ຈົດບັນຊີ 22:9 - ພຣະຄຳພີສັກສິ

⁹ ພຣະເຈົ້າ​ໄດ້​ມາ​ຫາ​ບາລາອາມ ແລະ​ຖາມ​ລາວ​ວ່າ, “ຄົນ​ເຫຼົ່ານີ້​ທີ່​ມາ​ພັກ​ນຳ​ເຈົ້າ​ນັ້ນ​ແມ່ນ​ໃຜ?”

ຈົດບັນຊີ 22:9 Jak'a apnaqawi uñst'ayäwi

ປະຖົມມະການ 16:8

ຈຶ່ງ​ຖາມ​ວ່າ, “ຮາກາ ສາວ​ໃຊ້​ຂອງ​ຊາຣາຍ ເຈົ້າ​ມາ​ແຕ່​ໃສ? ແລະ​ເຈົ້າ​ຈະ​ໄປ​ໃສ?” ນາງ​ຕອບ​ວ່າ, “ຂ້ານ້ອຍ​ກຳລັງ​ຈະ​ໜີໄປ​ຈາກ​ຊາຣາຍ.”

ປະຖົມມະການ 20:3

ໃນ​ຄືນ​ໜຶ່ງ ພຣະເຈົ້າ​ໄດ້​ປາກົດ​ແກ່​ກະສັດ​ໃນ​ຄວາມຝັນ​ວ່າ “ເຈົ້າ​ຈະ​ຕາຍ ເພາະ​ເຈົ້າ​ເອົາ​ຍິງ​ຜູ້​ນີ້​ມາ. ນາງ​ມີ​ຜົວ​ແລ້ວ.”

ປະຖົມມະການ 31:24

ໃນ​ຄືນ​ນັ້ນ ພຣະເຈົ້າ​ໄດ້​ປາກົດ​ໃນ​ຄວາມຝັນ​ຂອງ​ລາບານ​ຊາວ​ອາຣາມ ແລະ​ກ່າວ​ແກ່​ລາວ​ວ່າ, “ຈົ່ງ​ລະວັງ ເຈົ້າ​ຢ່າ​ຂູ່ເຂັນ​ຢາໂຄບ​ແຕ່​ຢ່າງ​ໃດ​ເລີຍ.”

ປະຖົມມະການ 4:9

ພຣະເຈົ້າຢາເວ​ຖາມ​ກາອິນ​ວ່າ, “ອາເບັນ ນ້ອງຊາຍ​ຂອງ​ເຈົ້າ​ຢູ່​ໃສ?” ລາວ​ຈຶ່ງ​ຕອບ​ວ່າ, “ບໍ່​ຮູ້ ຂ້ານ້ອຍ​ເປັນ​ຄົນ​ດູແລ​ຮັກສາ​ນ້ອງຊາຍ​ຂອງ​ຂ້ານ້ອຍ​ບໍ?”

ປະຖົມມະການ 41:25

ໂຢເຊັບ​ຕອບ​ກະສັດ​ວ່າ, “ຄວາມຝັນ​ສອງ​ຢ່າງ​ນັ້ນ​ມີ​ຄວາມໝາຍ​ຢ່າງ​ດຽວກັນ; ພຣະເຈົ້າ​ໄດ້​ບອກ​ທ່ານ​ໃຫ້​ຮູ້​ເຖິງ​ສິ່ງ​ທີ່​ພຣະອົງ​ຈະ​ໃຫ້​ບັງເກີດ​ຂຶ້ນ.

ອົບພະຍົບ 4:2

ດັ່ງນັ້ນ ພຣະເຈົ້າຢາເວ​ຈຶ່ງ​ຖາມ​ໂມເຊ​ວ່າ, “ແມ່ນ​ຫຍັງ​ທີ່​ເຈົ້າ​ກຳລັງ​ຖື​ຢູ່​ນັ້ນ?” ໂມເຊ​ຕອບ​ວ່າ, “ແມ່ນ​ໄມ້ຄ້ອນເທົ້າ.”

ດານີເອນ 2:45

ການ​ທີ່​ທ່ານ​ເຫັນ​ຫີນ​ໃຫຍ່​ກ້ອນ​ໜຶ່ງ ແຕກ​ອອກ​ມາ​ເອງ​ຈາກ​ໜ້າຜາ​ໂດຍ​ບໍ່ມີ​ຜູ້ໃດ​ເຮັດ​ນັ້ນ ກ້ອນຫີນ​ນັ້ນ​ໄດ້​ກະທົບ​ໃສ່​ກັບ​ຮູບ​ເຫຼັກ, ຮູບ​ທອງສຳຣິດ, ຮູບ​ດິນ, ຮູບ​ເງິນ​ແລະ​ຄຳ. ອັນ​ນີ້​ແມ່ນ​ພຣະເຈົ້າ​ອົງ​ຍິ່ງໃຫຍ່​ກຳລັງ​ບອກ​ໃຫ້​ພະຣາຊາ​ຮູ້​ເຖິງ​ສິ່ງ​ທີ່​ຈະ​ເກີດຂຶ້ນ​ໃນ​ອະນາຄົດ. ຂ້ານ້ອຍ​ໄດ້​ບອກ​ທ່ານ​ຖືກຕ້ອງ​ຕາມ​ທີ່​ທ່ານ​ໄດ້​ຝັນ ແລະ​ແກ້​ຄວາມຝັນ​ນັ້ນ​ແກ່​ທ່ານ​ຕາມ​ຄວາມຈິງ.”

ຈົດບັນຊີ 22:10

ບາລາອາມ​ຈຶ່ງ​ຕອບ​ພຣະເຈົ້າ​ວ່າ, “ເຈົ້າ​ບາຫລາກ​ລູກຊາຍ​ຂອງ​ຊິບໂປ​ກະສັດ​ແຫ່ງ​ໂມອາບ​ໄດ້​ສົ່ງ​ຄົນ​ພວກ​ນີ້​ມາ ແລະ​ບອກ​ຂ້ານ້ອຍ​ວ່າ,

ຈົດບັນຊີ 22:20

ແລ້ວ​ໃນຄືນນັ້ນ ພຣະເຈົ້າ​ໄດ້​ມາ​ຫາ​ບາລາອາມ ແລະ​ບອກ​ເພິ່ນ​ວ່າ, “ຖ້າ​ພວກ​ເຫຼົ່ານີ້​ຫາກ​ຍັງ​ຂໍຮ້ອງ​ເຈົ້າ​ໃຫ້​ໄປ​ກັບ​ພວກເຂົາ ຈົ່ງ​ຕຽມຕົວ​ໄປ​ສາ, ແຕ່​ໃຫ້​ເຈົ້າ​ເຮັດ​ຕາມ​ສິ່ງ​ທີ່​ເຮົາ​ບອກ​ເຈົ້າ​ເທົ່ານັ້ນ.”

ຈົດບັນຊີ 22:8

ບາລາອາມ​ຈຶ່ງ​ເວົ້າ​ກັບ​ພວກເຂົາ​ວ່າ, “ຈົ່ງ​ພາກັນ​ນອນ​ຄ້າງຄືນ​ຢູ່​ທີ່​ນີ້​ສາ​ກ່ອນ ແລະ​ໃນ​ມື້ອື່ນ​ເຊົ້າ ຂ້ອຍ​ຈະ​ລາຍງານ​ໃຫ້​ພວກເຈົ້າ​ຮູ້​ສິ່ງ​ທີ່​ພຣະເຈົ້າຢາເວ​ໄດ້​ບອກ​ຂ້ອຍ.” ດັ່ງນັ້ນ ພວກ​ຜູ້ນຳ​ຂອງ​ຊາວ​ໂມອາບ​ຈຶ່ງ​ພັກ​ຢູ່​ທີ່​ນັ້ນ​ກັບ​ບາລາອາມ.

ມັດທາຍ 24:24

ດ້ວຍວ່າ, ຈະ​ມີ​ພຣະຄຣິດ​ປອມ​ແລະ​ຜູ້ທຳນວາຍ​ປອມ​ຫລາຍ​ຄົນ​ຈະ​ເກີດຂຶ້ນ ພວກເຂົາ​ຈະ​ເຮັດ​ການ​ອັດສະຈັນ​ອັນ​ຍິ່ງໃຫຍ່ ແລະ​ໝາຍສຳຄັນ​ຫລາຍ​ປະການ ເພື່ອ​ຖ້າ​ເປັນ​ໄປ​ໄດ້​ຈະ​ຫລອກລວງ​ແມ່ນແຕ່​ປະຊາຊົນ​ທີ່​ພຣະເຈົ້າ​ໄດ້​ເລືອກ​ໄວ້​ໃຫ້​ຫລົງ​ເສຍ​ໄປ.

ມັດທາຍ 7:22

ເມື່ອ​ວັນ​ພິພາກສາ​ມາ​ເຖິງ ຫລາຍ​ຄົນ​ຈະ​ເວົ້າ​ກັບ​ເຮົາ​ວ່າ, ‘ພຣະອົງເຈົ້າ, ພຣະອົງເຈົ້າ ພວກ​ຂ້ານ້ອຍ​ໄດ້​ປະກາດ​ຖ້ອຍຄຳ​ຂອງ​ພຣະເຈົ້າ​ໃນ​ນາມ​ຂອງ​ພຣະອົງ ພວກ​ຂ້ານ້ອຍ​ໄດ້​ຂັບໄລ່​ຜີມານຮ້າຍ​ອອກ ແລະ​ໄດ້​ເຮັດ​ການ​ອັດສະຈັນ​ຫລາຍ​ປະການ​ໃນ​ນາມ​ຂອງ​ພຣະອົງ​ບໍ່ແມ່ນ​ບໍ’

ໂຢຮັນ 11:51

ແທ້ຈິງ​ແລ້ວ ເພິ່ນ​ບໍ່ໄດ້​ເວົ້າ​ຕາມ​ລຳພັງ​ຕົນເອງ, ແຕ່​ເພິ່ນ​ເປັນ​ມະຫາ​ປະໂຣຫິດ​ປະຈຳການ​ໃນ​ປີ​ນັ້ນ ເພິ່ນ​ຈຶ່ງ​ໄດ້ທຳນວາຍ​ວ່າ ພຣະເຢຊູເຈົ້າ​ຈະ​ຕາຍ​ເພື່ອ​ປະເທດ​ຊາດ