ຈົດບັນຊີ 8:13 - ພຣະຄຳພີສັກສິ

¹³ ຈົ່ງ​ອຸທິດ​ຖວາຍ​ພວກ​ເລວີ​ໃຫ້​ເປັນ​ຂອງ​ຖວາຍ​ແກວ່ງໄປ​ແກວ່ງມາ ​ແກ່​ພຣະເຈົ້າຢາເວ ແລະ​ໃຫ້​ອາໂຣນ​ກັບ​ພວກ​ລູກຊາຍ​ຂອງ​ລາວ​ເປັນ​ຜູ້ດູແລ​ພວກເຂົາ.

ຈົດບັນຊີ 8:13 Jak'a apnaqawi uñst'ayäwi

ຈົດບັນຊີ 18:6

ແມ່ນ​ເຮົາ​ເອງ​ທີ່​ເປັນ​ຜູ້​ເລືອກ​ເອົາ​ຍາດຕິພີ່ນ້ອງ​ຊາວ​ເລວີ​ຂອງ​ເຈົ້າ ຈາກ​ທ່າມກາງ​ຊາວ​ອິດສະຣາເອນ ເພື່ອ​ໃຫ້​ເປັນ​ຂອງຂວັນ​ແກ່​ເຈົ້າ. ເຈົ້າ​ໄດ້​ອຸທິດ​ຖວາຍ​ພວກເຂົາ​ໃຫ້​ແກ່​ພຣະເຈົ້າຢາເວ ເພື່ອ​ວ່າ​ພວກເຂົາ​ຈະ​ປະຕິບັດ​ໜ້າທີ່​ໃນ​ຫໍເຕັນ​ບ່ອນ​ຊຸມນຸມ​ໄດ້.

ຈົດບັນຊີ 8:11

ແລ້ວ​ອາໂຣນ​ກໍ​ຈະ​ຖວາຍ​ພວກເຂົາ​ຕໍ່ໜ້າ​ພຣະເຈົ້າຢາເວ ເປັນ​ເຄື່ອງ​ບູຊາ​ແກວ່ງໄປ​ແກວ່ງມາ​ຈາກ​ຊາວ​ອິດສະຣາເອນ ເພື່ອ​ວ່າ​ພວກ​ເລວີ​ຈະ​ເຮັດ​ໜ້າທີ່​ຮັບໃຊ້​ພຣະເຈົ້າຢາເວ.

ຈົດບັນຊີ 8:12

ແລ້ວ​ໃຫ້​ພວກ​ເລວີ​ວາງ​ມື​ລົງ​ເທິງ​ຫົວ​ງົວເຖິກໜຸ່ມ​ສອງ​ໂຕ​ນັ້ນ; ໂຕໜຶ່ງ​ໃຫ້​ຖວາຍ​ເພື່ອ​ລຶບລ້າງ​ບາບ ແລະ​ອີກ​ໂຕໜຶ່ງ​ນັ້ນ​ໃຫ້​ເຜົາ​ຖວາຍບູຊາ​ດ້ວຍ​ໄຟ​ແກ່​ພຣະເຈົ້າຢາເວ ເພື່ອ​ເປັນ​ພິທີ​ຊຳລະ​ພວກ​ເລວີ.

ຈົດບັນຊີ 8:14

ໃນ​ທຳນອງນີ້ ໃຫ້​ເຈົ້າ​ແຍກ​ພວກ​ເລວີ​ອອກ​ຈາກ​ພວກ​ອິດສະຣາເອນ​ຄົນອື່ນໆ ເພື່ອ​ວ່າ​ພວກເຂົາ​ຈະ​ເປັນ​ຂອງເຮົາ.

ຈົດບັນຊີ 8:21

ພວກ​ເລວີ​ໄດ້​ຊຳລະ​ຕົນເອງ​ແລະ​ຊັກ​ເຄື່ອງນຸ່ງຫົ່ມ ແລ້ວ​ອາໂຣນ​ກໍ​ອຸທິດ​ຖວາຍ​ພວກເຂົາ​ເປັນ​ຂອງ​ຖວາຍ​ແກວ່ງໄປ​ແກວ່ງມາ​ໃຫ້​ແກ່​ພຣະເຈົ້າຢາເວ. ເພິ່ນ​ໄດ້​ປະກອບ​ພິທີ​ຊຳລະ​ໃຫ້​ພວກເຂົາ​ຄືກັນ.

ໂຣມ 12:1

ເຫດສະນັ້ນ ພີ່ນ້ອງ​ທັງຫລາຍ​ເອີຍ, ໂດຍ​ເຫັນ​ແກ່​ພຣະ​ເມດຕາ​ກະລຸນາ​ຂອງ​ພຣະເຈົ້າ ເຮົາ​ຈຶ່ງ​ຮຽກຮ້ອງ​ພວກເຈົ້າ​ໃຫ້​ຖວາຍ​ຕົວ​ແກ່​ພຣະເຈົ້າ ເປັນ​ເຄື່ອງ​ບູຊາ​ອັນ​ມີ​ຊີວິດ ເປັນ​ອັນ​ບໍຣິສຸດ ແລະ​ເປັນ​ທີ່​ພໍພຣະໄທ​ພຣະເຈົ້າ ຊຶ່ງ​ເປັນ​ການ​ນະມັດສະການ​ໃຫ້​ສົມ​ກັບ​ຝ່າຍ​ວິນຍານ​ຂອງ​ເຈົ້າ​ທັງຫລາຍ.

ໂຣມ 15:16

ເພື່ອ​ໃຫ້​ເປັນ​ຜູ້ຮັບໃຊ້​ຂອງ​ພຣະເຢຊູ​ຄຣິດເຈົ້າ ໄປ​ຍັງ​ຄົນຕ່າງຊາດ ແລະ​ເຮັດ​ໜ້າທີ່​ປະໂຣຫິດ​ປະກາດ​ຂ່າວປະເສີດ​ເລື່ອງ​ພຣະເຈົ້າ ເພື່ອ​ວ່າ​ຄົນຕ່າງຊາດ​ຈະ​ເປັນ​ເຄື່ອງ​ບູຊາ​ທີ່​ພຣະເຈົ້າ​ພໍພຣະໄທ ຄື​ຊຳລະ​ໄວ້​ແລ້ວ ດ້ວຍ​ພຣະວິນຍານ​ບໍຣິສຸດເຈົ້າ.