ຈົດບັນຊີ 27:23 - ພຣະຄຳພີສັກສິ

²³ ເພິ່ນ​ໄດ້​ວາງ​ມື​ລົງ​ເທິງ​ຫົວ​ໂຢຊວຍ ແລະ​ປະກາດ​ແຕ່ງຕັ້ງ​ລາວ​ໃຫ້​ເປັນ​ຜູ້​ສືບທອດ​ຕຳແໜ່ງ​ແທນ​ຕົນ ຕາມ​ທີ່​ພຣະເຈົ້າຢາເວ​ໄດ້​ສັ່ງ​ເພິ່ນ​ໄວ້​ທຸກປະການ.

ຈົດບັນຊີ 27:23 Jak'a apnaqawi uñst'ayäwi

ຈົດບັນຊີ 27:18

ດັ່ງນັ້ນ ພຣະເຈົ້າຢາເວ​ໄດ້​ກ່າວ​ຕໍ່​ໂມເຊ​ວ່າ, “ຈົ່ງ​ໄປ​ເອົາ​ໂຢຊວຍ​ລູກຊາຍ​ຂອງ​ນູນ​ຜູ້​ທີ່​ມີ​ພຣະວິນຍານ ແລ້ວ​ຈົ່ງ​ວາງ​ມື​ເທິງ​ຫົວ​ລາວ​ແຕ່ງຕັ້ງ​ລາວ.

ຈົດບັນຊີ 27:19

ໃຫ້​ລາວ​ຢືນ​ຢູ່​ຕໍ່ໜ້າ​ປະໂຣຫິດ​ເອເລອາຊາ ແລະ ຊຸມຊົນ​ທັງໝົດ ແລະ​ໃນ​ທີ່ນັ້ນ​ຈົ່ງ​ປະກາດ​ແຕ່ງຕັ້ງ​ລາວ​ຕໍ່ໜ້າ​ພວກເຂົາ​ໃຫ້​ເປັນ​ຜູ້​ສືບທອດ​ຕຳແໜ່ງ​ແທນ​ເຈົ້າ.

ຈົດບັນຊີ 27:22

ໂມເຊ​ເຮັດ​ຕາມ​ທີ່​ພຣະເຈົ້າຢາເວ​ໄດ້​ສັ່ງ​ຕົນ​ນັ້ນ. ເພິ່ນ​ໃຫ້​ໂຢຊວຍ​ມາ​ຢືນ​ຢູ່​ຕໍ່ໜ້າ​ປະໂຣຫິດ​ເອເລອາຊາ​ແລະ​ຊຸມຊົນ.

ຈົດບັນຊີ 28:1

ພຣະເຈົ້າຢາເວ​ໄດ້​ບອກ​ໂມເຊ

ພຣະບັນຍັດສອງ 3:21

ແລ້ວ​ຂ້າພະເຈົ້າ​ກໍ​ແນະນຳ​ໂຢຊວຍ​ວ່າ, ‘ເຈົ້າ​ໄດ້​ເຫັນ​ໝົດ​ທຸກສິ່ງ​ທີ່​ພຣະເຈົ້າຢາເວ ພຣະເຈົ້າ​ຂອງ​ພວກເຮົາ ໄດ້​ເຮັດ​ກັບ​ກະສັດ​ທັງສອງ​ຄົນ​ນັ້ນ​ແລ້ວ ຄື​ເຈົ້າສີໂຫນ​ແລະ​ເຈົ້າໂອກ ແລະ​ພຣະເຈົ້າຢາເວ​ຈະ​ເຮັດ​ຢ່າງ​ດຽວ​ກັບ​ຄົນອື່ນໆ ໃນ​ດິນແດນ​ທີ່​ພວກເຈົ້າ​ຈະ​ບຸກລຸກ​ເຂົ້າ​ໄປ.

ພຣະບັນຍັດສອງ 3:28

ເຈົ້າ​ຈົ່ງ​ແນະນຳ​ໂຢຊວຍ​ແລະ​ໃຫ້​ກຳລັງໃຈ​ລາວ ໃຫ້​ເດັດດ່ຽວ​ກ້າຫານ​ຫລາຍ​ຍິ່ງ​ຂຶ້ນ ເພາະ​ລາວ​ຈະ​ຕ້ອງ​ເປັນ​ຜູ້​ນຳພາ​ປະຊາຊົນ​ຂ້າມ​ແມ່ນໍ້າ​ຈໍແດນ ເຂົ້າ​ໄປ​ຢຶດຄອງ​ດິນແດນ​ທີ່​ເຈົ້າ​ເຫັນ​ຢູ່​ນີ້.’

ພຣະບັນຍັດສອງ 31:23

ແລ້ວ​ພຣະເຈົ້າຢາເວ​ກໍໄດ້​ກ່າວ​ແກ່​ໂຢຊວຍ​ລູກຊາຍ​ຂອງ​ນູນ ໂດຍ​ໄດ້​ບອກ​ລາວ​ວ່າ, “ຈົ່ງ​ເດັດດ່ຽວ​ແລະ​ກ້າຫານ ເຈົ້າ​ຈະ​ນຳພາ​ປະຊາຊົນ​ອິດສະຣາເອນ​ເຂົ້າ​ໄປ​ໃນ​ດິນແດນ ທີ່​ເຮົາ​ໄດ້​ສັນຍາ​ໄວ້​ກັບ​ພວກເຂົາ​ແລະ​ເຮົາ​ຈະ​ຢູ່​ກັບ​ເຈົ້າ.”

ພຣະບັນຍັດສອງ 34:9

ໂຢຊວຍ​ລູກຊາຍ​ຂອງ​ນູນ​ກໍ​ເຕັມ​ໄປ​ດ້ວຍ​ສະຕິປັນຍາ ເພາະວ່າ​ໂມເຊ​ໄດ້​ແຕ່ງຕັ້ງ​ເພິ່ນ​ໃຫ້​ຮັບ​ໜ້າທີ່​ແທນ. ປະຊາຊົນ​ອິດສະຣາເອນ​ໄດ້​ເຊື່ອຟັງ​ໂຢຊວຍ ແລະ​ໄດ້​ເຮັດ​ຕາມ​ຄຳສັ່ງ​ທຸກ​ຂໍ້​ທີ່​ພຣະເຈົ້າຢາເວ​ໄດ້​ມອບ​ໃຫ້​ແກ່​ພວກເຂົາ​ຜ່ານ​ທາງ​ໂມເຊ.