ຈົດບັນຊີ 24:8 - ພຣະຄຳພີສັກສິ

⁸ ພຣະເຈົ້າ​ໄດ້​ນຳ​ພວກເຂົາ​ອອກ ມາ​ຈາກ​ປະເທດ​ເອຢິບ ພຣະອົງ​ສູ້ຮົບ​ຕາງ​ພວກເຂົາ​ລຽນຕິດ ດັ່ງ​ກຳລັງ​ຂອງ​ຄວາຍປ່າ ພວກເຂົາ​ໄດ້​ເຂັ່ນຂ້າ ເຫຼົ່າ​ສັດຕູ​ຂອງ​ພວກເຂົາ ທັງ​ຫັກ​ກະດູກ​ກັບ​ລູກທະນູ ໃຫ້​ໝຸ່ນ​ທະລາຍ​ຈົນກ້ຽງ.

ຈົດບັນຊີ 24:8 Jak'a apnaqawi uñst'ayäwi

ເພງ^ສັນລະເສີນ 2:9

ເຈົ້າ​ຈະ​ຂ້ຽນ​ພວກເຂົາ​ດ້ວຍ​ໄມ້ແສ້​ເຫຼັກ; ຈະ​ທຸບ​ພວກເຂົາ​ດັ່ງ​ທຸບ​ໝໍ້ດິນ​ແຕກ​ເປັນ​ປ່ຽງໆ.

ເພງ^ສັນລະເສີນ 21:12

ເພິ່ນ​ຈະ​ຍິງ​ລູກໜ້າ​ທັງຫລາຍ​ສຸມໃສ່​ພວກເຂົາ ແລະ​ເຮັດ​ໃຫ້​ພວກເຂົາ​ແລ່ນ​ກັບຄືນ.

ເພງ^ສັນລະເສີນ 45:5

ລູກທະນູ​ແຫລມຄົມ​ຂອງທ່ານ​ທະລຸ​ທີ່​ຫົວໃຈ​ສັດຕູ ບັນດາ​ຊົນຊາດ​ຕ່າງ​ກໍ​ລົ້ມລົງ​ຢູ່​ໃຕ້​ຕີນ​ທ່ານ.

ເພງ^ສັນລະເສີນ 45:6

ອານາຈັກ​ທີ່​ພຣະເຈົ້າ​ມອບ​ໃຫ້​ທ່ານ ຈະ​ຄົງ​ຢູ່​ສືບໄປ ທ່ານ​ຈະ​ປົກຄອງ​ດ້ວຍ​ຄວາມ​ຍຸດຕິທຳ​ອັນ​ຍິ່ງໃຫຍ່.

ອົບພະຍົບ 23:22

ແຕ່​ຖ້າ​ພວກເຈົ້າ​ເຊື່ອຟັງ​ເທວະດາ​ນັ້ນ ແລະ​ເຮັດ​ຕາມ​ທຸກໆ​ສິ່ງ​ທີ່​ເຮົາ​ໄດ້​ສັ່ງ​ໄວ້ ເຮົາ​ຈະ​ຕໍ່ສູ້​ສັດຕູ​ທັງຫລາຍ​ຂອງ​ພວກເຈົ້າ.

ເອຊາຢາ 38:13

ທັງ​ຄືນ​ຂ້ານ້ອຍ​ໄດ້​ແຕ່​ຮ້ອງ​ເຈັບປວດ​ເຫລືອຫລາຍ ຄ້າຍ​ດັ່ງ​ໂຕສິງ​ຫັກ​ກະດູກ​ທັງໝົດ​ຂອງ​ຂ້ານ້ອຍ​ຖິ້ມ. ຂ້ານ້ອຍ​ຫວນ​ແຕ່​ຄິດ​ຕະຫລອດ​ມາ​ວ່າ ພຣະເຈົ້າ​ໄດ້​ໃຫ້​ຂ້ານ້ອຍ​ຈົບ​ຊີວິດ​ສາ​ແລ້ວ.

ເຢເຣມີຢາ 50:17

“ປະຊາຊົນ​ອິດສະຣາເອນ​ປຽບ​ດັ່ງ​ຝູງແກະ ທີ່​ຖືກ​ໂຕສິງ​ໄລ່​ໃຫ້​ກະຈັດ​ກະຈາຍ​ໄປ. ທຳອິດ ພວກເຂົາ​ຖືກ​ຈັກກະພັດ​ອັດຊີເຣຍ​ໂຈມຕີ; ຕໍ່ມາ ກະສັດ​ເນບູ​ກາດເນັດຊາ​ແຫ່ງ​ບາບີໂລນ​ໄດ້​ຫັກ​ກະດູກ​ພວກເຂົາ.”

ເຢເຣມີຢາ 50:9

ເຮົາ​ຈະ​ປຸກປັ່ນ​ໝວດ​ໜຶ່ງ​ໃນ​ບັນດາ​ຊົນຊາດ​ທີ່​ເຂັ້ມແຂງ​ທາງ​ທິດເໜືອ​ໃຫ້​ມາ​ໂຈມຕີ​ບາບີໂລນ. ພວກເຂົາ​ຈະ​ລຽນແຖວກັນ​ເຮັດ​ເສິກ ແລະ​ຕີ​ເອົາ​ປະເທດ​ນີ້. ພວກເຂົາ​ເປັນ​ນັກໂຫ່ເນື້ອ​ທີ່​ຊຳນິ​ຊຳນານ ໂດຍ​ຍິງ​ລູກທະນູ​ບໍ່​ຜິດພາດ​ເປົ້າໝາຍ​ຈັກເທື່ອ.

ດານີເອນ 6:24

ແລ້ວ​ກະສັດ​ກໍ​ອອກ​ຄຳສັ່ງ​ໃຫ້​ຈັບ​ຊາຍ​ທັງໝົດ​ທີ່​ຟ້ອງ​ດານີເອນ ແລະ​ໃຫ້​ໂຍນ​ພວກເຂົາ​ທັງ​ເມຍ​ແລະ​ລູກໆ​ລົງ​ໄປ​ໃນ​ຖໍ້າ​ສິງ. ຝູງ​ສິງ​ໄດ້​ໂດດ​ຄຸບ​ກິນ​ພວກເຂົາ ແລະ​ຫັກ​ກະດູກ​ທຸກຄົນ​ກ່ອນ​ທີ່​ພວກເຂົາ​ຕົກລົງ​ເຖິງ​ພື້ນ​ຖໍ້າ.

ຈົດບັນຊີ 14:9

ຢ່າ​ກະບົດ​ຕໍ່ສູ້​ພຣະເຈົ້າຢາເວ​ເລີຍ ແລະ​ຢ່າສູ່ຢ້ານ​ປະຊາຊົນ​ທີ່​ອາໄສ​ຢູ່​ທີ່​ນັ້ນ. ພວກເຮົາ​ຈະ​ຊະນະ​ພວກເຂົາ​ຢ່າງ​ງ່າຍດາຍ. ພຣະເຈົ້າຢາເວ​ສະຖິດ​ຢູ່​ນຳ​ພວກເຮົາ ແລະ​ຈະ​ຊົງ​ທຳລາຍ​ບັນດາ​ພະ​ທີ່​ປົກປັກ​ຮັກສາ​ພວກເຂົາ​ໃຫ້​ສູນສິ້ນ​ໄປ​ໝົດ; ສະນັ້ນ ຢ່າສູ່ຢ້ານເລີຍ.”

ຈົດບັນຊີ 21:5

ພວກເຂົາ​ໄດ້​ຈົ່ມຮ້າຍ​ຕໍ່​ພຣະເຈົ້າ ແລະ​ຕໍ່​ໂມເຊ​ວ່າ, “ເປັນຫຍັງ​ທ່ານ​ຈຶ່ງ​ນຳພາ​ພວກເຮົາ​ອອກ​ຈາກ​ປະເທດ​ເອຢິບ ມາ​ຕາຍ​ຢູ່​ໃນ​ກາງ​ຖິ່ນ​ແຫ້ງແລ້ງ​ກັນດານ ບ່ອນ​ບໍ່ມີ​ອາຫານ ແລະ​ບໍ່ມີ​ນໍ້າ​ເຊັ່ນນີ້? ພວກເຮົາ​ບໍ່​ອາດ​ທົນ​ກິນ​ອາຫານ​ຕາຍໆ​ເຊັ່ນນີ້​ໄດ້​ດອກ.”

ຈົດບັນຊີ 23:22

ພຣະເຈົ້າ​ໄດ້​ນຳ​ພວກເຂົາ​ອອກ ມາ​ຈາກ​ປະເທດ​ເອຢິບ ພຣະອົງ​ສູ້ຮົບ​ຕາງ​ພວກເຂົາ​ລຽນຕິດ ດັ່ງ​ກຳລັງ​ຂອງ​ຄວາຍປ່າ.

ຈົດບັນຊີ 23:24

ປະຊາຊົນ​ພວກ​ນີ້ ຈະ​ລຸກ​ຂຶ້ນ​ເໝືອນ​ດັ່ງ​ໂຕສິງ ມັນ​ຈະ​ກັດ​ກິນ​ເນື້ອໜັງ ສິ່ງ​ທີ່​ຕົກ​ເປັນ​ເຫຍື່ອ​ຂອງ​ມັນ​ນັ້ນ. ມັນ​ຈະ​ດູດ​ກິນ​ເລືອດ ຂອງ​ຜູ້​ທີ່​ຖືກ​ເຄາະຮ້າຍ​ທັງຫລາຍ ແລ້ວ​ກໍ​ພາກັນ​ຍ່າງຍ້າຍ​ໄປ ຫລົບ​ເຂົ້າ​ສູ່​ໝົ້ງ​ນອນ​ພຸ້ນ.”

ມັດທາຍ 2:15

ແລະ ໄດ້​ອາໄສ​ຢູ່​ໃນ​ທີ່ນັ້ນ ຈົນ​ເຮໂຣດ​ຕາຍ ເຫດການ​ທີ່​ໄດ້​ເກີດຂຶ້ນ​ນີ້ ກໍ​ເພື່ອ​ໃຫ້​ສຳເລັດ​ຕາມ​ທີ່​ອົງພຣະ​ຜູ້​ເປັນເຈົ້າ​ໄດ້​ກ່າວ​ໄວ້​ທາງ​ຜູ້ທຳນວາຍ​ວ່າ, “ເຮົາ​ໄດ້​ເອີ້ນ​ເອົາ​ລູກ​ຂອງເຮົາ​ໃຫ້​ອອກ​ມາ​ຈາກ​ປະເທດ​ເອຢິບ.”

ພຣະບັນຍັດສອງ 32:23

ເຮົາ​ຈະ​ນຳ​ໄພພິບັດ​ມາ​ສູ່​ເຂົາເຈົ້າ ເປັນ​ໄພພິບັດ​ອັນ​ບໍ່​ສິ້ນສຸດ​ເປັນ ເຊັ່ນ​ລູກທະນູ​ໜ້ອງ​ທັງໝົດ ທີ່​ເຮົາ​ຈະ​ໃຊ້​ຕໍ່ສູ້​ພວກ​ເຂົາເຈົ້າ.

ພຣະບັນຍັດສອງ 32:42

ລູກທະນູ​ຂອງເຮົາ​ເປື້ອນ​ຍ້ອນ​ເລືອດ​ຫລັ່ງ​ອອກ​ມາ ແລະ​ດາບ​ຂອງເຮົາ​ຈະ​ຕັດ​ຊີວາ​ຜູ້​ທີ່​ມາ​ຂັດຂວາງ​ເຮົາ​ນັ້ນ. ເຮົາ​ຈະ​ບໍ່​ໄວ້​ຊີວິດ​ຕໍ່​ຜູ້​ຄິດ​ຕໍ່ສູ້​ເຮົາ ແມ່ນແຕ່​ຜູ້​ບາດເຈັບ ແລະ​ຊະເລີຍ​ກໍ​ບໍ່​ມົ້ມ.’

ພຣະບັນຍັດສອງ 7:1

“ເມື່ອ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ນຳພາ​ພວກເຈົ້າ​ໄປ​ສູ່​ດິນແດນ​ທີ່​ພວກເຈົ້າ​ກຳລັງ​ຈະ​ເຂົ້າ​ໄປ​ຄອບຄອງ ແລະ​ພຣະອົງ​ຈະ​ຂັບໄລ່​ຫລາຍ​ຊົນຊາດ​ໃຫ້​ອອກ​ໜີໄປ. ເມື່ອ​ພວກເຈົ້າ​ບຸກ​ເຂົ້າ​ໄປ​ນັ້ນ ພຣະອົງ​ຈະ​ຂັບໄລ່​ເຈັດ​ຊົນຊາດ​ໃຫຍ່ ແລະ​ມີ​ອຳນາດ​ກວ່າ​ພວກເຈົ້າ​ອອກ​ໄປ ດັ່ງນີ້: ຊາວ​ຮິດຕີ, ກີກາຊີ, ອາໂມ, ການາອານ, ເປຣີຊີ, ຮີວີ ແລະ​ເຢບຸດ.

ໂຢຊວຍ 2:10

ພວກເຮົາ​ຕ່າງ​ກໍ​ໄດ້​ຍິນ​ວ່າ ພຣະເຈົ້າຢາເວ​ໄດ້​ບັນດານ​ໃຫ້​ທະເລແດງ​ແຫ້ງ​ຕໍ່ໜ້າ​ພວກເຈົ້າ ເມື່ອ​ພວກເຈົ້າ​ກຳລັງ​ອອກ​ມາ​ຈາກ​ປະເທດ​ເອຢິບ ພວກເຮົາ​ຍັງ​ໄດ້ຍິນ​ອີກ​ວ່າ ພວກເຈົ້າ​ໄດ້​ຂ້າ​ເຈົ້າສີໂຫນ​ແລະ​ເຈົ້າໂອກ ກະສັດ​ສອງ​ຄົນ​ຂອງ​ຊາວ​ອາໂມ​ຢ່າງ​ໃດ ທີ່​ທາງ​ທິດ​ຕາເວັນອອກ​ຂອງ​ແມ່ນໍ້າ​ຈໍແດນ.