ຈົດບັນຊີ 27:11 - ພຣະຄຳພີສັກສິ

¹¹ ແລະ​ຖ້າ​ລາວ​ບໍ່ມີ​ອ້າຍ​ຫລື​ນ້ອງຊາຍ ຫລື​ພໍ່​ຂອງ​ລາວ​ບໍ່ມີ​ອ້າຍ​ນ້ອງ​ອີກ ກໍ​ໃຫ້​ຍາດຕິພີ່ນ້ອງ​ຜູ້​ທີ່​ໃກ້ຄຽງ​ທີ່ສຸດ​ຂອງ​ລາວ​ສືບທອດ​ມໍຣະດົກ​ແທນ ແລະ​ຖື​ເອົາ​ເປັນ​ກຳມະສິດ​ຂອງຕົນ​ຕໍ່ໄປ. ຈົ່ງ​ໃຫ້​ປະຊາຊົນ​ອິດສະຣາເອນ​ຢຶດຖື​ຫລັກການ​ນີ້ ເປັນ​ກົດບັນຍັດ​ຕາມ​ທີ່​ພຣະເຈົ້າຢາເວ​ໄດ້​ສັ່ງ​ເຈົ້າ​ໄວ້.”

ຈົດບັນຊີ 27:11 Jak'a apnaqawi uñst'ayäwi

ເຢເຣມີຢາ 32:8

ແລ້ວ​ດັ່ງ​ທີ່​ພຣະເຈົ້າຢາເວ​ໄດ້​ກ່າວ ຮານາເມນ​ກໍ​ມາ​ຫາ​ຂ້າພະເຈົ້າ​ທີ່​ບໍລິເວນ​ຣາຊວັງ ແລະ​ຂໍ​ໃຫ້​ຂ້າພະເຈົ້າ​ຊື້​ນາ​ຂອງ​ລາວ. ດັ່ງນັ້ນ ຂ້າພະເຈົ້າ​ຈຶ່ງ​ຮູ້​ໄດ້​ວ່າ ພຣະເຈົ້າຢາເວ​ໄດ້​ກ່າວ​ແກ່​ຂ້າພະເຈົ້າ​ແທ້.

ລະບຽບ^ພວກເລວີ 25:25

ຖ້າ​ຄົນ​ອິດສະຣາເອນ​ຜູ້ນັ້ນ​ຍາກຈົນ ແລະ​ຖືກ​ບັງຄັບ​ໃຫ້​ຂາຍ​ທີ່ດິນ​ຂອງຕົນ​ໄປ ພີ່ນ້ອງ​ຜູ້​ໃກ້ຊິດ​ລາວ​ສາມາດ​ຊື້​ທີ່ດິນ​ຄືນ​ໄດ້.

ລະບຽບ^ພວກເລວີ 25:49

ລຸງ ຫລື​ລູກ​ອ້າຍ​ລູກ​ນ້ອງ ແລະ​ຄົນອື່ນໆ​ທີ່​ເປັນ​ພີ່ນ້ອງ​ຜູ້​ໃກ້ຊິດ​ຂອງ​ລາວ ຊື້​ລາວ​ຄືນ​ມາ​ໄດ້ ຫລື​ຖ້າ​ລາວ​ເອງ​ມີ​ເງື່ອນໄຂ​ພຽງພໍ ຕ້ອງ​ໃຫ້​ລາວ​ຊື້​ຕົນເອງ​ເປັນ​ອິດສະຫລະ.

ຈົດບັນຊີ 27:10

ຖ້າ​ລາວ​ບໍ່ມີ​ອ້າຍ​ຫລື​ນ້ອງຊາຍ ກໍ​ໃຫ້​ອ້າຍ​ຫລື​ນ້ອງຊາຍ​ຂອງ​ພໍ່​ລາວ ສືບທອດ​ມໍຣະດົກ​ຂອງ​ລາວ​ແທນ.

ຈົດບັນຊີ 35:29

ບໍ່​ວ່າ​ພວກເຈົ້າ​ຈະ​ອາໄສ​ຢູ່​ແຫ່ງຫົນ​ໃດ​ກໍຕາມ ໃຫ້​ພວກເຈົ້າ​ແລະ​ລູກຫລານ​ປະຕິບັດ​ຕາມ​ກົດ​ບັງຄັບ​ເຫຼົ່ານີ້.

1 ຊາມູເອນ 30:25

ດາວິດ​ໄດ້​ຕັ້ງ​ກົດລະບຽບ​ນີ້​ຂຶ້ນ ແລະ​ໃຫ້​ໃຊ້​ປະຕິບັດ​ກັນ​ສືບ​ມາ​ໃນ​ຊາດ​ອິດສະຣາເອນ ຈົນ​ເຖິງ​ເທົ່າ​ທຸກ​ວັນນີ້.