ຈົດບັນຊີ 3:13 - ພຣະຄຳພີສັກສິ

¹³ ອັນ​ນີ້​ກໍ​ເປັນ​ຜົນ​ສືບເນື່ອງ​ມາ​ຈາກ ໃນ​ມື້​ທີ່​ເຮົາ​ໄດ້​ຂ້າ​ລູກກົກ​ທັງໝົດ​ຂອງ​ຊາວ​ເອຢິບ​ນັ້ນ ເຮົາ​ໄດ້​ໄວ້​ຊີວິດ​ລູກກົກ​ຂອງ​ຊາວ​ອິດສະຣາເອນ​ທຸກໆ​ຄົນ ແລະ​ສັດ​ໂຕເຖິກ​ຫົວປີ​ທຸກໆ​ໂຕ. ລູກຫົວປີ​ເຫຼົ່ານັ້ນ​ເປັນ​ຂອງເຮົາ. ເຮົາ​ແມ່ນ​ພຣະເຈົ້າຢາເວ.”

ຈົດບັນຊີ 3:13 Jak'a apnaqawi uñst'ayäwi

ເນເຫມີຢາ 10:36

ລູກຊາຍກົກ​ແຕ່ລະຄົນ​ຂອງ​ພວກ​ຂ້ານ້ອຍ ຈະ​ຕ້ອງ​ຖືກ​ນຳ​ໄປ​ຫາ​ປະໂຣຫິດ​ທີ່​ວິຫານ​ຂອງ​ພຣະເຈົ້າ​ຂອງ​ພວກ​ຂ້ານ້ອຍ ແລະ​ຖວາຍ​ລາວ​ແກ່​ພຣະເຈົ້າ​ຢູ່​ໃນ​ທີ່ນັ້ນ ຕາມ​ທີ່​ກົດບັນຍັດ​ໄດ້​ຂຽນ​ໄວ້. ພວກ​ຂ້ານ້ອຍ​ຍັງ​ຈະ​ຖວາຍ​ລູກກົກ​ຂອງ​ງົວເຖິກ, ຂອງ​ງົວແມ່​ແຕ່ລະໂຕ ແລະ​ລູກກົກ​ຂອງ​ແກະເຖິກ ຫລື​ລູກແກະ ຫລື​ລູກ​ແບ້​ແຕ່ລະໂຕ​ດ້ວຍ.

ອົບພະຍົບ 13:12

ພວກເຈົ້າ​ຕ້ອງ​ຖວາຍ​ລູກຊາຍກົກ​ແກ່​ພຣະເຈົ້າຢາເວ. ສັດ​ໂຕ​ເຖິກ​ຫົວປີ​ທຸກໆ​ໂຕ​ຂອງ​ພວກເຈົ້າ​ເປັນ​ຂອງ​ອົງພຣະ​ຜູ້​ເປັນເຈົ້າ.

ອົບພະຍົບ 13:15

ເມື່ອ​ກະສັດ​ຟາໂຣ​ແຫ່ງ​ເອຢິບ​ໃຈ​ແຂງ​ກະດ້າງ​ດື້ດຶງ ແລະ​ບໍ່​ຍອມ​ປ່ອຍ​ໃຫ້​ພວກເຮົາ​ໄປ​ນັ້ນ ພຣະເຈົ້າຢາເວ​ໄດ້​ຂ້າ​ລູກຊາຍກົກ​ຫົວປີ​ທັງໝົດ​ຂອງ​ຊາວ​ເອຢິບ​ຄື: ລູກຊາຍກົກ​ຂອງ​ຄົນ​ແລະ​ທັງ​ລູກຫົວປີ​ຂອງ​ສັດ​ໂຕ​ເຖິກ​ຄື​ກັນ. ດ້ວຍເຫດນີ້ ພວກເຮົາ​ຈຶ່ງ​ຕ້ອງ​ຖວາຍບູຊາ​ລູກຫົວປີ​ຂອງ​ສັດ​ໂຕ​ເຖິກ​ແກ່​ພຣະເຈົ້າຢາເວ, ແຕ່​ສ່ວນ​ລູກຊາຍກົກ​ນັ້ນ ພວກເຮົາ​ໄຖ່​ຄືນ​ໄວ້​ໄດ້.

ອົບພະຍົບ 13:2

“ຈົ່ງ​ອຸທິດ​ຖວາຍ​ລູກຊາຍກົກ​ທຸກຄົນ​ແກ່​ເຮົາ. ລູກຊາຍກົກ​ຂອງ​ຊາວ​ອິດສະຣາເອນ​ທຸກໆ​ຄົນ ແລະ​ສັດ​ໂຕ​ເຖິກ​ຫົວປີ​ທຸກໆ​ໂຕ​ເປັນ​ຂອງເຮົາ.”

ອົບພະຍົບ 22:29

ຈົ່ງ​ນຳ​ພືດຜົນ​ເປັນເມັດ, ເຫຼົ້າ​ອະງຸ່ນ ແລະ​ນໍ້າມັນ​ໝາກກອກເທດ​ທີ່​ຕ້ອງ​ຖວາຍ​ຕາມ​ກຳນົດ​ນັ້ນ​ມາ​ຖວາຍ​ແກ່​ເຮົາ. ຈົ່ງ​ຖວາຍ​ລູກຊາຍກົກ​ຂອງ​ພວກເຈົ້າ​ແກ່​ເຮົາ.

ອົບພະຍົບ 34:19

ລູກຊາຍກົກ​ທຸກຄົນ ແລະ​ສັດ​ຫົວປີ​ທຸກ​ໂຕ​ເປັນ​ຂອງເຮົາ

ເອເຊກຽນ 44:30

ພວກ​ປະໂຣຫິດ​ຈະ​ໄດ້​ຮັບ​ພືດຜົນ​ດີທີ່ສຸດ​ໃນ​ລະດູ​ເກັບກ່ຽວ​ຄັ້ງ​ທຳອິດ ແລະ​ສິ່ງ​ອື່ນໆ​ທຸກຢ່າງ​ທີ່​ໄດ້​ຖວາຍ​ແກ່​ເຮົາ. ທຸກ​ເທື່ອ​ທີ່​ປະຊາຊົນ​ເຮັດ​ເຂົ້າຈີ່ ພວກເຂົາ​ຕ້ອງ​ເອົາ​ເຂົ້າຈີ່​ກ້ອນ​ທຳອິດ​ໃຫ້​ປະໂຣຫິດ​ເປັນ​ເຄື່ອງ​ຖວາຍ ແລະ​ພຣະພອນ​ຂອງເຮົາ​ກໍ​ຈະ​ດຳລົງ​ຢູ່​ໃນ​ຄອບຄົວ​ຂອງ​ພວກ​ເຂົາເຈົ້າ.

ລະບຽບ^ພວກເລວີ 27:26

ລູກ​ສັດ​ຫົວປີ​ທຸກໆ​ໂຕ​ເປັນ​ຂອງ​ພຣະເຈົ້າຢາເວ​ແລ້ວ; ສະນັ້ນ ຈຶ່ງ​ບໍ່​ໃຫ້​ຜູ້ໃດ​ນຳ​ມາ​ຖວາຍ​ດ້ວຍ​ໃຈ​ສັດທາ​ແກ່​ພຣະອົງ. ລູກ​ງົວ​ກັບ​ລູກແກະ​ຫລື​ລູກ​ແບ້​ເປັນ​ຂອງ​ພຣະເຈົ້າຢາເວ

ຈົດບັນຊີ 18:15

ລູກກົກ​ຂອງ​ຊາວ​ອິດສະຣາເອນ ບໍ່​ວ່າ​ເປັນ​ຄົນ​ຫລື​ສັດ​ກໍດີ​ທີ່​ນຳ​ມາ​ຖວາຍ​ແກ່​ພຣະເຈົ້າຢາເວ​ເປັນ​ຂອງ​ເຈົ້າ. ແຕ່​ໃຫ້​ໄຖ່​ລູກກົກ​ຂອງ​ທຸກໆ​ຄົນ​ຄືນ​ໄວ້ ແລະ​ສັດ​ຫົວປີ​ທຸກໆ​ໂຕ​ທີ່​ເປັນ​ມົນທິນ​ຕາມ​ກົດບັນຍັດ​ກໍ​ໃຫ້​ໄຖ່ຄືນ​ໄດ້​ເໝືອນກັນ.

ຈົດບັນຊີ 18:6

ແມ່ນ​ເຮົາ​ເອງ​ທີ່​ເປັນ​ຜູ້​ເລືອກ​ເອົາ​ຍາດຕິພີ່ນ້ອງ​ຊາວ​ເລວີ​ຂອງ​ເຈົ້າ ຈາກ​ທ່າມກາງ​ຊາວ​ອິດສະຣາເອນ ເພື່ອ​ໃຫ້​ເປັນ​ຂອງຂວັນ​ແກ່​ເຈົ້າ. ເຈົ້າ​ໄດ້​ອຸທິດ​ຖວາຍ​ພວກເຂົາ​ໃຫ້​ແກ່​ພຣະເຈົ້າຢາເວ ເພື່ອ​ວ່າ​ພວກເຂົາ​ຈະ​ປະຕິບັດ​ໜ້າທີ່​ໃນ​ຫໍເຕັນ​ບ່ອນ​ຊຸມນຸມ​ໄດ້.

ຈົດບັນຊີ 3:41

ເພື່ອ​ແທນ​ລູກ​ກົກ​ທັງໝົດ​ຂອງ​ຊາວ​ອິດສະຣາເອນ ຈົ່ງ​ແຍກ​ຊາວ​ເລວີ​ໄວ້​ເປັນ​ຂອງເຮົາ ເຮົາ​ແມ່ນ​ພຣະເຈົ້າຢາເວ ເຊັ່ນດຽວ​ກັນ ຈົ່ງ​ແຍກ​ເອົາ​ຝູງ​ສັດ​ຂອງ​ຊາວ​ເລວີ ເພື່ອ​ແທນ​ລູກ​ສັດ​ຫົວປີ​ທັງໝົດ​ຂອງ​ຊາວ​ອິດສະຣາເອນ.”

ຈົດບັນຊີ 33:4

ໃນຂະນະທີ່​ກຳລັງ​ຝັງສົບ​ລູກຊາຍ​ຫົວປີ​ຂອງ​ພວກເຂົາ​ທີ່​ພຣະເຈົ້າຢາເວ​ໄດ້​ລົງໂທດ​ເຖິງ​ຕາຍ ພຣະເຈົ້າຢາເວ​ໄດ້​ສຳແດງ​ໃຫ້​ເຫັນ​ເຖິງ​ຣິດອຳນາດ​ອັນ​ຍິ່ງໃຫຍ່ ທີ່​ພຣະອົງ​ມີ​ເໜືອ​ພະ​ທັງຫລາຍ​ຂອງ​ພວກເຂົາ.

ລູກາ 2:23

ຕາມ​ທີ່​ມີ​ຂຽນ​ໄວ້​ໃນ​ກົດບັນຍັດ​ຂອງ​ອົງພຣະ​ຜູ້​ເປັນເຈົ້າ​ວ່າ, “ລູກຊາຍກົກ​ທຸກຄົນ​ຈະ​ຕ້ອງ​ນຳ​ມາ​ຖວາຍ​ແກ່​ອົງພຣະ​ຜູ້​ເປັນເຈົ້າ.”

ເຮັບເຣີ 12:23

ໄດ້​ມາ​ເຖິງ​ທີ່​ຊຸມນຸມ​ກັນ​ຂອງ​ບັນດາ​ລູກກົກ ຜູ້​ທີ່​ມີ​ຄວາມ​ຊົມຊື່ນ​ຍິນດີ ຊຶ່ງ​ຊື່​ຂອງ​ພວກເຂົາ​ໄດ້​ບັນທຶກ​ໄວ້​ໃນ​ສະຫວັນ​ແລ້ວ, ໄດ້​ມາ​ເຖິງ​ພຣະເຈົ້າ​ຜູ້​ພິພາກສາ​ມະນຸດ​ທຸກຄົນ ແລະ​ມາ​ເຖິງ​ຈິດ​ວິນຍານ​ຂອງ​ບັນດາ​ຄົນ​ຊອບທຳ ຜູ້​ເຖິງ​ທີ່​ສຳເລັດ​ແລ້ວ.