ເພງ^ສັນລະເສີນ 102:7 - ພຣະຄຳພີສັກສິ

⁷ ເມື່ອ​ຂ້ານ້ອຍ​ເນີ້ງຕົວ​ລົງ​ກໍ​ນອນ​ບໍ່​ຫລັບ ດັ່ງ​ນົກ​ງອຍ​ຢູ່​ດຽວດາຍ​ທີ່​ຫລັງຄາ​ເຮືອນ​ນັ້ນ.

ເພງ^ສັນລະເສີນ 102:7 Jak'a apnaqawi uñst'ayäwi

ພຣະທຳ​ໂຢບ 30:29

ສຽງ​ຂອງ​ຂ້ານ້ອຍ​ໂສກເສົ້າ​ທັງ​ໂດດດ່ຽວ​ປ່ຽວໃຈ ດັ່ງ​ສຽງ​ໝາໄນ​ແລະ​ສຽງ​ນົກ​ກະຈອກເທດ.

ເພງ^ສັນລະເສີນ 130:6

ຂ້ານ້ອຍ​ຄອງຄອຍ​ຖ້າ​ອົງພຣະ​ຜູ້​ເປັນເຈົ້າ​ດ້ວຍ​ຈິດໃຈ​ຮ້ອນຮົນ ຍິ່ງກວ່າ​ຄົນເຝົ້າຍາມ​ຄອງຄອຍ​ຖ້າ​ໃຫ້​ເຖິງ​ຮຸ່ງເຊົ້າ.

ເພງ^ສັນລະເສີນ 22:2

ຂ້າແດ່​ພຣະເຈົ້າ​ຂອງ​ຂ້ານ້ອຍ ຂ້ານ້ອຍ​ຮ້ອງຫາ​ໃນ​ກາງເວັນ ແຕ່​ພຣະອົງ​ບໍ່​ໃຫ້​ຄຳຕອບ ຂ້ານ້ອຍ​ເອີ້ນ​ຫາ​ພຣະອົງ​ໃນ​ເວລາ​ກາງຄືນ ຈົນ​ວ່າ​ບໍ່ໄດ້​ຮັບ​ການ​ພັກຜ່ອນ.

ເພງ^ສັນລະເສີນ 38:11

ໝູ່ເພື່ອນ​ແລະ​ເພື່ອນບ້ານ​ທັງຫຼາຍ​ຕ່າງ​ກໍ​ເຫີນຫ່າງ​ໜີໄປ ພວກເຂົາ​ບໍ່​ມາ​ໃກ້ຊິດ​ຕິດແທດ​ຂ້ານ້ອຍ​ອີກ. ແມ່ນແຕ່​ຄອບຄົວ​ຕົນເອງ​ກໍ​ເຫີນຫ່າງ​ເໝືອນກັນ ກໍ​ເພາະ​ບາດແຜ​ທີ່​ຂ້ານ້ອຍ​ໄດ້​ຮັບ​ຢູ່​ນີ້.

ເພງ^ສັນລະເສີນ 77:4

ພຣະອົງ​ເຮັດ​ໃຫ້​ຂ້ານ້ອຍ​ນອນ​ບໍ່​ຫລັບ​ທັງຄືນ ຂ້ານ້ອຍ​ທຸກໃຈ​ຫລາຍ​ຈົນ​ເວົ້າຈາ​ຫຍັງ​ບໍ່ໄດ້.