ຈົດບັນຊີ 24:10 - ພຣະຄຳພີສັກສິ

¹⁰ ເຈົ້າ​ບາຫລາກ​ລຸກ​ຂຶ້ນ​ຢືນ​ກຳ​ກຳປັ້ນ​ດ້ວຍ​ຄວາມ​ໂກດຮ້າຍ ແລະ​ເວົ້າ​ຕໍ່​ບາລາອາມ​ວ່າ, “ເຮົາ​ໄດ້​ເຊີນ​ເຈົ້າ​ມາ​ນີ້ ເພື່ອ​ໃຫ້​ສາບແຊ່ງ​ສັດຕູ​ຂອງເຮົາ ແຕ່​ເຈົ້າ​ກັບ​ອວຍພອນ​ພວກເຂົາ​ເຖິງ​ສາມ​ເທື່ອ.

ຈົດບັນຊີ 24:10 Jak'a apnaqawi uñst'ayäwi

ເນເຫມີຢາ 13:2

ເລື່ອງ​ນີ້​ໄດ້​ສືບເນື່ອງ​ມາ​ຈາກ​ຊາວ​ອຳໂມນ ແລະ​ຊາວ​ໂມອາບ ບໍ່​ຍອມ​ໃຫ້​ອາຫານ ແລະ​ນໍ້າ​ແກ່​ຊາວ​ອິດສະຣາເອນ ໃນ​ຄາວ​ທີ່​ພວກເຂົາ​ໄດ້​ໜີ​ອອກ​ມາ​ຈາກ​ປະເທດ​ເອຢິບ. ແຕ່​ພວກເຂົາ​ຊໍ້າ​ພັດ​ໃຊ້​ເງິນ​ໄປ​ຈ້າງ​ບາລາອາມ ເພື່ອ​ມາ​ສາບແຊ່ງ​ຊາດ​ອິດສະຣາເອນ; ແຕ່​ພຣະເຈົ້າ​ຂອງ​ພວກເຮົາ​ໄດ້​ປ່ຽນ​ຄຳສາບແຊ່ງ​ມາ​ເປັນ​ຄຳອວຍພອນ.

ພຣະທຳ​ໂຢບ 27:23

ລົມ​ໂຫ່ຮ້ອງ​ໃສ່​ພວກເຂົາ​ເມື່ອ​ແລ່ນ​ໜີໄປ ໂດຍ​ເຮັດ​ໃຫ້​ຢ້ານກົວ​ອຳນາດ​ທີ່​ທຳລາຍ​ພວກເຂົາ​ໄດ້.

ເອເຊກຽນ 21:14

ບັດນີ້ ມະນຸດ​ເອີຍ ຈົ່ງ​ທຳນວາຍ​ເຖີດ. ຈົ່ງ​ຕົບ​ມື​ແລະ​ດາບ​ຈະ​ຟັນແລ້ວ​ຟັນອີກ. ມັນ​ແມ່ນ​ດາບ​ດວງ​ໜຶ່ງ​ທີ່​ຂ້າ ຄື​ດາບ​ດວງ​ໜຶ່ງ​ທີ່​ໜ້າຢ້ານກົວ​ຫລາຍ ທັງ​ໃຊ້​ສັງຫານໝູ່.

ເອເຊກຽນ 21:17

ເຮົາ​ຈະ​ຕົບ​ມື​ຂອງເຮົາ​ຄືກັນ​ແລະ​ຄວາມ​ໂກດຮ້າຍ​ຂອງເຮົາ​ຈະ​ໝົດ​ໄປ. ເຮົາ​ຄື​ພຣະເຈົ້າຢາເວ​ໄດ້​ກ່າວ​ດັ່ງນີ້ແຫຼະ.”

ເອເຊກຽນ 22:13

ເຮົາ​ຈະ​ຍົກ​ກຳປັ້ນ​ຕີ​ພວກ​ທີ່​ກໍ່​ການ​ປຸ້ນສະດົມ​ກັບ​ກໍ່​ການຄາດຕະກຳ.

ຈົດບັນຊີ 22:11

ມີ​ປະຊາຊົນ​ຊາດ​ໜຶ່ງ​ທີ່​ອອກ​ມາ​ຈາກ​ປະເທດ​ເອຢິບ ໄດ້​ແຜ່​ຂະຫຍາຍ​ອອກ​ໄປ​ທົ່ວ​ທຸກ​ຫົນແຫ່ງ​ໃນ​ປະເທດ. ເພິ່ນ​ຢາກ​ໃຫ້​ຂ້ານ້ອຍ​ໄປ​ສາບແຊ່ງ​ພວກເຂົາ ເພື່ອ​ວ່າ​ເພິ່ນ​ຈະ​ໄດ້​ຮົບ​ຊະນະ​ພວກເຂົາ.”

ຈົດບັນຊີ 22:17

ເຮົາ​ຈະ​ໃຫ້​ບຳເໜັດ​ແກ່​ທ່ານ​ຢ່າງ​ຫລວງຫລາຍ ແລະ​ຈະ​ເຮັດ​ສິ່ງໃດໆ​ກໍໄດ້​ຕາມ​ທີ່​ທ່ານ​ກ່າວ. ກະລຸນາ​ມາ​ສາບແຊ່ງ​ພວກ​ເຫຼົ່ານີ້​ໃຫ້​ເຮົາ​ແດ່ທ້ອນ.”

ຈົດບັນຊີ 22:6

ພວກເຂົາ​ມີ​ຈຳນວນ​ຫລາຍກວ່າ​ພວກເຮົາ, ສະນັ້ນ ຂໍ​ໃຫ້​ທ່ານ​ມາ​ສາບແຊ່ງ​ພວກເຂົາ​ໃຫ້​ພວກເຮົາ​ດ້ວຍ. ບາງທີ​ພວກເຮົາ​ອາດ​ຈະ​ຊະນະ ແລະ​ຂັບໄລ່​ພວກເຂົາ​ໃຫ້​ອອກ​ຈາກ​ດິນແດນ​ຂອງ​ພວກເຮົາ​ກໍໄດ້. ເຮົາ​ຮູ້​ວ່າ​ເມື່ອໃດ​ທີ່​ທ່ານ​ກ່າວ​ຄຳອວຍພອນ ປະຊາຊົນ​ຈະ​ໄດ້​ຮັບ​ຄຳອວຍພອນ ແລະ​ເມື່ອໃດ​ທີ່​ທ່ານ​ກ່າວ​ຄຳສາບແຊ່ງ ພວກເຂົາ​ຈະ​ໄດ້​ຮັບ​ຄຳສາບແຊ່ງ.”

ຈົດບັນຊີ 23:11

ແລ້ວ​ເຈົ້າ​ບາຫລາກ​ກໍ​ເວົ້າ​ຕໍ່​ບາລາອາມ​ວ່າ, “ເປັນຫຍັງ​ເຈົ້າ​ຈຶ່ງ​ກະທຳ​ຕໍ່​ເຮົາ​ແບບນີ້? ເຮົາ​ໄດ້​ເຊີນ​ເຈົ້າ​ມາ​ທີ່ນີ້​ເພື່ອ​ໃຫ້​ເຈົ້າ​ສາບແຊ່ງ​ສັດຕູ​ຂອງ​ເຮົາ, ແຕ່​ເຈົ້າ​ກັບ​ມາ​ອວຍພອນ​ພວກເຂົາ​ແທນ.”

ຈົດບັນຊີ 24:11

ບັດນີ້ ກັບ​ເມືອ​ເຮືອນ​ສາ ເຮົາ​ສັນຍາ​ວ່າ​ຈະ​ໃຫ້​ບຳເໜັດ​ແກ່​ເຈົ້າ ແຕ່​ພຣະເຈົ້າຢາເວ​ບໍ່​ເຫັນດີ​ໃຫ້​ເຈົ້າ​ຮັບ​ບຳເໜັດ​ນັ້ນ.”

ຈົດບັນຊີ 24:9

ປະຊາຊົນ​ຊາດ​ນີ້​ ເປັນ​ດັ່ງ​ໂຕ​ສິງ​ທີ່​ມີ​ອຳນາດ​ຍິ່ງ; ເມື່ອ​ມັນ​ພວມ​ນອນ​ຢູ່​ນັ້ນ ບໍ່ມີ​ໃຜ​ກ້າ​ປຸກ​ມັນ​ຂຶ້ນ​ມາ. ຜູ້ໃດ​ອວຍພອນ​ຊາດ​ອິດສະຣາເອນ​ນັ້ນ ຜູ້ນັ້ນ​ຈະ​ໄດ້​ຮັບ​ຄຳອວຍພອນ​ຄືນ ແລະ​ຜູ້ໃດ​ສາບແຊ່ງ​ຊາດ​ອິດສະຣາເອນ ຜູ້ນັ້ນ​ຈະ​ໄດ້​ຖືກ​ສາບແຊ່ງ​ຕອບ.”

ກິດຈະການ 11:10

ເຫດການ​ເຊັ່ນນີ້​ໄດ້​ເກີດຂຶ້ນ​ເຖິງ​ສາມ​ເທື່ອ ແລ້ວ​ສິ່ງ​ທັງໝົດ​ກໍ​ຖືກ​ຮັບ​ຄືນ​ຂຶ້ນ​ໄປ​ໃນ​ສະຫວັນ​ອີກ.

ພຣະບັນຍັດສອງ 23:6

ຕາບໃດ​ທີ່​ພວກເຈົ້າ​ເປັນ​ຊົນຊາດ​ໜຶ່ງ​ຢູ່ ຢ່າ​ຊ່ວຍເຫລືອ​ຊົນຊາດ​ເຫຼົ່ານີ້​ຢ່າງໃດ​ຢ່າງໜຶ່ງ ໃຫ້​ຈະເລີນ​ຮຸ່ງເຮືອງ​ຈັກເທື່ອ.