້​ພວກ​ຂ້ານ້ອຍ​ພົ້ນ​ໄພ ເພື່ອ​ວ່າ​ພຣະອົງ​ຈະ​ໄດ້​ຊ່ວຍກູ້​ເອົາ​ປະຊາຊົນ​ທີ່​ພຣະອົງ​ຊົງຮັກ.

ສຸພາສິດ 10:22

ພຣະພອນ​ຂອງ​ພຣະເຈົ້າຢາເວ​ເຮັດ​ໃຫ້​ມະນຸດ​ຮັ່ງມີ ແລະ​ພຣະອົງ​ບໍ່​ໃຫ້​ຄວາມ​ໂສກເສົ້າ​ເພາະ​ເຈົ້າ​ເປັນ​ຄົນຮັ່ງມີ.

ປັນຍາຈານ 1:14

ຂ້າພະເຈົ້າ​ເຄີຍ​ເຫັນ​ສັບພະທຸກສິ່ງ​ທີ່​ຄົນ​ໄດ້​ເຮັດ​ຢູ່ໃຕ້​ດວງຕາເວັນ ແລະ​ຂ້າພະເຈົ້າ​ຂໍ​ບອກ​ວ່າ, ສິ່ງ​ເຫຼົ່ານັ້ນ​ລ້ວນແຕ່​ອະນິຈັງ​ທັງສິ້ນ. ເປັນ​ດັ່ງ​ການ​ແລ່ນ​ໄລ່​ໄປ​ຕາມ​ລົມ.

ປັນຍາຈານ 4:8

ຢູ່ໃຕ້​ດວງຕາເວັນ​ມີ​ຊາຍ​ຄົນ​ໜຶ່ງ​ທີ່​ຢູ່​ຜູ້ດຽວ. ລາວ​ບໍ່ມີ​ລູກ​ແລະ​ບໍ່ມີ​ອ້າຍ​ເອື້ອຍ​ນ້ອງ; ເຖິງ​ປານ​ນັ້ນ ລາວ​ກໍ​ເຮັດ​ວຽກ​ຢູ່​ບໍ່​ເຊົາ​ໂດຍ​ຍັງ​ບໍ່​ພໍໃຈ​ກັບ​ຊັບສິນ​ທີ່​ຕົນ​ມີ​ຢູ່​ນັ້ນ. ລາວ​ເຮັດ​ວຽກ​ຢ່າງ​ໜັກ​ເພື່ອ​ຜູ້ໃດ ໂດຍ​ບໍ່​ຍອມ​ແມ່ນແຕ່​ເຮັດ​ໃຫ້​ຕົນເອງ​ສະໜຸກ​ຈັກດີ້? ອັນ​ນີ້​ກໍ​ອະນິຈັງ​ຄືກັນ ເພາະ​ເປັນ​ການ​ໃຊ້​ຊີວິດ​ຢູ່​ຢ່າງ​ຍາກ​ລຳບາກ.

ປັນຍາຈານ 5:12

ຄົນ​ເຮັດ​ວຽກ​ອາດ​ມີ ຫລື​ອາດ​ບໍ່ມີ​ກິນ​ພຽງພໍ​ກໍໄດ້ ແຕ່​ຢ່າງໜ້ອຍ​ລາວ​ກໍ​ນອນ​ຫລັບ​ໄດ້​ໃນ​ຕອນ​ກາງຄືນ. ສ່ວນ​ເສດຖີ​ຜູ້​ທີ່​ມີ​ຊັບສົມບັດ​ອັນ​ຫລວງຫລາຍ ກໍ​ມີ​ແຕ່​ວິຕົກ​ກັງວົນ​ຈົນ​ນອນ​ບໍ່​ຫລັບ​ຍ້ອນ.

ປັນຍາຈານ 6:7

ວຽກ​ທຸກ​ຊະນິດ​ທີ່​ຄົນໜຶ່ງ​ເຮັດ ແມ່ນ​ເພື່ອ​ໃຫ້​ມີ​ອາຫານ​ກິນ​ພຽງພໍ​ເທົ່ານັ້ນ, ແຕ່​ລາວ​ພໍ​ບໍ່​ເປັນ​ຈັກເທື່ອ.

ເຢເຣມີຢາ 31:26

ເມື່ອນັ້ນ​ປະຊາຊົນ​ຈະ​ເວົ້າ​ວ່າ, ‘ຂ້ອຍ​ເຂົ້າ​ໄປ​ນອນ​ແລະ​ຕື່ນ​ຂຶ້ນ​ມາ ດ້ວຍ​ຈິດໃຈ​ຊົມຊື່ນ​ແລະ​ເບີກບານ.’

ເອເຊກຽນ 34:25

ເຮົາ​ຈະ​ເຮັດ​ພັນທະສັນຍາ​ປະກັນ​ຄວາມ​ປອດໄພ​ໃຫ້​ແກ່​ພວກເຂົາ. ເຮົາ​ຈະ​ກຳຈັດ​ສັດຮ້າຍ​ທັງໝົດ​ອອກ​ໄປ​ຈາກ​ດິນແດນ ເພື່ອ​ແກະ​ຂອງເຮົາ​ຈະ​ໄດ້​ຢູ່​ຢ່າງ​ປອດໄພ​ຕາມ​ທົ່ງນາ​ຫລື​ໃນ​ປ່າ.