ສຸພາສິດ 1:1 - ພຣະຄຳພີສັກສິ

¹ ສຸພາສິດ​ເຫຼົ່ານີ້​ເປັນ​ຄຳເວົ້າ​ຂອງ​ເຈົ້າໂຊໂລໂມນ ກະສັດ​ແຫ່ງ​ຊາດ​ອິດສະຣາເອນ​ລູກຊາຍ​ຂອງ​ດາວິດ.

ສຸພາສິດ 1:1 Jak'a apnaqawi uñst'ayäwi

1 ກະສັດ 2:12

ກະສັດ​ໂຊໂລໂມນ​ຂຶ້ນ​ເປັນ​ກະສັດ​ສືບແທນ​ກະສັດ​ດາວິດ​ພໍ່​ຂອງຕົນ ແລະ​ອຳນາດ​ໃນ​ຕຳແໜ່ງ​ກະສັດ​ຂອງ​ເພິ່ນ​ກໍ​ດຳລົງ​ຢູ່​ຢ່າງ​ໝັ້ນຄົງ.

1 ກະສັດ 5:12

ພຣະເຈົ້າຢາເວ​ໄດ້​ໂຜດ​ສະຕິປັນຍາ​ໃຫ້​ແກ່​ກະສັດ​ໂຊໂລໂມນ ຕາມ​ທີ່​ພຣະອົງ​ໄດ້​ສັນຍາ​ໄວ້​ກັບ​ເພິ່ນ. ຄວາມ​ສະຫງົບສຸກ​ໄດ້​ເກີດ​ມີ​ຂຶ້ນ ລະຫວ່າງ​ກະສັດ​ຮີຣາມ​ແລະ​ກະສັດ​ໂຊໂລໂມນ ທັງສອງ​ຈຶ່ງ​ມີ​ຂໍ້​ຕົກລົງ​ຕໍ່ກັນ.

1 ຂ່າວຄາວ 22:9

ເຖິງ​ຢ່າງໃດ​ກໍຕາມ, ພຣະອົງ​ໄດ້​ສັນຍາ​ກັບ​ພໍ່​ວ່າ ‘ເຈົ້າ​ຈະ​ມີ​ລູກຊາຍ​ຜູ້ໜຶ່ງ ຜູ້​ທີ່​ຈະ​ປົກຄອງ​ປະເທດ​ຢ່າງ​ສະຫງົບສຸກ ເພາະ​ເຮົາ​ຈະ​ໃຫ້​ລາວ​ຢູ່ເຢັນ​ເປັນສຸກ​ພົ້ນ​ຈາກ​ສັດຕູ​ທັງປວງ. ລາວ​ຈະ​ຊື່​ວ່າ ໂຊໂລໂມນ ເພາະ​ໃນ​ອານາຈັກ​ຂອງ​ລາວ ເຮົາ​ຈະ​ໃຫ້​ຊາດ​ອິດສະຣາເອນ​ຢູ່ເຢັນ​ເປັນສຸກ ແລະ​ມີ​ຄວາມ​ປອດໄພ.

1 ຂ່າວຄາວ 28:5

ພຣະເຈົ້າຢາເວ​ໄດ້​ໃຫ້​ຂ້າພະເຈົ້າ​ມີ​ລູກຊາຍ​ຫລາຍ​ຄົນ ແລະ​ໃນ​ພວກ​ລູກຊາຍ​ທັງໝົດ​ຂອງ​ຂ້າພະເຈົ້າ​ນັ້ນ ພຣະອົງ​ກໍໄດ້​ເລືອກເອົາ​ໂຊໂລໂມນ​ໃຫ້​ຂຶ້ນ​ເປັນ​ຜູ້ປົກຄອງ​ຊາດ​ອິດສະຣາເອນ ອານາຈັກ​ຂອງ​ພຣະເຈົ້າຢາເວ.

1 ຂ່າວຄາວ 29:23

ດັ່ງນັ້ນ ໂຊໂລໂມນ​ຈຶ່ງ​ໄດ້​ຂຶ້ນ​ເປັນ​ກະສັດ​ແທນ​ດາວິດ​ພໍ່​ຂອງຕົນ ຜູ້​ທີ່​ພຣະເຈົ້າຢາເວ​ໄດ້​ຕັ້ງ​ຂຶ້ນ. ເພິ່ນ​ເປັນ​ກະສັດ​ທີ່​ປະສົບ​ຄວາມ​ສຳເລັດ ແລະ​ປະຊາຊົນ​ອິດສະຣາເອນ​ທັງ​ຊາດ​ກໍ​ເຊື່ອຟັງ​ເພິ່ນ.

1 ຂ່າວຄາວ 29:28

ເພິ່ນ​ໄດ້​ຕາຍໄປ​ເມື່ອ​ເຖົ້າແກ່​ຊະຣາ​ຫລາຍ​ແລ້ວ ທັງ​ຮັ່ງມີ ແລະ​ໄດ້​ຮັບ​ຄວາມ​ເຄົາຣົບ​ນັບຖື​ຢ່າງສູງ. ໂຊໂລໂມນ​ລູກຊາຍ​ຂອງ​ເພິ່ນ​ໄດ້​ຂຶ້ນ​ເປັນ​ກະສັດ​ແທນ.

ສຸພາສິດ 10:1

ຕໍ່ໄປນີ້ ແມ່ນ​ສຸພາສິດ​ຂອງ​ໂຊໂລໂມນ ລູກ​ທີ່​ມີ​ປັນຍາ​ເຮັດ​ໃຫ້​ພໍ່​ແມ່​ພາກພູມ​ໃຈ​ນຳ, ແຕ່​ລູກ​ທີ່​ໂງ່ຈ້າ​ເຮັດ​ໃຫ້​ພໍ່​ແມ່​ໂສກເສົ້າ.

ສຸພາສິດ 22:21

ແລະ​ຄຳເວົ້າ​ເຫຼົ່ານີ້ ກໍ​ຈະ​ສັ່ງສອນ​ເຈົ້າ​ເຖິງ​ຄວາມຈິງ​ອັນແທ້. ເມື່ອ​ເຈົ້າ​ຖືກ​ໃຊ້​ອອກ​ໄປ​ຊອກ​ສະແຫວງ​ຫາ ເຈົ້າ​ກໍ​ຈະ​ນຳ​ເອົາ​ຄຳຕອບ​ອັນ​ຖືກຕ້ອງ​ກັບຄືນ​ມາ.

ສຸພາສິດ 25:1

ຕໍ່ໄປນີ້ ແມ່ນ​ສຸພາສິດ​ອື່ນໆ​ອີກ​ຂອງ​ເຈົ້າ​ໂຊໂລໂມນ ຊຶ່ງ​ຄົນ​ຢູ່​ໃນ​ວັງ​ຂອງ​ກະສັດ​ເຮເຊກີຢາ​ແຫ່ງ​ຢູດາຍ​ໄດ້​ກ່າຍ​ອອກ​ມາ.

ປັນຍາຈານ 1:1

ຕໍ່ໄປນີ້ ແມ່ນ​ຄຳເວົ້າ​ຂອງ​ປັນຍາຈານ​ລູກຊາຍ​ຂອງ​ເຈົ້າ​ດາວິດ ຜູ້​ທີ່​ໄດ້​ເປັນ​ກະສັດ​ຢູ່​ໃນ​ນະຄອນ​ເຢຣູຊາເລັມ.

ປັນຍາຈານ 12:9

ແຕ່​ຍ້ອນ​ວ່າ​ປັນຍາຈານ​ເປັນ​ຄົນມີ​ປັນຍາ ເພິ່ນ​ຈຶ່ງ​ສືບຕໍ່​ສອນ​ຄົນ​ເຖິງ​ສິ່ງ​ທີ່​ຕົນ​ໄດ້​ຮູ້. ເພິ່ນ​ໄດ້​ສຶກສາ​ສຸພາສິດ​ແລະ​ທົດລອງ​ເບິ່ງ​ຄວາມຈິງ​ຢ່າງ​ຖ້ວນຖີ່.

ໂຢຮັນ 16:25

“ເຮົາ​ໄດ້​ກ່າວ​ສິ່ງ​ເຫຼົ່ານີ້​ແກ່​ພວກເຈົ້າ​ເປັນ​ຄຳອຸປະມາ, ແຕ່​ເວລາ​ໜຶ່ງ​ຈະ​ມາ​ເຖິງ ເຮົາ​ຈະ​ບໍ່​ໃຊ້​ຄຳອຸປະມາ​ກ່າວ​ແກ່​ພວກເຈົ້າ ແຕ່​ຈະ​ກ່າວ​ແກ່​ພວກເຈົ້າ​ຢ່າງ​ຈະແຈ້ງ​ເຖິງ​ເລື່ອງ​ພຣະບິດາເຈົ້າ.