ຈົດບັນຊີ 21:8 - ພຣະຄຳພີສັກສິ

⁸ ແລ້ວ​ພຣະເຈົ້າຢາເວ​ກໍໄດ້​ບອກ​ໂມເຊ​ໃຫ້​ເຮັດ​ງູ​ເປັນ​ທອງສຳຣິດ​ຕອກ​ຕິດ​ໄວ້​ກັບ​ເສົາ ເພື່ອ​ວ່າ​ຜູ້ໃດ​ຜູ້ໜຶ່ງ​ທີ່​ຖືກ​ງູ​ຕອດ ເມື່ອ​ແນມ​ເບິ່ງ​ງູ​ທອງສຳຣິດ​ນັ້ນ​ແລ້ວ​ກໍໄດ້​ຮັບ​ການ​ປິ່ນປົວ​ໃຫ້​ຫາຍ​ດີ.

ຈົດບັນຊີ 21:8 Jak'a apnaqawi uñst'ayäwi

2 ກະສັດ 18:4

ເພິ່ນ​ໄດ້​ທຳລາຍ​ບ່ອນ​ຂາບໄຫວ້​ຂອງ​ພະ​ຕ່າງຊາດ, ໄດ້​ທັບ​ເສົາ​ສັກສິດ ແລະ​ຕັດ​ຮູບ​ຂອງ​ເຈົ້າແມ່​ອາເຊຣາ. ເພິ່ນ​ຍັງ​ໄດ້​ທັບ​ຮູບ​ງູ​ທອງສຳຣິດ​ທີ່​ໂມເຊ​ໄດ້​ຫລໍ່​ຂຶ້ນ​ຊື່​ວ່າ ເນຮູຊະຕານ. ມາ​ຈົນເຖິງ​ເວລາ​ນັ້ນ ປະຊາຊົນ​ອິດສະຣາເອນ​ຍັງ​ເຜົາ​ເຄື່ອງຫອມ​ບູຊາ​ຮູບ​ງູທອງ​ນີ້​ຢູ່.

ເພງ^ສັນລະເສີນ 145:8

ພຣະເຈົ້າຢາເວ​ເຕັມໄປດ້ວຍ​ພຣະຄຸນ​ແລະ​ຄວາມ​ເມດຕາ ໂກດຮ້າຍ​ຊ້າ​ແລະ​ມີ​ຄວາມຮັກ​ອັນ​ໝັ້ນຄົງ.

ເອຊາຢາ 14:29

ປະຊາຊົນ​ຊາວ​ຟີລິດສະຕິນ​ເອີຍ ໄມ້ຄ້ອນ​ທີ່​ໃຊ້​ຕີ​ພວກເຈົ້າ​ນັ້ນ​ຫັກ​ສາ​ແລ້ວ ແຕ່​ພວກເຈົ້າ​ຢ່າ​ສູ່​ຟ້າວ​ດີໃຈ. ເມືອ​ງູ​ໂຕໜຶ່ງ​ຕາຍໄປ ງູ​ໂຕ​ໂຫດຮ້າຍ​ທີ່ສຸດ​ກໍ​ຂຶ້ນ​ມາ​ແທນ ເໝືອນ​ດັ່ງ​ໄຂ່ງູ​ຟັກ​ອອກ​ເປັນ​ໂຕ​ມັງກອນ.

ເອຊາຢາ 30:6

ຕໍ່ໄປນີ້​ແມ່ນ​ຖ້ອຍຄຳ​ຂອງ​ພຣະເຈົ້າ​ກ່ຽວກັບ​ສັດ​ຕ່າງໆ ໃນ​ຖິ່ນ​ແຫ້ງແລ້ງ​ກັນດານ​ທາງ​ພາກໃຕ້: “ບັນດາ​ທູດ​ເດີນທາງ​ຜ່ານ​ປະເທດ​ທີ່​ເປັນ​ອັນຕະລາຍ ຄື​ບ່ອນ​ທີ່​ມີ​ໂຕສິງ, ງູພິດ ແລະ​ມັງກອນ​ທີ່​ເຫາະ​ໄດ້. ພວກເຂົາ​ບັນທຸກ​ຂອງຂວັນ​ລາຄາ​ແພງ ໃສ່​ເທິງ​ຫລັງ​ລໍ ແລະ​ອູດ​ໄປ​ໃຫ້​ຊົນຊາດ​ໜຶ່ງ​ທີ່​ຊ່ວຍເຫລືອ​ຫຍັງ​ບໍ່ໄດ້.

ເອຊາຢາ 45:22

ຊາວ​ໂລກ​ທັງ​ໂລກ ຈົ່ງ​ກັບ​ມາ​ຫາ​ເຮົາ ເຮົາ​ເທົ່ານັ້ນ​ຄື​ພຣະເຈົ້າ​ແລະ​ຊ່ວຍ​ໃຫ້​ພົ້ນ​ໄດ້.

ໂຢຮັນ 3:14

ໂມເຊ​ໄດ້​ຍົກ​ງູ​ຂຶ້ນ​ໃນ​ຖິ່ນ​ແຫ້ງແລ້ງ​ກັນດານ​ຢ່າງ​ໃດ ບຸດ​ມະນຸດ​ກໍ​ຕ້ອງ​ໄດ້​ຮັບ​ການ​ຍົກ​ຂຶ້ນ​ຢ່າງ​ນັ້ນ,