ຈົດບັນຊີ 25:18 - ພຣະຄຳພີສັກສິ

¹⁸ ເພາະ​ພວກເຂົາ​ໄດ້​ເຮັດ​ຊົ່ວ​ຕໍ່​ເຈົ້າ​ທີ່​ເມືອງ​ເປອໍ ແລະ​ຍ້ອນ​ໂກຊະບີ​ຜູ້​ທີ່​ໄດ້​ຖືກ​ຂ້າ​ໃນ​ເວລາ​ທີ່​ເກີດ​ໂຣກ​ລະບາດ​ນັ້ນ.”

ຈົດບັນຊີ 25:18 Jak'a apnaqawi uñst'ayäwi

ປະຖົມມະການ 26:10

ເຈົ້າ​ອາບີເມເຫຼັກ​ເວົ້າ​ວ່າ, “ເປັນຫຍັງ​ເຈົ້າ​ຈຶ່ງ​ເຮັດ​ກັບ​ເຮົາ​ດັ່ງນີ້? ຄົນ​ຂອງເຮົາ​ບາງຄົນ​ອາດ​ນອນ​ນຳ​ເມຍ​ຂອງ​ເຈົ້າ​ກໍໄດ້ ແລະ​ເຈົ້າ​ຕ້ອງ​ຮັບຜິດຊອບ​ໃນ​ຄວາມຜິດ​ຂອງ​ພວກເຮົາ.”

ປະຖົມມະການ 3:13

ພຣະເຈົ້າຢາເວ​ພຣະເຈົ້າ​ຖາມ​ຍິງ​ນັ້ນ​ວ່າ, “ເປັນຫຍັງ​ເຈົ້າ​ຈຶ່ງ​ເຮັດ​ແນວ​ນັ້ນ?” ນາງ​ຕອບ​ວ່າ, “ງູ​ໄດ້​ລໍ້ລວງ​ຂ້ານ້ອຍ​ໃຫ້​ກິນ.”

1 ກະສັດ 11:18

ພວກເຂົາ​ໄດ້​ອອກ​ຈາກ​ເມືອງ​ມີດີອານ​ໄປ​ທີ່​ເມືອງ​ປາຣານ ຊຶ່ງ​ມີ​ຊາວ​ປາຣານ​ບາງຄົນ​ໄດ້​ຮ່ວມ​ໄປ​ນຳ​ດ້ວຍ. ແລ້ວ​ພວກເຂົາ​ກໍໄດ້​ເດີນທາງ​ໄປ​ປະເທດ​ເອຢິບ ແລະ​ໄປ​ເຝົ້າ​ກະສັດ​ຟາໂຣ; ກະສັດ​ຜູ້​ນີ້​ໄດ້​ເອົາ​ດິນແດນ​ບາງ​ຕອນ ແລະ​ເຮືອນ​ຫລັງ​ໜຶ່ງ​ໃຫ້​ຮາດາດ ແລະ​ຈັດຫາ​ສະບຽງ​ອາຫານ​ໃຫ້​ລາວ.

ອົບພະຍົບ 32:21

ແລ້ວ​ເພິ່ນ​ກໍ​ຖາມ​ອາໂຣນ​ວ່າ, “ປະຊາຊົນ​ພວກ​ນີ້​ໄດ້​ເຮັດ​ຫຍັງ​ໃຫ້​ເຈົ້າ ເຈົ້າ​ຈຶ່ງ​ພາ​ພວກເຂົາ​ເຮັດ​ບາບ​ຢ່າງ​ຫລວງຫຼາຍ​ເຊັ່ນນີ້?”

ອົບພະຍົບ 32:35

ສະນັ້ນ ພຣະເຈົ້າຢາເວ​ຈຶ່ງ​ບັນດານ​ໃຫ້​ປະຊາຊົນ​ເກີດ​ໂຣກລະບາດ ເພາະ​ພວກເຂົາ​ໄດ້​ບັງຄັບ​ອາໂຣນ​ໃຫ້​ເຮັດ​ງົວ​ຄຳ.

ຈົດບັນຊີ 25:15

ສ່ວນ​ຍິງ​ຊາວ​ມີດີອານ​ນັ້ນ​ຊື່​ວ່າ ໂກຊະບີ ລູກສາວ​ຂອງ​ຊູເຣ ຫົວໜ້າ​ຂອງ​ໝວດ​ໜຶ່ງ​ໃນ​ບັນດາ​ຕະກຸນ​ມີດີອານ.

ຈົດບັນຊີ 25:17

“ຈົ່ງ​ບຸກໂຈມຕີ​ຊາວ​ມີດີອານ ແລະ​ທຳລາຍ​ພວກເຂົາ​ໃຫ້​ກ້ຽງ.

ຈົດບັນຊີ 26:1

ຫລັງຈາກ​ໂຣກ​ລະບາດ​ໄດ້​ຜ່ານ​ພົ້ນ​ໄປ​ແລ້ວ ພຣະເຈົ້າຢາເວ​ໄດ້​ກ່າວ​ຕໍ່​ໂມເຊ​ກັບ​ເອເລອາຊາ ລູກຊາຍ​ຂອງ​ອາໂຣນ​ວ່າ,

2 ໂກຣິນໂທ 11:3

ແຕ່​ເຮົາ​ຢ້ານ​ວ່າ, ຄວາມ​ຄິດ​ຂອງ​ພວກເຈົ້າ​ຈະ​ຖືກ​ລໍ້ລວງ​ໃຫ້​ຫລົງ​ຜິດ​ໄປ ຈະ​ປະຖິ້ມ​ຄວາມ​ຜູກພັນ​ອັນ​ສັດຊື່​ແລະ​ບໍຣິສຸດ​ທີ່​ມີ​ຕໍ່​ພຣະຄຣິດ ໃນ​ທຳນອງ​ດຽວ​ກັບ​ນາງ​ເອວາ​ທີ່​ຖືກ​ຫລອກລວງ​ດ້ວຍ​ກົນ​ອຸບາຍ​ອັນ​ເລິກແລບ​ຂອງ​ງູ.

2 ເປໂຕ 2:18

ເພາະວ່າ ພວກເຂົາ​ມັກ​ກ່າວ​ຄຳ​ອວດອ້າງ​ອັນ​ເປົ່າໆ ແລະ​ໃຊ້​ຄວາມ​ປາຖະໜາ​ຊົ່ວ​ທາງ​ກາຍ ຫລອກລວງ​ຄົນ​ທັງຫລາຍ ທີ່​ກຳລັງ​ໜີ​ພົ້ນ​ຈາກ ຜູ້​ທີ່​ດຳເນີນ​ຊີວິດ​ໃນ​ການ​ຫລົງ​ຜິດ.

ພຣະນິມິດ 2:14

ແຕ່​ເຮົາ​ມີ​ຂໍ້​ຕໍ່ວ່າ​ເຈົ້າ​ບາງ​ຂໍ້​ດັ່ງນີ້ ຄື​ທີ່​ນັ້ນ​ມີ​ບາງຄົນ​ໃນ​ພວກເຈົ້າ ຢຶດຖື​ຄຳສອນ​ຂອງ​ບາລາອາມ ຜູ້​ທີ່​ໄດ້​ສອນ​ບາຫລາກ ເຖິງ​ວິທີ​ນຳພາ​ຊົນຊາດ​ອິດສະຣາເອນ​ໃຫ້​ເຮັດ​ບາບ ໂດຍ​ຊັກຊວນ​ພວກເຂົາ​ໃຫ້​ກິນ​ອາຫານ ທີ່​ຖືກ​ຖວາຍ​ແກ່​ຮູບເຄົາຣົບ ແລະ​ໃຫ້​ປະພຶດ​ຜິດ​ສິນທຳ​ທາງ​ເພດ.