ເພງ^ສັນລະເສີນ 101:5 - ພຣະຄຳພີສັກສິ

⁵ ຂ້ານ້ອຍ​ຈະ​ກຳຈັດ​ທຸກຄົນ​ທີ່​ຊຸບຊິບ​ເລື່ອງ​ບໍ່​ດີ ແລະ​ຈະ​ບໍ່​ໂຍະຍານ​ໃຫ້​ແກ່​ຄົນ​ອວດຕົວ​ຈອງຫອງ​ດ້ວຍ.

ເພງ^ສັນລະເສີນ 101:5 Jak'a apnaqawi uñst'ayäwi

ເພງ^ສັນລະເສີນ 138:6

ເຖິງ​ວ່າ​ຢູ່​ທີ່​ສູງສຸດ ພຣະເຈົ້າຢາເວ​ກໍ​ເຝົ້າເບິ່ງ​ຜູ້​ທີ່​ຖ່ອມໃຈ ເຖິງ​ວ່າ​ຢູ່​ໄກແສນໄກ ພຣະອົງ​ກໍ​ເຫັນ​ຄົນ​ຈອງຫອງ​ໄດ້.

ເພງ^ສັນລະເສີນ 15:3

ແລະ​ເປັນ​ຜູ້​ທີ່​ບໍ່​ເວົ້າ​ໃຫ້​ຄົນອື່ນ​ເສຍຫາຍ ບໍ່​ເຮັດ​ຜິດ​ຕໍ່​ໝູ່ຄູ່​ແລະ​ບໍ່​ກ່າວຂວັນ​ນິນທາ​ເພື່ອນບ້ານ.

ເພງ^ສັນລະເສີນ 18:27

ພຣະອົງ​ຊ່ວຍ​ຜູ້​ທີ່​ຖ່ອມຕົວ​ໃຫ້​ພົ້ນໄພ ແຕ່​ພຣະອົງ​ດຶງ​ຄົນ​ທີ່​ອວດຕົວ​ຈອງຫອງ​ໃຫ້​ຕົກຕໍ່າ​ລົງ.

ເພງ^ສັນລະເສີນ 50:20

ເຈົ້າ​ພ້ອມ​ທີ່​ຈະ​ຫາ​ເລື່ອງ​ໃສ່​ພີ່ນ້ອງ​ຂອງຕົນ ແລະ​ເລັ່ງ​ຊອກ​ຈັບ​ຜິດ​ເຂົາເຈົ້າ.

ອົບພະຍົບ 20:16

ຢ່າ​ເປັນ​ພະຍານ​ບໍ່​ຈິງ​ຕໍ່ສູ້​ເພື່ອນບ້ານ.

ອົບພະຍົບ 23:1

ຢ່າ​ນຳ​ເອົາ​ເລື່ອງ​ບໍ່​ຈິງ​ໄປ​ເລົ່າ​ຕໍ່ໆ​ກັນ ແລະ​ຢ່າ​ຊ່ວຍ​ຄົນ​ຜິດ​ໂດຍ​ໃຫ້​ຄຳ​ພະຍານ​ບໍ່​ຈິງ.

ສຸພາສິດ 10:18

ຜູ້​ທີ່​ອຳ​ຄວາມ​ກຽດຊັງ​ໄວ້ ກໍ​ເປັນ​ຄົນ​ຂີ້ຕົວະ ຜູ້​ທີ່​ຫາ​ເວົ້າຂວັນ​ຄົນ ກໍ​ເປັນ​ຄົນໂງ່ຈ້າ.

ສຸພາສິດ 20:19

ຄົນ​ປາກ​ບອນ​ບໍ່​ຫ່ອນ​ຮັກສາ​ຄວາມລັບ​ໄວ້​ໄດ້ ຈົ່ງ​ໜີ​ໃຫ້​ຫ່າງ​ຈາກ​ຄົນ​ທີ່​ເວົ້າຫລາຍ​ເກີນໄປ.

ສຸພາສິດ 21:4

ການ​ຫລອກລວງ​ແລະ​ການ​ອວດດີ ສິ່ງ​ເຫຼົ່ານີ້​ເປັນ​ບາບກຳ​ທີ່​ຄວບຄຸມ​ຄົນ​ຊົ່ວຮ້າຍ.

ສຸພາສິດ 25:23

ລົມ​ທິດເໜືອ​ນຳ​ເອົາ​ຝົນ​ມາ​ສັນໃດ ຄົນ​ປາກ​ບອນ​ກໍ​ນຳ​ເອົາ​ຄວາມ​ໂກດຮ້າຍ​ມາ​ສັນນັ້ນ.

ສຸພາສິດ 30:13

ຜູ້​ທີ່​ຄິດ​ວ່າ​ຕົນ​ເປັນ​ຄົນ​ດີເລີດ ດີເລີດ​ສໍ່າໃດ​ກັນເດ ຄົນ​ຢ່າງນີ້​ກໍມີ.

ເອຊາຢາ 2:11

ວັນ​ໜຶ່ງ​ຈະ​ມາ​ເຖິງ ເມື່ອ​ຄວາມ​ອວດອົ່ງ​ຈອງຫອງ​ຂອງ​ມະນຸດ​ຈະ​ສິ້ນສຸດ​ລົງ ແລະ​ຄວາມ​ອວດດີ​ຂອງ​ພວກເຂົາ​ຈະ​ຖືກ​ທຳລາຍ. ແລ້ວ​ແມ່ນ​ພຣະເຈົ້າຢາເວ​ເທົ່ານັ້ນ ທີ່​ຈະ​ໄດ້​ຮັບ​ກຽດ​ແລະ​ຄຳ​ຍົກຍໍ​ສັນລະເສີນ.

ເອເຊກຽນ 22:9

ບາງຄົນ​ໃສ່​ຮ້າຍ​ຄົນອື່ນ​ເພື່ອ​ໃຫ້​ຖືກ​ປະຫານ. ບາງຄົນ​ກິນ​ເຄື່ອງ​ທີ່​ໄດ້​ຖວາຍບູຊາ​ໃຫ້​ບັນດາ​ຮູບເຄົາຣົບ​ແລ້ວ. ບາງຄົນ​ກໍ​ມີ​ແຕ່​ພໍໃຈ​ຢູ່​ກັບ​ຣາຄະ​ຕັນຫາ.

ດານີເອນ 4:37

ບັດນີ້ ເຮົາ​ຄື​ເນບູ​ກາດເນັດຊາ ຂໍ​ສັນລະເສີນ​ແລະ​ຖວາຍ​ກຽດຕິຍົດ ແລະ​ສະຫງ່າຣາສີ ແດ່​ກະສັດ​ແຫ່ງ​ສະຫວັນ. ທຸກສິ່ງ​ທີ່​ພຣະອົງ​ເຮັດ​ກໍ​ຖືກຕ້ອງ​ແລະ​ຍຸດຕິທຳ ແລະ​ພຣະອົງ​ເຮັດ​ໃຫ້​ຄົນ​ຈອງຫອງ​ຖ່ອມຕົວ​ລົງ​ໄດ້.”

ລະບຽບ^ພວກເລວີ 19:16

ຢ່າ​ທຽວໄປ​ທຽວມາ​ໃສ່ຮ້າຍ​ປ້າຍສີ​ຄົນອື່ນ ຢ່າ​ປອງຮ້າຍ​ຕໍ່​ຊີວິດ​ເພື່ອນບ້ານ. ເຮົາ​ແມ່ນ​ພຣະເຈົ້າຢາເວ.

ລູກາ 18:14

ເຮົາ​ບອກ​ພວກເຈົ້າ​ວ່າ ຄົນ​ນີ້​ແຫຼະ ເມື່ອ​ກັບ​ລົງ​ໄປ​ທີ່​ເຮືອນ​ຂອງຕົນ​ກໍ​ຊົງ​ນັບ​ວ່າ ລາວ​ຊອບທຳ​ຫລາຍກວ່າ​ຄົນອື່ນ​ນັ້ນ ເພາະວ່າ​ທຸກຄົນ​ທີ່​ຍົກ​ຕົວ​ຂຶ້ນ​ຈະ​ຖືກ​ຖອຍ​ລົງ ແຕ່​ຜູ້ໃດ​ທີ່​ຖ່ອມຕົວ​ລົງ​ຈະ​ຖືກ​ຍົກ​ຂຶ້ນ.”

1 ໂກຣິນໂທ 5:11

ແຕ່​ເຮົາ​ໄດ້​ຂຽນ​ມາ​ບອກ​ພວກເຈົ້າ​ວ່າ ຖ້າ​ຜູ້ໃດ​ໄດ້​ຊື່​ວ່າ​ເປັນ​ພີ່ນ້ອງ​ແລ້ວ, ແຕ່​ຍັງ​ເປັນ​ຄົນ​ຫລິ້ນຊູ້ ຄົນ​ໂລບ ຄົນ​ຂາບໄຫວ້​ຮູບເຄົາຣົບ ຄົນ​ເວົ້າ​ຫຍາບ​ຊ້າ ຄົນ​ຂີ້ເຫລົ້າ ຄົນ​ຂົ່ມຂູ່​ກໍດີ ຢ່າ​ຄົບຫາ​ກັບ​ຄົນ​ຢ່າງ​ນັ້ນ, ແມ່ນແຕ່​ກິນ​ເຂົ້າ​ຮ່ວມພາ ກໍ​ຢ່າ​ຊູ່​ກິນ.

1 ຕີໂມທຽວ 3:11

ຝ່າຍ​ພວກ​ແມ່ຍິງ​ກໍ​ເໝືອນກັນ ຕ້ອງ​ເປັນ​ຄົນ​ເອົາການ​ເອົາງານ ຕ້ອງ​ມີ​ຄຸນສົມບັດ​ດີ ແລະ​ຕ້ອງ​ບໍ່​ເວົ້າ​ໃສ່ຮ້າຍ​ປ້າຍສີ​ນິນທາ​ຄົນອື່ນ ຕ້ອງ​ເປັນ​ຜູ້​ຮູ້ຈັກ​ບັງຄັບ​ຕົນ ແລະ​ເປັນ​ຄົນ​ສັດຊື່​ໃນ​ທຸກສິ່ງ.

ຕີໂຕ 2:3

ໃນທຳນອງ​ດຽວກັນ ຈົ່ງ​ແນະນຳ​ພວກ​ແມ່ຍິງ​ທີ່​ອາວຸໂສ ໃຫ້​ປະພຶດ​ຕົນ​ສົມກັບ​ເປັນ​ຄົນ​ຂອງ​ພຣະເຈົ້າ ພວກເຂົາ​ຕ້ອງ​ບໍ່​ເປັນ​ຄົນ​ມັກ​ກ່າວ​ນິນທາ​ໃສ່ຮ້າຍ​ປ້າຍສີ ຫລື​ຕິດເຫລົ້າ​ເມົາ​ສຸຣາ ພວກເຂົາ​ຕ້ອງ​ເປັນ​ຜູ້​ສັ່ງສອນ​ຄຸນງາມ​ຄວາມດີ

1 ຊາມູເອນ 2:3

ເຈົ້າ​ຈົ່ງ​ເຊົາ​ເວົ້າ​ຄຳ​ໂອ້ອວດ​ນັ້ນ​ສາ ຈົ່ງ​ໃຫ້​ຄຳເວົ້າ​ຈອງຫອງ​ຂອງ​ເຈົ້າ​ມິດງຽບ. ເພາະ​ພຣະເຈົ້າຢາເວ ເປັນ​ພຣະເຈົ້າ​ຜູ້​ຮູ້​ເຫັນ ພຣະອົງ​ຕັດສິນ​ທຸກ​ການ​ກະທຳ ຂອງ​ມະນຸດ.