ຈົດບັນຊີ 5:18 - ພຣະຄຳພີສັກສິ

¹⁸ ແລ້ວ​ປະໂຣຫິດ​ກໍ​ຈະໃຫ້​ຍິງນັ້ນ​ຢືນ​ຢູ່​ຕໍ່ໜ້າ​ພຣະເຈົ້າຢາເວ, ແກ້​ຜົມ​ທີ່​ນາງ​ມ້ວນ​ໄວ້​ນັ້ນ​ອອກ​ມາ, ແລະ​ເອົາ​ແປ້ງເຂົ້າ​ທີ່​ນາງ​ນຳ​ມາ​ຖວາຍ​ໃຫ້​ນາງ​ຖື. ສ່ວນ​ປະໂຣຫິດ​ເອງ​ຈະ​ເປັນ​ຜູ້​ຖື​ຖ້ວຍ​ນໍ້າ​ຂົມ​ທີ່​ນຳ​ຄຳສາບແຊ່ງ​ມາ​ໃຫ້.

ຈົດບັນຊີ 5:18 Jak'a apnaqawi uñst'ayäwi

ສຸພາສິດ 5:4

ແຕ່​ໃນທີ່ສຸດ ນາງ​ບໍ່ໄດ້​ປະ​ຫຍັງ​ໄວ້​ໃຫ້​ນອກຈາກ​ຄວາມ​ຂົມຂື່ນ​ແລະ​ເຈັບປວດ.

ປັນຍາຈານ 7:26

ຂ້າພະເຈົ້າ​ໄດ້​ຄົ້ນພົບ​ສິ່ງໜຶ່ງ​ທີ່​ຂົມຂື່ນ​ຫລາຍກວ່າ​ຄວາມຕາຍ​ຄື: ແມ່ຍິງ​ທີ່​ມີ​ຈິດໃຈ​ເປັນ​ບ້ວງແຮ້ວ​ແລະ​ຕະຂ່າຍ ແຂນ​ຂອງ​ນາງ​ເປັນ​ເໝືອນ​ສາຍໂສ້. ຜູ້ຊາຍ​ທີ່​ພຣະເຈົ້າ​ພໍໃຈ​ນຳ​ຈະ​ໜີ​ພົ້ນ​ໄປ​ໄດ້, ແຕ່​ນາງ​ຈະ​ດັກຈັບ​ຄົນບາບ​ໄວ້.

ເອຊາຢາ 38:17

ແລ້ວ​ຄວາມ​ຂົມຂື່ນ​ກໍ​ຈະ​ຫັນ​ປ່ຽນ​ເປັນ​ສັນຕິສຸກ ເພາະ​ພຣະອົງ​ເອງ​ຊ່ວຍ​ກູ້​ເອົາ ​ຊີວິດ​ຂ້ານ້ອຍ​ໄວ້; ໂດຍ​ເຮັດ​ໃຫ້​ພົ້ນ​ຈາກ​ອັນຕະລາຍ​ທຸກຢ່າງ ການບາບ​ຂອງ​ຂ້ານ້ອຍ​ກໍໄດ້​ຮັບ​ອະໄພ.

ເຢເຣມີຢາ 2:19

ເຈົ້າ​ຈະ​ຖືກ​ໂທດ​ຍ້ອນ​ຄວາມຊົ່ວ​ຂອງ​ເຈົ້າເອງ ເຈົ້າ​ຈະ​ຖືກ​ປະນາມ​ຍ້ອນ​ຫັນໜີ​ໄປ​ຈາກ​ເຮົາ​ນັ້ນ. ເຈົ້າ​ຈະ​ຮຽນຮູ້​ສິ່ງ​ຂື່ນຂົມ​ແລະ​ຜິດພາດ​ວ່າ​ເປັນ​ຢ່າງໃດ? ທີ່​ໄດ້​ປະຖິ້ມ​ພຣະເຈົ້າຢາເວ ພຣະເຈົ້າ​ຂອງ​ເຈົ້າ ໂດຍ​ບໍ່ມີ​ຄວາມ​ເຄົາຣົບ ແລະ ຢຳເກງ​ເຮົາ​ອີກ​ຕໍ່ໄປ.” ອົງພຣະ​ຜູ້​ເປັນເຈົ້າ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່​ກ່າວ​ດັ່ງນີ້ແຫລະ.

ລະບຽບ^ພວກເລວີ 13:45

ບຸກຄົນ​ໜຶ່ງ​ທີ່​ເປັນ​ພະຍາດ​ຂີ້ທູດ ຕ້ອງ​ໃສ່​ເຄື່ອງນຸ່ງ​ຂາດ, ປ່ອຍ​ຜົມ​ໃຫ້​ຫຍຸ້ງ, ອັດ​ຮີມ​ສົບ​ດ້ານ​ເທິງ​ໄວ້ ແລະ​ຮ້ອງ​ໄປ​ວ່າ, “ເປັນ​ມົນທິນ! ເປັນ​ມົນທິນ!”

ຈົດບັນຊີ 5:15

ໃນ​ສອງ​ກໍລະນີ​ນີ້ ໃຫ້​ຜູ້​ເປັນ​ຜົວ​ພາ​ເມຍ​ຂອງຕົນ​ໄປ​ຫາ​ປະໂຣຫິດ. ລາວ​ຈະ​ຕ້ອງ​ນຳ​ແປ້ງເຂົ້າ​ໜຶ່ງ​ກິໂລກຼາມ​ໄປ​ຖວາຍ, ແຕ່​ລາວ​ຈະ​ບໍ່​ຖອກ​ນໍ້າມັນ​ໝາກກອກເທດ​ໃສ່​ແປ້ງ ຫລື​ໂຮຍ​ເຄື່ອງຫອມ​ລົງ​ເທິງ​ແປ້ງ​ນັ້ນ ເພາະ​ແມ່ນ​ການ​ຖວາຍ​ທີ່​ເກີດ​ຈາກ​ຄວາມ​ສົງໄສ ເພື່ອ​ຈະ​ນຳ​ຄວາມ​ຈິງໃຈ​ມາ​ສູ່​ຊຶ່ງກັນແລະກັນ.

ຈົດບັນຊີ 5:17

ເພິ່ນ​ຈະ​ຖອກ​ນໍ້າ​ບໍຣິສຸດ​ໃສ່​ຖ້ວຍ​ດິນ ແລະ​ເອົາ​ຂີ້ຝຸ່ນ​ດີນ​ທີ່​ຫໍເຕັນ​ສັກສິດ ໂຮຍ​ລົງ​ໃນ​ນໍ້າ.

ຈົດບັນຊີ 5:19

ແລ້ວ​ປະໂຣຫິດ​ກໍ​ຈະ​ກ່າວ​ຄຳ​ສາບານ ໂດຍ​ໃຫ້​ຍິງ​ຜູ້ນັ້ນ​ຕອບ​ຮັບ​ດັ່ງນີ້: ‘ຖ້າ​ເຈົ້າ​ຫາກ​ບໍ່ໄດ້​ຫລີ້ນຊູ້ ເຈົ້າ​ກໍ​ຈະ​ພົ້ນ​ຈາກ​ຄຳສາບແຊ່ງ​ທີ່​ນໍ້າ​ນີ້​ຈະ​ນຳ​ມາ​ໃຫ້.

ຈົດບັນຊີ 5:22

ຂໍ​ພຣະເຈົ້າຢາເວ​ເຮັດ​ໃຫ້​ນໍ້າ​ທີ່​ເຂົ້າ​ໄປ​ໃນ​ທ້ອງ​ຂອງ​ເຈົ້າ​ນັ້ນ ເຮັດ​ໃຫ້​ທ້ອງ​ເຈົ້າ​ໃຄ່ ແລະ​ທັງ​ເຮັດ​ໃຫ້​ອະໄວຍະວະ​ລັບ​ຂອງ​ເຈົ້າ​ເປັນ​ໝັນ​ດ້ວຍ.’ ຍິງ​ນັ້ນ​ຈະ​ຕ້ອງ​ຕອບ​ວ່າ, ‘ອາແມນ ອາແມນ.’

1 ໂກຣິນໂທ 11:15

ແຕ່​ການ​ທີ່​ແມ່ຍິງ​ໄວ້​ຜົມ​ຍາວ​ນັ້ນ ກໍ​ເປັນ​ສິ່ງ​ຈົບງາມ​ແກ່​ຕົນ. ດ້ວຍວ່າ, ພຣະເຈົ້າ​ໄດ້​ໃຫ້​ນາງ​ມີ​ຜົມ​ຍາວ​ທີ່​ໃຊ້​ເປັນ​ຜ້າປົກ​ຫົວ​ແລ້ວ.

1 ໂກຣິນໂທ 11:6

ຖ້າ​ແມ່ຍິງ​ບໍ່​ປົກ​ຫົວ​ຂອງຕົນ ນາງ​ກໍ​ຄວນ​ຕັດ​ຜົມ​ຂອງຕົນ​ເສຍ ແຕ່​ຖ້າ​ແມ່ຍິງ​ແຖ​ຫົວ ຫລື​ຕັດ​ຜົມ​ຂອງ​ນາງ ເປັນ​ການ​ເສຍ​ກຽດ​ແກ່​ຕົນ ນາງ​ກໍ​ຄວນ​ປົກ​ຫົວ​ຂອງຕົນ ຈົ່ງ​ໃຫ້​ນາງ​ເອົາ​ຜ້າປົກ​ຫົວ​ເສຍ.

ພຣະບັນຍັດສອງ 29:18

ຈົ່ງ​ໃຫ້​ແນ່ໃຈ​ວ່າ​ບໍ່ມີ​ຜູ້ໃດ ບໍ່​ວ່າ​ຊາຍ, ຍິງ, ຄອບຄົວ ຫລື​ເຜົ່າໃດ​ກໍຕາມ​ທີ່​ຢືນ​ຢູ່​ທີ່​ນີ້​ໃນວັນນີ້ ຫັນເຫ​ຈາກ​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ ໄປ​ຂາບໄຫວ້​ຮູບເຄົາຣົບ​ເຫຼົ່ານັ້ນ ທີ່​ເປັນ​ຂອງ​ຊົນຊາດ​ອື່ນ. ການ​ກະທຳ​ເຊັ່ນນີ້ ຈະ​ເປັນ​ດັ່ງ​ຮາກເຫງົ້າ​ທີ່​ໃຫຍ່​ຂຶ້ນ​ເປັນ​ຕົ້ນ​ຂົມຂື່ນ​ແລະ​ເປັນ​ພິດ.

ເຮັບເຣີ 13:4

ຈົ່ງ​ໃຫ້​ການ​ແຕ່ງງານ​ຂອງ​ພວກເຈົ້າ ເປັນ​ທີ່​ຍົກຍ້ອງ​ນັບຖື​ແກ່​ທຸກຄົນ ແລະ​ຈົ່ງ​ໃຫ້​ຄູ່​ຜົວ​ເມຍ​ສັດຊື່​ຕໍ່​ກັນແລະກັນ. ພຣະເຈົ້າ​ຈະ​ຕັດສິນ​ລົງໂທດ​ຄົນ​ເຮັດ​ຜິດ​ສິນທຳ​ແລະ​ຄົນ​ຫລິ້ນຊູ້.

1 ຊາມູເອນ 15:32

ຊາມູເອນ​ສັ່ງ​ວ່າ, “ຈົ່ງ​ນຳ​ກະສັດ​ອາກາ​ມາ​ທີ່​ນີ້​ຫາ​ຂ້າພະເຈົ້າ. ເຈົ້າ​ອາກາ​ເຂົ້າ​ມາ​ຫາ​ຊາມູເອນ​ໂດຍ​ຕົວສັ່ນ ແລະ​ທັງ​ຄິດ​ໃນ​ໃຈ​ວ່າ, ‘ຄວາມຕາຍ​ນີ້​ຊ່າງເປັນ​ການ​ຂົມຂື່ນ​ແທ້​ນໍ”’