ຈົດບັນຊີ 22:41 - ພຣະຄຳພີສັກສິ

⁴¹ ເຊົ້າ​ວັນໃໝ່​ມາ ເຈົ້າ​ບາຫລາກ​ໄດ້​ພາ​ບາລາອາມ​ຂຶ້ນ​ໄປ​ທີ່​ເມືອງ​ບາໂມດ-ບາອານ ຈາກ​ບ່ອນ​ນັ້ນ​ບາລາອາມ​ສາມາດ​ຫລຽວ​ເຫັນ​ປະຊາຊົນ​ອິດສະຣາເອນ​ສ່ວນ​ໜຶ່ງ​ໄດ້.

ຈົດບັນຊີ 22:41 Jak'a apnaqawi uñst'ayäwi

2 ຂ່າວຄາວ 11:15

ເຢໂຣໂບອາມ​ໄດ້​ແຕ່ງຕັ້ງ​ປະໂຣຫິດ​ຂຶ້ນ​ໂດຍ​ຕົນເອງ ເພື່ອ​ໃຫ້​ຮັບໃຊ້​ໃນ​ສະຖານທີ່​ຂາບໄຫວ້​ພະ​ຂອງ​ຊາວ​ຕ່າງດ້າວ, ຂາບໄຫວ້​ຜີສາດ​ແລະ​ຮູບ​ງົວ​ທີ່​ພວກເຂົາ​ໄດ້​ສ້າງ​ຂຶ້ນ​ເປັນ​ຮູບເຄົາຣົບ.

ເຢເຣມີຢາ 19:5

ແລະ​ພວກເຂົາ​ໄດ້​ສ້າງ​ແທ່ນບູຊາ​ໃຫ້​ພະບາອານ ເພື່ອ​ເຜົາ​ລູກໆ​ຂອງ​ພວກເຂົາ​ໃຫ້​ເປັນ​ເຄື່ອງ​ບູຊາ. ເຮົາ​ບໍ່ເຄີຍ​ສັ່ງ​ພວກເຂົາ​ໃຫ້​ເຮັດ​ເຊັ່ນນີ້; ເລື່ອງ​ດັ່ງນີ້​ບໍ່ເຄີຍ​ມີ​ຢູ່​ໃນ​ຄວາມຄິດ​ຂອງເຮົາ​ເລີຍ.

ເຢເຣມີຢາ 48:35

ພຣະເຈົ້າຢາເວ​ກ່າວ​ວ່າ ເຮົາ​ຈະ​ໃຫ້​ປະຊາຊົນ​ໂມອາບ​ເຊົາ​ເຜົາ​ຖວາຍບູຊາ ໃນ​ບ່ອນ​ນະມັດສະການ​ຕ່າງໆ​ຂອງ​ພວກເຂົາ ແລະ​ເຊົາ​ຖວາຍ​ເຄື່ອງ​ບູຊາ​ຕ່າງໆ​ແກ່​ພະ​ຂອງ​ພວກເຂົາ.

ຈົດບັນຊີ 21:28

ມີ​ຄັ້ງໜຶ່ງ​ໃນ​ນະຄອນນີ້​ ທີ່​ມີ​ຊື່​ວ່າ​ເຮັດຊະໂບນ; ກອງທັບ​ເຈົ້າສີໂຫນ ໄດ້​ຮຸກຮານ​ລາມ​ໄປ​ດັ່ງ​ໄຟ​ໄໝ້ ແລະ​ໄດ້​ທຳລາຍ​ເມືອງ​ອາຣະ ໃນ​ດິນແດນ​ໂມອາບ​ຈົນ​ໝົດ; ພ້ອມ​ທັງ​ກືນກິນ ອາກໂນນ ເມືອງ​ໂພນ​ພູດອຍ​ເຜົາຜານ​ກ້ຽງ.

ຈົດບັນຊີ 22:40

ບ່ອນ​ທີ່​ເຈົ້າ​ບາຫລາກ​ໄດ້​ຂ້າ​ງົວ ແລະ​ແກະ​ຖວາຍບູຊາ. ເພິ່ນ​ໄດ້​ເອົາ​ຊີ້ນ​ບາງສ່ວນ​ໃຫ້​ບາລາອາມ ແລະ​ພວກ​ຜູ້ນຳ​ທີ່​ໄດ້​ໄປ​ກັບ​ຕົນ.

ຈົດບັນຊີ 23:1

ເພິ່ນ​ໄດ້​ກ່າວ​ແກ່​ເຈົ້າ​ບາຫລາກ​ວ່າ, “ຈົ່ງ​ສ້າງ​ແທ່ນບູຊາ​ຂຶ້ນ​ເຈັດ​ແທ່ນ​ໃຫ້​ຂ້າພະເຈົ້າ ແລ້ວ​ໃຫ້​ນຳ​ເອົາ​ງົວ​ແລະ​ແກະເຖິກ​ແນວ​ລະ​ເຈັດ​ໂຕ​ມາ​ໃຫ້​ຂ້າພະເຈົ້າ.”

ຈົດບັນຊີ 23:13

ແລ້ວ​ເຈົ້າ​ບາຫລາກ​ກໍໄດ້​ກ່າວ​ແກ່​ບາລາອາມ​ວ່າ, “ຈົ່ງ​ໄປ​ກັບ​ເຮົາ​ຢູ່​ໃນ​ບ່ອນ​ອື່ນ​ອີກ ຊຶ່ງ​ເຈົ້າ​ເຫັນ​ພວກ​ອິດສະຣາເອນ​ໄດ້​ພຽງ​ຈຳນວນ​ໜ້ອຍ​ຄົນ​ເທົ່ານັ້ນ. ໃນ​ທີ່​ນັ້ນ ຈົ່ງ​ສາບແຊ່ງ​ພວກເຂົາ​ໃຫ້​ເຮົາ.”

ພຣະບັນຍັດສອງ 12:2

ໃນ​ດິນແດນ​ທີ່​ພວກເຈົ້າ​ກຳລັງ​ຈະ​ຢຶດຄອງ​ນີ້ ຈົ່ງ​ທຳລາຍ​ບ່ອນ​ຂາບໄຫວ້​ພະ​ຕ່າງໆ​ຂອງ​ປະຊາຊົນ​ໃຫ້​ໝົດ ບໍ່​ວ່າ​ບ່ອນ​ນັ້ນ​ຈະ​ຢູ່​ເທິງ​ພູເຂົາ​ສູງ ທີ່​ເທິງ​ເນີນພູ ແລະ​ຢູ່​ກ້ອງ​ຕົ້ນໄມ້​ໃບ​ຂຽວ​ກໍຕາມ.