ຈົດບັນຊີ 31:3 - ພຣະຄຳພີສັກສິ

³ ດັ່ງນັ້ນ ໂມເຊ​ຈຶ່ງ​ໄດ້​ກ່າວ​ແກ່​ປະຊາຊົນ​ວ່າ, “ຈົ່ງ​ຕຽມຕົວ​ເຮັດ​ເສິກ ເພື່ອ​ວ່າ​ພວກເຈົ້າ​ຈະ​ໂຈມຕີ​ຊາວ​ມີດີອານ​ໄດ້ ແລະ​ລົງໂທດ​ພວກເຂົາ​ສຳລັບ​ສິ່ງ​ທີ່​ພວກເຂົາ​ໄດ້​ເຮັດ​ຕໍ່​ພຣະເຈົ້າຢາເວ.

ຈົດບັນຊີ 31:3 Jak'a apnaqawi uñst'ayäwi

2 ກະສັດ 10:30

ພຣະເຈົ້າຢາເວ​ກ່າວ​ຕໍ່​ເຢຮູ​ວ່າ, “ເຈົ້າ​ໄດ້​ເຮັດ​ຕໍ່​ພວກ​ລູກຫລານ​ອາຮາບ​ທຸກສິ່ງ ຕາມ​ທີ່​ເຮົາ​ຕ້ອງການ​ໃຫ້​ເຈົ້າ​ເຮັດ. ດັ່ງນັ້ນ ເຮົາ​ຈຶ່ງ​ຂໍ​ສັນຍາ​ວ່າ, ພວກ​ລູກຫລານ​ຂອງ​ເຈົ້າ​ຈະ​ຂຶ້ນ​ເປັນ​ກະສັດ ປົກຄອງ​ອານາຈັກ​ອິດສະຣາເອນ​ຈົນເຖິງ​ສີ່​ຊົ່ວ​ເຊັ່ນຄົນ.”

2 ກະສັດ 9:7

ເຈົ້າ​ຕ້ອງ​ຂ້າ​ກະສັດ​ຜູ້​ເປັນ​ນາຍ​ຂອງເຈົ້າ​ຄື​ລູກຊາຍ​ຂອງ​ອາຮາບ ເພື່ອ​ເປັນ​ການ​ລົງໂທດ​ນາງ​ເຢເຊເບນ​ທີ່​ໄດ້​ຂ້າ​ພວກ​ຜູ້ທຳນວາຍ ແລະ​ຜູ້ຮັບໃຊ້​ຄົນອື່ນໆ​ຂອງ​ພຣະເຈົ້າຢາເວ.

ອົບພະຍົບ 17:16

ເພິ່ນ​ໄດ້​ກ່າວ​ວ່າ, “ຈົ່ງ​ຍົກ​ສູງ​ທຸງໄຊ​ຂອງ​ພຣະເຈົ້າຢາເວ ພຣະເຈົ້າຢາເວ​ຈະ​ສູ້ຮົບ​ກັບ​ຊາວ​ອາມາເຫຼັກ​ຕະຫລອດໄປ.”

ເຢເຣມີຢາ 46:10

ນີ້​ຄື​ວັນ​ຂອງ​ອົງພຣະ​ຜູ້​ເປັນເຈົ້າ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່ ວັນ​ນີ້​ຄື​ວັນ​ທີ່​ພຣະອົງ​ຈະ​ແກ້ແຄ້ນ​ຄືນ​ສາ​ແລ້ວ ວັນ​ນີ້​ພຣະອົງ​ຈະ​ລົງໂທດ​ເຫຼົ່າ​ສັດຕູ​ຂອງ​ພຣະອົງ ດາບ​ຂອງ​ພຣະອົງ​ຈະ​ກິນ​ພວກເຂົາ​ໃຫ້​ຈົນ​ອີ່ມ ແລະ​ດື່ມ​ເລືອດ​ພວກເຂົາ​ໃຫ້​ອີ່ມໜຳ​ສຳລານ ວັນ​ນີ້​ຄື​ການ​ຖວາຍບູຊາ​ແກ່​ອົງພຣະ​ຜູ້​ເປັນເຈົ້າ ພຣະເຈົ້າ​ອົງ​ຊົງ​ຣິດອຳນາດ​ຍິ່ງໃຫຍ່ ຄື​ຖວາຍ​ເຫຍື່ອ​ໃຫ້​ເປັນ​ເຄື່ອງ​ບູຊາ​ແກ່​ພຣະອົງ ຖວາຍ​ຢູ່​ທິດເໜືອ​ຕາມ​ຝັ່ງ​ແມ່ນໍ້າ​ເອີຟຣັດ.

ເຢເຣມີຢາ 50:28

ພວກ​ອົບພະຍົບ​ປົບໜີ​ຈາກ​ບາບີໂລນ​ມາ​ສູ່​ນະຄອນ​ເຢຣູຊາເລັມ ແລະ​ພວກເຂົາ​ບອກ​ວ່າ, ພຣະເຈົ້າຢາເວ ພຣະເຈົ້າ​ຂອງ​ພວກເຮົາ ແກ້ແຄ້ນ​ຊາວ​ບາບີໂລນ​ໃນ​ສິ່ງ​ທີ່​ພວກເຂົາ​ໄດ້​ເຮັດ​ຕໍ່​ພຣະວິຫານ​ຂອງ​ພຣະອົງ.)

ລະບຽບ^ພວກເລວີ 26:25

ເຮົາ​ຈະ​ນຳ​ການ​ລົບລາຂ້າຟັນ​ມາ​ເປັນ​ການ​ລົງໂທດ ຍ້ອນ​ວ່າ​ພວກເຈົ້າ​ໄດ້​ຝ່າຝືນ​ພັນທະສັນຍາ​ຂອງເຮົາ ແລະ​ຖ້າ​ພວກເຈົ້າ​ເຕົ້າໂຮມ​ກັນ​ຢູ່​ໃນ​ເມືອງ​ທີ່​ປອດໄພ ເຮົາ​ກໍ​ຈະ​ສົ່ງ​ໂຣກ​ລະບາດ​ມາ​ໃນ​ທ່າມກາງ​ພວກເຈົ້າ ແລະ​ພວກເຈົ້າ​ກໍ​ຈະ​ຖືກ​ບີບ​ບັງຄັບ​ໃຫ້​ຍອມ​ຈຳນົນ​ແກ່​ເຫຼົ່າ​ສັດຕູ​ຂອງ​ພວກເຈົ້າ.

ຈົດບັນຊີ 25:11

“ເພາະ​ສິ່ງ​ທີ່​ຟີເນຮາ​ໄດ້​ເຮັດ​ນັ້ນ ເຮົາ​ຈຶ່ງ​ບໍ່​ໂກດຮ້າຍ​ປະຊາຊົນ​ອິດສະຣາເອນ​ອີກ​ຕໍ່ໄປ. ລາວ​ໄດ້​ຈັດການ​ຢ່າງ​ເດັດຂາດ ຕໍ່​ຜູ້​ທີ່​ຂາບໄຫວ້​ພະອື່ນໆ​ນອກ​ເໜືອ​ຈາກ​ເຮົາ. ດ້ວຍເຫດນີ້ ເຮົາ​ຈຶ່ງ​ບໍ່​ໂກດຮ້າຍ​ແລະ​ທຳລາຍ​ພວກເຂົາ.

ຈົດບັນຊີ 25:13

ຄື​ລາວ​ຕະຫລອດ​ທັງ​ເຊື້ອສາຍ​ຂອງ​ລາວ​ຈະ​ໄດ້​ເປັນ​ປະໂຣຫິດ​ຮັບໃຊ້​ເຮົາ​ສືບໆໄປ ເພາະວ່າ​ລາວ​ໄດ້​ຈັດການ​ຢ່າງ​ເດັດຂາດ​ກັບ​ທຸກໆ​ຄົນ​ທີ່​ກະບົດ​ຕໍ່​ເຮົາ ແລະ​ໄດ້​ເຮັດ​ໃຫ້​ເຮົາ​ຍົກໂທດ​ປະຊາຊົນ​ອິດສະຣາເອນ ເພາະ​ພວກເຂົາ​ໄດ້​ເຮັດ​ບາບ.”

ຈົດບັນຊີ 31:4

ແຕ່ລະເຜົ່າ​ຂອງ​ຊາດ​ອິດສະຣາເອນ​ເກນ​ທະຫານ​ໃຫ້​ໄດ້​ໜຶ່ງພັນ​ຄົນ.”

ພວກ^ຜູ້ປົກຄອງ 5:2

“ຈົ່ງ​ສັນລະເສີນ​ພຣະເຈົ້າຢາເວ​ເຖີດ ເພາະ​ຊາວ​ອິດສະຣາເອນ​ຕັ້ງໃຈ​ສູ້ຮົບ; ພວກເຂົາ​ເຕັມໃຈ​ຕໍ່ສູ້​ແທ້ໆ ໂດຍ​ຕີ​ເຫຼົ່າ​ສັດຕູ​ດ້ວຍ​ຄວາມ​ຍິນດີ.

ພວກ^ຜູ້ປົກຄອງ 5:23

ເທວະດາ​ຂອງ​ພຣະເຈົ້າຢາເວ​ກໍ​ກ່າວ​ສາບແຊ່ງ​ຄືກັນ ວ່າ, ‘ເມືອງ​ເມຣົດ​ຖືກ​ສາບແຊ່ງ​ເສຍ​ແລ້ວ ຊາວ​ເມືອງ​ນັ້ນ​ກໍ​ຖືກ​ສາບແຊ່ງ​ກັນ​ໝົດ ຄົນ​ທີ່​ມາ​ອາໄສ​ຢູ່​ນຳ​ກໍ​ຖືກ​ສາບແຊ່ງ​ດ້ວຍ. ເພາະ​ພວກເຂົາ​ບໍ່ໄດ້​ມາ​ຊ່ວຍ​ພຣະເຈົ້າຢາເວ​ໂຈມຕີ ຄື​ເປັນ​ທະຫານ​ທີ່​ດີ​ສູ້ຮົບ​ເພື່ອ​ພຣະເຈົ້າຢາເວ.’