ຈົດບັນຊີ 22:4 - ພຣະຄຳພີສັກສິ

⁴ ຊາວ​ໂມອາບ​ໄດ້​ເວົ້າ​ຕໍ່​ພວກ​ຜູ້ນຳ​ຊາວ​ມີດີອານ​ວ່າ, “ໃນ​ບໍ່​ຊ້າ​ປະຊາຊົນ​ອັນ​ໃຫຍ່​ນີ້​ຈະ​ທຳລາຍ​ທຸກໆ​ສິ່ງ​ທີ່​ຢູ່​ອ້ອມຮອບ​ພວກເຮົາ ເໝືອນ​ດັ່ງ​ງົວ​ກິນ​ຫຍ້າ​ຢູ່​ຕາມ​ທົ່ງ.” ຍ້ອນວ່າ​ໃນ​ເວລາ​ນັ້ນ ເຈົ້າ​ບາຫລາກ​ລູກຊາຍ​ຂອງ​ຊິບໂປ​ກໍ​ເປັນ​ກະສັດ​ຂອງ​ຊາວ​ໂມອາບ.

ຈົດບັນຊີ 22:4 Jak'a apnaqawi uñst'ayäwi

1 ກະສັດ 11:18

ພວກເຂົາ​ໄດ້​ອອກ​ຈາກ​ເມືອງ​ມີດີອານ​ໄປ​ທີ່​ເມືອງ​ປາຣານ ຊຶ່ງ​ມີ​ຊາວ​ປາຣານ​ບາງຄົນ​ໄດ້​ຮ່ວມ​ໄປ​ນຳ​ດ້ວຍ. ແລ້ວ​ພວກເຂົາ​ກໍໄດ້​ເດີນທາງ​ໄປ​ປະເທດ​ເອຢິບ ແລະ​ໄປ​ເຝົ້າ​ກະສັດ​ຟາໂຣ; ກະສັດ​ຜູ້​ນີ້​ໄດ້​ເອົາ​ດິນແດນ​ບາງ​ຕອນ ແລະ​ເຮືອນ​ຫລັງ​ໜຶ່ງ​ໃຫ້​ຮາດາດ ແລະ​ຈັດຫາ​ສະບຽງ​ອາຫານ​ໃຫ້​ລາວ.

ອົບພະຍົບ 15:15

ສ່ວນ​ພວກ​ເຈົ້ານາຍ​ຊາວ​ເອໂດມ​ກໍ​ຢ້ານ​ໃຫຍ່; ຊາວ​ໂມອາບ​ຜູ້​ເກັ່ງກ້າ​ກໍ​ເກີດ​ຢ້ານ​ໃຈ​ສັ່ນເຊັນ. ສ່ວນ​ຊາວ​ການາອານ​ຊໍ້າ​ໝົດ​ກຳລັງ​ໃຈ​ຫຼາຍ; ຕົກໃຈ​ຢ້ານ​ແລະ​ໄຫວຫວັ່ນ​ຍ້ອນ​ຄວາມກົວ.

ເຢເຣມີຢາ 48:38

ເທິງ​ດາດຟ້າ​ເຮືອນ​ຂອງ​ຊາວ​ໂມອາບ​ທຸກ​ຫລັງ ແລະ​ຕາມ​ທີ່​ສາທາ​ລະນະ​ທັງໝົດ ບໍ່ມີ​ຫຍັງ​ເລີຍ​ນອກຈາກ​ການ​ໄວ້ທຸກ​ເທົ່ານັ້ນ ຍ້ອນ​ເຮົາ​ໄດ້​ຕີ​ໂມອາບ​ໃຫ້​ແຕກ​ດັ່ງ​ຕີ​ໝໍ້​ທີ່​ບໍ່ມີ​ຜູ້ໃດ​ຕ້ອງການ.” ພຣະເຈົ້າຢາເວ​ກ່າວ​ດັ່ງນີ້ແຫຼະ.

ຈົດບັນຊີ 22:2

ພໍ​ເຈົ້າ​ບາຫລາກ​ລູກຊາຍ​ຂອງ​ຊິບໂປ​ກະສັດ​ແຫ່ງ​ໂມອາບ​ໄດ້ຍິນ​ເຖິງ​ເລື່ອງ​ທີ່​ຊາວ​ອິດສະຣາເອນ​ໄດ້​ເຮັດ​ກັບ​ຊາວ​ອາໂມ ແລະ​ຮູ້​ວ່າ​ຊາວ​ອິດສະຣາເອນ​ຢູ່​ທີ່​ນັ້ນ​ຫລາຍ​ພຽງໃດ;

ຈົດບັນຊີ 22:7

ດັ່ງນັ້ນ ບັນດາ​ຜູ້ນຳ​ຂອງ​ຊາວ​ໂມອາບ​ແລະ​ຂອງ​ຊາວ​ມີດີອານ ຈຶ່ງ​ອອກ​ເດີນທາງ​ໄປ​ຫາ​ບາລາອາມ ພ້ອມ​ທັງ​ນຳ​ເງິນ​ຄ່າ​ພິທີ​ສາບແຊ່ງ​ໄປ​ນຳ​ດ້ວຍ ແລະ​ບອກ​ຄຳເວົ້າ​ຂອງ​ເຈົ້າ​ບາຫລາກ​ໃຫ້​ແກ່​ເພິ່ນ.

ຈົດບັນຊີ 24:17

ຂ້າພະເຈົ້າ​ແນມ​ເບິ່ງ ໄປ​ໃນ​ຄັ້ງໜ້າ​ຄັ້ງໃນ ແລະ​ຂ້າພະເຈົ້າ​ໄດ້​ເຫັນ ຊົນຊາດ​ອິດສະຣາເອນ​ນີ້. ມີ​ກະສັດ​ອົງ​ໜຶ່ງ​ຈະ​ເກີດຂຶ້ນ ດັ່ງ​ດວງ​ແຈ້ງ​ໃນ​ຊົນຊາດ​ຂອງ​ພວກເຂົາ ເໝືອນ​ດາວ​ຫາງ​ອັນ​ຊົງຣິດ ທີ່​ມາ​ຈາກ​ຊາດ​ອິດສະຣາເອນ​ນັ້ນ ເພິ່ນ​ຈະ​ເຂັ່ນຂ້າ​ເປັນ​ໝູ່ ຜູ້ນຳ​ຂອງ​ໂມອາບ​ທັງຫລາຍ ຜູ້​ທີ່​ໂຫດຮ້າຍ​ແລະ​ຈອງຫອງ. ເພິ່ນ​ຈະ​ປາບ​ພວກເຂົາ​ໝົດ​ທຸກຄົນ​ຖິ້ມ.

ຈົດບັນຊີ 25:6

ມີ​ຊາວ​ອິດສະຣາເອນ​ຜູ້ໜຶ່ງ​ໄດ້​ນຳ​ຍິງ​ຊາວ​ມີດີອານ​ຜູ້ໜຶ່ງ ເຂົ້າ​ໄປ​ໃນ​ເຕັນ​ຂອງຕົນ​ຕໍ່ໜ້າ​ໂມເຊ ແລະ​ຊຸມຊົນ​ທັງໝົດ ໃນ​ຂະນະທີ່​ກຳລັງ​ໄວ້ທຸກ​ທີ່​ທາງເຂົ້າ​ຫໍເຕັນ​ບ່ອນ​ຊຸມນຸມ.

ຈົດບັນຊີ 31:1

ພຣະເຈົ້າຢາເວ​ໄດ້​ກ່າວ​ຕໍ່​ໂມເຊ​ວ່າ,

ຈົດບັນຊີ 31:8

ຕະຫລອດ​ທັງ​ກະສັດ​ມີດີອານ​ຫ້າ​ຄົນ ດັ່ງນີ້: ເອວີ, ເຣເກມ, ຊູຣະ, ຮູເຣ ແລະ​ເຣບາ. ພວກເຂົາ​ໄດ້​ຂ້າ​ບາລາອາມ​ລູກຊາຍ​ຂອງ​ເບອໍ​ດ້ວຍ.

ພວກ^ຜູ້ປົກຄອງ 11:25

ທ່ານ​ຄິດ​ວ່າ​ທ່ານ​ດີກວ່າ​ເຈົ້າ​ບາຫລາກ​ລູກຊາຍ​ຂອງ​ຊິບໂປ ກະສັດ​ແຫ່ງ​ໂມອາບ​ບໍ? ເພິ່ນ​ເຄີຍ​ຜິດຖຽງ​ຊາດ​ອິດສະຣາເອນ​ບໍ? ຫຼື​ເພິ່ນ​ເຄີຍ​ໄດ້​ໄປ​ເຮັດ​ເສິກ​ຕໍ່ສູ້​ພວກເຂົາ​ບໍ?

ພວກ^ຜູ້ປົກຄອງ 6:1

ມີ​ຄັ້ງໜຶ່ງ​ອີກ ປະຊາຊົນ​ອິດສະຣາເອນ​ໄດ້​ເຮັດ​ບາບ​ໃນ​ສາຍຕາ​ຂອງ​ພຣະເຈົ້າຢາເວ. ດັ່ງນັ້ນ ພຣະເຈົ້າຢາເວ​ຈຶ່ງ​ໃຫ້​ພວກ​ມີດີອານ​ປົກຄອງ​ພວກເຂົາ​ເປັນ​ເວລາ​ເຈັດ​ປີ.