ເພງ^ສັນລະເສີນ 10:1 - ພຣະຄຳພີສັກສິ

¹ ຂ້າແດ່​ພຣະເຈົ້າຢາເວ ເຫດໃດ​ພຣະອົງ​ຈຶ່ງ​ຢູ່​ຫ່າງໄກ? ແລະ​ຫລົບຊ່ອນ​ພຣະອົງ​ເມື່ອ​ພວກ​ຂ້ານ້ອຍ​ຍາກ​ລຳບາກ?

ເພງ^ສັນລະເສີນ 10:1 Jak'a apnaqawi uñst'ayäwi

ພຣະທຳ​ໂຢບ 13:24

ເປັນຫຍັງ​ຈຶ່ງ​ເມີນໜ້າ​ໜີໄປ​ຈາກ​ຂ້ານ້ອຍ​ນໍ? ເປັນຫຍັງ​ຈຶ່ງ​ເຮັດ​ຕໍ່​ຂ້ານ້ອຍ​ດັ່ງ​ສັດຕູ​ຄູ່​ອາຄາດ.

ພຣະທຳ​ໂຢບ 23:9

ພຣະເຈົ້າ​ດຳເນີນການ​ທັງ​ທິດໃຕ້​ແລະ​ທິດເໜືອ ແຕ່​ຂ້ອຍ​ກໍ​ຍັງ​ບໍ່ໄດ້​ເຫັນ​ພຣະອົງ​ເຊັ່ນກັນ​ດ້ວຍ.

ພຣະທຳ​ໂຢບ 34:29

ຖ້າ​ພຣະເຈົ້າ​ຕັດສິນໃຈ​ບໍ່​ເຮັດ​ສິ່ງໜຶ່ງ​ສິ່ງໃດ ກໍ​ບໍ່ມີ​ຜູ້ໃດ​ຕິຕຽນ​ວ່າ​ກ່າວ​ພຣະອົງ​ໄດ້. ຖ້າ​ພຣະອົງ​ເຊື່ອງ​ໜ້າ ມະນຸດ​ກໍ​ຂາດ​ທີ່​ເພິ່ງພາ​ອາໄສ ແຕ່​ພຣະອົງ​ບັງຄັບ​ທຸກ​ຊາດ ແລະ​ທຸກ​ພາສາ​ໄດ້.

ເພງ^ສັນລະເສີນ 22:1

ພຣະເຈົ້າ​ຂອງ​ຂ້ານ້ອຍ ພຣະເຈົ້າ​ຂອງ​ຂ້ານ້ອຍ​ເອີຍ ເຫດໃດ​ພຣະອົງ​ຈຶ່ງ​ໄດ້​ປະຖິ້ມ​ຂ້ານ້ອຍ? ຂ້ານ້ອຍ​ຮ້ອງຂໍ​ໃຫ້​ຊ່ວຍເຫລືອ​ຢ່າງ​ສຸດ​ກຳລັງ ເປັນຫຍັງ​ຄວາມ​ຊ່ວຍເຫຼືອ​ຈຶ່ງ​ຢູ່​ຫ່າງໄກ​ຂ້ານ້ອຍ​ແທ້.

ເພງ^ສັນລະເສີນ 27:9

ຂໍ​ແຕ່​ພຣະອົງ​ຢ່າ​ປິ່ນໜ້າ​ໜີ​ຈາກ​ຂ້ານ້ອຍ​ເລີຍ. ຂໍ​ຢ່າ​ຄຽດ ແລະ​ໄລ່​ຜູ້ຮັບໃຊ້​ຂອງ​ພຣະອົງ​ໜີໄປ ພຣະອົງ​ເຄີຍ​ເປັນ​ຜູ້​ຊ່ວຍເຫຼືອ​ເອົາ​ຂ້ານ້ອຍ​ໄວ້ ຂໍ​ຢ່າ​ໜີ​ຈາກ​ແລະ​ຢ່າ​ປະ​ປ່ອຍ​ຂ້ານ້ອຍ​ໄປ​ເລີຍ ໂອ ຂ້າແດ່​ພຣະເຈົ້າ ພຣະຜູ້​ຊ່ວຍ​ໃຫ້​ພົ້ນ​ຂອງ​ຂ້ານ້ອຍ.

ເພງ^ສັນລະເສີນ 30:7

ຂ້າແດ່​ພຣະເຈົ້າຢາເວ ພຣະອົງ​ດີ​ຕໍ່​ຂ້ານ້ອຍ​ແທ້ໆ ພຣະອົງ​ເປັນ​ດັ່ງ​ປ້ອມ​ເທິງ​ພູ​ປ້ອງກັນ​ຂ້ານ້ອຍ​ໄວ້. ແຕ່​ຖ້າ​ພຣະອົງ​ລີ້ໜ້າ​ຈາກ​ຂ້ານ້ອຍ​ໄປ ຂ້ານ້ອຍ​ກໍໄດ້​ແຕ່​ຢ້ານກົວ​ເທົ່ານັ້ນ.

ເພງ^ສັນລະເສີນ 44:24

ເຫດໃດ​ພຣະອົງ​ຈຶ່ງ​ລີ້ໜ້າ​ຈາກ​ພວກ​ຂ້ານ້ອຍ​ນໍ? ຂໍ​ຢ່າ​ລືມໄລ​ພວກ​ທີ່​ຖືກ​ທົນທຸກ​ແລະ​ລຳບາກ.

ເພງ^ສັນລະເສີນ 44:25

ພວກ​ຂ້ານ້ອຍ​ຖືກ​ຢຽບ​ລົງ​ຈຳ​ພື້ນດິນ ນອນ​ຢຽດ​ຢູ່​ຂີ້ຝຸ່ນ​ດິນ​ຢ່າງ​ພ່າຍແພ້.

ເພງ^ສັນລະເສີນ 46:1

ພຣະເຈົ້າ​ເປັນ​ທີ່​ກຳບັງ​ແລະ​ກຳລັງ​ຂອງ​ພວກ​ຂ້ານ້ອຍ ພຣະອົງ​ພ້ອມ​ຊ່ວຍເຫຼືອ​ໃນ​ຄາວ​ພວກ​ຂ້ານ້ອຍ​ຍາກ​ລຳບາກ.

ເພງ^ສັນລະເສີນ 88:14

ຂ້າແດ່​ພຣະເຈົ້າຢາເວ ເຫດໃດ​ພຣະອົງ​ຈຶ່ງ​ປະຖິ້ມ​ຂ້ານ້ອຍ? ເປັນຫຍັງ​ພຣະອົງ​ຈຶ່ງ​ຫັນໜ້າ​ໜີໄປ​ຈາກ​ຂ້ານ້ອຍ​ເສຍ?

ເຢເຣມີຢາ 14:8

ຄວາມຫວັງ​ອັນດຽວ​ຂອງ​ອິດສະຣາເອນ​ຄື​ພຣະອົງ ພຣະອົງ​ເປັນ​ຜູ້​ຊ່ວຍ​ພວກ​ຂ້ານ້ອຍ​ໃນ​ເວລາ​ຖືກ​ຂັດສົນ. ເປັນຫຍັງ​ພຣະອົງ​ຈຶ່ງ​ເຮັດ​ຄື​ກັບ​ຄົນຕ່າງດ້າວ​ນໍ ດັ່ງ​ນັກ​ທ່ອງທ່ຽວ​ທີ່​ແວ່ຢາມ​ພຽງ​ຄືນດຽວ​ເທົ່ານັ້ນ?

ເຢເຣມີຢາ 14:9

ເປັນຫຍັງ​ຈຶ່ງ​ເປັນ​ດັ່ງ​ຄົນ​ທີ່​ຫລອນເຮັດ​ຫລອນທຳ ດັ່ງ​ທະຫານ​ທີ່​ຂາດ​ກຳລັງ​ຊ່ວຍເຫລືອ​ຜູ້ໃດ​ບໍ່ໄດ້? ຂ້າແດ່​ພຣະເຈົ້າຢາເວ ແນ່ນອນ​ພຣະອົງ​ສະຖິດ​ຢູ່​ນຳ ພວກ​ຂ້ານ້ອຍ​ເປັນ​ຂອງ​ພຣະອົງ ຢ່າ​ປະຖິ້ມ​ພວກ​ຂ້ານ້ອຍ​ເລີຍ.”’