ຈົດບັນຊີ 8:14 - ພຣະຄຳພີສັກສິ

¹⁴ ໃນ​ທຳນອງນີ້ ໃຫ້​ເຈົ້າ​ແຍກ​ພວກ​ເລວີ​ອອກ​ຈາກ​ພວກ​ອິດສະຣາເອນ​ຄົນອື່ນໆ ເພື່ອ​ວ່າ​ພວກເຂົາ​ຈະ​ເປັນ​ຂອງເຮົາ.

ຈົດບັນຊີ 8:14 Jak'a apnaqawi uñst'ayäwi

ມາລາກີ 3:17

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ, “ພວກເຂົາ​ຈະ​ເປັນ​ປະຊາຊົນ​ຂອງເຮົາ. ໃນ​ມື້​ທີ່​ເຮົາ​ດຳເນີນການ​ນັ້ນ ພວກເຂົາ​ຈະ​ເປັນ​ກຳມະສິດ​ຂອງເຮົາ​ແທ້ໆ. ເຮົາ​ຈະ​ເມດຕາ​ພວກເຂົາ​ດັ່ງ​ພໍ່​ເມດຕາ​ລູກ​ຜູ້​ທີ່​ຮັບໃຊ້​ຕົນ.

ຈົດບັນຊີ 18:6

ແມ່ນ​ເຮົາ​ເອງ​ທີ່​ເປັນ​ຜູ້​ເລືອກ​ເອົາ​ຍາດຕິພີ່ນ້ອງ​ຊາວ​ເລວີ​ຂອງ​ເຈົ້າ ຈາກ​ທ່າມກາງ​ຊາວ​ອິດສະຣາເອນ ເພື່ອ​ໃຫ້​ເປັນ​ຂອງຂວັນ​ແກ່​ເຈົ້າ. ເຈົ້າ​ໄດ້​ອຸທິດ​ຖວາຍ​ພວກເຂົາ​ໃຫ້​ແກ່​ພຣະເຈົ້າຢາເວ ເພື່ອ​ວ່າ​ພວກເຂົາ​ຈະ​ປະຕິບັດ​ໜ້າທີ່​ໃນ​ຫໍເຕັນ​ບ່ອນ​ຊຸມນຸມ​ໄດ້.

ຈົດບັນຊີ 3:12

“ແມ່ນ​ເຮົາ​ເອງ​ທີ່​ເປັນ​ຜູ້​ເລືອກ​ເອົາ​ຊາວ​ເລວີ ໃນ​ທ່າມກາງ​ຊາວ​ອິດສະຣາເອນ​ທັງຫລາຍ. ໃຫ້​ພວກເຂົາ​ຮັບໃຊ້​ເຮົາ​ແທນ​ລູກກົກ​ທັງຫລາຍ​ຂອງ​ປະຊາຊົນ​ອິດສະຣາເອນ.

ຈົດບັນຊີ 3:45

“ບັດນີ້ ຈົ່ງ​ອຸທິດ​ຖວາຍ​ຊາວ​ເລວີ​ໃຫ້​ເປັນ​ຂອງເຮົາ ແທນ​ລູກຊາຍ​ກົກ​ທຸກຄົນ​ຂອງ​ຊາວ​ອິດສະຣາເອນ ແລະ​ຈົ່ງ​ອຸທິດ​ຖວາຍ​ສັດ​ທັງຫລາຍ​ຂອງ​ຊາວ​ເລວີ ແທນ​ລູກຫົວປີ​ຂອງ​ສັດ​ທຸກ​ໂຕ​ຂອງ​ຊາວ​ອິດສະຣາເອນ. ເຮົາ​ແມ່ນ​ພຣະເຈົ້າຢາເວ.

ຈົດບັນຊີ 3:9

ຄວາມ​ຮັບຜິດຊອບ​ຢ່າງ​ດຽວ​ທີ່​ຊາວ​ເລວີ​ມີ​ນັ້ນ ແມ່ນ​ຮັບໃຊ້​ອາໂຣນ​ແລະ​ພວກ​ລູກຊາຍ​ຂອງ​ລາວ.

ຈົດບັນຊີ 6:2

“ຈົ່ງ​ກ່າວ​ແກ່​ປະຊາຊົນ​ອິດສະຣາເອນ​ວ່າ, ຊາຍ​ຫລື​ຍິງ​ຄົນ​ໃດ​ທີ່​ບະບົນ​ຕົນເອງ​ເປັນ​ພິເສດ​ວ່າ ຈະ​ເປັນ​ຄົນ​ນາຊີຣີ​ແລະ​ອຸທິດ​ຕົນ​ໃຫ້​ແກ່​ພຣະເຈົ້າຢາເວ

ຈົດບັນຊີ 8:13

ຈົ່ງ​ອຸທິດ​ຖວາຍ​ພວກ​ເລວີ​ໃຫ້​ເປັນ​ຂອງ​ຖວາຍ​ແກວ່ງໄປ​ແກວ່ງມາ ​ແກ່​ພຣະເຈົ້າຢາເວ ແລະ​ໃຫ້​ອາໂຣນ​ກັບ​ພວກ​ລູກຊາຍ​ຂອງ​ລາວ​ເປັນ​ຜູ້ດູແລ​ພວກເຂົາ.

ຈົດບັນຊີ 8:17

ເມື່ອ​ເຮົາ​ໄດ້​ຂ້າ​ລູກກົກ​ທັງໝົດ​ໃນ​ປະເທດ​ເອຢິບ​ນັ້ນ ເຮົາ​ໄດ້​ອຸທິດ​ຖວາຍ​ລູກກົກ​ຂອງ​ຊາວ​ອິດສະຣາເອນ​ແຕ່ລະ​ຄອບຄົວ​ໃຫ້​ເປັນ​ຂອງເຮົາ ຕະຫລອດ​ທັງ​ລູກຫົວປີ​ຂອງ​ສັດ​ທຸກໆ​ໂຕ​ດ້ວຍ.

ໂຣມ 1:1

ເຮົາ​ຄື​ໂປໂລ ຜູ້ຮັບໃຊ້​ຄົນ​ໜຶ່ງ​ຂອງ​ພຣະເຢຊູ​ຄຣິດເຈົ້າ ທີ່​ພຣະອົງ​ຊົງ​ເອີ້ນ​ໃຫ້​ເປັນ​ອັກຄະສາວົກ ແລະ​ໄດ້​ຊົງ​ຄັດ​ອອກ​ຕັ້ງ​ໄວ້​ໃຫ້​ປະກາດ​ຂ່າວປະເສີດ​ຂອງ​ພຣະເຈົ້າ.

ຄາລາເຕຍ 1:15

ແຕ່​ດ້ວຍ​ພຣະຄຸນ​ຂອງ​ພຣະເຈົ້າ ພຣະອົງ​ໄດ້​ຊົງ​ເລືອກ​ເຮົາ​ໄວ້​ຕັ້ງແຕ່​ຢູ່​ໃນ​ທ້ອງ​ແມ່ ແລະ​ໄດ້​ເອີ້ນ​ເຮົາ​ໃຫ້​ບົວລະບັດ​ຮັບໃຊ້​ພຣະອົງ ເມື່ອ​ພຣະອົງ​ຊົງ​ພໍພຣະໄທ

ພຣະບັນຍັດສອງ 10:8

ໃນ​ເວລາ​ນັ້ນ ພຣະເຈົ້າຢາເວ​ໄດ້​ແຕ່ງຕັ້ງ​ພວກ​ຜູ້ຊາຍ​ໃນ​ເຜົ່າເລວີ ໃຫ້​ເປັນ​ຜູ້​ຮັບຜິດຊອບ​ຫີບ​ພັນທະສັນຍາ​ຂອງ​ພຣະເຈົ້າຢາເວ ຢືນຢູ່​ຕໍ່ໜ້າ​ພຣະເຈົ້າຢາເວ​ໃຫ້​ຮັບໃຊ້​ພຣະອົງ ເພື່ອ​ໃຫ້​ກ່າວ​ຄຳອວຍພອນ​ໃນ​ນາມ​ຂອງ​ພຣະອົງ​ຈົນເຖິງ​ທຸກ​ວັນ​ນີ້.

ເຮັບເຣີ 7:26

ພຣະ​ມະຫາ​ປະໂຣຫິດ​ຢ່າງ​ນີ້​ແຫຼະ ທີ່​ເໝາະສົມ​ສຳລັບ​ພວກເຮົາ ຄື​ເປັນ​ຜູ້​ບໍຣິສຸດ​ປາສະຈາກ​ຜິດ ຫລື​ສິ່ງ​ຊົ່ວ​ມົວໝອງ ແຍກ​ຈາກ​ຄົນ​ບາບ​ທັງປວງ ຊົງ​ປະທັບ​ຢູ່​ເໜືອ​ຟ້າ​ສະຫວັນ.