ຈົດບັນຊີ 6:5 - ພຣະຄຳພີສັກສິ

⁵ ໃນ​ລະຫວ່າງ​ທີ່​ອຸທິດ​ຕົນ​ເປັນ​ຄົນ​ນາຊີຣີ​ຢູ່​ນັ້ນ ລາວ​ຈະ​ຕ້ອງ​ບໍ່​ຕັດ​ຜົມ​ຫລື​ແຖ​ໜວດ. ລາວ​ຈະ​ຕ້ອງ​ຢູ່​ໃຕ້​ຄຳ​ບະບົນຕົວ​ຕະຫລອດ​ເວລາ​ທີ່​ວ່າ ຈະ​ອຸທິດ​ຕົນ​ໃຫ້​ແກ່​ພຣະເຈົ້າຢາເວ ແລະ​ລາວ​ຈະ​ຕ້ອງ​ຈົ່ງ​ຜົມ​ແລະ​ຈົ່ງ​ໜວດ​ຂອງຕົນ.

ຈົດບັນຊີ 6:5 Jak'a apnaqawi uñst'ayäwi

ເອເຊກຽນ 44:20

ບັນດາ​ປະໂຣຫິດ​ຕ້ອງ​ບໍ່​ແຖ​ຫົວ ຫລື​ປ່ອຍ​ຜົມ​ຕົນ​ໃຫ້​ຍາວ. ພວກເຂົາ​ຕ້ອງ​ຮັກສາ​ຜົມ​ໄວ້​ໃຫ້​ຍາວ​ພໍດີ​ພໍງາມ.

ຈົດບັນຊີ 6:4

ຕາບໃດ​ທີ່​ລາວ​ຍັງ​ເປັນ​ຄົນ​ນາຊີຣີ​ຢູ່ ລາວ​ຈະ​ຕ້ອງ​ບໍ່​ກິນ​ສິ່ງໃດ​ທີ່​ມາ​ຈາກ​ໝາກອະງຸ່ນ ແມ່ນແຕ່​ແນວປູກ​ແລະ​ເປືອກ​ຂອງ​ມັນ​ກໍຕາມ.

ກິດຈະການ 18:18

ຫລັງຈາກ​ທີ່​ໂປໂລ​ໄດ້​ພັກ​ຢູ່​ນຳ​ຄົນ​ທີ່ເຊື່ອ​ອີກ​ຫລາຍ​ວັນ ເພິ່ນ​ກໍ​ອຳລາ​ພວກເຂົາ ແລ້ວ​ລົງ​ເຮືອ​ເດີນທາງ​ໄປ​ສູ່​ແຂວງ​ຊີເຣຍ ປີຊະກີລາ ແລະ ອາກີລາ​ກໍ​ເດີນທາງ​ໄປ​ນຳ​ດ້ວຍ ຢູ່​ທີ່​ເມືອງ​ເກັນເຂໄອ ກ່ອນ​ລົງ​ເຮືອ​ອອກ​ເດີນທາງ​ໂປໂລ​ໄດ້​ແຖ​ຫົວ ເພາະ​ໄດ້​ບະບົນ​ຕົວ​ໄວ້.

ພວກ^ຜູ້ປົກຄອງ 13:5

ເມື່ອ​ລູກຊາຍ​ຂອງ​ເຈົ້າ​ເກີດ​ມາ​ແລ້ວ ເຈົ້າ​ຕ້ອງ​ບໍ່​ຕັດ​ຜົມ​ໃຫ້​ລາວ​ຈັກເທື່ອ ເພາະ​ນັບ​ຕັ້ງແຕ່​ມື້​ທີ່​ລາວ​ເກີດ​ມາ​ນັ້ນ ລາວ​ຈະ​ໄດ້​ຮັບ​ການ​ອຸທິດຕົວ​ແກ່​ພຣະເຈົ້າ ເປັນ​ຄົນ​ນາຊີຣີ. ລາວ​ຈະ​ຕັ້ງຕົ້ນ​ພາລະກິດ​ໃນ​ການ​ຊ່ວຍກູ້​ເອົາ​ຊາດ​ອິດສະຣາເອນ ໃຫ້​ພົ້ນ​ຈາກ​ອຳນາດ​ຂອງ​ພວກ​ຟີລິດສະຕິນ.”

ພວກ^ຜູ້ປົກຄອງ 16:17

ໃນ​ທີ່ສຸດ ແຊມຊັນ​ຈຶ່ງ​ບອກ​ນາງ​ຕາມ​ຄວາມຈິງ​ວ່າ, “ຂ້ອຍ​ບໍ່ເຄີຍ​ຕັດ​ຜົມ​ຈັກເທື່ອ ເພາະ​ຂ້ອຍ​ອຸທິດ​ຕົວ​ແກ່​ພຣະເຈົ້າ​ເປັນ​ຄົນ​ນາຊີຣີ ນັບ​ຕັ້ງແຕ່​ມື້​ທີ່​ຂ້ອຍ​ໄດ້​ເກີດ​ມາ. ຖ້າ​ຂ້ອຍ​ຕັດ​ຜົມ​ເມື່ອໃດ ຂ້ອຍ​ຈະ​ສູນເສຍ​ແຮງ​ເມື່ອນັ້ນ ແລະ​ຂ້ອຍ​ຈະ​ບໍ່​ແຂງແຮງ​ດັ່ງ​ຄົນ​ທົ່ວ​ໄປ.”

ພວກ^ຜູ້ປົກຄອງ 16:19

ເດລີລາ​ໄດ້​ກ່ອມ​ແຊມຊັນ​ໃຫ້​ນອນ​ເທິງ​ຕັກ​ຂອງ​ນາງ ແລະ​ເອີ້ນ​ໃຫ້​ຜູ້ໜຶ່ງ​ມາ​ຕັດ​ຜົມ​ຂອງ​ລາວ​ອອກ​ເຈັດ​ປອຍ. ແລ້ວ​ນາງ​ກໍໄດ້​ຊຸກ​ແຊມຊັນ​ໃຫ້​ຕື່ນ ແຕ່​ລາວ​ບໍ່ມີ​ແຮງ​ສາ​ແລ້ວ.

1 ຊາມູເອນ 1:11

ນາງ​ຮັນນາ​ສາບານ​ຢ່າງ​ໜັກແໜ້ນ​ວ່າ, “ຂ້າແດ່​ພຣະເຈົ້າຢາເວ ອົງ​ຊົງຣິດ​ອຳນາດ​ຍິ່ງໃຫຍ່ ຂໍ​ພຣະອົງ​ຫລຽວເບິ່ງ​ຄວາມ​ໂສກເສົ້າ​ຂອງ​ຂ້ານ້ອຍ ແລະ​ລະນຶກເຖິງ​ຂ້ານ້ອຍ​ດ້ວຍ ຂໍ​ຢ່າ​ລືມໄລ​ຂ້ານ້ອຍ​ເລີຍ ຖ້າ​ພຣະອົງ​ໂຜດ​ລູກຊາຍ​ໃຫ້​ຂ້ານ້ອຍ ຂ້ານ້ອຍ​ຂໍ​ສັນຍາ​ວ່າ ຈະ​ອຸທິດ​ຖວາຍ​ເດັກນັ້ນ​ແກ່​ພຣະອົງ​ຕະຫລອດ​ຊົ່ວຊີວິດ​ຂອງ​ລາວ ແລະ​ລາວ​ຈະ​ບໍ່​ຕັດ​ຜົມ​ຂອງ​ລາວ​ຈັກເທື່ອ.”