ຈົດບັນຊີ 34:14 - ພຣະຄຳພີສັກສິ

¹⁴ ສ່ວນ​ເຜົ່າ​ຣູເບັນ​ແລະ​ກາດ​ກັບ​ອີກ​ເຄິ່ງ​ເຜົ່າ​ຂອງ​ມານາເຊ​ນັ້ນ ໄດ້​ຮັບ​ສ່ວນ​ແບ່ງ​ຕາມ​ຄອບຄົວ​ຂອງ​ພວກເຂົາ​ແລ້ວ

ຈົດບັນຊີ 34:14 Jak'a apnaqawi uñst'ayäwi

ຈົດບັນຊີ 32:23

ແຕ່​ຖ້າ​ພວກເຈົ້າ​ຫາກ​ບໍ່​ເຮັດ​ຕາມ​ສັນຍາ ເຮົາ​ຂໍເຕືອນ​ວ່າ ພວກເຈົ້າ​ໄດ້​ເຮັດ​ບາບ​ຕໍ່ສູ້​ພຣະເຈົ້າຢາເວ ແລະ​ພວກເຈົ້າ​ຈະ​ໄດ້​ຮັບ​ໂທດກຳ​ຍ້ອນ​ບາບ​ນັ້ນ. ຢ່າ​ເຂົ້າໃຈ​ຜິດ​ໃນ​ເລື່ອງ​ນີ້.

ຈົດບັນຊີ 32:33

ດັ່ງນັ້ນ ໂມເຊ​ຈຶ່ງ​ໄດ້​ມອບ​ດິນແດນ​ນັ້ນ​ໃຫ້​ແກ່​ເຜົ່າກາດ, ເຜົ່າ​ຣູເບັນ ແລະ​ມານາເຊ​ລູກຊາຍ​ຂອງ​ໂຢເຊັບ​ເຄິ່ງ​ເຜົ່າ​ຄື: ເຂດແດນ​ທັງໝົດ​ຂອງ​ເຈົ້າສີໂຫນ​ກະສັດ​ຂອງ​ຊາວ​ອາໂມ ແລະ​ຂອງ​ເຈົ້າໂອກ​ກະສັດ​ແຫ່ງ​ນະຄອນ​ບາຊານ ພ້ອມ​ເມືອງ​ຕ່າງໆ​ທັງ​ເມືອງເລັກ​ເມືອງນ້ອຍ​ທີ່​ຢູ່​ອ້ອມແອ້ມ​ນັ້ນ.

ຈົດບັນຊີ 34:15

ຄື​ດິນແດນ​ທາງ​ຝັ່ງ​ຕາເວັນອອກ​ຂອງ​ແມ່ນໍ້າ​ຈໍແດນ ທີ່​ຢູ່​ກົງກັນຂ້າມ​ກັບ​ເມືອງ​ເຢຣິໂກ.”

ພຣະບັນຍັດສອງ 33:21

ລາວ​ໄດ້​ເລືອກ​ສັນ​ເອົາ​ດິນແດນ​ທີ່​ດີ​ຍິ່ງ​ໄວ້ ສິ່ງ​ທີ່​ເປັນ​ຂອງ​ຫົວໜ້າ​ກໍໄດ້​ມອບ​ໃຫ້​ພວກເຂົາ. ພວກເຂົາ​ໄດ້​ເຮັດ​ຕາມ​ຂໍ້ຄຳສັ່ງ​ຂອງ​ພຣະອົງ ແລະ​ເຮັດ​ຕາມ​ກົດບັນຍັດ​ຂອງ​ພຣະເຈົ້າຢາເວ ເມື່ອ​ບັນດາ​ຫົວໜ້າ​ຂອງ​ຊາດ​ອິດສະຣາເອນ ໄດ້​ມາ​ເຕົ້າ​ຮ່ວມ​ກັນ​ຄົບໜ້າ.”

ພຣະບັນຍັດສອງ 4:38

ເວລາ​ທີ່​ພວກເຈົ້າ​ໄດ້​ບຸກໜ້າ​ເຂົ້າ​ໄປ​ນັ້ນ ພຣະອົງ​ໄດ້​ຂັບໄລ່​ຊົນຊາດ​ຕ່າງໆ​ທີ່​ຍິ່ງໃຫຍ່ ແລະ​ມີ​ອຳນາດ​ກວ່າ​ພວກເຈົ້າ​ອອກ​ໄປ ເພື່ອ​ພຣະອົງ​ຈະ​ໄດ້​ນຳ​ພວກເຈົ້າ​ເຂົ້າ​ໄປ ແລະ​ເອົາ​ດິນແດນ​ຂອງ​ພວກເຂົາ​ໃຫ້​ພວກເຈົ້າ ຄື​ດິນແດນ​ທີ່​ຍັງ​ເປັນ​ຂອງ​ພວກເຈົ້າ​ຢູ່​ນີ້.