ເພງ^ສັນລະເສີນ 10:2 - ພຣະຄຳພີສັກສິ

² ຄົນຊົ່ວຮ້າຍ​ຂົ່ມເຫັງ​ຄົນ​ຍາກຈົນ​ຢ່າງ​ຈອງຫອງ ຈົ່ງ​ຈັບ​ພວກເຂົາ​ໃສ່​ແຮ້ວ​ທີ່​ພວກເຂົາ​ຫ້າງ​ເອງ​ນັ້ນ.

ເພງ^ສັນລະເສີນ 10:2 Jak'a apnaqawi uñst'ayäwi

ເພງ^ສັນລະເສີນ 109:16

ສຳລັບ​ຄົນ​ຢ່າງ​ນີ້​ບໍ່ເຄີຍ​ຄິດ​ເມດຕາ​ສົງສານ​ຜູ້ໃດ ເຂົາ​ກົດຂີ່​ທັງ​ຂ້າ​ຄົນ​ຂັດສົນ ແລະ​ຂາດ​ທີ່ເພິ່ງ.

ເພງ^ສັນລະເສີນ 119:122

ຈົ່ງ​ສັນຍາ​ວ່າ ພຣະອົງ​ຈະ​ຊ່ວຍ​ຜູ້ຮັບໃຊ້​ຂອງ​ພຣະອົງ ຢ່າ​ປ່ອຍ​ໃຫ້​ຄົນ​ຈອງຫອງ​ຂົ່ມເຫັງ​ຂ້ານ້ອຍ​ທ້ອນ

ເພງ^ສັນລະເສີນ 119:5

ຂ້ານ້ອຍ​ຫວັງ​ວ່າ​ຈະ​ໄດ້​ສັດຊື່​ສະເໝີໄປ ໂດຍ​ການ​ຖື​ຮັກສາ​ຂໍ້​ຄຳສັ່ງສອນ​ຂອງ​ພຣະອົງ​ນັ້ນ.

ເພງ^ສັນລະເສີນ 119:69

ຄົນ​ຈອງຫອງ​ຫາ​ແຕ່​ເລື່ອງ​ຕົວະ​ໃສ່​ຂ້ານ້ອຍ ແຕ່​ຂ້ານ້ອຍ​ເຊື່ອຟັງ​ຂໍ້ຄຳສັ່ງ​ຂອງ​ພຣະອົງ​ດ້ວຍ​ສຸດຈິດ​ສຸດໃຈ.

ເພງ^ສັນລະເສີນ 119:85

ຄົນ​ຈອງຫອງ​ຄື​ຜູ້​ທີ່​ບໍ່​ເຊື່ອຟັງ​ກົດບັນຍັດ​ຂອງ​ພຣະອົງ ຍາດ​ກັນ​ຂຸດ​ຂຸມ​ເພື່ອ​ຈະ​ດັກຈັບ​ຂ້ານ້ອຍ​ໄວ້.

ເພງ^ສັນລະເສີນ 140:5

ຄົນ​ຈອງຫອງ​ໄດ້​ຫ້າງ​ແຮ້ວ​ໃຫ້​ຂ້ານ້ອຍ​ຖືກ​ຈັບ ແລະ​ວາງ​ບ້ວງ​ດັກຈັບ​ຕາມ​ທາງ​ທີ່​ໄປ​ນັ້ນ.

ເພງ^ສັນລະເສີນ 31:18

ພວກຄົນ​ທີ່​ຂີ້ຕົວະ ຈົ່ງ​ມິດງຽບ ຄື​ພວກ​ທີ່​ອວດອົ່ງ​ແລະ​ຈອງຫອງ​ທັງຫຼາຍ ພວກ​ທີ່​ເວົ້າ​ດູໝິ່ນ​ນິນທາ​ຄົນ​ຊອບທຳ​ນັ້ນ.

ເພງ^ສັນລະເສີນ 36:11

ຂໍ​ຢ່າ​ປ່ອຍ​ໃຫ້​ຂ້ານ້ອຍ​ຖືກ​ໂຈມຕີ​ໂດຍ​ຄົນ​ຈອງຫອງ ຫລື​ຕ້ອງ​ແລ່ນ​ປົບໜີ​ເພາະ​ຄົນຊົ່ວຮ້າຍ.

ເພງ^ສັນລະເສີນ 59:12

ຄຳເວົ້າ​ທຸກ​ຄຳ​ຂອງ​ພວກເຂົາ​ລ້ວນແຕ່​ເປັນ​ບາບ​ໝົດ ເພາະ​ບາບ​ອາໄສ​ຢູ່​ໃນ​ສົບປາກ​ຂອງ​ເຂົາເຈົ້າ; ໃນ​ຄວາມ​ຈອງຫອງ​ນັ້ນ ຂໍ​ໃຫ້​ພວກເຂົາ​ຖືກ​ຈັບ​ໄປ ເພາະວ່າ​ພວກເຂົາ​ມັກ​ສາບແຊ່ງ​ແລະ​ຂີ້ຕົວະ

ເພງ^ສັນລະເສີນ 7:16

ສະນັ້ນ ພວກເຂົາ​ຈຶ່ງ​ຖືກ​ລົງໂທດ​ໂດຍ​ສິ່ງ​ຊົ່ວ​ນັ້ນ​ເອງ ຖືກ​ທຳຮ້າຍ​ຍ້ອນ​ສິ່ງ​ຮຸນແຮງ​ທີ່​ພວກເຂົາ​ໄດ້​ກໍ່​ຂຶ້ນ.

ອົບພະຍົບ 18:11

ບັດນີ້ ຂ້ອຍ​ຮູ້​ແລ້ວ​ວ່າ ພຣະເຈົ້າຢາເວ​ຍິ່ງໃຫຍ່​ກວ່າ​ພະ​ທັງຫລາຍ ເພາະ​ພຣະອົງ​ໄດ້​ສຳແດງ​ຄວາມ​ຍິ່ງໃຫຍ່​ນີ້ ເມື່ອ​ຊາວ​ເອຢິບ​ໄດ້​ເຮັດ​ຕໍ່​ຊາວ​ອິດສະຣາເອນ ດ້ວຍ​ການ​ທາລຸນ​ເຊັ່ນນັ້ນ.”

ອົບພະຍົບ 9:17

ແຕ່​ຈົນ​ບັດນີ້ ເຈົ້າ​ກໍ​ຍັງ​ໃຈ​ແຂງ​ກະດ້າງ​ດື້ດຶງ​ບໍ່​ຍອມ​ປ່ອຍ​ໃຫ້​ປະຊາຊົນ​ຂອງເຮົາ​ໄປ.

ສຸພາສິດ 5:22

ຄວາມຜິດ​ນັ້ນ ຄຸມຂັງ​ຜູ້​ທີ່​ເຮັດ​ຜິດ ການບາບ​ຂອງ​ຄົນຊົ່ວ​ກໍ​ເປັນ​ບ້ວງແຮ້ວ. ພວກເຂົາ​ຖືກ​ຈັບ​ໃນ​ຕາໜ່າງ​ແຫ່ງ​ບາບ​ຂອງ​ພວກ​ເຂົາເອງ.

ເອຊາຢາ 14:13

ເຈົ້າ​ໄດ້​ເວົ້າ​ໃນໃຈ​ວ່າ, “ຂ້ອຍ​ຈະ​ຂຶ້ນ​ໄປ​ສະຫວັນ ແລະ​ຕັ້ງ​ບັນລັງ​ຂອງ​ຂ້ອຍ​ໄວ້​ໃນ​ທີ່​ສູງສຸດ​ເໜືອ​ດວງດາວ​ຕ່າງໆ. ຂ້ອຍ​ຈະ​ຕ້ອງ​ນັ່ງ​ດັ່ງ​ກະສັດ​ເທິງ​ພູ​ທາງ​ທິດເໜືອ ບ່ອນ​ທີ່​ພະ​ທັງຫລາຍ​ຊຸມນຸມ​ກັນ​ຢູ່​ນັ້ນ.

ເອຊາຢາ 14:16

ພວກ​ຄົນຕາຍ​ຈະ​ຈ້ອງຕາ​ເບິ່ງ​ເຈົ້າ ແລະ​ຈະ​ຖາມ​ວ່າ, “ຄົນນີ້​ບໍ່ແມ່ນ​ຜູ້​ທີ່​ໄດ້​ເຮັດ​ໃຫ້​ໂລກ​ແລະ​ບັນດາ​ອານາຈັກ​ສັ່ນສະເທືອນ​ນັ້ນບໍ?

ເຢເຣມີຢາ 43:2

ອາຊາຣີຢາ​ລູກຊາຍ​ຂອງ​ໂຮຊາອີຢາ ແລະ​ໂຢຮານານ​ລູກຊາຍ​ຂອງ​ກາເຣຢາ ພ້ອມ​ດ້ວຍ​ຄົນ​ອວດດີ​ອື່ນໆ​ທັງໝົດ​ໄດ້​ເວົ້າ​ຕໍ່​ຂ້າພະເຈົ້າ​ວ່າ, “ເຈົ້າ​ເວົ້າ​ບໍ່​ຈິງ. ພຣະເຈົ້າຢາເວ ພຣະເຈົ້າ​ຂອງ​ພວກເຮົາ ບໍ່ໄດ້​ໃຊ້​ເຈົ້າ​ມາ​ບອກ​ພວກເຮົາ​ບໍ່​ໃຫ້​ໄປ​ອາໄສ​ຢູ່​ທີ່​ປະເທດ​ເອຢິບ.