ເພງ^ສັນລະເສີນ 109:3 - ພຣະຄຳພີສັກສິ

³ ຄຳເວົ້າ​ທີ່​ພວກເຂົາ​ເວົ້າ​ໃສ່​ນັ້ນ ມີ​ແຕ່​ສິ່ງ​ຊົ່ວຮ້າຍ ແລະ​ຄຳເວົ້າ​ທີ່​ໂຈມຕີ​ກໍ​ບໍ່ມີ​ເຫດຜົນ​ຫຍັງ.

ເພງ^ສັນລະເສີນ 109:3 Jak'a apnaqawi uñst'ayäwi

2 ຊາມູເອນ 15:12

ແລະ​ໃນຂະນະທີ່​ອັບຊາໂລມ​ຖວາຍ​ເຄື່ອງ​ບູຊາ​ຢູ່​ນັ້ນ ລາວ​ກໍໄດ້​ສົ່ງ​ຄົນ​ໄປ​ທີ່​ເມືອງ​ກີໂລ ເພື່ອ​ນຳ​ເອົາ​ອາຮີໂຕເຟນ​ທີ່ປຶກສາ​ຄົນ​ໜຶ່ງ​ຂອງ​ກະສັດ​ດາວິດ. ການ​ກະບົດ​ຕໍ່​ກະສັດ​ກໍ​ໜັກ​ຫລາຍ​ຂຶ້ນ ແລະ​ຜູ້​ຕິດຕາມ​ອັບຊາໂລມ​ກໍ​ເພີ່ມ​ຈຳນວນ​ຂຶ້ນ​ເລື້ອຍໆ.

ເພງ^ສັນລະເສີນ 17:11

ບັດນີ້ ຂ້ານ້ອຍ​ຖືກ​ປິດລ້ອມ​ແລະ​ບໍ່​ຮູ້​ວ່າ​ຈະ​ຫັນໄປ​ທາງ​ໃດ ພວກເຂົາ​ຊອກ​ໂອກາດ​ທີ່​ຈະ​ດຶງ​ຂ້ານ້ອຍ​ລົງ​ໃຫ້​ໄດ້.

ເພງ^ສັນລະເສີນ 22:12

ສັດຕູ​ດັ່ງ​ຝູງ​ງົວປ່າ​ອ້ອມ​ຂ້ານ້ອຍ​ໄວ້​ທຸກ​ແຈ ດັ່ງ​ງົວປ່າ​ຮ້າຍ​ແຕ່​ເຂດ​ບາຊານ​ທີ່​ປິດລ້ອມ​ໄວ້.

ເພງ^ສັນລະເສີນ 35:19

ຂໍ​ຢ່າ​ໃຫ້​ສັດຕູ​ຄື​ຄົນ​ຂີ້ຕົວະ​ໄດ້​ເອົາ​ຊະນະ​ຂ້ານ້ອຍ; ຂໍ​ຢ່າ​ໃຫ້​ພວກເຂົາ​ຍິກ​ຄິ້ວ​ຫລິ່ວຕາ​ດີໃຈ ເພາະ​ຂ້ານ້ອຍ​ໂສກເສົ້າ.

ເພງ^ສັນລະເສີນ 35:20

ພວກເຂົາ​ບໍ່​ເວົ້າຈາ​ເພື່ອ​ກໍ່​ໃຫ້​ເກີດ​ສັນຕິພາບ, ປັ້ນ​ແຕ່​ເລື່ອງ​ຕົວະ​ໃສ່​ຂ້ານ້ອຍ​ຜູ້​ຮັກ​ຄວາມ​ສະຫງົບສຸກ.

ເພງ^ສັນລະເສີນ 35:7

ພວກເຂົາ​ຫ້າງ​ແຮ້ວ​ໃສ່​ຂ້ານ້ອຍ​ຢ່າງ​ບໍ່ມີ​ເຫດຜົນ ແລະ​ຂຸດ​ຂຸມ​ເລິກ​ດັກຈັບ​ເພື່ອ​ໃຫ້​ຕົກລົງ​ໃນ​ຂຸມ​ນັ້ນ.

ເພງ^ສັນລະເສີນ 69:4

ພວກ​ທີ່​ກຽດຊັງ​ຂ້ານ້ອຍ​ໂດຍ​ບໍ່ມີ​ເຫດຜົນ​ຫຍັງ ກໍ​ມີ​ຫລາຍກວ່າ​ເສັ້ນຜົມ​ທີ່​ຫົວ​ຂອງ​ຂ້ານ້ອຍ. ສັດຕູ​ຂອງ​ຂ້ານ້ອຍ​ຫາ​ເລື່ອງ​ໃສ່​ໂດຍ​ເວົ້າຕົວະ ພວກເຂົາ​ແຂງແຮງ​ຫລາຍ​ໝາຍ​ທີ່​ຈະ​ທຳລາຍ. ສິ່ງທີ່​ຂ້ານ້ອຍ​ບໍ່ໄດ້​ລັກ​ຫລື​ໂລບ​ເອົາ​ໄປ ຊໍ້າ​ຖືກ​ບັງຄັບ​ໃຫ້​ສົ່ງ​ຄືນ​ສິ່ງນັ້ນ.

ເພງ^ສັນລະເສີນ 88:17

ຂ້ານ້ອຍ​ຖືກ​ອ້ອມຮອບ​ດັ່ງ​ນໍ້າ​ຖ້ວມ​ຕະຫລອດ​ວັນ ມັນ​ອ້ອມຮອບ​ຂ້ານ້ອຍ​ໄວ້​ທຸກ​ດ້ານ.

ໂຮເສອາ 11:12

ປະຊາຊົນ​ເອຟຣາອິມ​ອ້ອມຮອບ​ເຮົາ​ໄວ້ ດ້ວຍ​ການຕົວະ​ແລະ​ການ​ຫລອກລວງ ແລະ​ປະຊາຊົນ​ຢູດາ​ກໍ​ຍັງ​ເປັນ​ກະບົດ​ຕໍ່ສູ້​ເຮົາ​ຢູ່ ຄື​ຕໍ່ສູ້​ພຣະເຈົ້າ​ອົງ​ສັດຊື່​ແລະ​ບໍຣິສຸດ.

1 ຊາມູເອນ 26:18

ແລະ​ກ່າວ​ຕໍ່ໄປ​ວ່າ, “ທ່ານເອີຍ ເຫດໃດ​ທ່ານ​ຈຶ່ງ​ຍັງ​ສືບຕໍ່​ຕາມລ່າ​ຂ້ານ້ອຍ ຜູ້ຮັບໃຊ້​ຂອງທ່ານ​ຢູ່? ຂ້ານ້ອຍ​ໄດ້​ເຮັດ​ຜິດ​ຫຍັງ? ຂ້ານ້ອຍ​ເຮັດ​ຜິດ​ກົດໝາຍ​ຫຍັງ​ແດ່?