ຈົດບັນຊີ 4:20 - ພຣະຄຳພີສັກສິ

²⁰ ແຕ່​ຖ້າ​ຄົນ​ໃນ​ຕະກຸນ​ໂກຮາດ​ຫາກ​ເຂົ້າ​ໄປ​ໃນ​ຫໍເຕັນ ເບິ່ງ​ປະໂຣຫິດ​ປົກຄຸມ​ຫຸ້ມຫໍ່​ສິ່ງ​ຂອງ​ສັກສິດ​ເພື່ອ​ຍົກຍ້າຍ ພວກເຂົາ​ຈະ​ຕ້ອງ​ຕາຍ.”

ຈົດບັນຊີ 4:20 Jak'a apnaqawi uñst'ayäwi

ອົບພະຍົບ 19:21

ແລ້ວ​ພຣະເຈົ້າຢາເວ​ກໍ​ບອກ​ໂມເຊ​ວ່າ, “ຈົ່ງ​ລົງ​ໄປ​ເຕືອນ​ປະຊາຊົນ ບໍ່​ໃຫ້​ຂ້າມ​ເຂດ​ເຂົ້າ​ມາ​ເບິ່ງ​ພຣະເຈົ້າຢາເວ, ຖ້າ​ພວກເຂົາ​ຂືນ​ຂຶ້ນ​ມາ​ທີ່​ນີ້​ຈະ​ມີ​ຫລາຍ​ຄົນ​ຕາຍ.

ລະບຽບ^ພວກເລວີ 10:2

ດັ່ງນັ້ນ ພຣະເຈົ້າຢາເວ​ໄດ້​ສົ່ງ​ໄຟ​ລົງ​ມາ​ໄໝ້​ພວກເຂົາ​ຕາຍ​ຄາ​ທີ່​ຢູ່​ຊ້ອງໜ້າ​ພຣະເຈົ້າຢາເວ.

ລະບຽບ^ພວກເລວີ 16:13

ໃນ​ທີ່ນັ້ນ ໂດຍ​ຊ້ອງໜ້າ​ພຣະເຈົ້າຢາເວ ເພິ່ນ​ຈະ​ເອົາ​ກຳຍານ​ໂຮຍ​ໃສ່​ໄຟ ແລະ​ຄວັນ​ກຳຍານ​ກໍ​ຈະ​ພຸ່ງ​ຂຶ້ນ​ບັງ​ຝາ​ຫີບ​ພັນທະສັນຍາ​ໄວ້ ເພື່ອ​ວ່າ​ເພິ່ນ​ຈະ​ບໍ່ໄດ້​ເຫັນ​ສິ່ງ​ນັ້ນ ແລະ​ຖືກ​ຂ້າ.

ຈົດບັນຊີ 1:51

ເມື່ອ​ພວກເຈົ້າ​ຍົກຍ້າຍ​ຄ້າຍພັກ​ເທື່ອໃດ ພວກ​ເລວີ​ກໍ​ຈະ​ມ້າງ​ຫໍເຕັນ​ສັກສິດ​ລົງ ແລະ​ຕັ້ງ​ຂຶ້ນ​ອີກ​ຢູ່​ໃນ​ຄ້າຍພັກ​ບ່ອນ​ໃໝ່​ເທື່ອນັ້ນ. ຜູ້ໃດ​ຜູ້ໜຶ່ງ​ທີ່​ເຂົ້າ​ມາ​ໃກ້​ຫໍເຕັນ​ສັກສິດ ຈະ​ໄດ້​ຮັບ​ໂທດ​ເຖິງ​ຕາຍ.

ຈົດບັນຊີ 18:3

ໃຫ້​ພວກເຂົາ​ເຮັດ​ວຽກ​ເພື່ອ​ເຈົ້າ ແລະ​ຮັບຜິດຊອບ​ໜ້າທີ່​ໃນ​ຫໍເຕັນ, ແຕ່​ຢ່າ​ໃຫ້​ພວກເຂົາ​ເຂົ້າ​ໃກ້​ສິ່ງ​ໃດໆ​ໃນ​ບ່ອນ​ສັກສິດ​ຂອງເຮົາ​ຫລື​ໃກ້​ແທ່ນບູຊາ. ຖ້າ​ພວກເຂົາ​ຫາກ​ຂືນ​ເຮັດ​ທັງ​ເຂົາ ແລະ​ເຈົ້າ​ເອງ​ຈະ​ໄດ້​ຮັບ​ໂທດ​ເຖິງ​ຕາຍ.

ຈົດບັນຊີ 4:15

ເມື່ອ​ເຖິງ​ເວລາ​ຍົກຍ້າຍ​ຄ້າຍພັກ ໃຫ້​ຄົນ​ໃນ​ຕະກຸນ​ໂກຮາດ​ຫາມ​ເຄື່ອງ​ອັນ​ບໍຣິສຸດ​ເຫຼົ່ານີ້​ໄປ ຫລັງຈາກ​ອາໂຣນ​ແລະ​ພວກ​ລູກຊາຍ​ຂອງ​ລາວ​ໄດ້​ປົກຄຸມ​ຫຸ້ມຫໍ່​ແລ້ວ. ຄົນ​ໃນ​ຕະກຸນ​ໂກຮາດ​ບໍ່​ຕ້ອງ​ແຕະຕ້ອງ​ເຄື່ອງໃຊ້​ອັນ​ບໍຣິສຸດ​ນີ້​ເດັດຂາດ ຖ້າ​ແຕະຕ້ອງ ພວກເຂົາ​ຈະ​ຕ້ອງ​ຕາຍ. ເມື່ອ​ຍົກຍ້າຍ​ຫໍເຕັນ​ບ່ອນ​ຊຸມນຸມ​ເທື່ອໃດ ຄົນ​ໃນ​ຕະກຸນ​ໂກຮາດ​ຈະ​ຕ້ອງ​ຮັບ​ໜ້າທີ່​ດັ່ງ​ກ່າວ​ນີ້​ທຸກ​ຄັ້ງ.

ຈົດບັນຊີ 4:19

ໂດຍ​ເຂົ້າ​ມາ​ໃກ້​ສິ່ງຂອງ​ບໍຣິສຸດ​ທີ່ສຸດ​ເຫຼົ່ານີ້. ເພື່ອ​ປ້ອງກັນ​ບໍ່​ໃຫ້​ເຫດ​ເກີດຂຶ້ນ​ໄດ້ ໃຫ້​ອາໂຣນ​ແລະ​ພວກ​ລູກຊາຍ​ຂອງ​ລາວ​ເຂົ້າ​ໄປ​ກຳກັບ​ບອກ​ພວກເຂົາ​ວ່າ ສິ່ງໃດ​ຄວນ​ເຮັດ​ແລະ​ສິ່ງໃດ​ຄວນ​ຫ້າມ.

ຈົດບັນຊີ 4:21

ພຣະເຈົ້າຢາເວ​ໄດ້​ບອກ​ໂມເຊ​ວ່າ,

ພຣະນິມິດ 11:19

ແລ້ວ​ວິຫານ​ຂອງ​ພຣະເຈົ້າ​ໃນ​ສະຫວັນ​ກໍ​ໄຂ​ອອກ ແລະ​ຫີບ​ພັນທະສັນຍາ ກໍ​ປາກົດ​ໃຫ້​ເຫັນ​ຢູ່​ໃນ​ທີ່ນັ້ນ ແລ້ວ​ມີ​ຟ້າ​ແມບເຫຼື້ອມ, ສຽງ​ແຕກ​ສະໜັ່ນ, ຟ້າຮ້ອງ​ຢູ່​ບໍ່​ຂາດ​ໄລຍະ, ແຜ່ນດິນ​ໄຫວ ແລະ​ໝາກເຫັບ​ຕົກ​ຢ່າງ​ຫລວງຫລາຍ.

1 ຊາມູເອນ 6:19

ພຣະເຈົ້າຢາເວ​ໄດ້​ຂ້າ​ຊາວ​ເມືອງ​ເບັດເຊເມດ​ເຈັດສິບ​ຄົນ ຍ້ອນ​ພວກເຂົາ​ຊ່ອງເບິ່ງ​ຫີບ​ຂອງ​ພຣະເຈົ້າຢາເວ. ປະຊາຊົນ​ໄດ້​ໄວ້ທຸກ​ໃຫ້ ເພາະ​ພຣະເຈົ້າຢາເວ​ໄດ້​ໃຫ້​ເກີດ​ການ​ເຂັ່ນຂ້າ​ເປັນ​ໝູ່​ຢ່າງໜັກ​ໃນ​ທ່າມກາງ​ພວກເຂົາ.