ຈົດບັນຊີ 26:29 - ພຣະຄຳພີສັກສິ

²⁹ ເຜົ່າ​ມານາເຊ: ມາກີ​ລູກຊາຍ​ຂອງ​ມານາເຊ​ພໍ່​ຂອງ​ກີເລອາດ ແລະ​ຕະກຸນ​ດັ່ງ​ຕໍ່ໄປນີ້​ໄດ້​ສືບ​ເຊື້ອສາຍ​ໃຫ້​ກີເລອາດ ດັ່ງນີ້:

ຈົດບັນຊີ 26:29 Jak'a apnaqawi uñst'ayäwi

ປະຖົມມະການ 48:14

ແຕ່​ຢາໂຄບ​ໄຂ່ວ​ແຂນ​ຂອງຕົນ ແລະ​ເອົາ​ມື​ຂວາ​ວາງ​ເທິງ​ຫົວ​ຂອງ​ເອຟຣາອິມ​ຜູ້​ເປັນ​ນ້ອງ ແລະ​ມື​ຊ້າຍ​ວາງ​ເທິງ​ຫົວ​ຂອງ​ມານາເຊ​ຜູ້​ເປັນ​ອ້າຍ.

ປະຖົມມະການ 50:23

ເພິ່ນ​ມີ​ຊີວິດ​ຢູ່​ຈົນ​ເຫັນ​ລູກ ແລະ​ຫລານ​ຂອງ​ເອຟຣາອິມ. ເພິ່ນ​ມີ​ຊີວິດ​ຢູ່​ຈົນ​ໄດ້​ຮັບ​ເອົາ​ລູກ​ຂອງ​ມາກີ ລູກຊາຍ​ຂອງ​ມານາເຊ​ເຂົ້າ​ໃນ​ຄອບຄົວ​ຄືກັນ.

1 ຂ່າວຄາວ 2:21

ເມື່ອ​ເຮຊະໂຣນ​ມີ​ອາຍຸ​ໄດ້​ຫົກສິບ​ປີ ເພິ່ນ​ໄດ້​ແຕ່ງງານ​ກັບ​ລູກສາວ​ຂອງ​ມາກີ ນ້ອງສາວ​ຂອງ​ກີເລອາດ ພວກເຂົາ​ມີ​ລູກຊາຍ​ຜູ້ໜຶ່ງ​ຊື່​ວ່າ ເສກຸບ,

ຈົດບັນຊີ 36:1

ບັນດາ​ຫົວໜ້າ​ຄອບຄົວ​ຕ່າງໆ​ຢູ່​ໃນ​ຕະກຸນ​ກີເລອາດ ລູກຊາຍ​ຂອງ​ມາກີ ແລະ​ຫລານຊາຍ​ຂອງ​ມານາເຊ​ລູກຊາຍ​ຂອງ​ໂຢເຊັບ ໄດ້​ມາ​ຫາ​ໂມເຊ​ກັບ​ພວກ​ຜູ້ນຳ​ຄົນອື່ນໆ.

ພຣະບັນຍັດສອງ 3:15

“ຂ້າພະເຈົ້າ​ໄດ້​ມອບ​ເຂດແດນ​ກີເລອາດ ໃຫ້​ຕະກຸນ​ມາກີ​ໃນ​ເຜົ່າ​ມານາເຊ.

ໂຢຊວຍ 17:1

ດິນແດນ​ສ່ວນ​ໜຶ່ງ​ທາງ​ທິດ​ຕາເວັນຕົກ​ຂອງ​ແມ່ນໍ້າ​ຈໍແດນ ໄດ້​ຖືກ​ມອບໝາຍ​ໃຫ້​ບາງ​ຄອບຄົວ​ໃນ​ເຜົ່າ​ມານາເຊ ເນື່ອງ​ຈາກ​ວ່າ​ມານາເຊ​ເປັນ​ລູກຊາຍກົກ​ຂອງ​ໂຢເຊັບ. ມາກີ​ພໍ່​ຂອງ​ກີເລອາດ ເປັນ​ລູກຊາຍກົກ​ຂອງ​ມານາເຊ​ແລະ​ເປັນ​ວິລະບູລຸດ​ຜູ້​ເກັ່ງກ້າ; ດັ່ງນັ້ນ ເຂດແດນ​ກີເລອາດ​ກັບ​ບາຊານ​ທາງທິດ​ຕາເວັນອອກ​ແມ່ນໍ້າ​ຈໍແດນ ຈຶ່ງ​ຖືກ​ມອບໝາຍ​ໃຫ້​ແກ່​ມາກີ.

ພວກ^ຜູ້ປົກຄອງ 5:14

ພວກເຂົາ​ມາ​ຈາກ ເຜົ່າ​ເອຟຣາອິມ​ທີ່​ຢູ່​ໃນ​ຮ່ອມພູ ນຳ​ຫລັງ​ເຜົ່າ​ເບັນຢາມິນ​ແລະ​ປະຊາຊົນ​ດ້ວຍ. ສ່ວນ​ພວກ​ຜູ້​ບັນຊາການ​ນັ້ນ​ມາ​ຈາກ​ຕະກຸນ​ມາກີ ແລະ​ນາຍ​ທະຫານ​ມາ​ຈາກ​ເຜົ່າ​ເຊບູໂລນ​ທັງ​ນັ້ນ.