ເພງ^ສັນລະເສີນ 109:2 - ພຣະຄຳພີສັກສິ

² ຄົນ​ຂີ້ຕົວະ​ແລະ​ຄົນຊົ່ວຮ້າຍ​ໂຈມຕີ​ຂ້ານ້ອຍ​ຢູ່ ພວກເຂົາ​ໃຊ້​ຄວາມ​ບໍ່ຈິງ​ເວົ້າ​ຕໍ່ສູ້​ຂ້ານ້ອຍ​ຢູ່.

ເພງ^ສັນລະເສີນ 109:2 Jak'a apnaqawi uñst'ayäwi

ປະຖົມມະການ 40:15

ຕາມ​ທີ່​ຈິງ​ແລ້ວ ຂ້ານ້ອຍ​ຖືກ​ຂາຍ​ມາ​ແຕ່​ດິນແດນ​ຂອງ​ຊາວ​ເຮັບເຣີ; ແມ່ນແຕ່​ທີ່​ປະເທດ​ເອຢິບ​ນີ້ ຂ້ານ້ອຍ​ກໍ​ບໍ່ໄດ້​ເຮັດ​ຜິດ​ຫຍັງ​ເລີຍ ພໍ​ທີ່​ຈະ​ຖືກ​ຄຸກ​ຍ້ອນ.”

2 ຊາມູເອນ 17:1

ຕໍ່ມາ​ບໍ່​ນານ ອາຮີໂຕເຟນ​ໄດ້​ເວົ້າ​ກັບ​ອັບຊາໂລມ​ວ່າ, “ຈົ່ງ​ໃຫ້​ຂ້ານ້ອຍ​ເລືອກ​ເອົາ​ທະຫານ​ສິບສອງພັນ​ຄົນ ແລະ​ອອກ​ໄປ​ຕາມ​ຫາ​ກະສັດ​ດາວິດ​ໃນ​ຄືນ​ວັນ​ນີ້.

ເພງ^ສັນລະເສີນ 140:3

ລີ້ນ​ຂອງ​ພວກເຂົາ​ຂ້າ​ຄົນ​ໄດ້​ເໝືອນ​ດັ່ງ​ລີ້ນ​ງູ​ ຄຳເວົ້າ​ຂອງ​ພວກເຂົາ​ກໍ​ເປັນ​ດັ່ງ​ພິດ​ງູເຫົ່າ.

ເພງ^ສັນລະເສີນ 31:13

ຂ້ານ້ອຍ​ໄດ້ຍິນ​ວ່າ​ສັດຕູ​ຫລາຍ​ຄົນ​ກຳລັງ​ຊິ່ມກັນ ຄວາມ​ຕົກໃຈ​ກົວ​ກໍ​ອ້ອມ​ຕົວ​ຂ້ານ້ອຍ​ໄວ້. ເພື່ອ​ຕໍ່ສູ້​ຂ້ານ້ອຍ​ນັ້ນ ພວກເຂົາ​ກຳລັງ​ວາງ​ກົນອຸບາຍ ແຜນການ​ຊົ່ວ​ເພື່ອ​ດັບ​ຊີວິດ​ຂ້ານ້ອຍ​ໃຫ້​ໄດ້.

ເພງ^ສັນລະເສີນ 31:18

ພວກຄົນ​ທີ່​ຂີ້ຕົວະ ຈົ່ງ​ມິດງຽບ ຄື​ພວກ​ທີ່​ອວດອົ່ງ​ແລະ​ຈອງຫອງ​ທັງຫຼາຍ ພວກ​ທີ່​ເວົ້າ​ດູໝິ່ນ​ນິນທາ​ຄົນ​ຊອບທຳ​ນັ້ນ.

ເພງ^ສັນລະເສີນ 52:4

ເຈົ້າ​ມັກ​ທຳຮ້າຍ​ມະນຸດ​ດ້ວຍ​ວາຈາ ເຈົ້າ​ເປັນ​ຄົນ​ມັກຕົວະ.

ສຸພາສິດ 12:19

ເວົ້າ​ຄວາມຈິງ​ຍືນຍົງ​ຢູ່​ຕະຫລອດ, ແຕ່​ເວົ້າ​ຄວາມຕົວະ​ຢືນ​ຢູ່​ໄດ້​ຊົ່ວຄາວ.

ສຸພາສິດ 15:28

ຄົນດີ​ນັ້ນ​ຄິດ​ກ່ອນ​ຈຶ່ງ​ຕອບ, ແຕ່​ຄົນຊົ່ວ​ນັ້ນ​ຕອບ​ໄປໂລດ ຈຶ່ງ​ນຳ​ຄວາມ​ເດືອດຮ້ອນ​ມາ​ສູ່​ຕົນ.

ເຢເຣມີຢາ 9:3

ພວກເຂົາ​ຕຽມພ້ອມ​ທີ່​ຈະ​ເວົ້າ​ຕົວະ​ຢູ່​ສະເໝີ ຄວາມ​ບໍ່​ສັດຊື່​ແທນ​ຄວາມຈິງ​ປົກຄອງ​ດິນແດນ​ນີ້.” ພຣະເຈົ້າຢາເວ​ກ່າວ​ວ່າ, “ປະຊາຊົນ​ຂອງເຮົາ​ເຮັດ​ຊົ່ວ​ແລ້ວ​ເຮັດ​ຊົ່ວ​ອີກ ທັງ​ບໍ່ໄດ້​ຮັບຮູ້​ເຮົາ​ວ່າ​ເປັນ​ພຣະເຈົ້າ​ຂອງ​ພວກເຂົາ.”

ເຢເຣມີຢາ 9:5

ພວກເຂົາ​ລ້ວນແຕ່​ເຮັດ​ໃຫ້​ໝູ່ເພື່ອນ​ຫລົງ​ຜິດ​ໄປ ບໍ່ມີ​ແມ່ນແຕ່​ຄົນດຽວ​ບອກ​ຄວາມຈິງ​ໃຫ້​ກັນ​ຮູ້; ພວກເຂົາ​ໄດ້​ຝຶກແອບ​ລີ້ນ​ຂອງ​ພວກເຂົາ​ໃຫ້​ເວົ້າ​ຕົວະ ພວກເຂົາ​ຈະ​ບໍ່​ຍອມ​ເຊົາ​ການບາບ​ຂອງ​ພວກເຂົາ. ພວກເຂົາ​ກໍ່​ຄວາມ​ຮຸນແຮງ​ຂຶ້ນ ແລະ​ກໍ່​ອີກ​ເທື່ອ​ໃໝ່ ແລະ​ກໍ່​ການ​ຫລອກລວງ​ຂຶ້ນ ແລະ​ກໍ່​ອີກ​ທີ. ພວກເຂົາ​ຕ່າງ​ກໍ​ພາກັນ​ປະຕິເສດ​ທີ່​ຈະ​ຮັບຮູ້​ເຮົາ ອົງພຣະ​ຜູ້​ເປັນເຈົ້າ​ກ່າວ​ວ່າ​ພວກເຂົາ​ປະຖິ້ມ​ພຣະອົງ​ແລ້ວ.

ກິດຈະການ 6:13

ແລ້ວ​ພວກເຂົາ​ກໍ​ນຳ​ພະຍານ​ບໍ່​ຈິງ​ມາ​ກ່າວ​ວ່າ, “ຊາຍ​ຄົນ​ນີ້​ເວົ້າ​ຕໍ່ສູ້​ພຣະວິຫານ​ອັນ​ສັກສິດ ແລະ​ກົດບັນຍັດ​ຢ່າງ​ບໍ່​ຢຸດຢັ້ງ.