ຈົດບັນຊີ 4:14 - ພຣະຄຳພີສັກສິ

¹⁴ ແລ້ວ​ໃຫ້​ເອົາ​ເຄື່ອງໃຊ້​ປະຈຳ​ແທ່ນບູຊາ​ເຊັ່ນ: ຖາດ​ຮອງໄຟ, ຂໍເກາະ, ຊ້ວນ ແລະ​ອ່າງ​ວາງ​ໃສ່​ເທິງ​ນັ້ນ. ແລ້ວ​ຈຶ່ງ​ເອົາ​ໜັງ​ຢ່າງດີ​ປົກ​ອີກເທື່ອໜຶ່ງ ແລະ​ສອດ​ໄມ້​ຄານຫາມ​ໃສ່.

ຈົດບັນຊີ 4:14 Jak'a apnaqawi uñst'ayäwi

2 ຂ່າວຄາວ 4:19

ກະສັດ​ໂຊໂລໂມນ​ຍັງ​ມີ​ເຄື່ອງ​ຕົບແຕ່ງ​ວິຫານ​ຂອງ​ພຣະເຈົ້າ​ທີ່​ເຮັດ​ດ້ວຍ​ຄຳ​ເຊັ່ນກັນ ດັ່ງນີ້: ແທ່ນບູຊາ​ແລະ​ໂຕະ​ໃສ່​ເຂົ້າຈີ່​ທີ່​ຖວາຍ​ໄວ້;

ອົບພະຍົບ 27:1

“ຈົ່ງ​ເຮັດ​ແທ່ນບູຊາ​ດ້ວຍ​ໄມ້​ກະຖິນເທດ. ສ່ວນ​ແທ່ນ​ນັ້ນ ຈົ່ງ​ໃຫ້​ເປັນ​ຮູບ​ສີ່​ຫລ່ຽມ​ດັ່ງນີ້: ຍາວ 2,2 ແມັດ, ກວ້າງ 2,2 ແມັດ ແລະ​ສູງ 1,3 ແມັດ.

ອົບພະຍົບ 27:3

ຈົ່ງ​ເຮັດ​ໝໍ້​ໃສ່​ຂີ້ເຖົ່າ​ຂອງ​ໄຂມັນ, ເຮັດ​ຊ້ວນ, ຖ້ວຍ, ຂໍເກາະ ແລະ​ຖາດ​ຮອງ​ຖ່ານໄຟ. ເຄື່ອງໃຊ້​ເຫຼົ່ານີ້ ຈົ່ງ​ເຮັດ​ດ້ວຍ​ທອງສຳຣິດ​ທັງໝົດ.

ຈົດບັນຊີ 4:13

ໃຫ້​ພວກເຂົາ​ເອົາ​ຂີ້ເຖົ່າ​ຂອງ​ໄຂມັນ​ອອກ​ຈາກ​ແທ່ນບູຊາ ແລະ​ເອົາ​ຜ້າ​ສີມ່ວງ​ປົກ​ແທ່ນ​ນັ້ນ​ໄວ້.

ຈົດບັນຊີ 4:15

ເມື່ອ​ເຖິງ​ເວລາ​ຍົກຍ້າຍ​ຄ້າຍພັກ ໃຫ້​ຄົນ​ໃນ​ຕະກຸນ​ໂກຮາດ​ຫາມ​ເຄື່ອງ​ອັນ​ບໍຣິສຸດ​ເຫຼົ່ານີ້​ໄປ ຫລັງຈາກ​ອາໂຣນ​ແລະ​ພວກ​ລູກຊາຍ​ຂອງ​ລາວ​ໄດ້​ປົກຄຸມ​ຫຸ້ມຫໍ່​ແລ້ວ. ຄົນ​ໃນ​ຕະກຸນ​ໂກຮາດ​ບໍ່​ຕ້ອງ​ແຕະຕ້ອງ​ເຄື່ອງໃຊ້​ອັນ​ບໍຣິສຸດ​ນີ້​ເດັດຂາດ ຖ້າ​ແຕະຕ້ອງ ພວກເຂົາ​ຈະ​ຕ້ອງ​ຕາຍ. ເມື່ອ​ຍົກຍ້າຍ​ຫໍເຕັນ​ບ່ອນ​ຊຸມນຸມ​ເທື່ອໃດ ຄົນ​ໃນ​ຕະກຸນ​ໂກຮາດ​ຈະ​ຕ້ອງ​ຮັບ​ໜ້າທີ່​ດັ່ງ​ກ່າວ​ນີ້​ທຸກ​ຄັ້ງ.

ຈົດບັນຊີ 4:6

ນອກຈາກນີ້​ໃຫ້​ເອົາ​ໜັງ​ຢ່າງດີ​ປົກ​ທາງ​ເທິງ​ກ່ອນ ແລະ​ເອົາ​ຜ້າ​ສີຟ້າ​ປົກ​ເທິງ​ອີກເທື່ອໜຶ່ງ ແລ້ວ​ຈຶ່ງ​ສອດ​ໄມ້​ຄານຫາມ​ໃສ່.