ເພງ^ສັນລະເສີນ 10:3 - ພຣະຄຳພີສັກສິ

³ ຄົນຊົ່ວຮ້າຍ​ອວດອ້າງ​ຈອງຫອງ​ໃນ​ການ​ເຮັດ​ຊົ່ວ​ຂອງຕົນ ຄົນ​ມັກໂລບ​ກໍ​ສາບແຊ່ງ​ແລະ​ປະຕິເສດ​ພຣະເຈົ້າຢາເວ.

ເພງ^ສັນລະເສີນ 10:3 Jak'a apnaqawi uñst'ayäwi

1 ກະສັດ 20:25

ຈົ່ງ​ລະດົມ​ເອົາ​ທະຫານ​ໃຫ້​ຫລາຍ​ເທົ່າກັບ​ຈຳນວນ​ທີ່​ໄດ້​ໜີໄປ​ຈາກ​ທ່ານ ສ່ວນ​ມ້າ​ແລະ​ລົດຮົບ​ກໍ​ໃຫ້​ມີ​ຈຳນວນ​ເທົ່າເກົ່າ. ແລ້ວ​ພວກເຮົາ​ກໍ​ຈະ​ສູ້ຮົບ​ພວກ​ອິດສະຣາເອນ​ໃນ​ບ່ອນ​ຮາບພຽງ ແລະ​ໃນ​ຄັ້ງ​ນີ້ ພວກເຮົາ​ຈະ​ເອົາ​ຊະນະ​ພວກເຂົາ​ໃຫ້​ໄດ້.” ກະສັດ​ເບັນຮາດາດ​ໄດ້​ຕົກລົງ​ເຮັດ​ຕາມ​ຄຳແນະນຳ​ຂອງ​ພວກເຂົາ.

ພຣະທຳ​ໂຢບ 31:24

ຂ້ອຍ​ບໍ່ໄດ້​ໃຫ້​ຄຳ​ເປັນ​ຄວາມຫວັງ​ຂອງຂ້ອຍ ຫລື​ວ່າ​ໃຫ້​ຄຳ​ບໍຣິສຸດ​ເປັນ​ຄວາມ​ໝັ້ນໃຈ​ຂອງຂ້ອຍ.

ເພງ^ສັນລະເສີນ 35:21

ພວກເຂົາ​ຟ້ອງ​ຂ້ານ້ອຍ​ໂດຍ​ຮ້ອງໂຮ​ຂຶ້ນ​ວ່າ, “ຫັ້ນເດ ພວກຂ້ອຍ​ໄດ້​ເຫັນ​ສິ່ງ​ທີ່​ເຈົ້າ​ກະທຳ”.

ເພງ^ສັນລະເສີນ 49:18

ຖ້າ​ແມ່ນ​ວ່າ ຊາຍ​ຄົນ​ໜຶ່ງ​ພໍໃຈ​ໃນ​ຊີວິດ​ຂອງຕົນ ແລະ​ໄດ້​ຮັບ​ຄຳ​ຍ້ອງຍໍ​ຊົມເຊີຍ​ເພາະ​ຜົນ​ສຳເລັດ​ຂອງ​ລາວ​ນັ້ນ

ເພງ^ສັນລະເສີນ 49:6

ເມື່ອ​ຖືກ​ຄົນຊົ່ວຮ້າຍ​ຜູ້​ທີ່​ວາງໃຈ​ໃນ​ຄວາມຮັ່ງມີ ອວດດີ​ໃນ​ຊັບສິນ​ອັນ​ໃຫຍ່ໂຕ​ຂອງ​ເຂົາເຈົ້າ.

ເພງ^ສັນລະເສີນ 5:6

ພຣະອົງ​ທຳລາຍ​ຄົນ​ຂີ້ຕົວະ​ທຸກຄົນ ແລະ​ພຣະເຈົ້າຢາເວ​ກຽດຊັງ​ຄົນຊົ່ວຮ້າຍ​ແລະ​ຄົນ​ຫລອກລວງ​ດ້ວຍ.

ເພງ^ສັນລະເສີນ 52:1

ເປັນຫຍັງ​ຈຶ່ງ​ອວດອ້າງ​ຄວາມຊົ່ວ​ຂອງເຈົ້າ ມະນຸດ​ຜູ້​ແຂງແຮງ​ເອີຍ? ຄວາມສັດຊື່​ຂອງ​ພຣະອົງ​ດຳລົງ​ສືບໄປ​ເປັນນິດ.

ເພງ^ສັນລະເສີນ 94:4

ຜູ້ຂ້າຄົນ​ນັ້ນ​ຈະ​ຈອງຫອງ​ໄປ​ເຫິງ​ປານໃດ? ຄູຍໂມ້​ເຖິງ​ອາດຊະຍາກຳ​ຂອງ​ພວກເຂົາ​ໄປ​ອີກ​ນານ​ເທົ່າໃດ?

ອົບພະຍົບ 15:9

ສັດຕູ​ເວົ້າ​ວ່າ, ‘ຂ້ອຍ​ຈະ​ຕາມລ່າ​ຈັບ​ກຸມ​ເອົາ​ພວກເຂົາ ຂ້ອຍ​ຈະ​ແບ່ງປັນ​ຊັບສິນ​ຂອງ​ພວກເຂົາ​ໃຫ້​ໄດ້; ແລະ​ຢຶດເອົາ​ສິ່ງ​ທີ່​ຂ້ອຍ​ຕ້ອງການ​ທັງໝົດ​ໄປ ຂ້ອຍ​ຈະ​ຊັກ​ດາບ​ແລະ​ຢຶດ​ສິ່ງ​ຂອງ​ທີ່​ພວກເຂົາ​ມີ​ນັ້ນ.’

ສຸພາສິດ 28:4

ຜູ້​ທີ່​ບໍ່​ນັບຖື​ກົດໝາຍ​ກໍ​ກາຍເປັນ​ຝ່າຍ​ຂອງ​ຄົນ​ຊົ່ວຮ້າຍ, ແຕ່​ຜູ້​ທີ່​ນັບຖື​ກົດໝາຍ​ກໍ​ກາຍເປັນ​ຝ່າຍ​ຕໍ່ຕ້ານ​ເຂົາເຈົ້າ.

ປັນຍາຈານ 7:15

ຊີວິດ​ຂ້າພະເຈົ້າ​ກໍ​ອະນິຈັງ​ດ້ວຍ, ແຕ່​ຂ້າພະເຈົ້າ​ໄດ້​ເຫັນ​ທຸກສິ່ງ​ໃນ​ຊີວິດ​ຄື ຄົນ​ຊອບທຳ​ຜູ້ໜຶ່ງ​ຕາຍໄປ​ໃນ​ຄວາມ​ຊອບທຳ​ຂອງຕົນ ແລະ​ຄົນຊົ່ວຮ້າຍ​ມີ​ຊີວິດ​ຍືນຍາວ​ໃນ​ການກະທຳ​ຊົ່ວ​ຂອງ​ເຂົາ.

ເອຊາຢາ 37:23

ເຈົ້າ​ຄິດ​ວ່າ​ເຈົ້າ​ເວົ້າ​ໝິ່ນປະໝາດ​ຜູ້ໃດ? ແລະ​ໄດ້​ປ້ອຍດ່າ​ຜູ້ໃດ? ເຈົ້າ​ໄດ້​ຂື້ນສຽງ​ຕໍ່ສູ້​ຜູ້ໃດ? ແລະ​ແຫງນ​ຕາ​ທີ່​ໂອ້ອວດ​ຂອງເຈົ້າ​ຕໍ່ສູ້​ພຣະເຈົ້າ​ອົງ​ບໍຣິສຸດ​ແຫ່ງ​ຊາດ​ອິດສະຣາເອນ.

ເອຊາຢາ 57:17

ເຮົາ​ໂກດຮ້າຍ​ພວກເຂົາ ເພາະ​ການບາບ​ແລະ​ຄວາມ​ໂລບມາກ​ຂອງ​ພວກເຂົາ; ສະນັ້ນ ເຮົາ​ຈຶ່ງ​ໄດ້​ລົງໂທດ​ແລະ​ປະຖິ້ມ​ພວກເຂົາ. ແຕ່​ພວກເຂົາ​ຍັງ​ດື້ດ້ານ​ແລະ​ສືບຕໍ່​ເຮັດ​ຕາມ​ວິຖີ​ທາງ​ຂອງຕົນ​ຢູ່.

ເຢເຣມີຢາ 22:17

“ແຕ່​ເຈົ້າ​ເຫັນ​ແຕ່​ຜົນປະໂຫຍດ​ສ່ວນຕົວ ເຈົ້າ​ກົດຂີ່​ຢ່າງ​ຮຸນແຮງ​ປະຊາຊົນ​ຂອງເຈົ້າ. ເຈົ້າ​ເຂັ່ນຂ້າ​ຄົນ​ທີ່​ບໍ່ມີ​ຄວາມຜິດ​ຫຍັງ.”

ລະບຽບ^ພວກເລວີ 26:30

ເຮົາ​ຈະ​ທຳລາຍ​ສະຖານທີ່​ນະມັດສະການ​ຂອງ​ພວກເຈົ້າ​ທີ່​ເທິງ​ພູ ມ້າງ​ແລະ​ຮື້​ແທ່ນບູຊາ​ເຄື່ອງຫອມ​ລົງ​ໝົດ ແລະ​ໂຍນ​ສົບ​ພວກເຈົ້າ​ຖິ້ມ​ໃສ່​ເທິງ​ຮູບເຄົາຣົບ​ຂອງ​ພວກເຈົ້າ​ທີ່​ຫັກ​ເພພັງ. ຍ້ອນ​ເຮົາ​ເບື່ອໜ່າຍ​ພວກເຈົ້າ​ຫລາຍ​ທີ່ສຸດ

ຮາບາກຸກ 2:9

ເຄາະກຳ​ເປັນ​ຂອງ​ພວກເຈົ້າ​ສາ​ແລ້ວ ຜູ້​ທີ່​ໄດ້​ເຮັດ​ໃຫ້​ຄອບຄົວ​ຂອງ​ພວກ​ຕົນ​ຮັ່ງມີ​ເປັນດີ ດ້ວຍ​ສິ່ງ​ທີ່​ພວກເຈົ້າ​ຢຶດ​ມາ​ໄດ້​ດ້ວຍ​ການ​ຂ້າ​ທາລຸນ​ຄົນອື່ນ ແລະ​ດ້ວຍ​ການ​ພະຍາຍາມ​ເຮັດ​ໃຫ້​ຄອບຄົວ​ຂອງຕົນເອງ​ຢູ່​ຢ່າງ​ປອດໄພ​ຈາກ​ການ​ທຳຮ້າຍ ແລະ​ຈາກ​ອັນຕະລາຍ

ລູກາ 12:15

ແລ້ວ​ພຣະອົງ​ກໍ​ກ່າວ​ແກ່​ພວກເຂົາ​ວ່າ, “ຈົ່ງ​ລະວັງ​ແລະ​ເຝົ້າ​ຮັກສາ​ຕົນ​ໄວ້ ໃຫ້​ເວັ້ນ​ຈາກ​ຄວາມ​ໂລບ​ທຸກຢ່າງ ເພາະ​ຊີວິດ​ແທ້​ຂອງ​ມະນຸດ ບໍ່​ຂຶ້ນ​ຢູ່​ກັບ​ຊັບສິ່ງຂອງ​ອັນ​ບໍຣິບູນ​ທີ່​ຕົນ​ມີ​ຢູ່.”

ລູກາ 12:19

ແລ້ວ​ເຮົາ​ກໍ​ຈະ​ເວົ້າ​ກັບ​ຕົວ​ເອງ​ວ່າ, ‘ຈິດໃຈ​ເອີຍ ເຮົາ​ມີ​ເຂົ້າ​ຂອງ​ດີ ເພື່ອ​ໄວ້​ກິນ​ຫລາຍໆ​ປີ​ຕາມ​ຄວາມ​ຕ້ອງການ ຈົ່ງ​ໃຊ້​ຊີວິດ​ຢ່າງ​ສຸກ​ສະບາຍ ຈົ່ງ​ກິນ ຈົ່ງ​ດື່ມ ແລະ​ຈົ່ງ​ເຮັດ​ໃຫ້​ຕົນເອງ​ມ່ວນຊື່ນ​ເທາະ.’

ໂຣມ 1:29

ພວກເຂົາ​ເຕັມ​ໄປ​ດ້ວຍ​ຄວາມ​ຊົ່ວຊ້າ​ທຸກປະການ, ຄວາມ​ຮ້າຍກາດ, ຄວາມ​ໂລບມາກ ແລະ​ການ​ປອງຮ້າຍ, ພວກເຂົາ​ເຕັມ​ໄປ​ດ້ວຍ​ຄວາມ​ອິດສາ, ການ​ຂ້າຟັນ, ການ​ສູ້ຮົບ​ຕົບຕີ, ການ​ຫລອກລວງ, ການ​ຜູກພະຍາບາດ, ພວກເຂົາ​ເວົ້າຂວັນ​ນິນທາ​ກັນ

ໂຣມ 1:32

ເຖິງ​ແມ່ນ​ພວກເຂົາ​ຮູ້ຈັກ​ກົດບັນຍັດ​ຂອງ​ພຣະເຈົ້າ​ທີ່​ກ່າວ​ວ່າ ຄົນ​ທີ່​ກະທຳ​ຢ່າງ​ນັ້ນ ກໍ​ສົມຄວນ​ຕ້ອງ​ຕາຍ, ເຖິງ​ປານ​ນັ້ນ ພວກເຂົາ​ກໍ​ຍັງ​ເຮັດ​ຢູ່ ແລະ​ທັງ​ເຫັນພ້ອມ​ກັບ​ຄົນ​ທີ່​ເຮັດ​ຢ່າງ​ນັ້ນ​ອີກ​ດ້ວຍ.

1 ໂກຣິນໂທ 6:10

ຄົນ​ຂີ້ລັກ ຄົນ​ຂີ້ໂລບ ຄົນ​ຂີ້ເຫລົ້າ ຄົນ​ເວົ້າ​ໃສ່ຮ້າຍ​ປ້າຍສີ ຫລື​ຄົນ​ສໍ້ໂກງ​ກໍດີ ຄົນ​ເຫຼົ່ານັ້ນ ຈະ​ບໍ່ມີ​ສ່ວນ​ໃນ​ຣາຊອານາຈັກ​ຂອງ​ພຣະເຈົ້າ.

ເອເຟໂຊ 5:5

ພວກເຈົ້າ​ຄົງ​ຮູ້ຈັກ​ດີ​ແລ້ວ​ວ່າ ຜູ້​ທີ່​ຫຼິ້ນຊູ້, ຜູ້​ທີ່​ເວົ້າ​ຫຍາບຊ້າ, ຜູ້​ທີ່​ໃຈ​ໂລບ (ເໝືອນ​ຂາບໄຫວ້​ຮູບເຄົາຣົບ) ຈະ​ບໍ່ໄດ້​ມີ​ສ່ວນ​ໃນ​ອານາຈັກ​ຂອງ​ພຣະຄຣິດ ແລະ​ຂອງ​ພຣະເຈົ້າ​ຈັກເທື່ອ.

ພຣະບັນຍັດສອງ 29:19

ຈົ່ງ​ໃຫ້​ແນ່ໃຈ​ວ່າ​ບໍ່ມີ​ຜູ້ໃດ​ໃນ​ທີ່ນີ້ ວັນນີ້ ທີ່​ຍິນ​ຄຳ​ກ່າວ​ສາບານ​ອັນ​ໜັກແໜ້ນ​ເຫຼົ່ານີ້​ແລ້ວ ຄິດ​ອວດຕົວ​ວ່າ​ຕົນ​ຈະ​ຢູ່ເຢັນ​ເປັນສຸກ ເຖິງ​ແມ່ນ​ວ່າ​ຈະ​ດື້ດ້ານ​ໄປ​ຕາມ​ວິຖີ​ທາງ​ຂອງຕົນ​ກໍຕາມ. ການ​ເຮັດ​ເຊັ່ນນັ້ນ ເປັນ​ການ​ນຳ​ໄພພິບັດ​ມາ​ສູ່​ດິນແດນ​ທີ່​ອຸດົມສົມບູນ​ແລະ​ແຫ້ງແລ້ງ​ຂອງ​ພວກເຈົ້າ.

ພຣະບັນຍັດສອງ 32:19

ເມື່ອ​ພຣະເຈົ້າຢາເວ​ເຫັນ​ເຊັ່ນນີ້ ພຣະອົງ​ຈຶ່ງ​ໂກດຮ້າຍ​ຫລາຍ ຈຶ່ງ​ບໍ່​ຮັບ​ຊາຍ​ຍິງ​ເຫຼົ່ານີ້ ເປັນ​ບຸດ​ຂອງ​ພຣະເຈົ້າ.

ໂກໂລຊາຍ 3:5

ເຫດສະນັ້ນ ພວກເຈົ້າ​ຕ້ອງ​ປະຫານ​ຕັນຫາ​ຝ່າຍ​ໂລກນີ້ ທີ່​ດຳເນີນ​ການ​ຢູ່​ໃນ​ພວກເຈົ້າ​ເຊັ່ນ: ການ​ຜິດ​ສິນທຳ​ທາງ​ເພດ, ການ​ຊົ່ວຮ້າຍ, ຣາຄະ​ຕັນຫາ, ຄວາມ​ປາຖະໜາ​ໃນ​ທາງ​ຊົ່ວຮ້າຍ ແລະ​ຄວາມ​ໂລບ ຊຶ່ງ​ເປັນ​ການ​ຂາບໄຫວ້​ຮູບເຄົາຣົບ.

ຢາໂກໂບ 4:13

ດັ່ງນັ້ນ ເຈົ້າ​ທັງຫລາຍ​ທີ່​ເຄີຍ​ເວົ້າ​ວ່າ, “ມື້ນີ້​ຫລື​ມື້ອື່ນ ພວກເຮົາ​ຈະ​ເຂົ້າ​ໄປ​ໃນ​ເມືອງນັ້ນ​ເມືອງນີ້ ຈະ​ພັກ​ຢູ່​ທີ່​ນັ້ນ​ປີ​ໜຶ່ງ ແລະ​ຈະ​ຄ້າຂາຍ​ເອົາ​ກຳໄລ.”

ຢາໂກໂບ 4:16

ແຕ່​ວ່າ​ດຽວ​ນີ້ ເຈົ້າ​ທັງຫລາຍ​ໂອ້ອວດ​ດ້ວຍ​ຄວາມ​ຖື​ຕົວ, ການ​ໂອ້ອວດ​ຢ່າງ​ນີ້ ກໍ​ລ້ວນແຕ່​ເປັນ​ຄວາມຊົ່ວ.

1 ໂຢຮັນ 2:15

ຢ່າ​ຮັກ​ໂລກ ຫລື​ສິ່ງ​ຂອງ​ທີ່​ມີ​ຢູ່​ໃນ​ໂລກ ຖ້າ​ຜູ້ໃດ​ຮັກ​ໂລກ ຄວາມຮັກ​ຂອງ​ພຣະບິດາເຈົ້າ​ກໍ​ບໍ່​ຢູ່​ໃນ​ຜູ້ນັ້ນ.

ພວກ^ຜູ້ປົກຄອງ 17:2

ລາວ​ເວົ້າ​ຕໍ່​ແມ່​ຂອງ​ລາວ​ວ່າ, “ເວລາ​ຄົນ​ລັກ​ເອົາ​ເງິນ​ໜຶ່ງພັນໜຶ່ງຮ້ອຍ​ຫລຽນ ຂອງ​ແມ່​ໄປ​ນັ້ນ ລູກ​ໄດ້ຍິນ​ວ່າ​ແມ່​ສາບແຊ່ງ​ຄົນ​ຂີ້ລັກ. ນີ້ເດ ເງິນ​ຈຳນວນ​ນັ້ນ ລູກ​ເອງ​ເປັນ​ຜູ້​ເອົາ​ໄປ.” ແມ່​ຈຶ່ງ​ເວົ້າ​ຕໍ່​ລາວ​ວ່າ, “ລູກເອີຍ ຂໍ​ໃຫ້​ພຣະເຈົ້າຢາເວ​ອວຍພອນ​ເຈົ້າ​ເຖີດ”

1 ຊາມູເອນ 23:21

ກະສັດ​ໂຊນ​ຕອບ​ວ່າ, “ຂໍ​ໃຫ້​ພຣະເຈົ້າຢາເວ​ອວຍພອນ​ພວກເຈົ້າ​ທີ່​ມີ​ນໍ້າໃຈ​ອັນ​ດີ​ຕໍ່​ເຮົາ.