ຈົດບັນຊີ 24:20 - ພຣະຄຳພີສັກສິ

²⁰ ຕໍ່ມາ ໃນ​ນິມິດ​ນັ້ນ​ບາລາອາມ​ກໍ​ເຫັນ​ຊາວ​ອາມາເຫຼັກ ແລ້ວ​ເພິ່ນ​ກໍ​ທຳນວາຍ​ດັ່ງນີ້: “ອາມາເຫຼັກ​ແມ່ນ​ຊົນຊາດ ທີ່​ມີ​ອຳນາດ​ກວ່າ​ທຸກ​ຊາດ​ອື່ນໃດ ແຕ່​ໃນ​ບັ້ນປາຍ ຈະ​ຈິບຫາຍ​ໄປ​ຕະຫລອດ.”

ຈົດບັນຊີ 24:20 Jak'a apnaqawi uñst'ayäwi

1 ຂ່າວຄາວ 4:43

ຢູ່​ໃນ​ທີ່ນັ້ນ ພວກເຂົາ​ໄດ້​ສັງຫານ​ຊາວ​ອາມາເຫຼັກ​ຜູ້​ທີ່​ລອດຊີວິດ​ມາ​ໄດ້ ແລະ​ໄດ້​ອາໄສ​ຢູ່​ທີ່​ນັ້ນ​ຈົນເຖິງ​ທຸກ​ວັນນີ້.

ເອສະເທີ 3:1

ໃນ​ເວລາ​ຕໍ່ມາ ກະສັດ​ເຊເຊັດ​ໄດ້​ເລື່ອນຊັ້ນ​ຊາຍ​ຄົນ​ໜຶ່ງ​ຊື່​ວ່າ​ຮາມານ​ເປັນ​ລູກຊາຍ​ຂອງ​ຮາມເມດາທາ ເປັນ​ເຊື້ອສາຍ​ຄົນ​ໜຶ່ງ​ຂອງ​ອາກັກ. ໃຫ້​ມີ​ຕຳແໜ່ງ​ສູງຂື້ນ​ແລະ​ໃຫ້​ນັ່ງ​ສູງ​ກວ່າ​ເຈົ້ານາຍ​ທັງຫລາຍ​ທີ່​ຢູ່​ນຳກັນ.

ເອສະເທີ 9:14

ກະສັດ​ໄດ້​ສັ່ງ​ໃຫ້​ປະຕິບັດ​ຕາມ​ນັ້ນ ແລະ​ຄຳ​ປະກາດ​ກໍ​ຖືກ​ນຳ​ອອກ​ໃຊ້​ທີ່​ເມືອງ​ຊູຊາ. ຊາກສົບ​ລູກຊາຍ​ຂອງ​ຮາມານ​ສິບ​ຄົນ​ຖືກ​ແຂວນ​ໄວ້​ໃຫ້​ຄົນ​ເຫັນ.

ອົບພະຍົບ 17:14

ແລ້ວ​ພຣະເຈົ້າຢາເວ​ກໍ​ບອກ​ໂມເຊ​ວ່າ, “ຈົ່ງ​ບັນທຶກ​ເລື່ອງ​ໄຊຊະນະ​ນີ້​ໄວ້ ເພື່ອ​ຈະ​ໄດ້​ຈົດຈຳ​ຕະຫລອດໄປ. ຈົ່ງ​ບອກ​ໂຢຊວຍ​ວ່າ ເຮົາ​ຈະ​ທຳລາຍ​ຊາວ​ອາມາເຫຼັກ​ໃຫ້​ກ້ຽງ.”

ອົບພະຍົບ 17:16

ເພິ່ນ​ໄດ້​ກ່າວ​ວ່າ, “ຈົ່ງ​ຍົກ​ສູງ​ທຸງໄຊ​ຂອງ​ພຣະເຈົ້າຢາເວ ພຣະເຈົ້າຢາເວ​ຈະ​ສູ້ຮົບ​ກັບ​ຊາວ​ອາມາເຫຼັກ​ຕະຫລອດໄປ.”

ອົບພະຍົບ 17:8

ຊາວ​ອາມາເຫຼັກ​ໄດ້​ຍົກທັບ​ມາ​ຕີ​ຊາວ​ອິດສະຣາເອນ​ທີ່​ເຣຟີດີມ.

ຈົດບັນຊີ 24:19

ຊົນຊາດ​ອິດສະຣາເອນ​ນັ້ນ ຈະ​ຢຽບຢໍ່າ​ເຫຼົ່າ​ສັດຕູ​ລົງ ແລະ​ກວາດລ້າງ​ພວກ​ທີ່​ຍັງເຫລືອ ຈົນ​ຮອດ​ຄົນ​ສຸດທ້າຍ.”

ຈົດບັນຊີ 24:7

ພວກເຂົາ​ຈະ​ໄດ້​ຮັບ ນໍ້າ​ຝົນ​ຢ່າງ​ອຸດົມສົມບູນ​ຫລາຍ ແລະ​ປູກ​ພືດພັນ​ໃນ​ນາ ທີ່​ມີ​ນໍ້າ​ຢ່າງດີ​ລໍ່ລ້ຽງ. ກະສັດ​ຂອງ​ພວກເຂົາ​ນັ້ນ ຈະ​ຍິ່ງໃຫຍ່​ກວ່າ​ເຈົ້າ​ອາກາ ແລະ​ອຳນາດ​ການ​ປົກຄອງ ຈະ​ຂະຫຍາຍ​ຢ່າງ​ໄກກວ້າງ.

ພວກ^ຜູ້ປົກຄອງ 6:3

ເທື່ອໃດ​ທີ່​ຊາວ​ອິດສະຣາເອນ​ຫວ່ານ​ເຂົ້າ ຊາວ​ມີດີອານ​ພ້ອມ​ດ້ວຍ​ຊາວ​ອາມາເຫຼັກ ແລະ​ຄົນ​ໃນ​ເຜົ່າ​ຕ່າງໆ​ທີ່​ຢູ່​ຕາມ​ຖິ່ນ​ແຫ້ງແລ້ງ​ກັນດານ ກໍ​ມາ​ບຸກໂຈມຕີ​ພວກເຂົາ​ເທື່ອນັ້ນ.

1 ຊາມູເອນ 14:48

ເພິ່ນ​ສູ້ຮົບ​ຢ່າງ​ອົງອາດ​ກ້າຫານ ແລະ​ເອົາ​ຊະນະ​ພວກ​ອາມາເຫຼັກ. ເພິ່ນ​ຊ່ວຍ​ຊາວ​ອິດສະຣາເອນ​ໃຫ້​ພົ້ນ​ຈາກ​ການ​ບຸກຮຸກ​ໂຈມຕີ​ຂອງ​ເຫຼົ່າ​ສັດຕູ​ທຸກໆ​ຄັ້ງ.

1 ຊາມູເອນ 15:2

ພຣະເຈົ້າຢາເວ​ອົງ​ຊົງຣິດ​ອຳນາດ​ຍິ່ງໃຫຍ່​ກ່າວ​ວ່າ, ‘ເຮົາ​ຈະ​ລົງໂທດ​ຊາວ​ອາມາເຫຼັກ ຍ້ອນ​ວ່າ​ບັນພະບຸລຸດ​ຂອງ​ພວກເຂົາ​ໄດ້​ຕໍ່ຕ້ານ​ຊາວ​ອິດສະຣາເອນ ສະໄໝ​ທີ່​ຊາວ​ອິດສະຣາເອນ​ໄດ້​ເດີນທາງ​ອອກ​ມາ​ຈາກ​ປະເທດ​ເອຢິບ.

1 ຊາມູເອນ 30:1

ສອງ​ມື້​ຕໍ່ມາ ດາວິດ​ພ້ອມ​ກັບ​ຄົນ​ທັງຫລາຍ​ຂອງຕົນ​ກໍໄດ້​ກັບຄືນ​ມາ​ຮອດ​ເມືອງ​ຊິກລັກ. ພວກ​ອາມາເຫຼັກ​ໄດ້​ມາ​ຫລອນ​ປຸ້ນ​ທາງ​ພາກໃຕ້​ຂອງ​ຢູດາຍ ແລະ​ໂຈມຕີ​ເມືອງ​ຊິກລັກ. ພວກເຂົາ​ໄດ້​ຈູດ​ເມືອງ​ຖິ້ມ

1 ຊາມູເອນ 30:17

ໃນ​ມື້​ຕໍ່ມາ​ພໍ​ຮຸ່ງ​ເຊົ້າ ດາວິດ​ກໍ​ໂຈມຕີ​ພວກເຂົາ​ແລະ​ຕໍ່ສູ້​ກັນ​ຈົນເຖິງ​ຄໍ່າ. ມີ​ແຕ່​ຊາຍໜຸ່ມ​ໃນ​ພວກ​ປຸ້ນ​ສີ່ຮ້ອຍ​ຄົນ​ເທົ່ານັ້ນ ທີ່​ຂີ່​ອູດ​ປົບໜີໄປ​ໄດ້. ນອກ​ນັ້ນ​ຖືກ​ຂ້າ​ຖິ້ມ​ໝົດ.