ຈົດບັນຊີ 8:8 - ພຣະຄຳພີສັກສິ

⁸ ຕໍ່ມາ​ໃຫ້​ພວກເຂົາ​ນຳ​ງົວເຖິກໜຸ່ມ​ໂຕໜຶ່ງ ແລະ​ພືດຜົນ​ເປັນເມັດ​ມາ​ຖວາຍ​ຄູ່​ກັນ​ຄື: ແປ້ງເຂົ້າ​ປະສົມ​ກັບ​ນໍ້າມັນ​ໝາກກອກເທດ ແລະ​ໃຫ້​ນຳ​ງົວເຖິກໜຸ່ມ​ໂຕໜຶ່ງ​ມາ​ອີກ​ເປັນ​ການ​ຖວາຍ​ລຶບລ້າງ​ບາບ.

ຈົດບັນຊີ 8:8 Jak'a apnaqawi uñst'ayäwi

ອົບພະຍົບ 29:1

“ນີ້​ແມ່ນ​ສິ່ງ​ທີ່​ເຈົ້າ​ຈະ​ເຮັດ​ໃນ​ການ​ອຸທິດ​ຖວາຍ​ອາໂຣນ ແລະ​ພວກ​ລູກຊາຍ​ຂອງ​ລາວ ເພື່ອ​ບົວລະບັດ​ຮັບໃຊ້​ເຮົາ​ໃນ​ຖານະ​ປະໂຣຫິດ. ຈົ່ງ​ເອົາ​ງົວເຖິກໜຸ່ມ​ໂຕໜຶ່ງ ແລະ​ແກະເຖິກ​ສອງ​ໂຕ​ທີ່​ມີ​ສຸຂະພາບ​ດີ ແລະ​ບໍ່ມີຕຳໜິ​ມາ​ຖວາຍ.

ອົບພະຍົບ 29:3

ເມື່ອ​ເຮັດ​ແລ້ວໆ ຈົ່ງ​ໃຫ້​ເອົາ​ເຂົ້າຈີ່​ທັງໝົດ​ໃສ່​ກະຕ່າ​ໜ່ວຍ​ໜຶ່ງ​ແລະ​ຖວາຍ​ແກ່​ເຮົາ ເມື່ອ​ພວກເຈົ້າ​ນຳ​ງົວໜຸ່ມ ແລະ​ແກະເຖິກ​ມາ​ເຜົາ​ຖວາຍ.

ເອຊາຢາ 53:10

ພຣະເຈົ້າຢາເວ​ກ່າວ​ວ່າ​ດັ່ງນີ້: “ການ​ທີ່​ທ່ານ​ທົນທຸກ​ຄື​ຄວາມປະສົງ​ຂອງເຮົາ ຄວາມຕາຍ​ຂອງທ່ານ​ເປັນ​ເຄື່ອງ​ບູຊາ ເພື່ອ​ນຳ​ເອົາ​ການ​ຍົກໂທດ​ມາ​ໃຫ້. ທ່ານ​ຈຶ່ງ​ໄດ້​ເຫັນ​ເຊື້ອສາຍ​ມີ​ຊີວິດ​ຍາວ​ໄກ ເປົ້າໝາຍ​ຂອງ​ພຣະເຈົ້າຢາເວ​ຈະ​ສຳເລັດ​ທາງ​ທ່ານ.

ລະບຽບ^ພວກເລວີ 1:3

ຖ້າ​ຜູ້ນັ້ນ​ນຳ​ສັດ​ໂຕໜຶ່ງ​ຂອງຕົນ​ມາ​ເຜົາ​ຖວາຍບູຊາ ລາວ​ຕ້ອງ​ຖວາຍ​ງົວເຖິກ​ໂຕ​ທີ່​ມີ​ສຸຂະພາບ​ດີ ແລະ​ບໍ່ມີຕຳໜິ. ລາວ​ຕ້ອງ​ນຳ​ສັດ​ໂຕ​ນັ້ນ​ມາ​ທີ່​ປະຕູ​ເຂົ້າ​ຫໍເຕັນ​ບ່ອນ​ຊຸມນຸມ ຕໍ່ໜ້າ​ພຣະເຈົ້າຢາເວ ເພື່ອ​ວ່າ​ພຣະອົງ​ຈະ​ຮັບ​ເອົາ​ການ​ຖວາຍ​ຂອງ​ລາວ.

ລະບຽບ^ພວກເລວີ 16:3

ຫລັງຈາກ​ລາວ​ໄດ້​ນຳ​ງົວເຖິກ​ໜຸ່ມ​ໂຕໜຶ່ງ​ມາ ເພື່ອ​ຖວາຍ​ລຶບລ້າງ​ບາບ ແລະ​ແກະເຖິກ​ໜຸ່ມ​ໂຕໜຶ່ງ ເພື່ອ​ເຜົາ​ບູຊາ​ແລ້ວ; ລາວ​ຈຶ່ງ​ເຂົ້າ​ໄປ​ໃນ​ບ່ອນ​ສັກສິດ​ໄດ້.”

ລະບຽບ^ພວກເລວີ 2:1

ເມື່ອ​ຜູ້ໃດ​ຜູ້ໜຶ່ງ​ຖວາຍ​ພືດຜົນ​ເປັນເມັດ​ແກ່​ພຣະເຈົ້າຢາເວ ໃຫ້​ຜູ້ນັ້ນ​ບົດ​ເປັນ​ແປ້ງ​ເສຍ​ກ່ອນ, ຖອກ​ນໍ້າມັນ​ໝາກກອກເທດ​ໃສ່ ແລະ​ເອົາ​ກຳຍານ​ໃສ່​ດ້ວຍ

ລະບຽບ^ພວກເລວີ 4:14

ແລະ​ຕໍ່ມາ ເມື່ອ​ບາບ​ນັ້ນ​ໄດ້​ເປັນ​ທີ່​ຮູ້ຈັກ​ກັນ​ແລ້ວ ຊຸມຊົນ​ອິດສະຣາເອນ​ຈະ​ຕ້ອງ​ນຳ​ງົວເຖິກໜຸ່ມ​ໂຕໜຶ່ງ ມາ​ຖວາຍ​ເພື່ອ​ເປັນ​ການ​ລຶບລ້າງ​ບາບ. ພວກເຂົາ​ຈະ​ຕ້ອງ​ນຳ​ງົວ​ນັ້ນ​ມາ​ຕໍ່ໜ້າ​ຫໍເຕັນ​ບ່ອນ​ຊຸມນຸມ.

ລະບຽບ^ພວກເລວີ 4:3

ຖ້າ​ປະໂຣຫິດ​ຜູ້​ໄດ້​ຮັບ​ການ​ເຈີມ​ເຮັດ​ບາບ ແລະ​ໄດ້​ນຳ​ຄວາມຜິດ​ມາ​ສູ່​ປະຊາຊົນ; ເພື່ອ​ລຶບລ້າງ​ບາບ​ຂອງຕົນ ເພິ່ນ​ຕ້ອງ​ນຳ​ງົວເຖິກໜຸ່ມ​ໂຕໜຶ່ງ ທີ່​ມີ​ສຸຂະພາບ​ດີ​ແລະ​ບໍ່ມີຕຳ​ໜິ ມາ​ຖວາຍ​ແກ່​ພຣະເຈົ້າຢາເວ.

ລະບຽບ^ພວກເລວີ 8:2

“ຈົ່ງ​ນຳ​ອາໂຣນ​ແລະ​ພວກ​ລູກຊາຍ​ຂອງ​ລາວ ມາ​ທີ່​ປະຕູ​ເຂົ້າ​ຫໍເຕັນ​ບ່ອນ​ເຮົາ​ມາ​ປາກົດ ແລ້ວ​ເອົາ​ເຄື່ອງ​ປະຈຳ​ຕຳແໜ່ງ​ປະໂຣຫິດ​ມາ​ພ້ອມ​ກັບ​ນໍ້າມັນ​ເຈີມ​ສັກສິດ, ງົວເຖິກໜຸ່ມ​ໂຕໜຶ່ງ​ເພື່ອ​ຖວາຍ​ລຶບລ້າງ​ບາບ, ແກະເຖິກ ສອງ​ໂຕ ແລະ​ກະຕ່າ​ເຂົ້າຈີ່​ບໍ່ມີ​ເຊື້ອແປ້ງ.

ໂຣມ 8:3

ດ້ວຍວ່າ, ສິ່ງ​ທີ່​ກົດບັນຍັດ​ເຮັດ​ບໍ່ໄດ້ ເພາະ​ເນື້ອກາຍ ເຮັດ​ໃຫ້​ອ່ອນ​ກຳລັງ​ເສຍ ພຣະເຈົ້າ​ກໍໄດ້​ຊົງ​ເຮັດ​ແລ້ວ ໂດຍ​ໄດ້​ຊົງ​ໃຊ້​ພຣະບຸດ​ຂອງ​ພຣະອົງ​ມາ​ໃນ​ສະພາບ​ເໝືອນ​ເນື້ອກາຍ ​ທີ່​ຜິດບາບ ແລະ​ເພື່ອ​ຊົງ​ໄຖ່​ຄວາມ​ຜິດບາບ ພຣະອົງ​ຈຶ່ງ​ໄດ້​ຊົງ​ລົງໂທດ​ຄວາມ​ບາບ​ໃນ​ເນື້ອກາຍ ນັ້ນ.

2 ໂກຣິນໂທ 5:21

ເພາະວ່າ ພຣະເຈົ້າ​ໄດ້​ຊົງ​ກະທຳ​ໃຫ້​ພຣະຄຣິດ ຜູ້​ຊົງ​ບໍ່ມີ​ຄວາມ​ຜິດບາບ​ນັ້ນ ໄດ້​ເຂົ້າ​ສ່ວນ​ກັບ​ຄວາມ​ຜິດບາບ​ຂອງ​ພວກເຮົາ ເພື່ອ​ພວກເຮົາ​ຈະ​ໄດ້​ເຂົ້າ​ສ່ວນ​ໃນ​ຄວາມ​ຊອບທຳ​ຂອງ​ພຣະເຈົ້າ​ໂດຍ​ທາງ​ພຣະອົງ.