ຈົດບັນຊີ 3:41 - ພຣະຄຳພີສັກສິ

⁴¹ ເພື່ອ​ແທນ​ລູກ​ກົກ​ທັງໝົດ​ຂອງ​ຊາວ​ອິດສະຣາເອນ ຈົ່ງ​ແຍກ​ຊາວ​ເລວີ​ໄວ້​ເປັນ​ຂອງເຮົາ ເຮົາ​ແມ່ນ​ພຣະເຈົ້າຢາເວ ເຊັ່ນດຽວ​ກັນ ຈົ່ງ​ແຍກ​ເອົາ​ຝູງ​ສັດ​ຂອງ​ຊາວ​ເລວີ ເພື່ອ​ແທນ​ລູກ​ສັດ​ຫົວປີ​ທັງໝົດ​ຂອງ​ຊາວ​ອິດສະຣາເອນ.”

ຈົດບັນຊີ 3:41 Jak'a apnaqawi uñst'ayäwi

ຈົດບັນຊີ 18:15

ລູກກົກ​ຂອງ​ຊາວ​ອິດສະຣາເອນ ບໍ່​ວ່າ​ເປັນ​ຄົນ​ຫລື​ສັດ​ກໍດີ​ທີ່​ນຳ​ມາ​ຖວາຍ​ແກ່​ພຣະເຈົ້າຢາເວ​ເປັນ​ຂອງ​ເຈົ້າ. ແຕ່​ໃຫ້​ໄຖ່​ລູກກົກ​ຂອງ​ທຸກໆ​ຄົນ​ຄືນ​ໄວ້ ແລະ​ສັດ​ຫົວປີ​ທຸກໆ​ໂຕ​ທີ່​ເປັນ​ມົນທິນ​ຕາມ​ກົດບັນຍັດ​ກໍ​ໃຫ້​ໄຖ່ຄືນ​ໄດ້​ເໝືອນກັນ.

ຈົດບັນຊີ 3:12

“ແມ່ນ​ເຮົາ​ເອງ​ທີ່​ເປັນ​ຜູ້​ເລືອກ​ເອົາ​ຊາວ​ເລວີ ໃນ​ທ່າມກາງ​ຊາວ​ອິດສະຣາເອນ​ທັງຫລາຍ. ໃຫ້​ພວກເຂົາ​ຮັບໃຊ້​ເຮົາ​ແທນ​ລູກກົກ​ທັງຫລາຍ​ຂອງ​ປະຊາຊົນ​ອິດສະຣາເອນ.

ຈົດບັນຊີ 3:13

ອັນ​ນີ້​ກໍ​ເປັນ​ຜົນ​ສືບເນື່ອງ​ມາ​ຈາກ ໃນ​ມື້​ທີ່​ເຮົາ​ໄດ້​ຂ້າ​ລູກກົກ​ທັງໝົດ​ຂອງ​ຊາວ​ເອຢິບ​ນັ້ນ ເຮົາ​ໄດ້​ໄວ້​ຊີວິດ​ລູກກົກ​ຂອງ​ຊາວ​ອິດສະຣາເອນ​ທຸກໆ​ຄົນ ແລະ​ສັດ​ໂຕເຖິກ​ຫົວປີ​ທຸກໆ​ໂຕ. ລູກຫົວປີ​ເຫຼົ່ານັ້ນ​ເປັນ​ຂອງເຮົາ. ເຮົາ​ແມ່ນ​ພຣະເຈົ້າຢາເວ.”

ຈົດບັນຊີ 3:42

ໂມເຊ​ກໍ​ເຮັດ​ຕາມ​ພຣະເຈົ້າຢາເວ​ໄດ້​ສັ່ງ​ເພີ່ນ​ໄວ້ ແລະ​ໄດ້​ຈົດ​ຊື່​ລູກຊາຍ​ຫົວປີ​ຂອງ​ຊາວ​ອິດສະຣາເອນ​ທຸກໆ​ຄົນ

ຈົດບັນຊີ 3:45

“ບັດນີ້ ຈົ່ງ​ອຸທິດ​ຖວາຍ​ຊາວ​ເລວີ​ໃຫ້​ເປັນ​ຂອງເຮົາ ແທນ​ລູກຊາຍ​ກົກ​ທຸກຄົນ​ຂອງ​ຊາວ​ອິດສະຣາເອນ ແລະ​ຈົ່ງ​ອຸທິດ​ຖວາຍ​ສັດ​ທັງຫລາຍ​ຂອງ​ຊາວ​ເລວີ ແທນ​ລູກຫົວປີ​ຂອງ​ສັດ​ທຸກ​ໂຕ​ຂອງ​ຊາວ​ອິດສະຣາເອນ. ເຮົາ​ແມ່ນ​ພຣະເຈົ້າຢາເວ.

ຈົດບັນຊີ 8:16

ເຮົາ​ໄດ້​ໃຫ້​ເຈົ້າ​ແຍກ​ເອົາ​ພວກ​ເລວີ ແທນ​ລູກກົກ​ຂອງ​ຊາວ​ອິດສະຣາເອນ​ທຸກ​ຄົນ ແລະ​ພວກເຂົາ​ຈະ​ເປັນ​ຂອງເຮົາ​ແຕ່​ຜູ້​ດຽວ​ເທົ່ານັ້ນ.

ມັດທາຍ 20:28

ເໝືອນ​ຢ່າງ​ບຸດ​ມະນຸດ​ບໍ່ໄດ້​ມາ​ເພື່ອ​ໃຫ້​ຄົນອື່ນ​ຮັບໃຊ້​ຕົນ ແຕ່​ມາ​ເພື່ອ​ຮັບໃຊ້ ແລະ​ຍອມ​ສະຫລະ​ຊີວິດ​ຂອງຕົນ ເປັນ​ຄ່າ​ໄຖ່​ຄົນ​ຈຳນວນ​ຫລວງຫລາຍ.”

1 ຕີໂມທຽວ 2:6

ຜູ້​ທີ່​ໄດ້​ສະຫລະ​ພຣະອົງ​ເອງ ເພື່ອ​ເປັນ​ຄ່າ​ໄຖ່​ມະນຸດ​ສະໂລກ​ທຸກຄົນ ຊຶ່ງ​ການ​ນີ້​ໄດ້​ກ່າວ​ເປັນ​ຄຳ​ພະຍານ​ໃນ​ເວລາ​ອັນ​ເໝາະສົມ.