ຈົດບັນຊີ 23:14 - ພຣະຄຳພີສັກສິ

¹⁴ ເພິ່ນ​ໄດ້​ພາ​ລາວ​ໄປ​ທີ່​ນາ​ຂອງ​ໂຊພິມ​ເທິງ​ພູ​ປີສະກາ. ຢູ່​ທີ່​ນັ້ນ ເພິ່ນ​ໄດ້​ສ້າງ​ແທ່ນບູຊາ​ເຈັດ​ແທ່ນ​ເຊັ່ນກັນ ແລະ​ຖວາຍ​ງົວເຖິກ​ແລະ​ແກະເຖິກ​ໄວ້​ໃນ​ແຕ່ລະ​ແທ່ນ.

ຈົດບັນຊີ 23:14 Jak'a apnaqawi uñst'ayäwi

ເອຊາຢາ 46:6

ປະຊາຊົນ​ໄຂ​ກະເປົາ ແລະ​ຖອກ​ຄຳ​ອອກ​ມາ ຊັ່ງ​ເບິ່ງ​ນໍ້າໜັກ​ເງິນ​ໃສ່​ຊິງ​ທີ່​ພວກເຂົາ​ມີ​ນັ້ນ. ພວກເຂົາ​ຈ້າງ​ຊ່າງ​ຫລອມ​ຄຳ​ໃຫ້​ເຮັດ​ເປັນ​ຮູບພະ ແລ້ວ​ກໍ​ຂາບໄຫວ້​ຮູບພະ​ທີ່​ໄດ້​ສ້າງ​ຂຶ້ນ​ມາ.

ໂຮເສອາ 12:11

ແຕ່​ການ​ຂາບໄຫວ້​ຮູບເຄົາຣົບ​ໃນ​ກີເລອາດ​ຍັງ​ມີ​ຢູ່ ແລະ​ພວກ​ທີ່​ຂາບໄຫວ້​ຮູບເຄົາຣົບ​ເຫຼົ່ານັ້ນ​ກໍ​ຈະ​ຕາຍ. ການ​ເຜົາບູຊາ​ງົວເຖິກ​ໃນ​ກິນການ​ຍັງ​ມີ​ຢູ່ ແລະ​ແທ່ນບູຊາ​ທັງຫລາຍ​ຢູ່​ໃນ​ທີ່ນັ້ນ​ກໍ​ຈະ​ກາຍເປັນ​ກອງ​ຫີນ​ຢູ່​ກາງ​ທົ່ງນາ.”

ຈົດບັນຊີ 21:20

ແລະ​ຈາກ​ບາໂມດ​ເຖິງ​ຮ່ອມພູ​ທີ່​ເຂດແດນ​ຂອງ​ໂມອາບ ໃຕ້​ຍອດ​ພູ​ປີສະກາ​ຊຶ່ງ​ແນມ​ອອກ​ໄປ​ເຫັນ​ຖິ່ນ​ແຫ້ງແລ້ງ​ກັນດານ.

ຈົດບັນຊີ 23:13

ແລ້ວ​ເຈົ້າ​ບາຫລາກ​ກໍໄດ້​ກ່າວ​ແກ່​ບາລາອາມ​ວ່າ, “ຈົ່ງ​ໄປ​ກັບ​ເຮົາ​ຢູ່​ໃນ​ບ່ອນ​ອື່ນ​ອີກ ຊຶ່ງ​ເຈົ້າ​ເຫັນ​ພວກ​ອິດສະຣາເອນ​ໄດ້​ພຽງ​ຈຳນວນ​ໜ້ອຍ​ຄົນ​ເທົ່ານັ້ນ. ໃນ​ທີ່​ນັ້ນ ຈົ່ງ​ສາບແຊ່ງ​ພວກເຂົາ​ໃຫ້​ເຮົາ.”

ຈົດບັນຊີ 23:15

ບາລາອາມ​ໄດ້​ກ່າວ​ຕໍ່​ເຈົ້າ​ບາຫລາກ​ວ່າ, “ຈົ່ງ​ຢືນ​ຢູ່​ໃກ້​ກັບ​ແທ່ນບູຊາ​ຂອງທ່ານ​ນີ້ ສ່ວນ​ຂ້າພະເຈົ້າ​ນັ້ນ​ຈະ​ໄປ​ພົບ​ພຣະອົງ​ຢູ່​ທີ່​ອື່ນ.”

ຈົດບັນຊີ 23:29

ບາລາອາມ​ໄດ້​ເວົ້າ​ກັບ​ເຈົ້າ​ບາຫລາກ​ວ່າ, “ຈົ່ງ​ເຮັດ​ແທ່ນບູຊາ​ຂຶ້ນ​ໃນ​ທີ່​ນີ້​ເຈັດ​ແທ່ນ​ໃຫ້​ຂ້າພະເຈົ້າ ແລະ​ນຳ​ງົວເຖິກ​ແລະ​ແກະເຖິກ​ເຈັດ​ໂຕ​ມາ.”

ພຣະບັນຍັດສອງ 3:27

ເຈົ້າ​ຈົ່ງ​ຂຶ້ນ​ໄປ​ເທິງ​ຈອມ​ພູ​ປີສະກາ ແລະ​ແນມ​ເບິ່ງ​ທົ່ວ​ທຸກ​ທິດ​ຄື: ເໜືອ, ໃຕ້, ຕາເວັນອອກ ແລະ​ຕາເວັນຕົກ. ຈົ່ງ​ເບິ່ງ​ສິ່ງ​ທີ່​ເຈົ້າ​ເຫັນ​ໃຫ້​ຄັກໆ ເພາະ​ເຈົ້າ​ຈະ​ບໍ່ໄດ້​ຂ້າມ​ແມ່ນໍ້າ​ຈໍແດນ ເຂົ້າ​ໄປ​ໃນ​ດິນແດນ​ນັ້ນ​ເປັນ​ເດັດຂາດ.

ພຣະບັນຍັດສອງ 34:1

ໂມເຊ​ໄດ້​ຂຶ້ນ​ຈາກ​ທົ່ງ​ຮາບພຽງ​ໂມອາບ​ໄປ​ທີ່​ພູເຂົາ​ເນໂບ ຈົນ​ໄປ​ເຖິງ​ຈອມພູ​ປີສະກາ ຊຶ່ງ​ຢູ່​ກົງກັນຂ້າມ​ກັບ​ເມືອງ​ເຢຣິໂກ ແລະ​ຢູ່​ທີ່​ນັ້ນ​ພຣະເຈົ້າຢາເວ​ໄດ້​ສຳແດງ​ໃຫ້​ເພິ່ນ​ເຫັນ​ດິນແດນ​ທັງໝົດ ດັ່ງນີ້: ເຂດແດນ​ກີເລອາດ​ໄກ​ໄປ​ຮອດ​ທາງທິດເໜືອ​ສຸດ​ຂອງ​ເມືອງ​ດານ

ພຣະບັນຍັດສອງ 4:49

ດິນແດນ​ນັ້ນ​ຍັງ​ນັບ​ລວມ​ເອົາ​ອານາເຂດ​ທັງໝົດ ທີ່​ຢູ່​ທາງທິດ​ຕາເວັນອອກ​ຂອງ​ແມ່ນໍ້າ​ຈໍແດນ ຈົນ​ໄປ​ຮອດ​ທະເລຕາຍ​ທີ່​ຕີນ​ພູ​ປີສະກາ.