ຈົດບັນຊີ 3:8 - ພຣະຄຳພີສັກສິ

⁸ ພວກເຂົາ​ຈະ​ຮັບຜິດຊອບ​ອຸປະກອນ​ທັງໝົດ​ຂອງ​ຫໍເຕັນ​ບ່ອນ​ຊຸມນຸມ ແລະ​ເຮັດ​ໜ້າທີ່​ສຳລັບ​ຊາວ​ອິດສະຣາເອນ​ທັງປວງ ໂດຍ​ເຮັດວຽກ​ຮັບໃຊ້​ທີ່​ຫໍເຕັນ​ສັກສິດ.

ຈົດບັນຊີ 3:8 Jak'a apnaqawi uñst'ayäwi

1 ຂ່າວຄາວ 23:27

ຕາມ​ຫລັກ​ຄຳແນະນຳ​ເທື່ອ​ສຸດທ້າຍ​ຂອງ​ກະສັດ​ດາວິດ​ແລ້ວ ຄົນເລວີ​ທີ່​ມີ​ອາຍຸ​ຊາວ​ປີ​ຂຶ້ນ​ໄປ ຕ້ອງ​ຈົດ​ຊື່​ເຂົ້າ​ຮັບໃຊ້​ໃນ​ວຽກງານ.

2 ຂ່າວຄາວ 29:11

ລູກ​ທັງຫລາຍ​ຂອງເຮົາ​ເອີຍ ຢ່າ​ສູ່​ມົວ​ຊັກຊ້າ​ຢູ່​ເລີຍ. ພວກທ່ານ​ແມ່ນ​ຜູ້ໜຶ່ງ​ທີ່​ພຣະເຈົ້າຢາເວ​ໄດ້​ເລືອກ​ເອົາ ເພື່ອ​ເຜົາ​ເຄື່ອງຫອມ​ຖວາຍ​ແກ່​ພຣະອົງ ແລະ​ນຳພາ​ປະຊາຊົນ​ເຂົ້າ​ມາ​ນະມັດສະການ​ພຣະອົງ.”

ເອຊາຢາ 52:11

ທຸກຄົນ​ທີ່​ແບກຫາບ​ເຄື່ອງໃຊ້​ຂອງ​ພຣະເຈົ້າຢາເວ ຈົ່ງ​ອອກ​ໄປ​ໄວໆ ຈາກ​ນະຄອນ​ບາບີໂລນ​ເຖີດ ຢ່າ​ແຕະຕ້ອງ​ສິ່ງ​ຫວງຫ້າມ​ໃດໆ ຈົ່ງ​ຮັກສາ​ຕົວ​ໃຫ້​ບໍຣິສຸດ ແລະ​ອອກ​ໜີໄປ​ເຖີດ

ຈົດບັນຊີ 10:17

ເວລາ​ມ້າງ​ຫໍເຕັນ​ສັກສິດ​ແລ້ວໆ ຕະກຸນ​ຂອງ​ເກໂຊນ​ແລະ​ເມຣາຣີ ຈະ​ເປັນ​ພວກ​ແບກຫາມ​ຫໍເຕັນ​ສັກສິດ​ອອກ​ເດີນທາງ​ໄປ.

ຈົດບັນຊີ 10:21

ແລ້ວ​ຊາວ​ເລວີ​ໃນ​ຕະກຸນ​ໂກຮາດ​ທີ່​ເປັນ​ພວກ​ແບກຫາມ​ເຄື່ອງ​ສັກສິດ ກໍ​ເລີ່ມ​ອອກ​ເດີນທາງ. ເມື່ອ​ພວກ​ນີ້​ໄດ້​ເດີນທາງ​ໄປ​ຮອດ​ຄ້າຍພັກ​ໃໝ່​ແລ້ວ ພວກ​ອື່ນໆ​ທີ່​ໄປ​ກ່ອນ​ກໍໄດ້​ຕັ້ງ​ຫໍເຕັນ​ສັກສິດ​ຂຶ້ນ​ເປັນ​ທີ່​ຮຽບຮ້ອຍ​ແລ້ວ.

ຈົດບັນຊີ 3:7

ພວກເຂົາ​ຈະ​ເຮັດ​ໜ້າທີ່​ຊຶ່ງ​ໄດ້​ຮັບ​ມອບໝາຍ​ໃນ​ຫໍເຕັນ​ບ່ອນ​ຊຸມນຸມ ແລະ​ເຮັດ​ໜ້າທີ່​ສຳລັບ​ປະໂຣຫິດ​ແລະ​ສຳລັບ​ຊຸມຊົນ​ທັງໝົດ ໂດຍ​ເຮັດວຽກ​ຮັບໃຊ້​ທີ່​ຫໍເຕັນ​ສັກສິດ.

ຈົດບັນຊີ 3:9

ຄວາມ​ຮັບຜິດຊອບ​ຢ່າງ​ດຽວ​ທີ່​ຊາວ​ເລວີ​ມີ​ນັ້ນ ແມ່ນ​ຮັບໃຊ້​ອາໂຣນ​ແລະ​ພວກ​ລູກຊາຍ​ຂອງ​ລາວ.

ຈົດບັນຊີ 31:30

ສຳລັບ​ສ່ວນ​ຂອງ​ຊຸມຊົນ​ນັ້ນ​ເໝືອນກັນ ໃຫ້​ຫັກ​ເອົາ​ໜຶ່ງ​ໃນ​ຫ້າສິບ ມອບ​ໃຫ້​ແກ່​ພວກ​ເລວີ​ທີ່​ເບິ່ງແຍງ​ຫໍເຕັນ​ສັກສິດ​ຂອງ​ພຣະເຈົ້າຢາເວ ບໍ່​ວ່າ​ເປັນ​ຊະເລີຍ, ງົວ, ລໍ, ແກະ ແລະ​ແບ້​ກໍດີ.”

ຈົດບັນຊີ 4:15

ເມື່ອ​ເຖິງ​ເວລາ​ຍົກຍ້າຍ​ຄ້າຍພັກ ໃຫ້​ຄົນ​ໃນ​ຕະກຸນ​ໂກຮາດ​ຫາມ​ເຄື່ອງ​ອັນ​ບໍຣິສຸດ​ເຫຼົ່ານີ້​ໄປ ຫລັງຈາກ​ອາໂຣນ​ແລະ​ພວກ​ລູກຊາຍ​ຂອງ​ລາວ​ໄດ້​ປົກຄຸມ​ຫຸ້ມຫໍ່​ແລ້ວ. ຄົນ​ໃນ​ຕະກຸນ​ໂກຮາດ​ບໍ່​ຕ້ອງ​ແຕະຕ້ອງ​ເຄື່ອງໃຊ້​ອັນ​ບໍຣິສຸດ​ນີ້​ເດັດຂາດ ຖ້າ​ແຕະຕ້ອງ ພວກເຂົາ​ຈະ​ຕ້ອງ​ຕາຍ. ເມື່ອ​ຍົກຍ້າຍ​ຫໍເຕັນ​ບ່ອນ​ຊຸມນຸມ​ເທື່ອໃດ ຄົນ​ໃນ​ຕະກຸນ​ໂກຮາດ​ຈະ​ຕ້ອງ​ຮັບ​ໜ້າທີ່​ດັ່ງ​ກ່າວ​ນີ້​ທຸກ​ຄັ້ງ.

ຈົດບັນຊີ 4:28

ໃຫ້​ຄົນ​ໃນ​ຕະກຸນ​ເກໂຊນ​ຮັບຜິດຊອບ​ໜ້າທີ່​ດັ່ງ​ກ່າວ​ນັ້ນ​ໃນ​ຫໍເຕັນ​ບ່ອນ​ຊຸມນຸມ; ພວກເຂົາ​ຈະ​ຕ້ອງ​ແບກຫາມ​ເຄື່ອງຂອງ​ຕ່າງໆ​ພາຍໃຕ້​ການ​ຊີ້ນຳ​ຂອງ​ອີທາມາ ລູກຊາຍ​ຂອງ​ປະໂຣຫິດ​ອາໂຣນ.

ຈົດບັນຊີ 4:33

ໃຫ້​ຄົນ​ໃນ​ຕະກຸນ​ເມຣາຣີ​ຮັບຜິດຊອບ​ໜ້າທີ່​ດັ່ງ​ກ່າວ​ນັ້ນ​ທັງໝົດ​ທີ່​ພົວພັນ​ໃນ​ຫໍເຕັນ​ບ່ອນ​ຊຸມນຸມ; ພວກເຂົາ​ຈະ​ຕ້ອງ​ແບກຫາມ​ເຄື່ອງຂອງ​ຕ່າງໆ​ພາຍໃຕ້​ການ​ຊີ້ນຳ​ຂອງ​ອີທາມາ ລູກຊາຍ​ຂອງ​ປະໂຣຫິດ​ອາໂຣນ.”