ຈົດບັນຊີ 27:3 - ພຣະຄຳພີສັກສິ

³ “ພໍ່​ຂອງ​ພວກເຮົາ​ໄດ້​ຕາຍ​ໃນ​ຖິ່ນ​ແຫ້ງແລ້ງ​ກັນດານ ໂດຍ​ບໍ່ມີ​ລູກຊາຍ​ຈັກ​ຄົນ. ເພິ່ນ​ບໍ່ແມ່ນ​ພັກພວກ​ຂອງ​ໂກຣາ​ຜູ້​ທີ່​ໄດ້​ກະບົດ​ຕໍ່​ພຣະເຈົ້າຢາເວ ເພິ່ນ​ໄດ້​ຕາຍໄປ​ຍ້ອນ​ບາບກຳ​ຂອງ​ເພິ່ນ​ເອງ.

ຈົດບັນຊີ 27:3 Jak'a apnaqawi uñst'ayäwi

ເອເຊກຽນ 18:4

ຊີວິດ​ແຕ່ລະ​ບຸກຄົນ​ຂຶ້ນ​ຢູ່​ກັບ​ເຮົາ ຄື​ຊີວິດ​ຜູ້​ເປັນ​ພໍ່​ແມ່ ກໍ​ເໝືອນກັນ​ກັບ​ຊີວິດ​ຂອງ​ຜູ້​ເປັນ​ລູກ. ບຸກຄົນ​ໃດ​ທີ່​ເຮັດ​ບາບ ບຸກຄົນ​ນັ້ນ​ແຫຼະ​ທີ່​ສົມຄວນ​ຈະ​ຕ້ອງ​ຕາຍ.

ຈົດບັນຊີ 14:35

ເຮົາ​ແມ່ນ​ພຣະເຈົ້າຢາເວ ເຮົາ​ໄດ້ກ່າວ​ວ່າ ເຮົາ​ຈະ​ເຮັດ​ເຊັ່ນນີ້​ຕໍ່​ຄົນ​ຢ່າງ​ພວກເຈົ້າ ທີ່​ຮ່ວມ​ຫົວ​ກັນ​ຕໍ່ສູ້​ເຮົາ. ພວກເຈົ້າ​ແຕ່ລະຄົນ​ຈະ​ຕາຍ​ຢູ່​ໃນ​ຖິ່ນ​ແຫ້ງແລ້ງ​ກັນດານ​ນີ້.”’

ຈົດບັນຊີ 16:19

ແລ້ວ​ໂກຣາ​ກໍ​ຮວບຮວມ​ພັກພວກ​ຂອງຕົນ ມາ​ຢືນ​ປະເຊີນ​ໜ້າ​ກັບ​ໂມເຊ​ແລະ​ອາໂຣນ ທີ່​ທາງເຂົ້າ​ຫໍເຕັນ​ບ່ອນ​ຊຸມນຸມ. ໃນ​ທັນໃດນັ້ນ ແສງສຸກໃສ​ແຫ່ງ​ສະຫງ່າຣາສີ​ຂອງ​ພຣະເຈົ້າຢາເວ ກໍ​ປາກົດ​ຕໍ່​ຊຸມຊົນ​ທັງໝົດ

ຈົດບັນຊີ 16:49

ຈຳນວນ​ຄົນຕາຍ​ມີ 14.700 ຄົນ​ໂດຍ​ບໍ່​ນັບ​ຜູ້​ທີ່​ຕາຍ​ຍ້ອນ​ໂກຣາ​ໄດ້​ກະບົດ.

ຈົດບັນຊີ 26:33

ເຊໂລເຟຮັດ​ຜູ້​ທີ່​ເປັນ​ລູກຊາຍ​ຂອງ​ເຮເຟ​ບໍ່ມີ​ລູກຊາຍ ມີ​ແຕ່​ລູກສາວ ຊຶ່ງ​ມີ​ຊື່​ດັ່ງນີ້: ມາຮະລາ, ໂນອາ, ໂຮກະລາ, ມີລະກາ ແລະ​ຕີຣະຊາ.

ຈົດບັນຊີ 27:2

ພວກເຂົາ​ມາ​ຢືນ​ຢູ່​ຊ້ອງໜ້າ​ໂມເຊ​ປະໂຣຫິດ​ເອເລອາຊາ, ບັນດາ​ຜູ້ນຳ ແລະ​ຊຸມຊົນ​ທັງໝົດ ທີ່​ທາງເຂົ້າ​ຫໍເຕັນ​ບ່ອນ​ຊຸມນຸມ ແລະ​ຮຽກຮ້ອງ​ສິດທິ​ຂອງ​ພວກ​ຕົນ​ວ່າ,

ຈົດບັນຊີ 27:4

ເປັນຫຍັງ​ຈຶ່ງ​ເຮັດ​ໃຫ້​ນາມຊື່​ພໍ່​ຂອງ​ພວກເຮົາ​ຕ້ອງ​ດັບສູນ​ໄປ​ຈາກ​ຊາດ​ອິດສະຣາເອນ ເພາະ​ເພິ່ນ​ບໍ່ມີ​ລູກ​ຜູ້ຊາຍ​ພຽງ​ເທົ່ານັ້ນ​ຊັ້ນບໍ? ຂໍ​ໃຫ້​ພວກເຮົາ​ມີ​ດິນແດນ ຢູ່​ໃນ​ທ່າມກາງ​ຍາດຕິພີ່ນ້ອງ​ຂອງ​ພວກເຮົາ​ດ້ວຍ​ເຖີດ.”

ໂຢຮັນ 8:21

ພຣະເຢຊູເຈົ້າ​ໄດ້​ກ່າວ​ຕໍ່​ພວກເຂົາ​ວ່າ, “ເຮົາ​ຈະ​ຈາກ​ໄປ ເຈົ້າ​ທັງຫລາຍ​ຈະ​ຊອກ​ຫາ​ເຮົາ, ແຕ່​ພວກເຈົ້າ​ຈະ​ຕາຍ​ໃນ​ບາບກຳ​ຂອງ​ພວກເຈົ້າ ພວກເຈົ້າ​ໄປ​ບ່ອນ​ທີ່​ເຮົາ​ຈະ​ໄປ​ນັ້ນ​ບໍ່ໄດ້.”

ໂຢຮັນ 8:24

ດ້ວຍເຫດນີ້ ເຮົາ​ຈຶ່ງ​ບອກ​ເຈົ້າ​ທັງຫລາຍ​ວ່າ, ພວກເຈົ້າ​ຈະ​ຕາຍ​ໃນ​ບາບກຳ​ຂອງ​ພວກເຈົ້າ ເພາະວ່າ​ຖ້າ​ພວກເຈົ້າ​ບໍ່ໄດ້​ເຊື່ອ​ວ່າ ‘ເຮົາ​ເປັນ​ຜູ້​ທີ່​ເຮົາ​ເປັນ’ ພວກເຈົ້າ​ຈະ​ຕາຍ​ໃນ​ບາບກຳ​ຂອງຕົນ.”

ໂຣມ 5:12

ດ້ວຍເຫດນັ້ນ ຄວາມ​ບາບ​ໄດ້​ເຂົ້າ​ມາ​ໃນ​ໂລກ ເພາະ​ດ້ວຍ​ມະນຸດ​ຄົນ​ດຽວ ແລະ​ຄວາມ​ຕາຍ​ກໍໄດ້​ເກີດ​ມາ​ຍ້ອນ​ຄວາມ​ຜິດບາບ​ນັ້ນ. ຢ່າງ​ນັ້ນ​ແຫຼະ ຄວາມ​ຕາຍ​ຈຶ່ງ​ໄດ້​ລາມ​ໄປ​ເຖິງ​ມະນຸດ​ທຸກຄົນ ເພາະວ່າ​ທຸກຄົນ​ໄດ້​ເຮັດ​ບາບ​ແລ້ວ.

ໂຣມ 5:21

ເພື່ອ​ວ່າ​ບາບກຳ​ໄດ້​ຄອບງຳ​ໃຫ້​ເຖິງ​ຊຶ່ງ​ຄວາມ​ຕາຍ​ສັນໃດ, ພຣະຄຸນ​ຂອງ​ພຣະເຈົ້າ​ກໍ​ຄອບງຳ​ໃຫ້​ເຖິງ​ຊຶ່ງ​ຄວາມ​ຊອບທຳ ທັງ​ນຳ​ພວກເຮົາ​ໄປ​ສູ່​ຊີວິດ​ນິຣັນດອນ ໂດຍ​ທາງ​ພຣະເຢຊູ​ຄຣິດເຈົ້າ ອົງ​ພຣະຜູ້​ເປັນເຈົ້າ​ຂອງ​ພວກເຮົາ​ສັນນັ້ນ.

ໂຣມ 6:23

ດ້ວຍວ່າ, ຄ່າຈ້າງ​ຂອງ​ຄວາມ​ຜິດບາບ​ກໍ​ຄື​ຄວາມ​ຕາຍ ແຕ່​ຂອງ​ພຣະຣາຊທານ​ອັນ​ໂຜດ​ມາ​ແຕ່​ພຣະເຈົ້າ ກໍ​ຄື​ຊີວິດ​ນິຣັນດອນ​ໃນ​ພຣະເຢຊູ​ຄຣິດເຈົ້າ ອົງ​ພຣະຜູ້​ເປັນເຈົ້າ​ຂອງ​ພວກເຮົາ.