ເພງ^ສັນລະເສີນ 127:1 - ພຣະຄຳພີສັກສິ

¹ ຖ້າ​ພຣະເຈົ້າຢາເວ​ບໍ່​ກໍ່​ບ້ານ ສ້າງ​ເຮືອນ​ຊານ, ວຽກການ​ຄົນ​ກໍ່ສ້າງ​ທັງໝົດ​ກໍ​ໄຮ້ປະໂຫຍດ. ຖ້າ​ພຣະເຈົ້າຢາເວ​ບໍ່​ປ້ອງກັນ​ບ້ານເມືອງ, ທະຫານ​ຢືນ​ຍາມ​ກໍ​ໃຊ້​ການ​ຫຍັງ​ບໍ່ໄດ້.

ເພງ^ສັນລະເສີນ 127:1 Jak'a apnaqawi uñst'ayäwi

1 ກະສັດ 5:12

ພຣະເຈົ້າຢາເວ​ໄດ້​ໂຜດ​ສະຕິປັນຍາ​ໃຫ້​ແກ່​ກະສັດ​ໂຊໂລໂມນ ຕາມ​ທີ່​ພຣະອົງ​ໄດ້​ສັນຍາ​ໄວ້​ກັບ​ເພິ່ນ. ຄວາມ​ສະຫງົບສຸກ​ໄດ້​ເກີດ​ມີ​ຂຶ້ນ ລະຫວ່າງ​ກະສັດ​ຮີຣາມ​ແລະ​ກະສັດ​ໂຊໂລໂມນ ທັງສອງ​ຈຶ່ງ​ມີ​ຂໍ້​ຕົກລົງ​ຕໍ່ກັນ.

1 ຂ່າວຄາວ 28:10

ເຈົ້າ​ຕ້ອງ​ຮັບຮູ້​ວ່າ​ພຣະເຈົ້າຢາເວ​ໄດ້​ເລືອກເອົາ​ເຈົ້າ ໃຫ້​ເປັນ​ຜູ້​ສ້າງ​ວິຫານ​ອັນ​ສັກສິດ​ຂອງ​ພຣະອົງ. ບັດນີ້ ຈົ່ງ​ລົງ​ມື​ເຮັດ​ດ້ວຍ​ຄວາມ​ເດັດດ່ຽວ ແລະ​ກ້າຫານ​ເທີ້ນ.”

1 ຂ່າວຄາວ 28:20

ກະສັດ​ດາວິດ​ໄດ້​ສັ່ງ​ໂຊໂລໂມນ​ລູກຊາຍ​ຂອງ​ເພິ່ນ​ວ່າ, “ຈົ່ງ​ເດັດດ່ຽວ ແລະ​ກ້າຫານ. ຈົ່ງ​ລົງມື​ເຮັດ​ວຽກ ແລະ​ຢ່າ​ໃຫ້​ມີ​ສິ່ງໃດສິ່ງໜຶ່ງ​ຂັດຂວາງ​ເຈົ້າ​ເລີຍ. ພຣະເຈົ້າຢາເວ ພຣະເຈົ້າ​ອົງ​ທີ່​ພໍ່​ໄດ້​ບົວລະບັດ​ຮັບໃຊ້​ນັ້ນ​ຈະ​ສະຖິດ​ຢູ່​ນຳ​ເຈົ້າ. ພຣະອົງ​ຈະ​ບໍ່​ປະຖິ້ມ​ເຈົ້າ​ແຕ່​ພຣະອົງ​ຈະ​ຢູ່​ນຳ​ເຈົ້າ ຈົນກວ່າ​ເຈົ້າ​ຈະ​ກໍ່ສ້າງ​ວິຫານ​ຂອງ​ພຣະເຈົ້າຢາເວ​ສຳເລັດ.

1 ຂ່າວຄາວ 29:19

ຂໍໂຜດ​ໃຫ້​ໂຊໂລໂມນ​ລູກຊາຍ​ຂອງ​ຂ້ານ້ອຍ​ມີ​ໃຈ​ປາຖະໜາ​ອັນ​ເຕັມ​ລົ້ນ ທີ່​ຈະ​ປະຕິບັດ​ຕາມ​ທຸກໆ​ສິ່ງ​ທີ່​ພຣະອົງ​ໄດ້​ສັ່ງ ແລະ​ທີ່​ຈະ​ກໍ່ສ້າງ​ພຣະວິຫານ ຊຶ່ງ​ຂ້ານ້ອຍ​ໄດ້​ຈັດຕຽມ​ໄວ້​ແລ້ວ​ນີ້​ດ້ວຍ.”

ເພງ^ສັນລະເສີນ 120:1

ເມື່ອ​ຂ້ານ້ອຍ​ເດືອດຮ້ອນ ຂ້ານ້ອຍ​ກໍ​ໄຫວ້ວອນ​ຫາ​ພຣະເຈົ້າຢາເວ​ໃຫ້​ຊ່ວຍເຫຼືອ ແລະ​ພຣະອົງ​ກໍ​ຊົງ​ຕອບ​ຂ້ານ້ອຍ.

ເພງ^ສັນລະເສີນ 121:1

ຂ້ານ້ອຍ​ຫລຽວ​ຂຶ້ນ​ໄປ​ເທິງ​ພູ​ທັງຫລາຍ ຈະ​ມີ​ຜູ້ໃດ​ແດ່​ບໍ ພໍ​ຊ່ວຍເຫລືອ​ຂ້ານ້ອຍ​ໄດ້?

ເພງ^ສັນລະເສີນ 122:1

ຊ່າງ​ດີໃຈ​ແທ້ໆ​ເມື່ອ​ພວກເຂົາ​ເຊີນຊວນ ຂ້ານ້ອຍ​ດັ່ງນີ້​ວ່າ, “ໃຫ້​ພວກເຮົາ​ພາກັນ​ຂຶ້ນ​ໄປ​ຍັງ​ວິຫານ​ຂອງ​ພຣະເຈົ້າຢາເວ.”

ເພງ^ສັນລະເສີນ 123:1

ຂ້ານ້ອຍ​ແຫງນ​ໜ້າ​ແນມຫາ​ພຣະອົງ ຂ້ານ້ອຍ​ແຫງນ​ສູ່​ຟ້າ​ສະຫວັນ ບ່ອນ​ທີ່​ພຣະອົງ​ປົກຄອງ​ຢູ່​ນັ້ນ.

ເພງ^ສັນລະເສີນ 124:1

ຈະ​ເປັນ​ຢ່າງ​ໃດ ເມື່ອ​ອົງພຣະ​ຜູ້​ເປັນເຈົ້າ ບໍ່​ຢູ່​ຝ່າຍ​ພວກເຮົາ? ໂອ ຊາດ​ອິດສະຣາເອນ​ເອີຍ ຈົ່ງ​ຕອບ​ມາ​ເບິ່ງ!

ເພງ^ສັນລະເສີນ 125:1

ຜູ້​ທີ່​ໄວ້ວາງໃຈ​ໃນ​ພຣະເຈົ້າຢາເວ ກໍ​ເປັນ​ດັ່ງ​ພູເຂົາ​ຊີໂອນ ທີ່​ບໍ່ມີ​ຫຍັງ​ເຮັດ​ໃຫ້​ສະເທືອນ ແລະ​ເຄື່ອນຍ້າຍ​ໄດ້.

ເພງ^ສັນລະເສີນ 126:1

ເມື່ອ​ພຣະເຈົ້າຢາເວ​ນຳ​ພວກເຮົາ ຄືນ​ມາ​ສູ່​ນະຄອນ​ເຢຣູຊາເລັມ ເລື່ອງ​ທັງໝົດ​ຈຶ່ງ​ເປັນ​ດັ່ງ​ຄວາມຝັນ

ເພງ^ສັນລະເສີນ 72:1

ຂ້າແດ່​ພຣະເຈົ້າ ຂໍ​ຊົງ​ໂຜດ​ສັ່ງສອນ​ກະສັດ ໃຫ້​ຕັດສິນ​ດ້ວຍ​ຄວາມ​ຊອບທຳ ຂໍ​ຊົງ​ໂຜດ​ແບ່ງປັນ​ຄວາມ​ຍຸດຕິທຳ ຂອງ​ພຣະອົງ​ນັ້ນ​ໃຫ້​ແກ່​ເພິ່ນ​ດ້ວຍ

ເພງ^ສັນລະເສີນ 78:69

ໃນ​ທີ່ນັ້ນ ພຣະອົງ​ໄດ້​ສ້າງ​ພຣະວິຫານ​ຂອງ​ພຣະອົງ ເປັນ​ດັ່ງ​ບ່ອນ​ຂອງ​ພຣະອົງ​ຢູ່​ເທິງ​ຟ້າ​ສະຫວັນ ດັ່ງ​ທີ່​ແຜ່ນດິນ​ໂລກ​ພຣະອົງ​ສ້າງ​ຜາສາດ​ຢ່າງ​ໝັ້ນຄົງ ໃຫ້​ດຳລົງ​ຢູ່​ທຸກຍຸກ​ທຸກສະໄໝ​ໄດ້.

ສຸພາສິດ 16:9

ມະນຸດ​ວາງ​ແຜນການ, ແຕ່​ພຣະເຈົ້າຢາເວ​ປະທານ​ຄວາມ​ສຳເລັດ​ໃຫ້.

ປັນຍາຈານ 9:11

ຂ້າພະເຈົ້າ​ຍັງ​ເຫັນ​ຫລາຍໆ​ສິ່ງ​ອີກ​ຢູ່ໃຕ້​ດວງຕາເວັນ. ນັກແລ່ນ​ໄວ​ບໍ່ແມ່ນ​ຈະ​ໄດ້​ຊະນະ​ໃນ​ການ​ແຂ່ງຂັນ​ສະເໝີ​ໄປ ແລະ​ຄົນ​ກ້າຫານ​ຫລາຍ​ບໍ່ແມ່ນ​ຈະ​ຕີ​ຊະນະ​ໃນ​ສະໜາມຮົບ​ສະເໝີ​ໄປ. ຄົນມີ​ປັນຍາ​ບໍ່ແມ່ນ​ຈະ​ທຳມາ​ຫາກິນ​ລ້ຽງຊີບ​ຢ່າງ​ສະດວກ​ສະບາຍ​ສະເໝີ​ໄປ; ຄົນສະຫລາດ​ບໍ່ແມ່ນ​ຈະ​ຮັ່ງມີ​ເປັນດີ​ສະເໝີ​ໄປ ແລະ​ຄົນ​ທີ່​ມີ​ຄວາມ​ສາມາດ​ບໍ່ແມ່ນ​ຈະ​ໄດ້​ຂຶ້ນ​ສູ່​ຕຳແໜ່ງ​ສູງ​ສະເໝີ​ໄປ. ແຕ່​ກຳນົດ​ເວລາ​ແລະ​ໂອກາດ​ເກີດຂຶ້ນ​ກັບ​ທຸກໆ​ຄົນ.

ຍອດເພງ 3:3

ຄົນ​ຍາມ​ທີ່​ເລາະລຽບ​ໄດ້​ເຫັນ​ຂ້ອຍ​ໃນ​ເມືອງ ຂ້ອຍ​ຖາມ​ພວກ​ເຂົາເຈົ້າ​ວ່າ, “ເຫັນ​ຄົນຮັກ​ຂອງຂ້ອຍ​ບໍ?”

ຍອດເພງ 5:7

ຄົນ​ຍາມ​ທີ່​ຍ່າງ​ເລາະລຽບ​ໄດ້​ພົບ​ຂ້ອຍ​ໃນເມືອງ ພວກເຂົາ​ໄດ້​ຕົບຕີ​ຂ້ອຍ ຈົນ​ດຳ​ຂຽວ​ເພາະ​ບວມຊໍ້າ; ນອກ​ນີ້ ກໍ​ຍັງ​ມີ​ຄົນ​ທີ່​ເລາະ​ຢູ່​ຕາມ​ກຳແພງ​ເມືອງ ຍາດ​ກັນ​ດຶງ​ເອົາ​ເສື້ອຄຸມ​ຂອງຂ້ອຍ​ຈົນ​ຂາດ.

ເອຊາຢາ 27:3

“ເຮົາ​ເຝົ້າເບິ່ງ​ແລະ​ຫົດ​ນໍ້າ​ມັນ​ບໍ່ໄດ້​ຂາດ. ເຮົາ​ເຝົ້າ​ຮັກສາ​ທັງເວັນ ແລະ​ທັງຄືນ ເພື່ອ​ບໍ່​ໃຫ້​ຜູ້ໃດ​ມາ​ທຳຮ້າຍ​ມັນ​ໄດ້.

ເອຊາຢາ 56:10

ພຣະອົງ​ກ່າວ​ວ່າ, “ບັນດາ​ຜູ້ນຳ​ທັງໝົດ ຄື​ຜູ້​ທີ່​ຖືກ​ສົ່ງ​ມາ​ຕັກເຕືອນ​ປະຊາຊົນ​ຂອງເຮົາ​ນັ້ນ​ຕາບອດ​ໝົດ ພວກເຂົາ​ບໍ່​ຮູ້ຈັກ​ຫຍັງ. ພວກເຂົາ​ເປັນ​ດັ່ງ​ໝາ​ນອນ​ເຝົ້າ​ທີ່​ບໍ່​ເຫົ່າ ຄື​ມັກ​ເອ່ນ​ຕົວ​ລົງ ແລະ​ເພີ້ຝັນ. ພວກເຂົາ​ມັກ​ນອນ​ຫລາຍ​ແທ້.

ເອຊາຢາ 62:6

ນະຄອນ​ເຢຣູຊາເລັມ​ເອີຍ ເທິງ​ກຳແພງ​ເມືອງ​ຂອງ​ເຈົ້າ ເຮົາ​ໄດ້​ວາງ​ຄົນ​ຍາມ​ຫລາຍໆ​ຄົນ​ໄວ້; ພວກເຂົາ​ບໍ່​ຕ້ອງ​ມິດງຽບ​ໃນ​ກາງເວັນ​ຫລື​ກາງຄືນ ພວກເຂົາ​ຕ້ອງ​ບອກ​ພຣະເຈົ້າຢາເວ​ໃຫ້​ຈົດຈຳ​ເລື້ອຍໆ ຄື​ໃຫ້​ລະນຶກເຖິງ​ຄຳສັນຍາ​ຂອງ​ພຣະອົງ ແລະ​ບໍ່​ປ່ອຍ​ໃຫ້​ພຣະອົງ​ລືມໄລ​ຈັກເທື່ອ.

ເຢເຣມີຢາ 51:12

ຈົ່ງ​ໃຫ້​ສັນຍານ​ບຸກໂຈມຕີ​ກຳແພງ​ຂອງ​ນະຄອນ​ບາບີໂລນ. ຈົ່ງ​ຈັດການ​ເວນຍາມ​ໃຫ້​ເຂັ້ມແຂງ ໃຫ້​ວາງ​ຄົນ​ຍາມ​ປະຈຳ​ທີ່ ຈົ່ງ​ຕັ້ງ​ຄົນ​ດັກສະກັດ​ໄວ້.” ພຣະເຈົ້າຢາເວ​ໄດ້​ເຮັດ​ຕາມ​ສິ່ງ​ທີ່​ພຣະອົງ​ໄດ້​ກ່າວ​ວ່າ ຈະ​ຕ້ອງ​ເຮັດ​ກັບ​ປະຊາຊົນ​ຂອງ​ບາບີໂລນ.

ເຢເຣມີຢາ 51:31

ບັນດາ​ຜູ້​ສົ່ງ​ຂ່າວ​ປ່ຽນຜຽນກັນ ແລ່ນ​ໄປ​ບອກ​ກະສັດ​ແຫ່ງ​ບາບີໂລນ​ວ່າ ເມືອງ​ຂອງ​ເພິ່ນ​ໄດ້​ຖືກ​ທຳລາຍ​ໃຫ້​ພັງ​ທະລາຍ​ລົງ​ຮອບດ້ານ.

1 ໂກຣິນໂທ 15:14

ຖ້າ​ພຣະຄຣິດ​ບໍ່ໄດ້​ຊົງ​ຄືນພຣະຊົນ​ແລ້ວ ການ​ປະກາດ​ຂອງ​ພວກເຮົາ​ກໍ​ບໍ່ມີ​ປະໂຫຍດ ແລະ​ຄວາມເຊື່ອ​ຂອງ​ພວກເຈົ້າ ກໍ​ບໍ່ມີ​ປະໂຫຍດ​ເໝືອນກັນ.

1 ໂກຣິນໂທ 3:7

ຜູ້ປູກ​ກັບ​ຜູ້ຫົດນໍ້າ​ກໍ​ບໍ່​ສຳຄັນ​ຢ່າງ​ໃດ, ແມ່ນ​ພຣະເຈົ້າ​ເທົ່ານັ້ນ​ທີ່​ເປັນ​ຜູ້​ສຳຄັນ ເພາະ​ພຣະອົງ​ເປັນ​ຜູ້​ເຮັດ​ໃຫ້​ໃຫຍ່​ຂຶ້ນ.

ຄາລາເຕຍ 4:11

ເຮົາ​ວິຕົກ​ນຳ​ເຈົ້າ​ທັງຫລາຍ ຢ້ານ​ວ່າ​ການ​ໜັກໜ່ວງ​ທີ່​ເຮົາ​ໄດ້​ເຮັດ​ສຳລັບ​ພວກເຈົ້າ​ນັ້ນ ຈະ​ບໍ່​ເປັນ​ປະໂຫຍດ.

ພຣະບັນຍັດສອງ 8:18

ຈົ່ງ​ຈົດຈຳ​ວ່າ ແມ່ນ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ທີ່​ໃຫ້​ອຳນາດ​ແກ່​ພວກເຈົ້າ​ກາຍເປັນ​ຜູ້​ຮັ່ງມີ. ພຣະອົງ​ເຮັດ​ເຊັ່ນນີ້ ເພາະ​ພຣະອົງ​ຍັງ​ສັດຊື່​ຕໍ່​ພັນທະສັນຍາ ທີ່​ໄດ້​ເຮັດ​ໄວ້​ກັບ​ປູ່ຍ່າຕາຍາຍ​ຂອງ​ພວກເຈົ້າ.

ໂຢຊວຍ 2:2

ກະສັດ​ແຫ່ງ​ເມືອງ​ເຢຣິໂກ​ໄດ້ຍິນ​ຂ່າວ​ວ່າ ມີ​ຊາວ​ອິດສະຣາເອນ​ບາງຄົນ​ໄດ້​ເຂົ້າ​ມາ​ໃນ​ຄືນນັ້ນ ເພື່ອ​ສອດແນມ​ເບິ່ງ​ດິນແດນ.