ຈົດບັນຊີ 30:13 - ພຣະຄຳພີສັກສິ

¹³ ຜົວ​ຂອງ​ນາງ​ມີ​ສິດ​ທີ່​ຈະ​ຮັບຮອງ ຫລື​ຍົກເລີກ​ຄຳ​ບະບົນ ຫລື​ສັນຍາ​ຕ່າງໆ​ທີ່​ນາງ​ໄດ້​ເຮັດ​ໄວ້.

ຈົດບັນຊີ 30:13 Jak'a apnaqawi uñst'ayäwi

ເອຊະຣາ 8:21

ຢູ່​ທີ່​ນັ້ນ​ໃກ້​ຫ້ວຍ​ອາຮາວາ ຂ້າພະເຈົ້າ​ໄດ້​ອອກ​ຄຳສັ່ງ​ໃຫ້​ທຸກຄົນ​ຖືສິນ​ອົດອາຫານ ແລະ​ຖ່ອມຕົວ​ລົງ​ຕໍ່ໜ້າ​ພຣະເຈົ້າ​ຂອງ​ພວກເຮົາ ເພື່ອ​ຂໍ​ໃຫ້​ພຣະອົງ​ນຳພາ​ໃນ​ການ​ເດີນທາງ ແລະ​ໃຫ້​ປົກປັກ​ຮັກສາ​ພວກເຮົາ ພ້ອມທັງ​ລູກໆ​ຂອງ​ພວກເຮົາ​ແລະ​ເຄື່ອງຂອງ​ທັງໝົດ​ທີ່​ພວກເຮົາ​ມີ​ຢູ່.

ເພງ^ສັນລະເສີນ 35:13

ແຕ່​ເມື່ອ​ຄູ່​ຕໍ່ສູ້​ເຈັບໄຂ້​ໄດ້ປ່ວຍ ຂ້ານ້ອຍ​ກໍ​ໃສ່​ເຄື່ອງ​ໄວ້ທຸກ​ແລະ​ທຸກໃຈ​ດ້ວຍ ຂ້ານ້ອຍ​ຖ່ອມຕົວ​ດ້ວຍ​ການ​ອົດເຂົ້າ​ອົດອາຫານ ແລະ​ກໍ​ກົ້ມ​ຫົວ​ພາວັນນາ​ອະທິຖານ​ເພື່ອ ຢ່າງ​ບໍ່​ຢຸດຢັ້ງ.

ເອຊາຢາ 58:5

ເມື່ອ​ຖືສິນ​ອົດອາຫານ​ນັ້ນ ພວກເຈົ້າ​ເຮັດ​ໃຫ້​ພວກ​ເຈົ້າເອງ​ເປັນທຸກ; ພວກເຈົ້າ​ກົ້ມ​ຫົວ​ລົງ​ຕໍ່າໆ​ດັ່ງ​ໃບ​ຫຍ້າ​ອ່ອນໂນ້ມ ແລະ​ປູ​ກະສອບ​ເຂົ້າ​ເທິງ​ຂີ້ເຖົ່າ​ເນີ້ງຕົວ​ລົງນອນ. ອັນນັ້ນ​ບໍ​ທີ່​ພວກເຈົ້າ​ເອີ້ນ​ວ່າ​ຖືສິນ​ອົດອາຫານ? ພວກເຈົ້າ​ຄິດວ່າ​ພຣະເຈົ້າຢາເວ​ຈະ​ພໍໃຈ​ນຳ​ການ​ກະທຳ​ເຊັ່ນນັ້ນ​ບໍ?

ລະບຽບ^ພວກເລວີ 16:29

ລະບຽບການ​ດັ່ງ​ກ່າວ​ນີ້​ໃຫ້​ຢຶດຖື​ໄວ້​ທຸກຍຸກ​ທຸກສະໄໝ​ສືບ​ໄປ. ໃນ​ວັນ​ທີ​ສິບ​ຂອງ​ເດືອນ​ທີ​ເຈັດ ຊາວ​ອິດສະຣາເອນ​ກັບ​ຊາວ​ຕ່າງດ້າວ​ທີ່​ອາໄສ​ຢູ່​ທ່າມກາງ​ພວກເຈົ້າ ຕ້ອງ​ຖືສິນ​ອົດ​ອາຫານ​ແລະ​ບໍ່​ຕ້ອງ​ເຮັດ​ວຽກ​ທຳງານ​ໃດໆ​ທັງ​ສິ້ນ.

ລະບຽບ^ພວກເລວີ 23:32

ແຕ່​ຕາເວັນ​ຕົກ​ດິນ​ໃນ​ວັນ​ທີ​ເກົ້າ ຈົນ​ຮອດ​ຕາເວັນ​ຕົກ​ດິນ​ໃນ​ວັນ​ທີ​ສິບ​ຂອງ​ເດືອນ; ຈົ່ງ​ຢຶດຖື​ວັນນີ້​ເປັນ​ມື້​ພິເສດ ລະຫວ່າງ​ນີ້​ບໍ່​ໃຫ້​ຜູ້ໃດ​ກິນ​ຫຍັງ​ເລີຍ.”

ຈົດບັນຊີ 29:7

ໃນ​ວັນ​ທີ​ສິບ​ຂອງ​ເດືອນ​ທີ​ເຈັດ​ໃຫ້​ພວກເຈົ້າ​ເຕົ້າໂຮມ​ກັນ​ເພື່ອ​ນະ​ມັດສະການ; ຢ່າ​ກິນ​ອາຫານ​ໃດໆ ແລະ​ຢ່າ​ເຮັດ​ວຽກ​ປະຈຳວັນ​ໃດໆ​ທັງ​ສິ້ນ.

ຈົດບັນຊີ 30:12

ແຕ່​ຖ້າ​ຜົວ​ຂອງ​ນາງ​ຫາກ​ຮູ້​ເລື່ອງ ແລະ​ຫ້າມປາມ​ໄວ້ ນາງ​ກໍ​ບໍ່​ຕ້ອງ​ເຮັດ​ຕາມ​ທີ່​ໄດ້​ບະບົນ​ໄວ້. ພຣະເຈົ້າຢາເວ​ຈະ​ຍົກ​ຜິດ​ໃຫ້ ຍ້ອນ​ວ່າ​ຜົວ​ຂອງ​ນາງ​ບໍ່​ຍອມ​ໃຫ້​ນາງ​ເຮັດ​ຕາມ​ທີ່​ໄດ້​ສັນຍາ​ໄວ້​ນັ້ນ.

ຈົດບັນຊີ 30:14

ແຕ່​ຖ້າ​ຜົວ​ຂອງ​ນາງ​ຫາກ​ບໍ່ໄດ້​ຂັດຂວາງ​ໄວ້​ໃນ​ມື້​ທີ່​ລາວ​ຮູ້​ນັ້ນ ນາງ​ຕ້ອງ​ເຮັດ​ຕາມ​ທີ່​ນາງ​ໄດ້​ສັນຍາ ຫລື​ບະບົນ​ໄວ້​ນັ້ນ​ທຸກປະການ. ລາວ​ໄດ້​ຮັບ​ຮອງ​ເອົາ​ການ​ບະບົນ​ນັ້ນ​ແລ້ວ ໂດຍ​ບໍ່ໄດ້​ຂັດຂວາງ​ໄວ້​ໃນ​ມື້​ທີ່​ຕົນ​ຮູ້​ເລື່ອງ​ນັ້ນ.

1 ໂກຣິນໂທ 11:3

ແຕ່​ເຮົາ​ຢາກ​ໃຫ້​ພວກເຈົ້າ​ເຂົ້າໃຈ​ວ່າ, ພຣະຄຣິດ​ຊົງ​ເປັນ​ປະມຸກ​ຂອງ​ຜູ້ຊາຍ​ທຸກຄົນ ຜົວ​ເປັນ​ປະມຸກ​ເມຍ​ຂອງຕົນ ແລະ​ປະມຸກ​ຂອງ​ພຣະຄຣິດ ຄື​ພຣະເຈົ້າ.

1 ໂກຣິນໂທ 11:9

ແລະ​ພຣະອົງ​ກໍ​ບໍ່ໄດ້​ສ້າງ​ຜູ້ຊາຍ​ໄວ້​ສຳລັບ​ແມ່ຍິງ ແຕ່​ໄດ້​ສ້າງ​ແມ່ຍິງ​ໄວ້​ສຳລັບ​ຜູ້ຊາຍ.

1 ໂກຣິນໂທ 7:5

ຢ່າ​ປະຕິເສດ​ການ​ຢູ່​ຮ່ວມ​ກັນ ນອກຈາກ​ໄດ້​ຕົກລົງ​ກັນ​ກ່ອນ​ເປັນ​ການ​ຊົ່ວຄາວ ເພື່ອ​ອຸທິດ​ຕົນ​ໃນ​ການ​ພາວັນນາ​ອະທິຖານ ແຕ່​ຫລັງຈາກ​ນັ້ນ​ແລ້ວ ຈົ່ງ​ມາ​ຢູ່​ຮ່ວມ​ກັນ​ອີກ. ເພື່ອ​ພວກເຈົ້າ​ຈະ​ຮັກສາ​ຕົວ​ໄວ້ ບໍ່​ໃຫ້​ມານຊາຕານ​ຊັກຈູງ​ໃຫ້​ຫລົງ​ເຮັດ​ຜິດ ເພາະ​ຄວບຄຸມ​ຕົນເອງ​ບໍ່ໄດ້.