ເພງ^ສັນລະເສີນ 100:2 - ພຣະຄຳພີສັກສິ

² ຈົ່ງ​ນະມັດສະການ​ພຣະເຈົ້າຢາເວ​ຢ່າງ​ຊົມຊື່ນ​ຍິນດີ ມາ​ຮ້ອງເພງ​ອັນ​ມ່ວນຊື່ນ​ຢູ່​ຊ້ອງໜ້າ​ພຣະອົງ.

ເພງ^ສັນລະເສີນ 100:2 Jak'a apnaqawi uñst'ayäwi

1 ກະສັດ 8:66

ໃນ​ວັນ​ທີ​ແປດ ກະສັດ​ໂຊໂລໂມນ​ໄດ້​ໃຫ້​ປະຊາຊົນ​ກັບ​ເມືອ​ບ້ານ​ເຮືອນ​ຂອງ​ໃຜ​ລາວ. ພວກເຂົາ​ທຸກຄົນ​ຕ່າງ​ກໍ​ຊົມເຊີຍ​ເພິ່ນ ແລະ​ກັບຄືນ​ເມືອ​ຢ່າງ​ຊົມຊື່ນ​ຍິນດີ ເພາະ​ຄຳອວຍພອນ​ທັງໝົດ​ທີ່​ພຣະເຈົ້າຢາເວ​ໄດ້​ປະທານ​ໃຫ້​ແກ່​ກະສັດ​ດາວິດ​ຜູ້ຮັບໃຊ້​ຂອງ​ພຣະອົງ ແລະ​ໃຫ້​ແກ່​ປະຊາຊົນ​ອິດສະຣາເອນ​ຂອງ​ພຣະອົງ.

2 ຂ່າວຄາວ 29:30

ກະສັດ​ພ້ອມ​ດ້ວຍ​ພວກ​ຜູ້ນຳ​ຂອງ​ປະຊາຊົນ​ໃນ​ຊາດ ໄດ້​ບອກ​ໃຫ້​ຊາວ​ເລວີ​ຮ້ອງເພງ​ສັນລະເສີນ​ແດ່​ພຣະເຈົ້າຢາເວ ຄື​ຖ້ອຍຄຳ​ທີ່​ກະສັດ​ດາວິດ ແລະ​ຜູ້ທຳນວາຍ​ອາສັບ​ໄດ້​ແຕ່ງ​ໄວ້. ສະນັ້ນ ທຸກຄົນ​ຈຶ່ງ​ຮ້ອງເພງ​ດ້ວຍ​ຄວາມ​ຊົມຊື່ນ​ຍິນດີ ເມື່ອ​ພວກເຂົາ​ຄຸເຂົ່າ​ລົງ​ນ້ອມ​ນະມັດສະການ​ພຣະເຈົ້າ.

2 ຂ່າວຄາວ 31:2

ກະສັດ​ເຮເຊກີຢາ​ໄດ້​ຈັດຕັ້ງ​ຄະນະ​ປົກຄອງ​ປະໂຣຫິດ​ແລະ​ຊາວ​ເລວີ​ຂຶ້ນ​ໃໝ່ ຕາມ​ໜ້າທີ່​ສະເພາະ​ຂອງ​ໃຜ​ລາວ. ໜ້າທີ່​ເຫຼົ່ານັ້ນ​ລວມ​ເອົາ​ທັງ​ການ​ເຜົາ​ຖວາຍບູຊາ​ແລະ​ການຖວາຍ​ເພື່ອ​ຄວາມ​ສາມັກຄີທຳ, ການ​ປະກອບ​ສ່ວນ​ໃນ​ພິທີ​ນະມັດສະການ​ທີ່​ພຣະວິຫານ​ແລະ​ການຖວາຍ​ຄຳ​ຍົກຍໍ​ສັນລະເສີນ ແລະ​ການ​ໂມທະນາ​ຂອບພຣະຄຸນ​ໃນ​ເດີ່ນລານ​ຕ່າງໆ​ຂອງ​ພຣະເຈົ້າຢາເວ.

ເພງ^ສັນລະເສີນ 42:4

ເມື່ອ​ຄິດເຖິງ​ອະດີດ​ກໍ​ທຸກລະທົມ​ໃຈ​ຫລາຍ ເມື່ອ​ໄດ້​ຍ່າງ​ເປັນ​ຝູງ​ໄປ​ສູ່​ວິຫານ​ຂອງ​ພຣະເຈົ້າ ແລະ​ໄດ້​ພາ​ເຂົາເຈົ້າ​ຍ່າງ​ຕາມ​ຫລັງ​ກັນ​ໄປ ສຸກໃຈ​ຮ້ອງລຳ​ທຳເພງ​ຍ້ອງຍໍ​ສັນລະເສີນ​ພຣະເຈົ້າ.

ເພງ^ສັນລະເສີນ 71:23

ຂ້ານ້ອຍ​ຈະ​ໂຮຮ້ອງ​ຢ່າງ​ຊົມຊື່ນ​ຍິນດີ ໃນ​ຂະນະທີ່​ດີດ​ກິດຕາ​ຖວາຍ​ແດ່​ພຣະອົງ​ນັ້ນ ຂ້ານ້ອຍ​ຈະ​ຮ້ອງເພງ​ດ້ວຍ​ສຸດຈິດ​ສຸດໃຈ ເພາະ​ພຣະອົງ​ໄດ້​ຊ່ວຍ​ຂ້ານ້ອຍ​ໃຫ້​ໄດ້​ພົ້ນ.

ເພງ^ສັນລະເສີນ 95:2

ຈົ່ງ​ເຂົ້າ​ມາ​ເຝົ້າ​ພຣະອົງ​ດ້ວຍ​ການ​ໂມທະນາ​ຂອບພຣະຄຸນ ຮ້ອງເພງ​ຢ່າງ​ຊື່ນໃຈ​ຍ້ອງຍໍ​ສັນລະເສີນ​ພຣະອົງ.

ພຣະບັນຍັດສອງ 12:12

ຈົ່ງ​ຊົມຊື່ນ​ຍິນດີ​ຢູ່​ຊ້ອງໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ພ້ອມ​ກັບ​ລູກຫລານ​ຂອງ​ພວກເຈົ້າ, ຄົນ​ຮັບໃຊ້​ຂອງ​ພວກເຈົ້າ ແລະ​ຊາວ​ເລວີ​ທີ່​ອາໄສ​ຢູ່​ໃນ​ເມືອງ​ຂອງ​ພວກເຈົ້າ; ຈົ່ງ​ຈົດຈຳ​ໄວ້​ວ່າ​ຊາວ​ເລວີ​ຈະ​ບໍ່ມີ​ດິນແດນ​ເປັນ​ຂອງ​ຕົນເອງ.

ພຣະບັນຍັດສອງ 16:11

ຈົ່ງ​ຊົມຊື່ນ​ຍິນດີ​ຢູ່​ຊ້ອງໜ້າ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ຮ່ວມ​ກັບ​ລູກ​ຊາຍ​ຍິງ​ຂອງ​ເຈົ້າ, ທາດຮັບໃຊ້​ຂອງ​ເຈົ້າ, ຊາວ​ເລວີ, ຊາວ​ຕ່າງດ້າວ ເດັກ​ກຳພ້າ ແລະ​ແມ່ໝ້າຍ​ທີ່​ອາໄສ​ຢູ່​ໃນ​ເມືອງ​ຕ່າງໆ​ຂອງ​ພວກເຈົ້າ. ຈົ່ງ​ຈັດ​ພິທີ​ນີ້​ຂຶ້ນ​ຢູ່​ໃນ​ບ່ອນ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ເລືອກໄວ້ ຊຶ່ງ​ໃຫ້​ນາມຊື່​ຂອງ​ພຣະອົງ​ຕັ້ງຢູ່.

ພຣະບັນຍັດສອງ 16:14

ຈົ່ງ​ຊົມຊື່ນ​ຍິນດີ​ໃນ​ງານ​ເທດສະການ​ຂອງ​ເຈົ້າ​ຮ່ວມ​ກັນ​ກັບ​ລູກ​ຊາຍ​ຍິງ​ຂອງ​ເຈົ້າ, ທາດຮັບໃຊ້​ຂອງ​ເຈົ້າ, ຊາວ​ເລວີ, ຊາວ​ຕ່າງດ້າວ, ເດັກ​ກຳພ້າ ແລະ​ແມ່ໝ້າຍ​ທີ່​ອາໄສ​ຢູ່​ໃນ​ເມືອງ​ຕ່າງໆ​ຂອງ​ພວກເຈົ້າ.

ພຣະບັນຍັດສອງ 28:47

ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ໄດ້​ອວຍພອນ​ພວກເຈົ້າ​ໃນ​ທຸກໆ​ສິ່ງ, ແຕ່​ພວກເຈົ້າ​ບໍ່ໄດ້​ບົວລະບັດ​ຮັບໃຊ້​ພຣະອົງ​ດ້ວຍ​ໃຈ​ຊົມຊື່ນ​ຍິນດີ​ແລະ​ເບີກບານ.

ຟີລິບປອຍ 4:4

ຈົ່ງ​ຊົມຊື່ນ​ຍິນດີ​ໃນ​ອົງພຣະ​ຜູ້​ເປັນເຈົ້າ​ທຸກ​ເວລາ ເຮົາ​ຂໍ​ຢໍ້າ​ອີກ​ວ່າ ຈົ່ງ​ຊົມຊື່ນ​ຍິນດີ​ເທີ້ນ.