ຈົດບັນຊີ 28:1
17 Jak'a apnaqawi uñst'ayäwi
ຂ້າພະເຈົ້າຈະສ້າງວິຫານ ເພື່ອຖວາຍກຽດແກ່ພຣະນາມຂອງພຣະເຈົ້າຢາເວ ພຣະເຈົ້າຂອງຂ້າພະເຈົ້າ. ພຣະວິຫານນັ້ນຈະເປັນບ່ອນສັກສິດ ຊຶ່ງປະຊາຊົນຂອງຂ້າພະເຈົ້າ ແລະຂ້າພະເຈົ້າເອງ ຈະເຜົາເຄື່ອງຫອມນະມັດສະການພຣະອົງ ຄືບ່ອນທີ່ພວກຂ້າພະເຈົ້າຈະຖວາຍເຂົ້າຈີ່ສັກສິດຕະຫລອດໄປ ແລະທັງຈະເປັນບ່ອນເຜົາເຄື່ອງຖວາຍທຸກໆເຊົ້າ ແລະທຸກໆແລງຕະຫລອດທັງວັນຊະບາໂຕ, ວັນສະຫລອງເດືອນຂຶ້ນໃໝ່ ແລະວັນສັກສິດອື່ນໆ ເປັນການຍ້ອງຍໍຖວາຍກຽດແກ່ພຣະເຈົ້າຢາເວ ພຣະເຈົ້າຂອງພວກເຮົາ. ພຣະອົງໄດ້ສັ່ງໃຫ້ຊາດອິດສະຣາເອນປະຕິບັດເຊັ່ນນີ້ຕະຫລອດໄປ.
ເຢໂຮຍອາດາໄດ້ຕັ້ງພວກປະໂຣຫິດແລະຊາວເລວີໃຫ້ດູແລວຽກງານໃນວິຫານຂອງພຣະເຈົ້າຢາເວ. ພວກເຂົາໄດ້ຮັບມອບໝາຍໃຫ້ເຮັດຕາມຄຳສັ່ງທີ່ກະສັດດາວິດໄດ້ຈັດຕັ້ງໄວ້ ໂດຍໃຫ້ເຜົາເຄື່ອງບູຊາຖວາຍແກ່ພຣະເຈົ້າຢາເວຕາມກົດບັນຍັດຂອງໂມເຊ. ນອກຈາກນີ້ແລ້ວ ພວກເຂົາຍັງເປັນຜູ້ຮັບຜິດຊອບຝ່າຍດົນຕຼີແລະພິທີສະຫລອງ.
ພວກຂ້ານ້ອຍຈະຈັດຫາໄວ້ສຳລັບການນະມັດສະການໃນພຣະວິຫານ ດັ່ງນີ້: ເຂົ້າຈີ່ສັກສິດ, ພືດຜົນເປັນເມັດທີ່ຖວາຍປະຈຳວັນ, ສັດຫລາຍໂຕທີ່ຕ້ອງເຜົາບູຊາແຕ່ລະວັນ, ເຄື່ອງຖວາຍບູຊາສັກສິດສຳລັບວັນຊະບາໂຕ, ສຳລັບວັນເດືອນຂຶ້ນໃໝ່ ແລະສຳລັບວັນອື່ນໆ, ເຄື່ອງຖວາຍບູຊາສັກສິດອື່ນໆ, ເຄື່ອງຖວາຍບູຊາເພື່ອລຶບລ້າງບາບຂອງຊາດອິດສະຣາເອນ ແລະສິ່ງອື່ນໆອີກ ທີ່ຈຳເປັນສຳລັບພຣະວິຫານ.
ມັນແມ່ນໜ້າທີ່ຂອງລາວທີ່ຈະຈັດຫາສັດມາເຜົາຖວາຍບູຊາ ເອົາພືດຜົນເປັນເມັດ ແລະເຫຼົ້າອະງຸ່ນມາຖວາຍສຳລັບຊົນຊາດອິດສະຣາເອນທັງໝົດ ຍາມເທດສະການເດືອນຂຶ້ນໃໝ່, ໃນວັນຊະບາໂຕ ແລະໃນເທດສະການອື່ນໆ. ລາວຕ້ອງຈັດຫາເຄື່ອງບູຊາເພື່ອຖວາຍລຶບລ້າງບາບ, ເຄື່ອງຖວາຍພືດຜົນເປັນເມັດ, ເຄື່ອງຖວາຍບູຊາເຜົາທັງໝົດ ແລະເຄື່ອງຖວາຍເພື່ອຄວາມສາມັກຄີທຳ ມາຖວາຍເພື່ອເປັນການຍົກບາບແກ່ປະຊາຊົນອິດສະຣາເອນ.”
Anuncios ukanaka