ຈົດບັນຊີ 20:16 - ພຣະຄຳພີສັກສິ

¹⁶ ແລະ​ພວກ​ຂ້າພະເຈົ້າ​ກໍໄດ້​ຮ້ອງ​ຂໍ​ຕໍ່​ພຣະເຈົ້າຢາເວ​ໃຫ້​ຊ່ວຍເຫລືອ. ພຣະອົງ​ໄດ້ຍິນ​ຄຳ​ຮ້ອງໄຫ້​ຂອງ​ພວກ​ຂ້າພະເຈົ້າ ຈຶ່ງ​ສົ່ງ​ເທວະດາ​ຕົນ​ໜຶ່ງ​ນຳພາ​ພວກ​ຂ້າພະເຈົ້າ​ອອກ​ມາ​ຈາກ​ປະເທດ​ເອຢິບ. ໃນ​ເວລານີ້ ພວກ​ຂ້າພະເຈົ້າ​ພັກ​ຢູ່​ທີ່​ກາເດັດ ເມືອງ​ທີ່​ຢູ່​ໃກ້​ກັບ​ເຂດແດນ​ຂອງທ່ານ​ນີ້ເອງ.

ຈົດບັນຊີ 20:16 Jak'a apnaqawi uñst'ayäwi

ອົບພະຍົບ 14:10

ເມື່ອ​ຊາວ​ອິດສະຣາເອນ​ໄດ້​ເຫັນ​ກະສັດ​ຟາໂຣ​ກັບ​ທະຫານ​ຂອງ​ເພິ່ນ​ໄລ່​ຕິດຕາມ​ມາ; ພວກເຂົາ​ຕ່າງ​ກໍ​ແຕກຕື່ນ​ຕົກໃຈ​ຢ່າງ​ໜັກ ທັງ​ຢ້ານ​ທັງ​ຮ້ອງ​ຫາ​ພຣະເຈົ້າຢາເວ​ໃຫ້​ຊ່ວຍເຫລືອ.

ອົບພະຍົບ 14:19

ສ່ວນ​ເທວະດາ​ຂອງ​ພຣະເຈົ້າ ຕົນ​ທີ່​ເຄີຍ​ນຳ​ໜ້າ​ຊາວ​ອິດສະຣາເອນ​ໄປ ກໍ​ມາ​ຢູ່​ເບື້ອງ​ຫລັງ​ພວກເຂົາ. ເສົາເມກ​ຊຶ່ງ​ຢູ່​ຂ້າງ​ໜ້າ​ກໍໄດ້​ຍ້າຍ​ກັບ​ມາ​ຂັ້ນ​ທາງ​ກາງ

ອົບພະຍົບ 23:20

ເຮົາ​ຈະ​ໃຊ້​ເທວະດາ​ນຳ​ໜ້າ​ໄປ ເພື່ອ​ປົກປັກ​ຮັກສາ​ພວກເຈົ້າ​ໃນ​ການ​ເດີນທາງ ທັງ​ຈະ​ນຳ​ພວກເຈົ້າ​ໄປ​ບ່ອນ​ທີ່​ເຮົາ​ໄດ້​ຈັດແຈງ​ໄວ້.

ອົບພະຍົບ 33:2

ເຮົາ​ຈະ​ສົ່ງ​ເທວະດາ​ນຳ​ໜ້າ​ພວກເຈົ້າ​ໄປ ແລະ​ເຮົາ​ຈະ​ຂັບໄລ່​ຊາວ​ການາອານ, ອາໂມ, ຮິດຕີ, ເປຣີຊີ, ຮີວີ ແລະ​ຊາວ​ເຢບຸດ ອອກ​ໄປ.

ອົບພະຍົບ 6:5

ມາບັດນີ້ ເຮົາ​ໄດ້ຍິນ​ສຽງ​ຄວນຄາງ​ຂອງ​ຊາວ​ອິດສະຣາເອນ ຜູ້​ທີ່​ຖືກ​ຊາວ​ເອຢິບ​ບັງຄັບ​ໃຫ້​ເປັນ​ທາດຮັບໃຊ້ ແລະ​ເຮົາ​ໄດ້​ຈົດຈຳ​ພັນທະສັນຍາ​ຂອງເຮົາ.

ດານີເອນ 6:22

ພຣະເຈົ້າ​ໄດ້​ໃຊ້​ເທວະດາ​ຂອງ​ພຣະອົງ​ມາ​ອັດ​ປາກ​ສິງ​ໄວ້ ເພື່ອ​ບໍ່​ໃຫ້​ມັນ​ທຳຮ້າຍ​ຂ້ານ້ອຍ. ຂ້າແດ່​ພະຣາຊາ ພຣະເຈົ້າ​ໄດ້​ເຮັດ​ດັ່ງນີ້​ຍ້ອນ​ພຣະອົງ​ຮູ້ວ່າ ຂ້ານ້ອຍ​ບໍ່ມີ​ຄວາມຜິດ​ຫຍັງ​ແລະ​ຂ້ານ້ອຍ​ກໍ​ບໍ່ໄດ້​ເຮັດ​ຜິດ​ຫຍັງ​ຕໍ່​ທ່ານ.”

ຈົດບັນຊີ 20:15

ແລະ​ບັນພະບຸລຸດ​ຂອງ​ພວກ​ຂ້າພະເຈົ້າ​ໄດ້​ໄປ​ທີ່​ປະເທດ​ເອຢິບ ບ່ອນ​ທີ່​ພວກເພິ່ນ​ໄດ້​ອາໄສ​ຢູ່​ເປັນ​ເວລາ​ຫລາຍ​ປີ. ຊາວ​ເອຢິບ​ໄດ້​ກົດຂີ່​ຂົ່ມເຫັງ​ບັນພະບຸລຸດ​ຂອງ​ພວກ​ຂ້າພະເຈົ້າ ຕະຫລອດ​ທັງ​ພວກ​ຂ້າພະເຈົ້າ​ດ້ວຍ

ຈົດບັນຊີ 21:22

“ກະລຸນາ​ໃຫ້​ພວກ​ຂ້າພະເຈົ້າ​ຜ່ານ​ດິນແດນ​ຂອງທ່ານ​ໄປ​ແດ່ທ້ອນ. ພວກ​ຂ້າພະເຈົ້າ​ກັບ​ຝູງສັດ​ຈະ​ໄປ​ຕາມ​ຖະໜົນ ແລະ​ຈະ​ບໍ່​ເຂົ້າ​ໄປ​ໃນ​ໄຮ່​ນາ​ຫລື​ສວນອະງຸ່ນ​ເລີຍ ແລະ​ຈະ​ບໍ່​ດື່ມ​ນໍ້າ​ຈາກ​ບໍ່​ໃດໆ​ຂອງທ່ານ ພວກ​ຂ້າພະເຈົ້າ​ຈະ​ໄປ​ຕາມ​ຖະໜົນ​ໃຫຍ່ ຈົນກວ່າ​ຈະ​ພົ້ນ​ເຂດແດນ​ຂອງທ່ານ​ອອກ​ໄປ.”

ພຣະບັນຍັດສອງ 4:34

ມີ​ພຣະເຈົ້າ​ອົງ​ໃດ​ອີກ​ທີ່​ກ້າ​ໄປ​ເອົາ​ປະຊາຊົນ​ຈາກ​ຊາດ​ອື່ນ ແລະ​ເອົາ​ມາ​ຫລໍ່ຫລອມ​ໃຫ້​ເປັນ​ປະຊາຊົນ​ຂອງຕົນ ເໝືອນ​ດັ່ງ​ພຣະເຈົ້າຢາເວ ພຣະເຈົ້າ​ຂອງ​ພວກເຈົ້າ ໄດ້​ເຮັດ​ໃນ​ປະເທດ​ເອຢິບ? ຕໍ່ໜ້າຕໍ່ຕາ​ຂອງ​ພວກເຈົ້າ ພຣະອົງ​ໄດ້​ໃຊ້​ຣິດອຳນາດ​ກັບ​ພະລັງ​ອັນ​ຍິ່ງໃຫຍ່​ແລະ​ຣິດເດດ​ຂອງ​ພຣະອົງ; ພຣະອົງ​ໄດ້​ໃຫ້​ໂຣກ​ລະບາດ​ກັບ​ສົງຄາມ​ເກີດຂຶ້ນ, ເຮັດ​ສິ່ງ​ອັດສະຈັນ​ກັບ​ໝາຍສຳຄັນ​ຕ່າງໆ ແລະ​ເຮັດ​ໃຫ້​ສິ່ງ​ອັນ​ໜ້າຢ້ານກົວ​ຍິ່ງ​ເກີດຂຶ້ນ.

ພຣະບັນຍັດສອງ 4:37

ເພາະ​ພຣະອົງ​ໄດ້​ຮັກ​ປູ່ຍ່າຕາຍາຍ​ຂອງ​ພວກເຈົ້າ ພຣະອົງ​ຈຶ່ງ​ເລືອກ​ເອົາ​ພວກເຈົ້າ ແລະ​ນຳພາ​ພວກເຈົ້າ​ອອກ​ມາ​ຈາກ​ປະເທດ​ເອຢິບ ໂດຍ​ຣິດອຳນາດ​ອັນ​ຍິ່ງໃຫຍ່​ຂອງ​ພຣະອົງ.

ໂຢຊວຍ 15:1

ຄອບຄົວ​ຕ່າງໆ​ໃນ​ເຜົ່າ​ຢູດາ​ໄດ້​ຮັບ​ສ່ວນ​ໜຶ່ງ​ຂອງ​ດິນແດນ​ມີ​ດັ່ງນີ້: ດິນແດນ​ທາງທິດໃຕ້​ໄປ​ຈົນເຖິງ​ໃຕ້​ສຸດ​ຮອດ​ຖິ່ນ​ແຫ້ງແລ້ງ​ກັນດານ​ຊິນ ທີ່​ຊາຍແດນ​ຂອງ​ດິນແດນ​ເອໂດມ.