ຈົດບັນຊີ 9:20 - ພຣະຄຳພີສັກສິ

²⁰ ບາງ​ເທື່ອ​ເມກ​ໄດ້​ປົກຄຸມ​ຢູ່​ເທິງ​ຫໍເຕັນ​ສັກສິດ ພຽງແຕ່​ບໍ່​ເທົ່າໃດ​ວັນ​ເທົ່ານັ້ນ; ໃນ​ກໍລະນີ​ໃດ​ກໍຕາມ ພວກເຂົາ​ຈະ​ຢູ່​ຕາມ​ທີ່​ພຣະເຈົ້າຢາເວ​ສັ່ງ​ຫລື​ຍົກຍ້າຍ​ໄປ​ກໍ​ແມ່ນ​ພຣະເຈົ້າຢາເວ​ເປັນ​ຜູ້​ສັ່ງການ.

ຈົດບັນຊີ 9:20 Jak'a apnaqawi uñst'ayäwi

ເພງ^ສັນລະເສີນ 48:14

“ພຣະເຈົ້າ​ອົງ​ນີ້​ເປັນ​ພຣະເຈົ້າ​ຂອງ​ພວກເຮົາ​ສືບໄປ ພຣະອົງ​ຈະ​ນຳພາ​ພວກເຮົາ​ຕະຫລອດໄປ​ເປັນນິດ.”

ສຸພາສິດ 3:5

ຈົ່ງ​ໄວ້ວາງໃຈ​ໃນ​ພຣະເຈົ້າຢາເວ​ດ້ວຍ​ສຸດໃຈ​ຂອງເຈົ້າ. ຢ່າ​ເຊື່ອໝັ້ນ​ຈັກເທື່ອ​ໃນ​ສິ່ງ​ທີ່​ເຈົ້າ​ຄິດ​ວ່າ​ເຈົ້າ​ຮູ້ຈັກ.

ສຸພາສິດ 3:6

ຈົ່ງ​ລະນຶກເຖິງ​ພຣະເຈົ້າ​ໃນ​ທຸກສິ່ງ​ທີ່​ເຈົ້າ​ກະທຳ ແລະ​ພຣະອົງ​ຈະ​ໃຫ້​ເຈົ້າ​ເຫັນ​ຫົນທາງ​ອັນ​ຖືກຕ້ອງ.

ຈົດບັນຊີ 10:13

ແມ່ນ​ຄັ້ງ​ທຳອິດ ທີ່​ປະຊາຊົນ​ອິດສະຣາເອນ​ໄດ້​ມ້າງ​ຄ້າຍ​ຍົກ​ອອກ​ໄປ ຕາມ​ຄຳສັ່ງ​ຂອງ​ພຣະເຈົ້າຢາເວ​ໂດຍ​ຜ່ານ​ທາງ​ໂມເຊ,

ຈົດບັນຊີ 9:18

ປະຊາຊົນ​ໄດ້​ມ້າງ​ຄ້າຍພັກ​ແລະ​ຕັ້ງ​ຄ້າຍພັກ ຕາມ​ຄຳສັ່ງ​ຂອງ​ພຣະເຈົ້າຢາເວ. ຕາບໃດ​ທີ່​ເມກ​ຍັງ​ປົກຄຸມ​ຫໍເຕັນ​ສັກສິດ​ຢູ່ ພວກເຂົາ​ກໍ​ຢູ່​ໃນ​ຄ້າຍພັກ​ບ່ອນ​ເກົ່າ.

ຈົດບັນຊີ 9:19

ເມື່ອ​ເມກ​ປົກຄຸມ​ຫໍເຕັນ​ສັກສິດ​ເປັນ​ເວລາ​ນານ ພວກເຂົາ​ຕ້ອງ​ເຊື່ອຟັງ​ພຣະເຈົ້າຢາເວ​ແລະ​ບໍ່ໄດ້​ເຄື່ອນຍ້າຍ​ໄປ​ໃສ.

ຈົດບັນຊີ 9:21

ບາງ​ເທື່ອ​ເມກ​ໄດ້​ປົກຄຸມ​ຢູ່​ພຽງ​ຕອນແລງ​ຫາ​ຕອນເຊົ້າ​ເທົ່ານັ້ນ ພວກເຂົາ​ກໍ​ຍົກຍ້າຍ​ທັນທີ ທີ່​ເມກ​ລອຍ​ຂຶ້ນ​ໄປ ເມກ​ລອຍ​ຂຶ້ນ​ເມື່ອໃດ ພວກເຂົາ​ກໍ​ຍົກຍ້າຍ​ໄປ​ເມື່ອນັ້ນ.

ພຣະບັນຍັດສອງ 7:21

ສະນັ້ນ ຢ່າ​ຢ້ານ​ຊົນຊາດ​ເຫຼົ່ານີ້​ເລີຍ. ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ​ສະຖິດ​ຢູ່​ທ່າມກາງ​ພວກເຈົ້າ ພຣະອົງ​ເປັນ​ພຣະເຈົ້າ​ຜູ້​ຍິ່ງໃຫຍ່ ແລະ​ອົງ​ດຽວ​ທີ່​ໜ້າ​ຢ້ານຢຳ.