ຈົດບັນຊີ 5:9 - ພຣະຄຳພີສັກສິ

⁹ ເຊັ່ນດຽວ​ກັນ ການ​ຖວາຍ​ແກວ່ງໄປ​ແກວ່ງມາ​ທຸກ​ເທື່ອ ທີ່​ຊາວ​ອິດສະຣາເອນ​ໄດ້​ນຳ​ມາ​ຖວາຍ ຈະ​ເປັນ​ຂອງ​ປະໂຣຫິດ​ຜູ້​ປະກອບ​ພິທີ​ລຶບລ້າງ​ບາບ.

ຈົດບັນຊີ 5:9 Jak'a apnaqawi uñst'ayäwi

ອົບພະຍົບ 29:28

ອັນ​ນີ້​ແມ່ນ​ການ​ຕັດສິນໃຈ​ທີ່​ບໍ່​ປ່ຽນແປງ​ຂອງເຮົາ. ເວລາ​ທີ່​ປະຊາຊົນ​ຂອງເຮົາ​ຖວາຍ​ເພື່ອ​ຄວາມ​ສາມັກຄີທຳ ຊີ້ນ​ໜ້າເອິກ​ແລະ​ຂາໜ້າ​ຂອງ​ແກະ​ໃຫ້​ເປັນ​ສ່ວນ​ຂອງ​ປະໂຣຫິດ. ອັນ​ນີ້​ແມ່ນ​ເຄື່ອງ​ຖວາຍ​ຂອງ​ປະຊາຊົນ​ທີ່​ຖວາຍ​ແກ່​ພຣະເຈົ້າຢາເວ.

ລະບຽບ^ພວກເລວີ 10:13

ຈົ່ງ​ກິນ​ໃນ​ບ່ອນ​ບໍຣິສຸດ ເພາະ​ແມ່ນ​ສ່ວນ​ຂອງ​ເຈົ້າ​ແລະ​ແມ່ນ​ສ່ວນ​ຂອງ​ພວກ​ລູກຊາຍ​ຂອງ​ເຈົ້າ ທີ່​ໄດ້​ມາ​ຈາກ​ການ​ຖວາຍ​ອາຫານ​ບູຊາ​ດ້ວຍ​ໄຟ​ແກ່​ພຣະເຈົ້າຢາເວ. ອັນ​ນີ້​ແມ່ນ​ສິ່ງ​ທີ່​ເຮົາ​ໄດ້​ຮັບສັ່ງ​ໄວ້​ແລ້ວ.

ລະບຽບ^ພວກເລວີ 10:14

ແຕ່​ເຈົ້າ​ພ້ອມ​ຄອບຄົວ​ຂອງ​ເຈົ້າ​ຈົ່ງ​ກິນ​ຊີ້ນ​ໜ້າເອິກ​ແລະ​ຊີ້ນ​ຂາ​ຫລັງ ແລະ​ຈົ່ງ​ກິນ​ໄດ້​ໃນ​ທຸກໆ​ບ່ອນ​ທີ່​ບໍ່​ເປັນ​ມົນທິນ​ຕາມ​ກົດບັນຍັດ. ເຄື່ອງ​ຖວາຍ​ເຫຼົ່ານີ້​ໄດ້​ມອບ​ແກ່​ເຈົ້າ​ແລະ​ເຊື້ອສາຍ​ຂອງ​ເຈົ້າ​ແລ້ວ ຊຶ່ງ​ເປັນ​ສ່ວນ​ທີ່​ພວກເຈົ້າ​ໄດ້​ຮັບ​ຈາກ​ການ​ຖວາຍ ເພື່ອ​ຄວາມ​ສາມັກຄີທຳ​ຂອງ​ປະຊາຊົນ​ອິດສະຣາເອນ.

ລະບຽບ^ພວກເລວີ 10:15

ຊີ້ນ​ຂາ​ຫລັງ​ກັບ​ຊີ້ນ​ໜ້າເອິກ​ພ້ອມ​ໄຂມັນ ທຸກຢ່າງ​ທີ່​ຖວາຍ​ບູຊາ​ດ້ວຍ​ໄຟ ຈົ່ງ​ເອົາ​ມາ​ເປັນ​ຂອງ​ຖວາຍ​ແກວ່ງໄປ​ແກວ່ງມາ​ຕໍ່ໜ້າ​ພຣະເຈົ້າຢາເວ. ສ່ວນ​ນີ້​ເປັນ​ຂອງ​ເຈົ້າ​ກັບ​ເຊື້ອສາຍ​ຂອງ​ເຈົ້າ​ສືບ​ໄປ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໄວ້.”

ລະບຽບ^ພວກເລວີ 6:26

ປະໂຣຫິດ​ຜູ້​ເຮັດ​ພິທີ​ຖວາຍບູຊາ ຈະ​ກິນ​ຊີ້ນ​ສັດ​ນັ້ນ​ໄດ້​ໃນ​ບ່ອນ​ສັກສິດ ຄື​ໃນ​ເດີ່ນ​ຂອງ​ຫໍເຕັນ​ບ່ອນ​ຊຸມນຸມ.

ລະບຽບ^ພວກເລວີ 7:32

ຂາ​ຂວາ​ດ້ານຫລັງ​ສັດ​ຈະ​ຕ້ອງ​ມອບ​ເປັນ​ຂອງ​ບຳລຸງ​ແກ່​ປະໂຣຫິດ

ລະບຽບ^ພວກເລວີ 7:34

ຊີ້ນ​ໜ້າເອິກ​ແລະ​ຊີ້ນ​ຂາ​ຂວາ​ດ້ານຫລັງ​ຂອງ​ສັດ ທີ່​ປະຊາຊົນ​ອິດສະຣາເອນ​ນຳ​ມາ​ຖວາຍ​ເປັນ​ຂອງ​ມອບ​ໃຫ້​ອາໂຣນ​ແລະ​ພວກ​ລູກຊາຍ​ຂອງ​ລາວ.

ຈົດບັນຊີ 18:19

ເຄື່ອງ​ຖວາຍ​ພິເສດ​ທັງໝົດ​ເປັນ​ບໍຣິສຸດ​ທີ່​ຊາວ​ອິດສະຣາເອນ​ໄດ້​ນຳ​ມາ​ຖວາຍ​ແກ່​ພຣະເຈົ້າຢາເວ ເປັນ​ຂອງ​ເຈົ້າ​ແລະ​ພວກ​ລູກ​ຊາຍ​ຍິງ​ຂອງ​ເຈົ້າ​ທຸກຍຸກ​ທຸກສະໄໝ​ສືບໄປ. ອັນນີ້ ແມ່ນ​ພັນທະສັນຍາ​ຂອງ​ເກືອ​ອັນ​ປ່ຽນແປງ​ບໍ່ໄດ້​ຕໍ່ໜ້າ​ພຣະເຈົ້າຢາເວ​ສຳລັບ​ເຈົ້າ​ແລະ​ເຊື້ອສາຍ​ຂອງ​ເຈົ້າ.”

ຈົດບັນຊີ 31:41

ສະນັ້ນ ໂມເຊ​ຈຶ່ງ​ໄດ້​ມອບ​ເຄື່ອງ​ຖວາຍ​ພິເສດ​ແກ່​ພຣະເຈົ້າຢາເວ​ນີ້ ໃຫ້​ປະໂຣຫິດ​ເອເລອາຊາ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ໂມເຊ.

ຈົດບັນຊີ 5:8

ແຕ່​ຖ້າ​ຜູ້​ຮັບ​ນັ້ນ​ຫາກ​ຕາຍໄປ ແລະ​ບໍ່ມີ​ຍາດພີ່ນ້ອງ​ໃກ້ຄຽງ​ທີ່​ຈະ​ຮັບ​ຄ່າ​ໃຊ້​ແທນຄືນ; ຈົ່ງ​ມອບ​ເງິນ​ນັ້ນ​ໃຫ້​ປະໂຣຫິດ​ເພື່ອ​ເປັນ​ການ​ຖວາຍ​ແກ່​ອົງພຣະ​ຜູ້​ເປັນເຈົ້າ. ນອກຈາກນີ້ ຜູ້​ເຮັດ​ຜິດ​ຈະ​ຕ້ອງ​ຖວາຍ​ແກະເຖິກ​ໂຕໜຶ່ງ ເພື່ອ​ປະກອບ​ພິທີ​ລຶບລ້າງ​ບາບ​ຂອງຕົນ.

ພຣະບັນຍັດສອງ 12:26

ຈົ່ງ​ນຳ​ເອົາ​ເຄື່ອງ​ຖວາຍ​ແລະ​ເຄື່ອງ​ຖວາຍ​ຕ່າງໆ ທີ່​ພວກເຈົ້າ​ໄດ້​ສັນຍາ​ວ່າ​ຈະ​ຖວາຍ, ໃຫ້​ຖື​ໄປ​ຍັງ​ສະຖານທີ່​ທີ່​ພຣະເຈົ້າຢາເວ​ໄດ້ເລືອກ​ໄວ້.