ຈົດບັນຊີ 27:20 - ພຣະຄຳພີສັກສິ

²⁰ ເຈົ້າ​ຈົ່ງ​ມອບ​ສິດ​ແລະ​ອຳນາດ​ບາງ​ສ່ວນ​ຂອງ​ເຈົ້າ​ໃຫ້​ແກ່​ລາວ ເພື່ອ​ວ່າ​ຊຸມຊົນ​ອິດສະຣາເອນ​ທັງໝົດ​ຈະ​ຍອມ​ເຊື່ອຟັງ​ລາວ.

ຈົດບັນຊີ 27:20 Jak'a apnaqawi uñst'ayäwi

2 ກະສັດ 2:15

ພວກ​ຜູ້ທຳນວາຍ​ຫ້າສິບ​ຄົນ ຈາກ​ເມືອງ​ເຢຣິໂກ​ເຫັນ​ເພິ່ນ ພວກເຂົາ​ຈຶ່ງ​ເວົ້າ​ວ່າ, “ຣິດອຳນາດ​ຂອງ​ເອລີຢາ​ໄດ້​ຢູ່​ກັບ​ເອລີຊາ​ແລ້ວ.” ພວກນັ້ນ​ໄດ້​ເຂົ້າ​ໄປ​ຫາ​ເພິ່ນ ແລະ​ກົ້ມ​ຂາບລົງ

1 ຂ່າວຄາວ 29:23

ດັ່ງນັ້ນ ໂຊໂລໂມນ​ຈຶ່ງ​ໄດ້​ຂຶ້ນ​ເປັນ​ກະສັດ​ແທນ​ດາວິດ​ພໍ່​ຂອງຕົນ ຜູ້​ທີ່​ພຣະເຈົ້າຢາເວ​ໄດ້​ຕັ້ງ​ຂຶ້ນ. ເພິ່ນ​ເປັນ​ກະສັດ​ທີ່​ປະສົບ​ຄວາມ​ສຳເລັດ ແລະ​ປະຊາຊົນ​ອິດສະຣາເອນ​ທັງ​ຊາດ​ກໍ​ເຊື່ອຟັງ​ເພິ່ນ.

1 ຂ່າວຄາວ 29:25

ພຣະເຈົ້າຢາເວ​ໄດ້​ເຮັດ​ໃຫ້​ຊົນຊາດ​ທັງໝົດ​ເກງກົວ​ກະສັດ​ໂຊໂລໂມນ ແລະ​ພຣະອົງ​ໄດ້​ບັນດານ​ໃຫ້​ເພິ່ນ​ມີ​ກຽດ​ຍິ່ງໃຫຍ່​ກວ່າ​ກະສັດ​ໃດໆ​ທີ່​ປົກຄອງ​ປະເທດ​ອິດສະຣາເອນ.

ຈົດບັນຊີ 11:17

ເຮົາ​ຈະ​ລົງ​ມາ​ກ່າວ​ແກ່​ເຈົ້າ​ຢູ່​ໃນ​ທີ່ນັ້ນ ແລະ​ເຮົາ​ຈະ​ເອົາ​ພຣະວິນຍານ​ບາງສ່ວນ ທີ່​ເຮົາ​ໄດ້​ປະທານ​ໃຫ້​ເຈົ້າ ແລະ​ມອບ​ໃຫ້​ພວກເຂົາ. ແລ້ວ​ພວກເຂົາ​ກໍ​ຈະ​ຊ່ວຍ​ເຈົ້າ​ຮັບຜິດຊອບ​ປະຊາຊົນ​ເຫຼົ່ານີ້ ເພື່ອ​ເຈົ້າ​ຈະ​ບໍ່​ຕ້ອງ​ຮັບ​ພາລະ​ນີ້​ຜູ້​ດຽວ.

ຈົດບັນຊີ 27:19

ໃຫ້​ລາວ​ຢືນ​ຢູ່​ຕໍ່ໜ້າ​ປະໂຣຫິດ​ເອເລອາຊາ ແລະ ຊຸມຊົນ​ທັງໝົດ ແລະ​ໃນ​ທີ່ນັ້ນ​ຈົ່ງ​ປະກາດ​ແຕ່ງຕັ້ງ​ລາວ​ຕໍ່ໜ້າ​ພວກເຂົາ​ໃຫ້​ເປັນ​ຜູ້​ສືບທອດ​ຕຳແໜ່ງ​ແທນ​ເຈົ້າ.

ຈົດບັນຊີ 27:21

ລາວ​ຈະ​ເພິ່ງ​ປະໂຣຫິດ​ເອເລອາຊາ ຜູ້​ທີ່​ຈະ​ຮຽນຮູ້​ຄວາມປະສົງ​ຂອງເຮົາ ໂດຍ​ໃຊ້​ອຸຣິມ​ແລະ​ທຸມມິມ ຕໍ່ໜ້າ​ພຣະເຈົ້າຢາເວ ອັນ​ນີ້​ຈະ​ແມ່ນ​ວິທີ​ທີ່​ເອເລອາຊາ ນຳພາ​ໂຢຊວຍ ແລະ​ຊຸມຊົນ​ອິດສະຣາເອນ ໃນ​ວຽກ​ການ​ທັງໝົດ​ຂອງ​ພວກເຂົາ.”

1 ຊາມູເອນ 10:6

ໃນ​ທັນໃດນັ້ນ ພຣະວິນຍານ​ຂອງ​ພຣະເຈົ້າຢາເວ​ຈະ​ເຂົ້າ​ຄວບຄຸມ​ເຈົ້າ ແລະ​ເຈົ້າ​ຈະ​ເຂົ້າ​ຮ່ວມ​ກັບ​ພວກເຂົາ​ທຳນວາຍ ແລະ​ເຈົ້າ​ຈະ​ປ່ຽນ​ເປັນ​ຄົນ​ໃໝ່.

1 ຊາມູເອນ 10:9

ເມື່ອ​ໂຊນ​ຈາກ​ຊາມູເອນ​ໄປ​ແລ້ວ ພຣະເຈົ້າ​ກໍ​ປ່ຽນ​ໂຊນ​ເປັນ​ຄົນ​ໃໝ່. ທຸກໆ​ສິ່ງ​ທີ່​ຊາມູເອນ​ໄດ້​ບອກ​ໄວ້​ກັບ​ລາວ​ກໍ​ເກີດຂຶ້ນ​ໃນ​ມື້ນັ້ນ.